Ibtisam

Sample · 1

 Sanye take da doguwar rigar abaya, ta yane kanta da mayafi dark purple, hannunta dauke da handbag irin babbarnan, wacce ke cike da litattafai, kafarta wani flat shoe ne kalar mayafinta. Doguwa ce sai dai ba irin cancan ba, fatarta ba mai haske bace haka kuma bamai duhu bane, batada jiki dan a koda yaushe Mamanta fada take mata akan rashin maida hankali gun cin abinci, tana ganin kamar shi yasata rama. Gefenta kawayenta ne wanda da alama tare suka fito daga lectures, suna tafe ana hira ana dan shewa, suna kokarin shan kwana tai trus taja ta tsaya tare da kurawa wani bangare daga can nesa kallo da idanunta. Runtse idanunta tai a kuma take yanayin fuskarta ya canza, kallan gun sukai suka kalleta sai suka sheke da dariya a tare harda tafa hannu. Fuskarta a daure tace "Dalla dariyar ku kuma ta menene?" Wacce ke kusa da ita tace "Ibtisam anya mutumin can ba ya wadudu kikamai ba? Mutum kamar mara aikinyi sai bibiyarki?" Dan karamin tsaki taja tace "Ainah bansan iskanci, dadinta dai yayana ne in ma da biyu kikai maganar." Dayar ta sa dariya tace "Wannan ko cikinku daya ai cewa zamuyi bashida lafiya balle kiri-kiri duk munsan sanki yakeyi." A ranta tace ni wannan soyayyar tun kafin ma aje ko ina ta isheni. A fili kuwa kallansu tai kawai tai dan murmushin yake, dan batasan ma me zata kuma ce musu ba. Fara tafiya sukai tare da daga mata hannu alamar bye-bye, itama dan daga musu tai tace "Sai gobe in Allah ya kaimu." A hankali ta fara takawa zuwa inda yake sam fuskarta babu fara'a, hannunta yadan daga ya rike jakar dake kafadarta, hakan yasa dan saman hanunta ya fito.Shikam tunda ta taho ya kafe ta da ido yana jin wani azabar santa na sake ratsashi, idanunsa ne yakai kan hannunta sake waje, a take ya daura fuska tamau, harta karaso gun bai dauke ido daga kanta ba. Cikin dan sanyayen murmushi wanda kana gani zaka fahimci bai kai zuci ba tace "Yaya ina wuni?" Kallanta kawai yake ya kasa amsawa, itakam wannan kallan na bala'in kular da ita, can ta daure ta sake cewa "Yaya!" Cikin daurewar fuska ya juya ya kalli gefe da gefe ganin ba namijin dake kallanta yasa yadanyi ajiyar zuciya yace "Ba ba kiga hannunki a waje ba?"Kallan hannun tai sannan ta saukeshi wani abu ya kara tokare mata magogwaro.Fuskarsa haryanzu a daure yace "Na na na siyo miki hijabai kinki sakawa yanzu ina amfani haka?"Bata tankashi ba dan batasan ranta ya baci yanzun nan. Murmushi ya mata ganin yanda ta kawar da kanta yace " Kun kun fito lafiya?" Kai tadan daga kafin su fara tafiya a tare, ba wanda yai maganar sai tafiya kawai da sukeyi, can ta daure tace "Yaya nikam me yasa kullum kake jirana? Baka tsoron randa Abba yaji ya maka fada? Yace baka maida hankali kan aikinka?" Tafi kowa sanin halinsa magana baya yinta mai tsayi sai azabar zuciya kamar me. C...

Continue reading free chapter