BAƘAR FURA...

Sample · Part 6

*BAƘAR FURA*© FATIMA SUNUSI RABIU      UMMU AFFANPAGE 6Zaune suke a saman wasu kujeru na ƙarfe bayan an kaɗa break a makaranta (Tara) Humaidah ce ita da ƙawarta Layuza.Layuza ƙawar Humaidah ce kuma aminiyarta dan tun suna jss1 suke tare, Layuza ita ma iyayenta ba masu hali ba ne amma irin yaran nan ce ƴan ƙarya da burga, da san shisshigewa masu hali, sai dai jininsu yazo ɗaya da Humaidah sannan dukansu suna da ƙoƙari abin da yasa abotarsu ta ƙulle sosai.Layuza ta ce"Wallahi Humaidah da nice ke ba abin da zai kai ni wani auren gida, ai yarda kike da ƙyawun nan kin wuce ajin wannan Yayan naki Sadeeq, Allah da nice ke idan ba wani gwamna ba to sai babban attajiri, amma Sadeeq ɗin nan me garesa sai dai ya ɓige da ajiyeki gidan gado" Wani kallo Humaidah ta aikawa Layuza kafin ta ce"Sai akace miki sona ya ke? Na rasa me yasa kowa ya ke kallon Yah Sadeeq kamar sona ya ke" Kallon baki da wayau Layuza ta mata kafin ta ce" Ke mahaukaciyar ina ce? Ai ido ba mudu ba yasan kima Humaidah, Wallahi sonki ya ke kuma inda nice ke bazan aure sa ba"Murmushi Humaidah tayi kana ta ce"Dan Allah Layuza ki kwantar da hankalinki. Yah Sadeeq Yayana ne ba saurayina ba, dan bai taɓa cewa yana sona ba" "Dan bai faɗa miki ba amma alamu sun nuna" Shuru tayi na wani lokaci, sai kuma ta taɓe baki ta ce"Sai kuma kiyi!" Layuza ta ce''Ai yadda kike da ƙyawun nan ƙyanki ki auri me arziƙi kefa ta gaban mota ce" Humaidah murmushi tayi dan sosai yabon da Layuza ke yawan yi mata ya ke sawa taji kanta ya ƙara girma duk da tana da ilmin addini amma sam bata aiki dashi ita kanta zuwa yanzu da take SS2 tanaji a ranta da zarar ta kammala secondary zata gabatar da wani me kuɗi a gidansu, amma ta yaya? ta tambayi zuciyarta sanin bata da wani saurayi me arziƙi hasalima ba a barinsu fita a gida bazata ce tana da saurayi ba ma balle tayi tunani waye yafi wani kuɗi a cikinsu, ta tsani aiki shiyasa ta ke so ta auri me kuɗi ko dan komi sai anyi mata, ko da shara bata san taga tanayi.Layuza kuwa sai huɗubar sheɗan take ƙara mata, tabbas ji take a zuciyarta idan ba wani hamshaƙi ba to bazata auri kowa ba.Ko da aka tashi Ihsan tana ta nemanta su wuce gida bata ganta ba. Ita kuwa suna tare da Layuza da tajata wai ta rakata wani gida.Kai tsaye unguwar GRA suka nufa gidan Alhaji Ibrahim me neman takarar gwamna, domin Layuza tana taya Hajiya Hindatu matarsa kamfe. Saboda surutunta da yawace-yawacenta yasa tasan mutane sosai hakan yasa ma in dai matar zata fita kamfe tare da Layuza ake zuwa dan tasan kusfa-kusfa na cikin garin Kaduna. Humaidah sai waige-waige take ganin irin wannan aljannar duniyar, tun da take bata taɓa zuwa GRA ba balle kuma tazo gida irin wannan. Layuza ta ce"Dallah cen ki natsu kar a mayar da ke ƴar ƙauye" Sai lokacin Humaidah ta gyara amma har cikin z...

Continue reading free chapter