CIWON RAI

Sample · CIWON RAI

Hakkin mallaka Abdullahi Hassan YarimaCopyright© abdullahi Hassan YarimaAn fara bugawa a shekarar 2011An sake bugawa a shekarar 2023ISBN: 058-263-666-2-1FADAKARWAWannan littafin ba a yi shi da zummar cin zarafin kowa ba, an yi shi ne kawai don nishadi da kuma ilmantarwa.GARGADIBa a yarda a juyi wani sashi na wannan littafin ba ta kowacce irin siga sai da izinin mawallafi.HAR YAU KU NA RAINAMahaifina Hassan Yarima (Abba) da mahaifiyata Hauwa Umar (Mama). Allah ya ji kanku ya gafarta muku ya yafe muku zunubanku ya sa kuna cikin aljanna madaukakiya.               DON JIN DADIN Abokiyar rigimata Ummussalama Bala (Anti Salma) da kuma rabin raina Ahmad Abdullahi.SADAUKARWAJibrin Adamu JibrinBamai DabuwaAbubakar Muhammad AuyoMusa Ibrahim KyaureHaruna BirniwaIshaq Sa’id BirniwaSulaiman BarkumKYAUTARWARabia Sk MashiFatima YusufMaryam Aliyu Umar SharadaNana Aicha Hamissou AbdoulayeHajara Ahmad OumnassKhadija AminuAmnourHadiza Muhammad TafidaNuna kulawa ta musamman da soyayya ga mara lafiya, na iya zama matakin farko na samun waraka.                        -Ibni Sina                              BABI NA DAYAKarfe daya da ‘yan mintina na dare, agogon da ke manne a jikin bangon falon ya nuna. A daidai lokacin da mafi akasarin mutane da dama a sassa daban-daban na birni da kauyuka ke sharar bacci. To amma ga ita doguwar matar mai doguwar fuska sanye cikin doguwar farar riga ko gyangyadi bai iya cin nasarar sace ta ba, balle aje ga batun bacci. Hakan kuwa ba zai rasa nasaba da wani al’amari da ke barazanar wargaza mata kwakwalwa ba.Tun tana safa da marwa a cikin falon mai matsakaicin fadi da yalwar kayan alatu, har ta gaji ta koma ta zauna a hannun kujera gami da rafka tagumi. Alamun da ke bayyane kan fuskarta na nuni da matsanancin damuwar da ke addabar ruhinta. Ajiyar zuciya ta yi karo na barkatai bayan da ta kuma duba agogon da ke manne a jikin bango.Shin ina ka shiga har yanzu ba ka dawo gida ba?Doguwa siririya wankan tarwada. Shekarunta za su iya kasancewa tsakanin ashirin da hudu zuwa da biyar. Doguwar fuskarta albarkace take da matsakaitan idanu, dogon siririn hanci gami da dan madaidaicin baki. Yalwar gashin kai baya ga kyan diri da ta mallaka na iya haddasa kai tsaye a kira ta da suna ‘kyakkyawa.’ Sai dai wasu na ganin muryarta ta fi komai kyau a tare da ita. Wasu sun yi hasashen cewa wannan ne dalilin da ya sa ake shagaltuwa da sauraron shirye-shiryen da take gabatarwa a gidan rediyo. Amma wasu na ganin sunanta ...

Continue reading free chapter