KANA NAKA BOOK 1 TO 3.

Sample · KANA NAKA BOOK 1.

KANA NAKA..!1LITTAFINJAMILA UMAR(JANAFTY)*** RUBUTU:2023. SADAUKARWA.Gabadaya Littafin KANA NAKA, Sadaukarwa ne ga iyayena guda biyu. ALHAJI UMAR MUHAMMAD MAILOKI, tare da mshaifiyata albar alfaharina HADIZA MUHAMMAD BA'ARE. Allah ya saka muku da gidan Aljannah Firdausi. Allah ya sa ku gama da Duniya lafiya Ameen. TUKWAICI.KANA NAKA. Tukwici ne zuwa ga re ku Anty Sis(My Anty), Surraya Dahiru gwaram(Kawata), Aisha muhammad Alto,(Sisinah), Halima Yusuf gwarzo(Besty), Khadija Salisu yusuf(Ummina).Ina kaunar ku Allah ya had'amu a Aljannah. KUNA RAINA.Daukacin JANAF, Fatima Umar(Fatina),Sci.Jamilu Umar(Ya jay), Hafsah Mustapha Hafnan(Sahibatu), Zainab Muhammad Chubado, tare da Daukancin Ahalin gidan Baba mailoki. GARGAD'I.Ban yarda a sarrafa wannan labarin ta kowace siga batare da izinina ba. Karantawa a wata kafar sada zumunta batare da izinina ba, ya saba ma hakkin mallakata. TSOKACI.Labarin KANA NAKA, kirkirarren labari ne, ganin abunda ya yi daidai da na suna,gari ko Hallaya. To an sa ne domin arashin labari ba da niyyar cin zarafin wani ko nu ni da rayuwar wasu ba.*Shimfid'a.*Katsina.Area:Layout.Karfe Tara ya shigo gidan nasa kamar yadda ya saba duk da yau yayi dare agidan mama chan kofar soro tunda tachan ya fara sauka bayan isowarsa Dazu da mangariba dagachan inda yake aiki a birnin Abuja.Da kansa ya Tuko kansa Daga Abuja wannan Satin sakamakon Direbansa mallan iliya,mahaifinsa ba Lafiya ya tafi garinsu ya Dubasa bayan ya mai izini..shiyasa gabadaya agajiye yake gabobinsa gabadaya sun sake suna Bukatar Ruwa mai zafi tare da Tattausan Hannun wajen kwantar dasu su koma Daidai kuma Gajiyarsa ta Hada harda Dadewar da yayi mai baiyi Dogon Tuki ba ko Chan karofi zai Tafi Mallam Iliya ke tukasa Abu ne mai Wahala ka gansa yana Tuki da karan kansa.Cikin muryansa mai Cike da Zati kamar ko yaushe yayi sallama bayan ya shigo Kyakyawan falon gidan nasa,wanda yara duk sun bata Fentin da Rubutu da Maker da Pencil,sun gama Lalata kyakyawan fentin Dake cikin Falon da ba'a sabuntasu ba Sannan ga kujerun nan duk sun ji jiki,sun fara yagewa Kushin din zaman duk yayi kasa,ya yamushe,shi kanshi Cafet din Tsakar Dakin ya fita Hayyacinsa Duk yayi Wusu wusu sannan yayi Datti Sosai.Sau tari irin wad'anan abubuwan ke saka yayi zamansa Abuja baya kaunar ya shigo Katsina ya Shigo Gidansa yaci karo da yanayin yadda MATAR gidan ta bar yara suka barnata komai na gidam kamar gidan wata mai Saida Kuli kuli Tsabar yadda gidan ya fita Hayyacinsa.Cikin yanayin kallonsa ya kare ma Falon kallo karamin Tsaki yaja ganin harda Takardun yaran duk sun yaga sun gama Haukata Falon bai nemi kowa ba sanin ba Sautin dawowarsa zataji ba Wacce ko agabanta kake sai kayi mgana kana Faman maimaici take iya jinka.Yana Sarsarfa zuwa Bangaran...

Continue reading free chapter