Name: ADDINI, AKIDA
Author: M.Kwalisa

Complete book 1

Complete Book 2

Cike da jin daxi da nishaxi Farida take kallonsa, lamarin Nazir yana da bam mamaki, komai na shi yana gudanar da shi ne daidai da yadda addini musulunci da sunar manzo Allah(s.a.w) ya zo da shi.&nbsp;A lokutan baya taqi jinin duk wani mabiyin aqidar izala, ba domin komai ba sai don savanin aqida da su ka samu, suna suka a game da salatul fati da kuma suka a game da yin mauludi(ranar tunawa da haihuwar manzon Allah s.a.w) amman haxuwarta da Nazir ya saka ta sassauta ra’ayinta, ta kuma fahimci da xan izala da tijjaniya da qadiriya akan hanya xaya suke tafiya kawai savanin fahimta shi ya kawo bambanci aqida.“Na gode da ziyara ka” Suka dubi juna suka yi murmushi.Bayan xan lokaci da suka xauka suna hira, sannan su ka yi sallama Nazir da Abdullahi suka tafi su kuma Farida suka koma cikin gida.Zakiru Dauda dake lave a zaure yana jin duk abinda su ke tattaunawa ya fito ya bi bayan Nazir da kallo, yana yamutsa fuska cike da fusata a can cikin zuciyarsa yace.‘Lallai Farida kina shirin xako dala babu gamo. Allah ya tsari zuri’ar gidan nan da haxa jini da wahabiyawa.&nbsp;&nbsp;Akan katifa Farida ta zauna tana sauke ajiyar zuciya, itama Jamila ta samu waje kusa da ita ta zauna a hankali take dubanta.“Wai mene yake shirin faruwa tsakanin ki da Nazir?” Ta xago qwayar idonta ta dubeta.“Mene kuwa banda soyayya” A taqaice ta bata amsa.“Amman kinsa dai nasha gargaxinki akan haka, shin kinsa abinda kike shirin yi kuwa?” Ta gyaxa mata kai.“Na sa ni Jamila”.“Duk da kin sa ni gwara na tuna miki, wata qila yanzu soyayya ta rufe miki idanu, don haka yana da kyau ki farka daga barcin daya xauke ki, nasan kina sane da cewar Nazir xan izala ne, ya kuma tumbatsa a cikin aqidar ta. Shin kina ganin za ku samu cima burin ku?” Ta girgiza kanta.“Idan Nazir xan izala ne, hakan yana nufin shi ba musulmi bane?” Ta tsare Jamila da idanu, ganin bata da niyar bata amsa ta ci gaba da magana “A lokutan baya na tsani duk wani mabiyin aqidar izala, amman zamana da Nazir yasa na fahimci da mu da su duka muna akan tafarki guda ne face kawai savani da aka samu na wasu aqidoji, don haka tunda mun yi taraya da su akan shaidawa babu abin bautawa da gaskiya sai Allah, kuma Annabi Muhammad(s.a.w) manzo sa ne, mun yarda da sahabai dukan su adalai ne, haka nan kur’anin mu iri xaya ne hadisan da muke karantawa, to idan kuwa haka ne na zavi Nazir a matsayin mijina wanda nake son aura”.Jamila ta yi murmushi “Kin haukace a soyayyarsa Farida” Ta xan saurara kaxan sannan ta ci gaba da magana “A baya nasan kin qi jinin duk wani wanda yake adawa da yin mauludi, amman a yanzu kina neman sauya wa”.Farida ta miqe a hankali ta yi taku xaya na biyun ta tsaya kusa da Jamila suna fuskantar juna cikin murya qasa-qasa kamar mai yin raxa tace mata.“A baya ilimi nane bai kai ba, a yanzu kuma na fahimci savanin aqida ne kawai ya kawo haka”.“Kenan za ki aure shi koda zai hanaki yin mauludi?” Farida ta yi saurin girgiza kanta.“Idan har yace zai sauya min ra’ayina na miki alqawarin zan rabu da shi, ai soyayyar ma’aiki tana sama da ko wacce irin soyayya”.Jamila ta sauke ajiyar zuciya kafin ta miqa hannu ta xauki Jakarta.“Allah ya zava mana abinda yafi alheri” Ta yi musu addu’a.Duk da Farida bata amsa a zahiri ba, amman a cikin zuciyarta ta amsa da amin.Zakiru Dauda ya jima a zaune a qarqashin bishiyar darbejiya ya yi shiru yana saqawa da kwancewa. Shi abinda ya fi xaure masa kai alaqar Farida da ma su adawa da mauludi. Tabbas baya raba xayan biyu yadda ya gansu tare akwai alaqa mai qarfi a tsakanin su.Ya dafe kansa ga mamakinsa sai ya ji jinin jikinsa yana tafarfasa, Allah tsari jinin shehu da haxa zuri’a da ma su adawa da yin mauludi, tabbas duk yadda zai yi sai ya kawo qarshen wannan alaqar.

ADDINI, AKIDA

Synopsis

About the author

Table of contents

Complete book 1

Complete Book 2

Continue in the ArewaPen app