SAƁANIN TUNANI

Sample · SAƁANIN TUNANI

SAƁANIN TUNANIAysha D Fulani3&4Ɗagowa ta yi tana girgiza kanta ta hango mahaifiyarta wadda tai mutuwar tsaye a bakin ƙofah shigowa falon sakamakon furucin Abba da ya doki kunnuwanta. "Umma!" ta kira sunan ta idonta na tsiyayar da hawaye "Nasan ko kowa zai zarge ni akan abin da ake cewa na aikata tabbas a matsayin ki na uwa wanda ta sanni tun ban san kaina ba zaki iya shedata ki faɗa musu gaskiya, kin sanni Umma, kin san mai zan aikata ki zo ki faɗa musu ba ni na aikata ba. wallahi ban kashe Ahamd ban......." Kuka ne ya ci ƙarfinta ta kasa furta abin da take son faɗa.Hawayen da ya cika kwayar idon Umma ne ya samu nasarar gangarowa kuncinta, zuciyarta ta cushe da wani irin zafi-zafi da take ji yana ziyartar ta. 'Wannan wani irin baƙon al'amari ne? Wani irin iftila'i ne?' Ta ambata a cikin zuciyarta kafin daga bisani ta faɗi kalmar "Inannalilahi wa inna ilaihir raji'iun!" A kan laɓɓanta a bayyane. Bata kai ga ƙarasawa ba jami'ar tsaron ta riƙo hannunta ta maƙala mata anƙwa, miƙewa ta yi daga kan ƙafafunta tana wai-wayen inda Ahmad yake kwance cikin jini ta na ƙare mai kallo, wani irin yanayi ta ji ya na dirar mata, takawa take a kan ƙafafunta waɗanda suka yi mata nauyi, ji take kamar ƙayoyi take takawa. A karo na biyu ta sake waiwayawa ta sake kallon gawar shi jami'an tsaro sun zagaye shi, hawayen da ke aikin sauka akan idanuwanta ta sake gogewa a karo na ba adadi. Hijabin Umma ta riƙe, wanda ta daskare a bakin ƙofa. Cikin sarƙyaƙƙiyar muryar da ta jiku da kuka take fadin " Umma ban aikata ba wallahi? ki taimaka mini kin ga za su tafi da ni."Kasa cewa komai Umma ta yi sai sharar ƙwallar dake zubowa daga ƙwayar idonta take yi, juyawa Umma ta yi taga har Fatima ta fara shiga cikin motar. "Innalilahi!" Ta furta yayin da ta rushe da wani sabon kuka, Usman dake bayanta ne ya yi saurin tarota ta faɗa jikinbshi. Shi kansa ba don ya yi da gaske ba da kukan zai yi, babu abin da ya ke iya furtawa a cikin zuciyar shi da harshen sa sai kalmar "Inallilahi wa'iinna inaili raji'un." Domin ya riga da ya san Fatima ta shiga duhu cikin tuhuma mai wahala. Shiga motar Fatima ta yi tana kallon tilin mutanen dake kofar gidan nasu, wanda mafi yawanci matan unguwar ne da suke makotaka da su.Muskutawa ta yi don ji take kamar abin da ke cikinta zai fito duniya, kuka ne ya sake kwace mata, zuciyarta cushe, ta rasa wani irin al'amari ne ya sameta tambayar kanta take 'Ta ya ya aka kashe Ahmad? Waye ya aikata wannan ɗanyen aikin, ko dai da nufi aka yi hakan? Riko Umma Usman ya yi yana goge mata hawayen fuskantar "Ki yi haƙuri Umma don Allah, ki yi mata addu'a don ita tafi buƙata akan komai yanzu." Girgiza kai Umma ta yi tana sake waiwayen inda Ahmad yake kwance cikin jini, gefe kuma 'yan uwan shi ne zagaye da shi, wurin ta karasa ita da Usman. 'Innalilahi wa'in...

Continue reading free chapter