Chapter 18

Cikar lokacin tafyar su.

Cikin abin da bai rufe awa ɗaya da ƴan kai ba Saleem ya gama sallamar du wani ma'aikaci da ke aiki a cikin gidan MUHASEEN, ba wai an sallame su hakanan kawai ba, an saleme su ne sai kuma idan ya dawo gidan suma su dawo, domin ba za'a yanke albashin su ba duk watan duniya za'a biya su.

Securities kaɗai suka rage suma dan nasu aikin bai ƙare ba har sai ya bar garin cikin aminci sannan.

A shirye tsaf cikin kayan gargajiya Saleem ya fito yana danna tsadaddiyar wayarsa, tsak ya tsaya tare da sakin baki yana kallon Muhaseen wanda ya cake cikin shiga irin ta sarauta, sai ya rikiɗe gaba ɗaya ya saura likin shigar irinta alfarma, ga wani kwarjini da ya kumalulluɓe shi da cikar zati.

Ganin fitowar Saleem ya saka shi tashi tsaye ya soma takawa cike da izza wacce ke nuni da shi ɗin jinin sarauta ne gaba da baya, haɗiyar yawu Saleem ya yi tare da bin bayan shi yana yaba kyawun da ya yi.

Har suka isa cikin mota babu wanda ya ce komi a tsakaninsu, du yanda bakin Saleem ke ƙaiƙayin ɗumi haka ya haƙura ya shanye dan baiga fuska a nan ba.

Lumshe ido Muhaseen ya yi tare da soma jero addu'o'i kariya a zuciyarsa, yayin da wani abu da sam baya son wanzuwar shi a tare da shi ya soma bin jinin jikin shi.

Ko da suka isa airport bai fito ba kamar yanda Saleem ya fita, sai da aka kammala komi har pasinger sun soma shiga sannan Saleem ya so ya sanar da shi.

Tare da Gurds ɗin sa ya jera suna kewaye da shi suna bashi kariya, sai de kuma kewayen da suka yi mashi bai hana a ranar da ƙaddara ta wanzu ta keta ta tsakaninsu ka wanzu akan shi ba, kamar de ranar da ƙaddara da fizgi idanuwansa har ya yi tozali da wacce ta hana ruhin shi nutsuwa, gaba ɗaya zuciyarshi bata tare da shi sam tana can wajen da bai san ko ina ne ba a garin Legos.

Har ya daidaita zaman shi a kan kujerar jirgi amma sam babu nutsuwa a zuciyar shi, gaba ɗaya tunanin ya cika ta taf.

KANO STATE.

Jirgin su bai yi landing ako ina ba sai a cikin airpot da ke a garin Kano ta dabo tumbin giwa, yayinda jami'ai gami da masu kakin fada irinna gidan sarauta suka cike wajen da aka tanada dan taryar fasinja.

Tun da ya diro da ƙafarsa a ƙasa ya taka ƙasar data zama mallaki a gare shi, wani abu ya shiga ratsa jinin jikin shi yana tsuma shi yayin da izza ta sake baibaye ilahirin jinin jikin shi, nan take komi na shi ya soma sauyawa da irin sauyin da yake fuskanta a du lokacin da ya dira ƙafarsa a cikin garin Kano.

Yayinda bushe-bushen algaita ya shiga ratsa ƙofofin kunnuwansa nan take jinin mulki ya soma aiki a jikinsa, har aka buɗe ma shi mota ya shiga bai koda buɗe laɓɓan bakinsa da sunan magana ba, hasalima fadawa da jami'an da aka barbaza a wajen basu bawa ƴan jaridar da suka baibaye wajen datar matsawa kusa da shi ba.

A jere motocin suka shiga tseren gudu suna barin airpot ɗin da haka har suka fice gaba ɗaya.

MASARAUTAR KANO

Lokacin da aka buɗe babbar ƙofar da aka tanada dan wucewar shi har cikin masarautar, gaba ɗaya ya gagara samun nutsuwa yayin da kan shi ya soma sarawa da tsananin ƙarfi kamar zai rabe gida biyu, ga wata kururuwa da ke ratsawa ta cikin dodon kunnen shi tana shiga har can cikin kan shi, dafe saitin zuciyar shi da wani abu me kamar mashi ya daka ya yi tare da furta.

"Hazbunallahu wani'imal wakil."

Tare da dukanin addu'o'in tsari, bai bari kowa ya gane yanayin da yake ciki ba ciki kuwa har da fadawan da suka buɗe ƙofa a gareshi cike da girmama.

Duk taku ɗaya da zai yi daidai yake da ƙaruwar azabar da ya ke ji na baibaye shi, sai de bai karaya ba ya dake gami da shanyewa ya ci gaba da takawa yana tunkarar wanzajiyar ƙaddarar da ke zaman jiran shi.

Zama ya yi akan lallausar ƙasaitaciyar kujerar da aka ƙera da ɗanyan zinare, nan take ya lumshe ido wasu zafafan hawaye na cika idanuwan shi, duk yanda yaso ya shanye amma abin ya gagara, ba komi ne ya saka shi hawaye ba illa hango fuskokin mutane uku masu matuƙar muhimmanci a gareshi da yayi, da kuma tuno lokacin da wani mutum me daraja ke zaune akan kujerar.

MUHASEENNNNNNNNNN🗣️🗣️

Wasu muryoyi suka yi tarayya wajen kiran sunan shi da ƙarfi kuma atare, sai kawai ya ɗaga kan shi sama ya saki kuka me sauti, sake damƙar hannun kujerar ya yi da iya ƴarfinsa ya shiga jijjigawa tururi gami da sautin kuka na fitowa daga bakinsa.

Tun bayan shigarsa ɗakin fadawan da ke tsaron lafiyarsa suka shiga kewaye wajen bayan sun rufe ƙofar, dan umarnine daga sama akan bawa wajen tsaro da kariya na musamman, babu mahaluƙin da ya isa ya gifta ta wajen ba tare da an gan shi ba.

ƊAKIN DUHU.

Zare idanuwanta da suka ture zuwa jajaye ta yi tana sake saita ƙwari da bakar da ke zane jikin ɓaƙar takarda, fari sol ɗin hakkin wanda ya zama shi ne kibiyar ta saita a daidai saitin alon ƙirjin mutumin da aka zama da zan fenti, sannan ta saka yatsanta ta harba da iya ƙarfinta, a wannan karon baya ta yi da sauri jikinta na rawar mazari, duk da ta kauce zuwa ƙasa sai da zafin dafin kibiyar tsafin ya huro mata a gefen idonta har cikin kai, inda nan take gashin wajen ya ƙone saboda azabar ƙarfin tsafi.

Zare jajayen udanuwanta ta ci gaba da yi bakinta a buɗe sanda ta ɗago takai dubanta akan zanen takardar, gumin tashin hankali ta sharce tare da kallo shatin harbin kibiyoyin da tayi amma im banda ɗaya jal babu wacce ta harba daidai, damƙar baƙar takardar ta yi da iya ƙarfinta zuciyarta na tafarfasa tana ci da wuta, bata jira komi ba ta saka hannu ya yage takardar biyu hakan bai ishe ta ba sai da ta ketata gutsi-gutsi sannan ta ɗauki wata ƙwaryar da aka saka alƙalami a kai da jini a cikinta ta yi wurgi da ita nan take ta faɗi ƙasa a haukace ta shiga ihu gami da kururuwa tana gwara kanta da bango.

SASHEN GIMBIYA.

Da tsananin gudu hadimai biyu mata suka shiga sashen Gimbiya Husna bayan sun nemi izini a gaggauce, a gabanta suka zube suna haki kafin ɗaya daga cikin su ta soma kora jawabi cikin ɗimauta.

"Allah ya taimaki gimbiyar Sarki muna masu baƙin cikin sanar da ke cewar ciwon Sarauniya Zainaba ya tashi yanzu-yanzunan tana a cikin mawuyacin yanayi tana da buƙatar agajin gaugawa."

Farinciki ne ya baibaye zuciyar Gimbiya Husna, yayinda a fili ta tashi daga kishingiɗen da take a kiɗime tana jeranto salati sannan ta ce.

"Na yi umarni a sanar da Sarki faruwar wannan lamari, sannan ina me jajantawa Allah ya bata lafiya, zan shiga yanzu-yanzunan in duba jikin nata."

Tana gama faɗin hakan ta miƙe tsaye, yayin da Kuyanginta suka shiga take mata baya cike da ladabi.

Da hanzari bayin suka tashi dan isar da saƙon Gimbiya Husna zuwa ga Me martaba Sarki.

Zagaye matar da ke kwance a ƙasa kamar gawa Gimbiya Husna ta soma yi, wanu irin sanyi na baibaye zuciyarta yayin da a ƙasaice ta tsuguna ƙada nesa kaɗan da matar sannan ta sona faɗin.

"Sarauniya Zainaba tabbas za ki dawwama a wannan yanayin ba za ki sake jin daɗin rayuwarki ba, taki ta riga da ta ƙare ki jira zuwan lokacin da zan tsinke sauran igiyoyin da ke riƙe da numfashin ki "

Ta yi maganar tana yin alamar yankewa da yatsun hannayenta biyu cike da mugunta.

Wani mummunan murmushi Sarauniya Zainaba ta yi a ƙasan ranta sanda kalaman Gimbiya Zainaba suka sauka a cikin kunnuwanta, tsaf ta gama naɗe dukanin maganganun data faɗa mata a kwanyarta tana jiran cikar lokacin data ɗiba dan aiwatar da ƙudurinta.

Fit Gimbiya Husna ta fice daga ɗakin tana sharar hawaye kamar da gaske, yayinda gabanta yai mummunar dokawa jiyo amon sautin muryar Sarauniya Zainaba na tashi cikin mummunar dariya, bata ƙara mintuna biyar a wajen ba ta fice kuyangin ta na take mata baya.

Sannu a hankali ya soma jin yana dawowa daidai yayin da wannan abin da ke sukar ƙahon zuciyar shi ya tsaya lokaci ɗaya, muryoyin da ke yi ma shi amsa kuwa suma suka ɗauke kamar laukewar ruwan sama a lokacin damuna, a hankali ya ɗaga idanuwan shi da suka jiƙe jagab da ruwan hawaye yana kallon saitin wani waje a cikin ɗakin na alfarma a fili ya furta.

"Idan ke ce zaki zamo silar warwarewar tsakuɗaɗen zaren daya baibaye rayuwata, na roƙe ƙi da ki sake bayyana a gare ni a karo na biyu, ina da buƙatar kwarin guiwa dan aiwatar da tarin aiyukan da ke gabana, ki zo ki zama hasken da zai haska min hanyar duhun da zan tunkara."

Ya yi maganar yana damƙar iska a cikin hannuwan shi sannan ya langaɓe kan shi gefe ɗaya yana fizgar numfashin sa.....

LEGOS NIGERIA

AGEGE.

Yunƙurawa Najla ta yi tare da tashi da ƙarfi har taba bige hannunta da jikin ginin da ke kusa da gadon da ta ke a kai, da sauri ta dafe saitin zuciyarta da ta sauya yanayin bugu lokaci ɗaya, gaba ɗayanta a ruɗe ta ke har bata iya tantance inda ta ke jiyo sautin muryar Umma da take jin maganarta can sama.

"Innalillahi Najla lafiyar ki ƙalau kuwa, ki yi addu'a ki maimata abin da zan faɗa, Hasbunallahu wani'imal wakil."

Caraf Najla ta amshe tare da soma maimaitawa da ɗan ɗaga sauti yayinda gaba ɗaya jikinta ke rawar mazari kamar wacce aka jonawa shock.......✍🏻

LABARI DAI NATA SAUYA SALO, GA SHI MUN ZO MASARAUTA, TO DAI KU BIYO NI DAN WARWARE ZARE DA ABAWA KARKU MANTA DA DANNA MIN LIKE SANNAN KU TAYA NI SHARE A GROUPS ƊIN KU NA WATSAPP.

NI CE TAKU

MARYAM STAR ⭐⭐⭐ƳAR BAIWAR JAJIRTATTU

Follow this link to join my WhatsApp group: ***

🌹𝙈𝙐𝙃𝘼𝙎𝙀𝙀𝙉🌹

(𝐿𝑎𝑏𝑎𝑟𝑖𝑛 𝑧𝑢𝑐𝑖𝑦𝑎 𝑚𝑒 𝑐𝑖𝑘𝑒 𝑑𝑎 𝑘𝑢𝑛𝑐𝑖, 𝑟𝑎𝑦𝑢𝑤𝑎 𝑚𝑒 𝑐𝑖𝑘𝑒 𝑑𝑎 𝑡𝑎𝑟𝑖𝑛 𝑘𝑎𝑙𝑢𝑏𝑎𝑙𝑒😔.)

𝙒𝙍𝙄𝙏𝙀 𝘽𝙔

𝙈𝘼𝙍𝙔𝘼𝙈 𝙎𝙏𝘼𝙍⭐.

💪𝙅𝘼𝙅𝙄𝙍𝙏𝘼𝙏𝙏𝙐 𝙒𝙍𝙄𝙏𝙀𝙍,𝙎 𝘼𝙎𝙎𝙊𝘾𝙄𝘼𝙏𝙄𝙊𝙉💪

✊ 𝙏𝙃𝙀 𝙎𝙃𝙄𝘿𝙊𝙍𝙄𝘼 𝙒𝙍𝙄𝙏𝙀𝙍𝙎 𝙏𝙀𝘼𝙈🤝

***

𝙋𝘼𝙄𝘿 𝘽𝙊𝙆

𝙎𝙀𝘼𝙎𝙊𝙉 𝙊𝙉𝙀