MATAN GIDA

Sample · Chapter 1

Sama da mintuna biyar motar ta ke a tsaye sanadiyar matar da ta tattare gaban motar akan motar bazata wuce ba sai da idan ta kanta motar zata bi ta wuce, driver ya yi tsaye yana kallon ikon Allah yayinda mamallakiyar motar ke zauna a mazaunin baya tana nazarin wani file da ke hannunta hankalinta a kwance AC yana ratsa sassan jikinta saboda zaman motar lafiyayya, driver a karo na barkatai ya ƙara waigowa ya ga ko sarkin mulkin ta motsa amma bata ko motsa ba tamkar dai babu abinda ya ke faruwa, ganin tabbas ba za ta yi magana ba ya sanya ya bar motar a slow ya fito daga cikin motar a hanzarce ya taka wurin da ake hayaniyar ya dubi yanda matar ta daddage ta rungume gaban motar takaici ya isheshi ya ce a fusace "Ke baiwar Allah kinsan me kike kuwa? akan me za ki zo ki ce sai an barki kin ganta kuma an gaya miki bata ganin mutane sai da appointment?" Harara ta wurgo masa saboda mutane sun tsagaita da ƙoƙarin rirriƙeta ganin ya fito a motar sannan ta ce "To ina ruwanka? Yau idan kaga na ɗaga daga nan to tabbas na ga Hajiya ne." A ƙufule ya ce "Tunda an yi ta ba ki haƙuri baki haƙura ba anyi faɗan ma kin ce ke kinji gani jama'a ku shaida ita ce ta kashe kanta don murje ta zanyi in wuce" Hannu ta kai ta daki bonnet na motar ta ce cikin ƙaraji "Ka murje ni mana sai me?" A hankali Bilkisu ta ɗago jin an dakar mata mota haka ƙarewa matar kallo ta yi daga zaunen da take sannan sai ta sake wani malalacin murmushi kafin ta ajiye file da ke hannunta a fusace ta ɓalle murfin motar ta fito,cikin shiga ta alfarma ta soma takun ƙasaita har ta ƙaraso wurin matsawa mutane suka yi daga wurin ta taka har inda matar ta ke, matar na ganinta ta miƙe tsaye ta na mayar da numfarfashi ta haɗa gumi tamkar wacce ta haɗiyi kunama, sake ƙare mata kallo Bilkisu ta yi idonnan fal masifa iya shaƙa ta shaƙa sannan ta ce cikin ƙosawa "Ke!" Matar ta kalleta lokaci ɗaya ta yi mata kwarjini ta sauke idonta daga dubanta ita kuwa fuskar a haɗe ta furta "Bar jikin motana" a hankaki taja baya ita kuma ta gyarawa tabaranta zama sannan ta ce tana kallon Habu direba "Malam Habu idan ka tashi wucewa ta kuma shan gaban motar ka taka ta ka wuce." Ta na kaiwa nan ta zaga a hankali ta na shirin shigewa motar matar ta rugo ta zube a gwiwowinta sannan tayi azamar damƙe ƙafafun Bilkisu ta kai musu kyakkyawar runguma, runtse ido Bilkisu ta yi sannan cikin takaici ta soma ƙoƙarin raba jikinta da nata amma ta yi mataa damƙar kazar kuku wannan ya sanya ta kasa sai waigowa ta yi ta ce "Baiwar Allah kina da hankali kuwa? Me ki ke tunani wai?" Cikin Muryar kuka matar ta ce "Don darajar ma'aiki SAW ki saurareni Hajiya, yau na shafe sati shida kullum daga unguwar Mahanga nike zuwa ƙasa har nan don kawai in ganki amma kwata kwata sun hana in ganki sai cewa su ke yi sai nayi registration na kusan 20k kuma wallah...

Continue reading free chapter