TIKITIN WUTA

Sample · Tikitin Wuta Kashi Na Farko

Bismillahir Rahmanir RaheemTIKITIN WUTATare da alƙalaminFatima Muhammad Sani 💖Fantah💖RubutawaFatima Muhammad SaniHaƙƙin Mallaka©Fatima Muhammad SaniGargaɗiKarantawa jama'ah domin saurare ba a yarda ba, canza shi ta wata siga ba a yarda ba. Ba a yarda wani ko wata ko wasu gungun al'umma su juya wannan littafin ta kowwace siga ba, yin hakan ya saɓawa doka. A kiyaye. Jan HankaliLittafin TIKITIN WUTA ƙirƙirarren labari ne, sam ba'a rubuta shi domin cin zarafin wani ko wata a cikin al'umma ba. Idan ya yi daidai da sashin rayuwar wani ko wata a cikin al'umma, to akasi ne cikin rashin sani.Gabatarwa Ina godiya ga Allah mai kowwa mai komai da ya bani aron rai da numfashi tare da tagomashin lafiya ya bani damar fara rubuta wannan littafi mai suna TIKITIN WUTA. Alhamdulillah. Ina roƙon Allah mai girma da ɗaukaka yanda na fara rubuta wannan littafi lafiya, Allah yasa na kammala rubuta shi lafiya. Allah ya tsare hannuna da rubuta duk wani abinda zai cutar da wani ko wata a cikin al'ummar musulmi.An fara rubutawa. 15/6/2023Shafi na farkoSh 1 Motsawa nake ƙoƙarin yi sedai matokaran da suka tokare haƙarƙarina sun hana ni yin kowwane irin motsi da zan iya motsa ko da ƙaramin ɗan yatsana. Ƙoƙarin jan numfashi nake, sedai shima numfashin ya gagara fitowwa. Buɗe ido nayi amma azababben duhun da ke mamaye da bagiren da nake ya saka min kokwanton shin idona a buɗe yake ko a rufe? Wani sashe cikin tsokar da ke manne ƙarƙashin haƙarƙarina ta bani amsa, "idonki a buɗe yake BEBI, sai dai duhun yafi ƙarfin ji da ganin ki da kika saba da shi a DUNIYA. Gabana ya faɗi, wani abu ya daskare ni har na fara tunanin daga nannauyan baccin da na farka na koma doguwar suma. Karo na biyu ta sake cewa, a Duniya ne kaɗai firgici ke sumar da mutum a wannan rayuwar gar da gar ake yi, idan kin ji kin ji, idan kin gani kin gani, gaɓɓanki basa jira daga umarnin ki, a nan baki da ikon komai sai yanda aka yi da ke. Jikina ya ɗauki karkarwa zuciyata ta hau bugawa tamkar zata fasa makaran da ke tokare da ita ta yo awon waje. Tabbas ina cikin tashin hankali. Na furta a bayyane sai dai su kansu kalaman bakina ji nake suna fitowwa tamkar wanda yasha dukan tashi kasha gishiri a irin rayuwarmu ta Duniya. Sai dai duk da tsan-tsar tashin hankalin da nake ciki bai hana masarrafin saurarena zuƙo wata mummunar murya da take barazanar tarwatsa zubin halittar kwanyata ba. Cikin mummunan amo mara daɗin saurare ta ambaci sunana, "Bebi!"…. Tsorona ya linku, linkuwa a mafi rinjayen ƙididdigar lissafi na Duniya. Tabbas da a ce a Duniya nake nasan wannan mummunan amon zai zama silar raba ruhina da gangar jikina. Bebi!! Aka sake ambaton sunana, sautin mai kiran yana katse wayoyin da suka haɗu suka gina ma’aikatar zubin halittata. Saboda azabar yanda amon yake ratsa duk illahirin jikina. Tabbas na zama ...

Continue reading free chapter