WUKAR FAWA

Sample · CHAPTER 1 BIRI YA YI KAMA DA MUTUM.

WUKAR FAWA BABI NA DAYANa tashi zaune da kyar Ina dube-duben dakin, kantoci hudu na gani, a kowane kusurwar dakin. Kantar kusurwar gabas cike yake da littafan addini, yayinda kantar yamma ke makare da nau'ikan magungunan musulunci, kama daga Zaitun, habbatul sauda, man hulba, man tafarnuwa, na'a-na'a, ruwan kal, har da su shayin aljanu da turaren aljanu gasu almiski.Lallai duk wanda ya shigo dakin nan mudin ya na da aljanu, to kuwa sai sun fallasa kansu, domin da zarar ka shiga dakin za kaji wani irin kamshi ya dakin hancinka, to daga nan za ka fara ganin jiri.Ko yanzu jiri ne ke dibata, na runtse ido na bude inda naga mutane uku sanye da jallabiya sun zagaye ni, ko wanne su rike da alkur'ani. Na duba jikina na ganni sanye da riga da wando hadi da hijabi duk na Atamfa. A tsakiyar dakin kuwa, taburi ne dauke da katon rediyo ya na fidda karatul alkur'anil Kareem. "Sannu, ya ya kike jin jikin naki yanzu?" Malam ya tambayeni cike da kulawa. A kasalance, cikin dusashewar murya na amsa, "Da sauki." Malam ya ci gaba da fadin, "Abin da nake so shi ne, ki kwantar da hankalin babu abin da zai kuma samunki, amma ina son sanin wace ce wukar fawa? ta ce ta sanki, ta san mahaifiyarki da inda diyarki take a halin yanzu"A kidime nake kallon malam, na tambayi kaina, 'Tasan inda diyata take?' A fili kuwa, kuka na ci gaba da rairawa, "Malam, Wallahi ni ba aljana ba ce, ka duba kafata babu kofato, sannan ni ba fatalwa ba ce, ka yanka jikina za kaga jini. Kuma ni ba maiya ba ce, ban ta ba cin nama ba, balle mutum..." Malam ya dakatar dani. "Na yarda da ke, amma so nake inji ke Wace ce? ""Sunana Sunaina. Shekarata arba'in da haihuwa, ban ta ba yin aure ba, babu kuma wanda ya ta ba cewa ya na so na. Da yawa wasu, su na yi mun kallon shu'uma, aljana, fatalwa, mayya. Duk a dalilin wukar fawa. Malam, wukar fawa, muguwa ce, ka da ka yarda da duk abin da ta ce. Domin ita ke aikata mugayen abubuwa sai a kala mun.Ni marainiya ce, ba uwa ba uba. Ban girma tare da Lado da Haire, iyayena ba, amma duk da hakan banyi maraici ba domin na taso ne karkashin kulawar kanwar mahaifiyata Inna Sahura da maigidanta kawu Munkaila. Sun bani kulawa dai-dai gwargwado kamar yadda zasu ba 'ya'yan cikinsu.Na taso cikin rashin tsoro, da rashin tausayin kananaun dabbobi, domin duk inda naci karo da dabba sai na azabtar da ita. Akwai wata mage a gidanmu, da ta haihu a cikin tufafina, na kwashi 'ya'yan na zubar a bola. Uwar kuma na yi mata dukan da ya yi sanadin mutuwarta.Haka kuma Akuyar kishiyar Innata da ta cinye mana hatsi, na kamata, na yi mata kwalin barkonu. Tsuntsaye kuwa ban san adadin dana kama su da ransu na fige ba. Kiyashi da tururu, ba a batun asarar da nayi masu. Wata rana, Inna da kishiyarta sun tafi anguwa su ka barmu ni da 'ya'yan kishiyar innata. A ts...

Continue reading free chapter