DAN WAYE?

Sample · Book 1 (Farko)

Bisimillahir Rahmanir RaheemDAN WAYE???Ko ina cikin gidan a hargitse yake. Wasu kayan cikin akwatuna, wasu cikin kwalaye, wasu kuma an tara su gefe an lullube su da manyan mayafi farare, ko ba’a tambaya ba alamu sun nuna mutanen da ke gidan suna shirin barin gidan ne. darfe bakwai na yamma agogon dasar London ya nuna a halin yanzu. Gaba daya mutan gidan suna zaune bisa datuwar darduma suna cin abincin dare. A cikin su babu mai Magana, kowa dibar abinci yake yana kaiwa bakin sa rai bace tamkar masu cin magani. daya tak a cinkinsu ya yake cin abinci hankali kwance. Abban sun a laura da kowa, dan murmushi yayi kafin yayi gyran murya yace, “Amma dai yaran nan ku nab a ni mamaki, yanzu, saboda za ku bar kasar nan shine kuke wani cin magani kamar wadanda aka yi wa mutuwa? “Yayi dan guntun tsaki sannan ya ci gaba, “Ko kun so, ko kun di, Najeriya itace kasar ku!”matashin dake kusa da shi ya dago idanuwa farare tas ya dube shi yace, “Abba ka daina yin jam’i, don dai ka san ni yau jajibari ne, gobe sallah.” Ya dafa shi yace, “Ai dama ba da kai nake ba yaro na. Ai kai dan najeriya ne, hanta da jini babu mai raba ku.” Duk sauran suka bi su da kallo yayinda umman su ke kwasar dariya, Hamza ya gyara zama yace, “To dama wa zai hada kansa da kai yaya? Kai fa na daban ne. ga ka nan wani badauye-badauye, dan birni-birni Oho! Na ma rasa ajin ka.” Suka tintsire da dariya ban da yayan sa, wayar sa ma ya jawo yana neman wasu lambobi yayinda ‘yar daramansu Na’ima ke fadin, “Abba, kai ma dai kasan Najeriyar nan sai a hankali, matsalar wutan lantarki kadai ta ishi mutum. Sai ka sakankance kawai kaji dif, an bar ka a duhu.”     Suka dara sa dariya. Abdul-Aziz ya dora waya a kunni, fuska yamutse yace, “Don Allah a saurara zan yi waya da madam.”Duk suka zubo masa Ido Hamza da Na’ima su na wani tabe baki. “Wa alaiki salam ya Madam!” Inji Abdul-Aziz ya amsa sallamar da aka yi masa ta waya. Bakinsa har kunni ya ci gaba da fadin, “Ya ki ke ya tsohon mijinki?” Daga dayan bangaran aka amsa, “lafiya lau muke. To ya shirye-shirye?” yace, “Mun gama, insha Allahu cikin dare zamu taso, kenan saukar safiya za mu yi.” Tace, “Allah ya kawo ku lafiya.” Ya amsa, “Amin. Saura kuma in tarar baki gama tuwon ba, ni da ke ne” tayi ‘yar dariya tace, “kwantar da hankalin ka, tuwon dawa miyar kuka zaka tarar da shi yana jiran ka.” Yace, “Na barki lafiya sai mun zo.” “ka gaida ‘yan uwan ka.” Yace “za su ji.” Ya kashe waya ya bi ‘yan uwansa da kallo wadanda suma din shi suke kallo. “ya dai?” ya tambaya tare da kare ware idanun sa. Na’ima ta riga Magana, “haba yaya ya zaka sa gwaggo tayi mana tuwo?” ya mike dauke da wayar sa kafin yace, “Way ace ki ci dole?” ya wuce abinsa iyayen suna masu dariya. Har ya kusa kai dofa ya juyo ya wani kwabe baki ya sake fadin, “ dub eta don Allah ...

Continue reading free chapter