BITA ZAI-ZAI

Sample · Page 1

Top !Wani wawan burki ya ja,saboda ganin kiran da ke shigowa cikin wayarsa,yadda jikinsa ke rawa haka kan sitiyarin motar ke rawa, bashi da nutsuwar gane ko fahimtar cewa a tsakiyar titi ya tsaya saboda ruɗewa da tsananin tashin hankalin da sukai masa yawa, kana ganinsa zaka san nutsuwa ta yi ƙaura daga gangar jikin nasa.duka zufa ce ke yankomasa ajikinsa ,a yacce ya d’au wayar cikin tashin hankali zaka iya cewa sak’on mutuwa za a gayamasa ,cikin fargaba da razani tare da tsantsar ladabi ya d’aga ya na “tuba nake ranke dad’e wallahi gani nan ina hango plazar “, wata muryar isasshiyar mata na jiyo tana magana cike da izzah “kaga dallah malam rufemin baki kai komai za ai dakai saika b’atawa mutane rai !” .murya na rawa ya ce “Tuba nake a gafarce ni ganinan k’araso wa “tsaki tayi kawai ta kashe wayar.nan take yusuf ya k’ara giyar motar sa,cikin ‘yan sakanni kuwa ya k’arasa plazar bai tsaya duba a ya ya yayi parking motar tasa ba domin jikinsa duk rawa yake ,direct shagon saloon d’in ya nufa yana zuwa kuwa ya kutsa kai ai tsawar da ta daka masa ce tasashi saurin ja da baya “dallah malami baka ganin matan mutane zaka kutso kai kamar dokin da ba lin zami! Kaje waje ka jirani “jiki na karkarwa ya fice zuciyarsa na dukan uku-uku ,ba mai yin saloon d’inba hatta wad’anda ke shagon saida suka ji ba dad’i cikakken namiji irin wannan amma haka take cisgashi acikin mutane .Zuwa ya yi ya tsaya jikin motarsa sammmm hakan be dameshi ba saboda inda sabo ya saba kuma shi aganinsa ai ba laifi tayi ba tinda ta isa dashi ,kamar daga sama ya juyo wata murya wacce take gigita lissafin duk wani d’a namiji,”excuse ba na ce kayi blocking motata “a hankali ya d’ago ido dan ganin mamallakiyar wannan muryar,nan take idanunsu suka sark’e acikin na juna ,da sauri SAREENA ta kawar da idanuwanta gefe guda ,zuciyarta na dukan uku-uku “yarasulillahi wannan wane irin kyaune “ta furta hakan cikin zuciyarta .“Ayyah am sorry bara na gyara “ya furta hakan lokaci guda yana k’ok’arin shiga motar tasa dan gyara Parking d’in ,ya yin da SAREENA tai tsaye tana k’arewa motarsa kallo daga gani matashin saurayi ne mai ji da kudi a zuciyar ta na ayyana cewa “ina ma shid’in zai kasance mallaki na ,nawa , nawan kuma na nine kad’ai,”.  “da kam kin gama more wa “wata zuciyar ta bata amsa.ko da ya gyara parking d’in fitowa ya yi ya ce “yawwa ina ga yanzun kin samu hanya “ya fad’a yana nuna mata sararin gurin ,murmushi ta sakar masa me cike da ma’anoni da yawa kana ta lumshe ido ta ce “nagode “haka kurum yusuf sai yaji ta d’an birgeshi hakan da tayi saboda ya manta rabon da ayi masa wata tattausar magana ,ai kafin suyi aune cakkk suka ga hajja FANNAH agaban su dan saurin da take ma ta k’araso gurin har gurd’ewa saida ta yi ,SAREENA dake k’ok’arin juyawa dan ta hau motarta jitai an cakumo wuy...

Continue reading free chapter