FreeArewaPen original
HIJIRA
- 1views
- 8chapters
- 0audios
- words
- 0likes
Share:
The story
Synopsis
No synopsis yet.
About the author
Marubuci... Kuma Mai harka buga littafi.
Sample · Day 1
“Ya ke ‘yarta kiyi sani cewar matasan mu sun qare sai tsofafi kuma raunana, wanda alamun gazawa sun bayyana a gare su, tabbas muka ci gaba da gabzawa za su kamamu su mayar da mu wulaqantattu abun quntatawa, ba za su bamu damar gudanar da ibadar mu ba, za su ci gaba da tirsasamu akan mu amshi addininsu wanda hakan ba zai yiwu ba don haka za su riqa mana xauki xai-xai, idan muka yi Hijira za mu samu ‘yancin da za mu yi ibada, hakan nan kuma mu ci gaba da baiwa yaran mu horon yaqi yadda za mu samu wata Rundunar zaratan jarumai, ki sani cewar Allah ya shar’anta yaqi ne ba wai domin a mutu duka jama’a a samu shahada ba, A’a don haka yin Hijira salon yaqi ne na nuna qwarewa”.Karsa ta yi shiru bayan ta gama sauraron kalaman mahaifinta, a hankali hawaye suka soma zubowa daga cikin idanunta, wani baqin hijabi na baqin ciki ya gifta ta cikin zuciyarta, a hankali ta miqe ta nufi cikin gidansu, ta bar mahaifinta da sauran jama’a suna shirye-shiryen birne gawarwakin sadaukan da suka yi shahada.Ta shiga xakinta ta soma tattara komi nata mai amfani, tare da gyara makaminta ta xauki wasu da suka rage tana sassakasu a jikinta, bayan ta kammala ta zauna ta yi shiru take zuciyarta ta dulmiya cikin tsananin qunci da damuwa.Hawaye suka ci gaba da zubowa daga cikin idanunta ba tare da qaqautawa ba, zuciyarta duk ta damalmale da yawaitar damuwa, ta rasa wajen da za ta saka kanta saboda yawan damuwar da ta mamaye mata rai.Zata so ace wata qasa za ta kawo musu taimako na dakaru tabbas da gobe tayi hawa zuwa bayan birni ta yaqesu da zuciya mai matuqar qarfi tamkar dutse, ba za ta saurara musu ba… Ta dakatar da tunaninta sakamakon motsi data ji akanta ta xago kanta suka yi musayar kallo da ita da mahaifiyarta.“Ki fito mu tafi” Tace da ita cikin murya cike da takaici da damuwa, bata jira taji abinda zata ce ba, ta juya ta fita ta barta ita xaya a zaune kamar yadda ta shiga ta sameta. Bayan ‘yan lokuta ta miqe ta xauki kayanta tayo waje, a cikin talatainin daren suka sulale ta qofar baya suka yi Hijira daga qasar ta su, suka shiga can cikin wani qungurmin daji suka nausa suna tafiya bisa azama da himma suna fatan su yi nisa sosai da qasar ta su.A zaune a sansaninsu Hamri yana zaune a cikin tantinsa ya yi shiru yana tunani, tun daga dawowarsa daga fagen fama jarumai da manyan shugabani suke zuwa suna masa jinjina bisa gaggarumar nasarar daya samu na kashe babban sadauki, amma shi hankalinsa kwata-kwata baya gare su, tunaninsa ya yi nisa da wajen da suke, a yanzu sai ya samu kansa a cikin tsananin damuwa.Mahaifinsa babban sadaukin qasar ta Romaniya ya xaga qofar tantin ya shiga ya samu waje ya zauna, su ka yi shiru su duka na tsawon lokaci kana daga bisani mahaifinsa ya nisa gami da kawar da shirun daya shiga tsakaninsu “Ina tayaka murna ya kai xana bisa nasarar da ta tabbata a ga...
Contents
Table of contents
Preview every chapter, see what is free, and continue reading when you join ArewaPen.
chapters8
premium6
Day 3
PremiumUpdated 2 years agoAvailable now
Day 4
PremiumUpdated 2 years agoAvailable now
Day 5
PremiumUpdated 2 years agoAvailable now
Day 6
PremiumUpdated 2 years agoAvailable now
Day 7
PremiumUpdated 7 months agoAvailable now
Day 8
PremiumUpdated 2 years agoAvailable now
Continue in the ArewaPen app
Unlock offline reading, audio mode, and sync your bookmarks instantly.
