FreeArewaPen original
SAKI RESHE...!
- 1views
- 1chapters
- 0audios
- words
- 0likes
Share:
The story
Synopsis
No synopsis yet.
About the author
Full house wife# Ngizim tribe from Potiskum LGA Yobe State # Living at BADE LGA Yobe state Nigeria # Also a student af computer science @ Yobe state University (YSU)# A writer of Hausa Novels.. #
Sample · Page 2
*SAKI RESHE.....!*_FATIMA ADAMU FATE_ *©️OUM MUMTAZ.* *PAGE 2*Bayan fitar sa bai fi da minti talatin ba ina zaune a parlo ina kallo naji ana knocking,da mamakin baƙon da zan yi a dai-dai lokacin saboda ko tara na safiya ba ta cika ba na miƙe naje na buɗe ƙofar. Fuska ta na sake daga ɗaurewar da yake tun da garin Allah ya waye cikin nu na na ji daɗin ganin su duk kuwa da ba hakan bane a cikin raina nayi musu barka da zuwa, mu ka shiga cikin parlon tare ina biye da su a baya..."Tawan kin ga kuwa yanda ki ka yi wani fresh sai wani shining ki ke?" Zainab ƙawata da mu ke ƙira da Zee ta furta tana kurɓar lemun gwangwani da na kawo musu. "Abin da zan faɗa kenan na yi nauyin baki ki ka riga ni wallahi,dubi yanda take glowing sai kace ba Fatiman Mallam Nasiru mai faci ba!" Ɗayar mai suna Khadija ta furta tana sheƙewa da dariya da ya saka ni kai mata bugu ta kauce ina faɗin, "Kin ga ke matsala ta da ke Khadi akwai son gogowa mutum magana sai ki fake da wai wasa ki ke ma mutum,bayan kuma kin san ni irin wasan nan ba ƙaunarsa nake ba." Na faɗa cike da fushi a murya ta ina ɗaure fuska saboda Allah ya gani ni ba ƙaunar rainin hankalin ta nake ba tun can ballantana kuma yanzu da na ke kan fahimtar menene asalin rayuwa a hannun Aliyu wanda a baya hasashe na bai taɓa kawo ni izuwa ga abubuwan da nake fuskanta a yanzu. "Maida wuƙar Allah ya baki haƙuri matar Alhaji Aliyu." Ta furta ta na ɗaga hannuwa sama alamun saranda saboda yanda ta fahimci rai na ya ɓaci daga abin da ta min. Shiru na yi ban tanka ba ina cin magani da ya saka ta shiga taitayin ta,mu ka koma hirar mu ta ƙawayen da mu ka jima muna abota tun yarinta, hirar mu ke ina ankare da agogon da yake manne a bangon parlon, saboda kar lokacin shiga ta kitchen ya ƙure min,domin kuwa na tabbata idan na kuskura na bari ko minti guda na ƙara ban gama girki ba kashi na ya bushe. Tare da su mu ka shiga kitchen su ka taimaka min na haɗa girki,na zuba mana tare da su muka zauna mu ka ci,na fito raka su za su wuce gidan wata ƙawarmu sai ga Aliyu ya danno motarsa cikin gidan yana tashin kiɗa,take na sha jinin jikina,su kuwa naga sun washe fuska cike da fara'a suka tunkari inda ya yi parking na motar sa,hakan ya saka ni yafa ma fuska ta fara'ar dole na take musu baya,a zuciya ta ina jin wani irin fargaba da a kullum idan Aliyu ya dawo gida sai na yi. "Yau manyan-manyan baki ne da mu a gidan? Kun zo lafiya ya mutanen gida." Ya furta yana sake musu fuska sosai da ya saka ni yaƙe haƙora ina yaƙe na karɓi jakar sa ta zuwa wajen aiki da ya fito da shi motar,na ja da niyyar kaucewa na tsaya amma saboda shi cikakken mai nuna ma mutane a kaf duniya bashi da yani sai jawo ni jikinsa ya yi ya rungume ni,yana manna min sumba a kumatu,ina kallon yanda Zee da Khadi su ka haɗa ido suna dariya fuska...
Contents
Table of contents
Preview every chapter, see what is free, and continue reading when you join ArewaPen.
chapters1
premium0
Continue in the ArewaPen app
Unlock offline reading, audio mode, and sync your bookmarks instantly.
