KARO ƊAYA...!

Sample · 2

*KARO ƊAYA...!*©UMMU AFFAN_GAWURTATTU UKU 2023 🤟_02K'irjinta taji ya buga da k'arfi jin ya yanke kiran,wayar tabi da kallo hankalinta a matuk'ar tashe,saurin chenja kayan jikinta tayi zuwa doguwar riga ta atamfa sannan ta shafe jikinta da humra ta d'auko babban hijabinta ta zura tare da d'aukar jakar islamiyyarta tayi parlour.Har lokacin Yaya Ma'aruf yana zaune yana cin abinci Baba ma ya dawo Umma na zaune gefensa tana zuba masa abinci,da sauri ta jube gabansu cikin sanyin murya tace"Baba sannu da shugowa" cikin sakin fuska da murmushi ya amsa da "Yawwa Muwaddatu" Umma ta kalleta tace"lafiya na ganki da k'aton hijabi kuma ga jaka a hannunki？" Sosai k'irjinta ya ke bugawa cikin karkarwar murya tace"da...dam..man namance ban sanar muku ba a islamiyya a za6emu a matsayin wad'anda za'a tura muhawara to nima na manta shine Salma yanzu ta kira ni wai nazo sun kunna jen muyi karatu saboda Muhawarar da zamuyi" sosai Baba da Umma suka fad'ad'a fara'arsu Baba yace"masha'Allah tabbas Muwaddatu ke yarinya ce mai k'ok'ari da matuk'ar hazak'a,Allah ya baki sa'a a dukkan al'amuranki ni nasan bazaki ta6a bamu kunya ba."Wani murmushin samun nasara Muwaddat tayi tare da cewa insha'Allahu Babana" Ma'aruf kallonta kawai ya ke tun farkon fara bayaninta har zuwa idawarta,sam bai yarda da maganarta ba domin ance mara gaskiya ko cikin ruwa zufa yake.Addu'a Umma ta mata sannan tace"kinga dare yayi don Allah kibi a sannu,idan kun gama kuma idan dare ya cika yi ki kwana kawai domin duk da mak'ota muke amma fita cikin dare bashi da dad'i" wani sanyin dad'i ta sakeji jin Umma ta yarje mata kwana da sauri ta mik'e da cewa"to Umma na gode,sai da safenmu" ta fice da hanzali.Numfashi Ma'aruf yaja tare da kallon iyayen nasa,yace"Baba amma bai kamata kuna hakan ba Muwaddat amana ce a gare ku" da sauri suka dubesa,Baba ya kalli Umma ita ma Umma ta dubesa,sukayi musayar kallo dai Umma bakinta a bud'e tace"Ma'aruf kasan abinda kake cewa kuwa？mai kaga munawa Muwaddat" Baba yace"Ikon Allah kai kana ganin kamar bamu mata abinda yadace ne" numfashi yaja kana yace"Nasan matuk'a kuna k'aunar Muwaddat kuna nuna mata so da gatan da ko iyayenta ne iyakar wanda zasu nuna mata kenan,sai-dai maganar gaskiya tarbiyyar Muwaddat akwai gyara cikinta kuma...ai tun kafin ya idasa Umma ta fara tafa hannu da cewa"Ma'aruf me kake so kace？oh！nufinka bamu bawa Muwaddat tarbiyya ashe kuwa kaima bamu baka" Baba yace"tabbas kuwa idan Muwaddat bata da tarbiyya kaima kam baka da ita" zaiyi magana Umma tace"kaga don Allah tashi ka bamu guri,karka samin 6acin rai."A hankali ya tashi,ya nufi d'akinsa sai-dai yana shiga sai ya fad'a kan katifarsa yana fitar da numfashi a hankali,sannan ya rik'e saitin zuciyarsa da ke masa wani irin ciwo,domin yana fama da ciwon zuciya mai tsanani kuwa domin idan abin ya tashi bai masa...

Continue reading free chapter