FreeArewaPen original
SIKIDOO
- 1views
- 2chapters
- 0audios
- words
- 0likes
Share:
The story
Synopsis
No synopsis yet.
About the author
Sunana Halima.hz, ni marubuciya ce, kuma ƴar kasuwa mai siyar da nau'ikan sutturun sawa da mayukan gyaran gashi. Ina rubutu don in rayar da abubuwan da mutane ke ji. Ba na rubutu don nishaɗi kawai, ina rubutu don motsa tunani. Kowanne labarina yana ɗauke da murya...
Sample · 1
Sararin samaniya yay haske, rana ta ƙwalle, zafin ranar na dukan jiki da ke haifar da zubar zufa a jikin kowanne rai mai motsi. Tun daga tsakar gida inda su ke magana da mahaifin nata ta baro shi a guje zuwa ɗakin mahaifiyarta tana kuka tana cewa,"Don Allah Umma ki yiwa Abba magana ni na ce bana sonsa, ya bar ni na auri Ahlan, idan har ban auresa ba zai ce na ci amanarsa, kowa ma zai ce na yaudare shi, Umma za'a koma yi mana kallon mutanen banza, kuma ni babu wanda na ke so na aure sai..............".Wuf mahaifiyarta ta rufe Mata baki tare da rungumeta ajikinta saboda gudun ka da ta ida faɗar abinda yake zuciyarta. Don muddun ta ida akan kunnen mahaifin nata har ita ba zai raga mata ba.Ashe sanda ta rugo ɗakin kusan tare da shi suka iso, tsaye kawai Yayi Yana kallonsu cikin ƙunar rai yana faman jijjiga kai.Rufe bakin na ta yayi dai-dai da doka musu tsawa da Yayi,"mene abin rufe mata baki?, ki barta ta faɗa Mana tunda ta zama tantiriyar mara kunya, wadda bata san darajan mahaifinta ba, ina faɗa tana faɗa saboda ta nuna min ita ɗin cikakkar ƴar zamani ce, to zamu gani ni da ita waye ya isa"."A'a Malam, ka ga kabi ɗiyar nan a hankali don ka samu tabi abinda kake so don Allah".Gyara tsayuwarsa yayi tare da ɗaga hannun shi ya dafe ƙyauran ɗakin ya kalle su sheƙeƙe yace,"wallahi Babu fashi, babu mai canja min maganata, ni ne gaba da kowa da ke cikin gidan nan, a ƙarƙashina kuke don haka bin umarnina gareku ya zama dole, domin babu wanda ya isa yayi min baƙin ciki akan auren nan, ƙaryarku ta sha ƙarya"."Innalillahi wa Inna ilaihirraju'un".Abinda mahaifiyarta ta faɗa kenan saboda baƙin cikin maganganun da yake faɗa, wanda tun a ɗazu da yake ɗaga murya yana faman faɗa take jin kamar ba shi ba, ya canja ya rikiɗe yana neman zama wani kalar mutum.Irin kallon da take masa yasa shi dalla mata harara kafin yaci gaba da kallonta saman idon shi yace,"me kike nufi? ni kike jawa salati?, kina nufin ni annoba ne? To wallahi ki kiyaye ni saboda idan ba ki yi sannu ba yanzu na gasa maki jiki".Yana faɗar haka ta ɗago kai ta kalle shi ta haɗiye yawun da ke cikin bakinta, ta Gaza ce masa komai, don bata san me hakan zai haifar ba.Murmushin mugunta Yayi sannan ya daki ƙyauran ɗakin duk gaba ki ɗayansu sai da suka zabura don tsoro.Zaton Aliyna duka mahaifin nata ya kawo mata tayi ta maza ta janye ƙafafuwanta ta ƙara duƙunƙune su jikinta yana rawa, bayan zufar gari da ta wanketa har da ta firgicin da take ciki na faɗan mahaifinta da hukuncin da ya yanke kan aurenta. Ganin tsoronta da suka yi dukansu ya sheƙe da dariya yace,"Ƙaryar banza kawai, idan kin san kina da tsoro kiyi abinda na sanya ki mana, to ki sani babu fashi wallahi, ko kina so ko ba ki so SIKIDOO ne mijinki, sha sha sha kawai wadda bata gaji arziƙi ba, wadda bata san ina ke mata ciwo ba, ana nema miki a...
Contents
Table of contents
Preview every chapter, see what is free, and continue reading when you join ArewaPen.
chapters2
premium0
Continue in the ArewaPen app
Unlock offline reading, audio mode, and sync your bookmarks instantly.
