DIDDIGI

Sample · Babi Na Biyu

ZAFAFA WRITERS ASSOCIATION     DIDDIGI NA JIDDA WASHA.   SADAUKARWA     ZAFAFA WRITERS ASSOCIATION.       JIN DAƊINLEEMART PINKY.     Babi Na BiyuGajimare a kodayaushe zai zama fari tamkar ruwan zam-zam a rayuwarka habibina. Kalmar da idanuna suka fara sauka da shi a wasikar, sanadin da na ji rushewar kuka a fuskata kamar rushewar duniya a idanuna, ka sa karanta wasikar na yi na kanannaɗe ta na cusa a aljuhuna. Likita na sallama ta na wuce gidansu Safiyya domin amsar gaisuwarta da sake yiwa iyayenta ta'aziyya da jaddadar da godiyata akan maƙuden kuɗaɗen da suka hallakar min na asibiti.Tanfatsetsen gida ne gawurtacce irin na zamani kuma babba na bugawa a jarida. Ya ƙawatu da kayan zamani da zamani ke tafiya da shi, babu abinda babu na more rayuwa, in taƙaice muku gida ya amsa sunansa aljannar duniya. Wato gidansu marigayiya Safiyya. Bayan sadakar arba'in da tagwayen kwanaki Sufyan ya ziyarci gidansu Alhaji Suraj don ƙara jaddada godiyarsa agare su shi da Hajiya Bilkisu. Kai tsaye suka masa iso zuwa falo na biyu wanda a jikin bangon aka sa da kalmar Turanci. "Welcome to Jidda Parlour." Ya ƙawatu da latsa-latsan kujeru da kushum ɗinsu suke da laushi kamar hannun jarirai haihuwar yau, suna da nau'ikan kalar ruwan hoda, daga ɓangaren labulayen falon su ma ruwan hoda ne masu matuƙar tsada da kyalli kamar tagulla, komai na falon kalarsa kenan, ko hasidin iza hassadan ne sai ya kambama gidan koda kuwa subul da baka ne. "Ta shi ka zauna a ƙasa." Banbarankwai ya ji furucin daga baƙin Abba, cikin hanzari ya zauna yana kallon sa a tsorace ya ce. "Barka da fitowa Abba." Ya ɗaga hannu sama ya dakatar da shi tamkar ya kai masa hauri ya ce. "Kar ka sake anbatona da sunan ubanka! Ban haife ka ba Sufyan, wacce na haifa Allah ya karɓi rayuwarta dama ita ce ta tursasa mana soyayyarka a cikin zuƙatanmu saboda so da ƙaunar da take yi maka." Ras ƙirjin Sufyan ya buga, ya ɗago a gigice ya kalli Abba da ya haɗe rai rantse rantsuwa tunda Allah ya yi sa bai taɓa fara'a a duniya ba, ya jijjiga kai ya ɗora da faɗin. "Kwarai kuwa! Mutuwa ta datse alaƙarmu da kai matsiyaci, dama gudun ɓacin ranta ne da soyayyarta ya sanya muka yafa mayafin ƙaunarka a cikin zuciyarmu ba wai don muna sonka ba, sai don ita ce ɗiyata ɗaya tilo a duniya dana mallaka." Yana kaiwa nan ya kaɗe babbar rigarsa ya fara tafiya kamar zaki, a fusace ya juyo tamkar kumurcin muciji, ya danna masa tsawa. "Sufyan! Daga rana irin ta yau kar ka sake tako min cikin gida, tunda ba da kuɗin ubanka aka haɗa aka saya ba." Bai tsaya ya ji abinda zai ce ba, ya fuce kamar fatalwa. Fiye da ɗacin maɗaci haka kalmomin Abba suka yiwa Sufyan zafi a cikin zuciyarsa da tsayuwar gwamin Jaki, sai a lokacin ya f...

Continue reading free chapter