Babi na goma sha huɗu

SHI SO DABAN YAKE🌸

By Khadija Ado Ahmad(dijensy)

14

Jidda wani irin sanyi jikinta yayi tana kallon yanayin Hassan bata taɓa ganinsa a irin wannan yanayin ba ba ɗaure fuska yayi ba amma fuskarsa ƙarara takeda disappointment “Mai ne wannan Jidda?maganin mene kike sha?”Ya tambaya a tausashe ta fara wasa da yatsun hannunta tana tsuru tsuru da ido kamar wacce bakinta ke nauyi.

“Birth control”Ta amsashi bata iya ɗagowa sun haɗa ido ba yana riƙe da tablet ɗin maganin ya tako inda ta ke a tsaye ya kamo hannunta ya buɗe tafin hannunta ya ɗora mata ya rufe kafin ta ga ya wuce cikin ɗakinsu gwiwa ba ƙwari ta ke takawa ta ɗauki jakar tata ta komo ɗakin sif ya buɗe agogon hannunsa ya zare ya ajje yana mai juyawa ba tare da ya kalleta ba ya fita daga ɗakin tana binsa da ido tsakar gida ya fita yana jan wata kujerar zama doguwa da yake zama idan cikin gidan da zafi ya fita ƙofar gida ya zauna yana jingina da jikin bango shi kaɗai yasan irin raɗaɗin da zuciyarsa ke masa yana kallon sararin samaniya a yayinda zuciyarsa ke masa saƙe saƙe ba adadi wanda yake ta iya ƙoƙarin ya nisanta kansa daga jin tasirin duk wata damuwa da zata yo kaikawo a ransa.

     Kayanta ta cire tana shiga wanka ta fito ta saka kayan bacci duk abinda take jiki a sanyaye take yinsa ,fitowa tayi daga ɗakin ta shiga kitchen tana tunanin ina ya je ta shiga kitchen ɗin ta ɗauki tukunya ba abinda ta saba yi bane idan sun dawo tayi girki irin wannan lokacin amma yanzu ta tsiri dafa indomie ta kammala ta zuba a plate ta kai parlour tana tsayawa ta rasa mai zata yi ta shiga shawara tana tunanin yadda zata tunkari Hassan tana wannan tunanin ya dawo ciki ta fito tsakar gidan ta ganshi “Ga abinci na gama kar tayi sanyi indomie na dafa maka”Jidda ta faɗa Hassan yace “Na ƙoshi sallah zan shiga”Ya furta yana yin alwala ya fita sallar isha ya dawo Jidda tana kallo indomie ta sandare  tayi shigewarta ɗakin ya fita waya take dannawa amma hankalinta baya kai ta na yi tana kallon ƙofar shigowa tana jira ya dawo  sai wajen shaɗaya ta ga ya shigo idanunta ta mayar kan wayar tana jinsa ya shiga banɗaki yayi wanka ya fito ya sa jallabiya fara.Jakar makaranta ya ɗakko yana zama kan darduma inda ya saba zaunawa da fitila yake ta karanta littafinsa daga baya aka dawo da nepa ta tashi ta je ta sa wayarta charge tana ajjeta ta komo kan katifar tana gyara pillow tana satar kallonsa ta kwanta “Karki manta kiyi addua”Ta ji ya furta idanunsa akan littafin da ke gabansa ba tare da ya ɗago ya kalleta ba.

   “Tohm”Jidda ta amsa abinda bata taɓa yi ba mamaki ya cikata da taji ya mata magana duk a tunaninta fushi zai hana ya mata magana,ta jima kafin bacci ya ɗauketa ,washegari Hassan yana off  kamar yadda ya saba ya rigata tashi ya musu abin kari koda ta fito parlour tana kallon takwas da arbain na safe ta ga Hassan ɗin yana parlour kamar yadda ya saba ya jera komai.A sanyaye ta ƙaraso tana kallon yau daban ya zuba nashi bai haɗa musu plate ɗaya ba shiru tayi batare da tace komai ba ta yi karin safen ya rigata gamawa ya bar parlourn sauri tayi ta kammala ta dawo ɗaki ya shiga wanka ya fito ya shirya tana kallonsa cikin dark blue yadi ya gama ya goga turare Jiddan tana zaune ne daman tayi kamar waya take dannawa amma ba abinda take dannawa ta ajje kan katifar cikin sanɗa ta taso tana tsayawa gabansa ta shagwaɓe fuska ta ga ya ƙi bari su haɗa ido yana mayar da turaren ya ajje zai juya ya fita ta sake taresa haɗi da kamo hannunsa ɗaya tana riƙewa cikin nata “Hassan “Ta kira tana ƙoƙarin tsara maganar da zata faɗa mashi.

 “Kaga dai fushi ba halinka bane,nasan nayi laifi amma kayi haƙuri tun a jiyan ma na zubar Allah karka faɗawa Baba dan Allah”.Hassan sai yanzu ya sauke idanunsa ya kalleta ta zuba masa ido tana kallonsa cikin ido “I am sorry”.Ta sake faɗa “Ban kwana da fushinki ba Jidda”.Cewar Hassan “Amma meyasa kaki cin abincina jiya?”

“baki son haihuwa dani meyasa zaki so cin abinci dani?”

  “Fushi ɗin kenan ai ,ka haƙura yanzu?bazaka faɗawa baba ba?”

Kai ya girgiza “Har abada bazan taɓa kai ƙararki ba ,ba kuma naji zafi ba sabuda kaina ke nake jiyewa bakisan zai iya zama cutuwa gareki ba?da kin min magana akwai dabaru ai ba sai ta wannan hanyar ba duk lokacin dakika shirya ni bazan matsa maki haihuwa yanxu  ba amma shan maganin zai iya haifa maki matsala wa ma ya baki?”Sakin hannunsa tayi “Ai na yar dashi bazan sake shaba ba sai ka sani ba”.Ta faɗa sai da kyar  ya roƙeta ta faɗa masa makociyarta ta karɓa gunta tana kan tsarin maganin haihusa sai ta canja zuwa allura ita kuma shine take neman kai dashi jidda ta karɓa a gurinta tace mata tana sha ta ƙarɓo da ya ƙare ne ta sake siyo wani shine ya ganshi a jakar.Hassan ya rasa ma mai zece mata a shagwaɓe ta kallesa “Har yanzu kana jin haushi?”

  Kai ya girgiza mata “Bazan taɓa jin haushinki ba Jiddahty,kin san matsayinki anan?”Ya faɗa yana kamo hannunta ya dora a kirjinsa saitin zuciya yana kallonta “Ina ƙaunarki ,ina ƙaunarki Jidddaaa”.Ya ƙare da jan sunan cikin wata siga mai nuna zallar ƙauna Jidda kawai tana kallonsa bazata iya relating da abinda take ji a zuciyarta ba akansa ya shafa gefen fuskarta “Ba sai kin biyani da komai ba kawai roƙonƙi nake ki kula min da kanki a kodayaushe ,bana son abinda zai cutar dake”.Jidda tayi ƙasa da idanunta a lokacin da ya sunbaci goshinta ya riƙo hannunta “Ɗalibanmu zasu je musabaqa zan je can makaranta ta can zamu wuce”.

   “Sai kun dawo Allah taimaka”Ta furta yana kallonta murmushi a fuskarta kafin ya cire wayarsa a charge ya sa a aljihu ya fita.Kan katifa ta zauna tana mai ɗaukan wayarta ta kira Anty Baby sukayi waya sun ɗan daɗe kafin suyi sallama ta ajje wayarta gefe ta kwanta har ranta bata zata Hassan zai ɗauki abin da sauƙi haka ba da tunane tunane bacci ya ɗauketa bayan ta tashi da azahar tayi sallah ta shiga kitchen yau tayi abin arziki shinkafa da miya ta girka mai rai ta saka a warmer ,tana da zoɓo da Umma ta kawo mata ta tafasa ta haɗa ta aika aka siyo mata ƙanƙara ta sa a cooler ta koma ɗaki ta kunna kallo a waya.Hassan sai bayan isha ya dawo gida Parlour ta kawo abincin ta ajje tana masa mita zoɓon ba sanyi sosai tun ɗazu take sa ran dawowarshi hassan yayi murmushi yana zaunawa ya tankwashe ƙafa “Duk a yadda kika bani nasan zai min daɗi Amiraty kada ki damu”.Baki ta taɓe ya buɗe abincin ya zuba ba ƙaramin yaji tayi ba miyar amma haka ya daure ya cinye ga zoɓo ya ƙara yajin a harsheshi amma dukda haka Hassan bai nuna ba ko yayi ƙorafi sai ma faɗa mata yake yaji daɗin abincin tana kallonsa kawai.Wajen ƙarfe tara da rabi tana zaune kan kujerar ya zo ya zauna daga gefe wayarta take ta latsawa ta ji ya kwanta da jikinsa yana mai ɗora kanshi a cinyarta ta kallesa tana turo baki bata son ya takura mata fuskarsa ɗauke da murmushi yatsa yasa shafa  mata lips  ta doke hannunsa ya na mata dariya mara sauti ta hararesa komim yadda zai kai da bata haushi kyawun murmushi da dariyarsa bata kuɓucewa daga ganinta.

 “Baki taɓa faɗamin ba”

 “Me?”Ta tambaya tana kallon screen na wayarta a yayinda Hassan ya ke kallon fuskarta ya rungume hannayensa a kirjinsa.

 “Mai ne mafarkinki na rayuwa? misali kafin aurenmu”.

  Sauke idanunta tayi ta kallesa bata shiryawa tambayar tasa ba ,ta sauke wayar tana ɗan nazari “Babbar yar jarida  har na kai matakin da za a ganni a bbc ,ko wata barrister haka na dai yi suna in ga an san da ni meyasa ma kake tambayata?”Ta ƙare da faɗa tana kallonsa yayi faffaɗan murmushi “Mene?”Ta tambaya ganin har lokacin bai ce komai ba murmushi kawai yake.

  “Kai yanzu ma idan nace zan koma makaranta ɗin tsakani da Allah nasan ma ba bari zakai ba kai da kake ustaz  haram ne ko?”Hassan  ya zuba mata ido yana cigaba da murmushi “Mai yasa kika faɗi haka?”

“Sabida haka kake”.Ta amsa kai tsaye ya numfasa “Bazan hana ki karatu ba Jidda ,yanzu ke ce mafarkina duk wani mafarkina ya tattara akanki idan banda hali nan rayuwa bana son mu fara abinda bazan iya gama maki shi ba ,ba don hakan ba da tuni na sama maki admission yanzun ma ina da wannan niyyar shiyasa na zo maki da tambayar ,indai har na samu promotion ɗina na wajen aiki ya tabbata nayi maki alƙawari zaki cigaba da karatu ƙarƙashin abinda kike so ɗin ,ina alfahari da ke kuma nasani nan gaba ma zanyi a duk sanda na kalleki ina hango ki a wani babban mataki zaki yi farinciki a rayuwa zaki ji daɗi kullum ina addua in sha Allah bazan yi disappointing naki ba zaki tuna na faɗa maki ,ina son na zama silar farincikinki da cikar burin rayuwarki ta duniya da lahira da izinin Allah i will lead you to that dream”.

  Jidda ta kallesa “Toh kai baka da dream?”

 “Mafarkina yana dunqule waje guda da naki ,happy wife happy husband ko ba haka ba?”Ta giɗa kai wayarta ta ɗauka tana cigaba da latsawa Hassan ya rufe idaninsa har sannan yana kan cinyarta shiru ya ratsa parlourn  ,ta shagala da wayarta bata san ma yayi bacci ba sai da taji ƙafarta ta mata tsami ta ajje wayar tana motsawa tana kallonsa yana baccinsa hankali kwance ta ƙurama masa ido a iya zamanta da mutane da ta sani bata taɓa ganin mai haƙuri irin Hassan ba ko baba a sanin da ta masa don wani sain yana tsawatarwa itace daman ba ya mata amma daga baya ya saketa shikuwa hassan ga kowa yake yiwa hakurinnan.Hannunta ta tsinta da taɓa gashin kansa da ke kwance ganin ya ɗan motsa ta saurin janye hannun tayi tapping kafaɗarsa “Bacci zanyi ka tashi”Ta furta ta ga ya buɗe idanunsa murmushi ya sakar mata yana tashi zaune “Kafata tayi tsami”Ta furta ta matsa ƙafar.

 “Haba mugani”Ya faɗa yana ƙoƙarin duba mata ta ture hannunsa tana tashi “Allah ban bari ka sake ɗora min kanka akwai nauyi”.Yayi dariya “Nima ki kwanta min to”Tafiyarta tayi ɗaki tana barinsa tayi shirin kwanciya tana gyara pillow taji ya matso kusa da ita yana jawota jikinsa “Faɗa min yaushe ne kike son baby kinga sai na kiyaye”.Makale kafaɗa tayi yana ƙanƙameta a jikinsa “Faɗa min”.

   “Nan da wasu shekaru tukun”.Ta furta ya ɗora haɓarshi a gefen kafaɗarta daga bayan “Kamar shekara nawa kenan?”

 “Biyar”Ta amsa “Bai yawa ba?”Ta girgiza kai tana jin hannunsa na yawo a jikinta “Yadda kika ce zan fara kiyayewa daga yau”Ya furta yana juyo da ita suka haɗa ido yana binta da wani kallo me wuyar fassaruwa zallar shauqi da ƙaunarta ne a cikinsu saƙonnin dayake aika mata a hankula suke shigarta saɓanin koyaushe yau gabaki ɗaya ta sakar masa jikinta suna lulawa duniyar maaurata…….