FreeArewaPen original
Labarin yarinya Kulu mai ƙosai da jama'ar garinsu suka kasheta da magenta su kai rami a cikin gidanta suka rufe su duk da tarin alkhairan da tayi masu hakan yasa ta ci alwashin maida jama'ar garin kaf fatalwa.
- 1views
- 8chapters
- 0audios
- words
- 0likes
Share:
The story
Synopsis
No synopsis yet.
About the author
Ni marubuciya ce, kuma 'yar kasuwa mai neman na kanta kodayaushe. Sannan babban burina a wayi gari na zama Ministan ilimi. Ina rubutu ne domin na yi gyara ba ɓarna ba. Domin na yadda da cewa alƙalami yafi takobi.
Sample · Chapter 2
MAGEN KULU 2 NaHauwa'u Salisu (Haupha) ✍️Sai mutane suka ci gaba da kallon-kallo kowa hankalinsa a tashe. Zuwa yanzu babu sauran fusatar dake kwance a kan fuskokinsu sai wani munafikin tsoro daya bayyana muraran kan fuskar duk wanda ke gun."HAUWA MAI ƘOSAI ! Ita ce kalmar da manyan ciki ke ambata kamar su watsa da gudu.Wata irin ƙara ta cika gun marar daɗin saurare wadda tilas suka saka hannuwa suka toshe kunnuwansu saboda yadda take barazanar kashe ma su dodon kunnuwa. Sautin maganar da babu tantama da maganar fatalwa tai kama ta ci gaba da cewa cikin amon muryarta marar daɗin saurare."HAUWA MAI ƘOSAI dai nake magana kanta wadda kuka halaka tare da magenta ta hanyar rufe su da ransu. Don haka kowa ya shirya domin tilas ku biya zunubin da kuka aikata."Tsit wajen yayi komi ya koma kamar yadda yake.Mai gari ya dubi mutanensa ya ga yadda baki ɗaya suka razana sai ya samu kanshi da fi su razana musamman daya tuna furucin da yayi wa KULU da Magenta.Ba wanda ya ce wani ya zauna kawai ganin dacewar zaman nasu su kai don neman mafita a gare su baki ɗaya.Wani dattijo ne ya yi gyaran murya ya fara magana."Tabbas muna cikin mugun mawuyacin hali a wannan gari namu, ku sani ba kowa ba ce MAGEN KULU illa HAUWA MAI ƘOSAI da Magenta, sai yanzu na fahimci hakan.Nasan wasu ba su san wace ce HAUWA MAI ƘOSAI ba don haka ku saurara da kyau zan baku labarin ko wace ce ita. "Shekaru ɗari da biyar da suka wuce, wannan garin mai suna Zabuwa yana zaune cikin kwanciyar hankali da lumana tare da wadatar arziƙin noma.A wancan lokacin Sarki Yakubu ke mulkin garin nan ya kasance mutum marar kirki na gaske sai dai yana da yaro guda mai suna Muhammad wanda shi kuma yaro ne amma mai tausayi da jin ƙai na talakawa.A kwai wata kyakkyawar yarinya mai suna Hauwa wadda babu macen da ta kai ta kyau da haiba duk cikar garin Zabuwa da kewayensa. Hauwa marainiya ce iyayenta duk sun rasu tana zaune gun Kakarta Jiddo wadda ita ce ta ci sunanta, kasancewar Jiddo bata gani yasa Hauwa tun tana ƙarama take saida ƙosai ƙofar gidansu, wanda duk garin Zabuwa kowa ke mamakin yadda yarinya ƙarama kamar Hauwa ke sarrafa ƙosai ya fi na kowa.A nan wajen sana'ar ne Yarima Muhammad ya zo wucewa ya ga yadda mutane suka cika gun ya dakata don ganin abin da ke faruwa. Lokacin da ya ga yarinya ce ƙarama ke toya ƙosai mutane haɗa na wajen gari ke rubibin siye sai mamaki ya kama shi, don haka sai ya isa gun don da nan aka dare fadawa na yi ma shi kirari har ya isa gaban Hauwa ita kam sai aniyar tuya ƙosan take ga wata farar mage a kusa da ita sai cin ƙosan take hankali kwance.Hauwa ta dubi Yarima ta ci gaba da abin da take sai da ta tsame ta zuba a leda ta miƙa ma ɗaya daga cikin bafadensa ta ci ga...
App exclusive
Continue “Labarin yarinya Kulu mai ƙosai da jama'ar garinsu suka kasheta da magenta su kai rami a cikin gidanta suka rufe su duk da tarin alkhairan da tayi masu hakan yasa ta ci alwashin maida jama'ar garin kaf fatalwa.” in the app
The author limited this story to mobile. Open the app to read, listen, and keep your place.