RUBUTU A KAN RUWA

Sample · Page 1

RUBUTU A KAN RUWA   بسم لله الرحمن الرحيم FATIMA MUHAMMAD GURIN     (Gureenjo)ADABI WRITERS ASSOCIATION Marubuciyar:*Zuhraa**Hamrah**Igiyar Rayuwa**Noor Iman**Ruwan Sama..**Lelewal**GAMON JINI paid**Kowa Ya ga zabuwa..**Diddigar ƙaya... Paid*And now..*RUBUTU A KAN RUWA*FREE PAGE 1Mafari...!Zubewa take kokarin yi cikin gigitacciyar kukan dake ratsa duk wani me sauraro, da sauri jama'ar wurin suka hoɓɓasa da nufin taro ta gudun mugun faɗuwa amma hakan be hanata kaiwa ƙasa ba tana rero kukan dake fita daga ƙasan zuciyarta, kukan da duk me sauraro ke tabbatar da lallai an yiwa wannan yarinya rashi me girma, babu abunda ya kai rashin mahaifi ɗaci sbd dashi ne ake ado, yau babu majinginarta babu bangon ta ya rushe ba tare da ta tsammatar mishi mutuwa kwana kusa ba, ya tafi ba tare da sun yi cikakkiyar sallama ba, gabaɗaya ta hautsine ta hautsina kowa sbd kowa ya kwana ya tashi ya san da irin fitinanniyar ƙaunar da mahaifinta ke mata haka ita ma girman ƙaunarta gareshi ma'auni baya iya aunawa yau ya tafi ya barta, a gabaɗaya gidan kowa ya dawo bata baki sede wannan kuka ba na bari kwana kusa bane..Kaman yadda mutuwa take da wani ɗabi'a, ta kan ɗanɗana maka ɗacinta ne ka gigice a lokaci ɗaya amma duk inda aka samu kwanaki dole ka rungumi hakuri ka fawwala Allah lamuransa, ka cigaba da bin wadda ka rasa da addu'a Dukda ze kasance chan Kasar zuciyarka amma dole ka koma rayuwarka kaman koda yaushe, haka ta kasance a rayuwar matshiyar budurwa Ayusher, yau kimanin kwana huɗu kenan da ta rasa baffanta me ƙaunarta, kaman kullum tun bayan rasuwar tana zaune ne cikin kayan saƙi na Fulanin usul farare ƙasan ɗan ficiciyar rigar sakin wani jan riga ne da mahaifinta ya saya mata a chan birni har kala uku take anfani dasu, zaninta ta ɗaura shine daga kan shafaffen cikinta da kaman ba'a saya masa hatsi, idanunta sanye da farin gilashi me kyau wadda ya ainihin fito da kyaun fuskarta, kyakyawar gaske fara tas da ita daga ka ganta da yanayin sumanta da tayi kitso biyu duka baya ta kuntosu ɗaiɗai ta gefen kafadunta har suka sauka kirjinta zaka san eh lallai wannan yarinya cikakkiyar bafulatana ce.Motsin Shigowar Nene be sa ta ɗauke idanunta daga inda ta kurawa ba tana ji dai ana ta hada hada da wasu baƙin masu gaisuwa sbd mahaifinta me jama'a ne har yau huɗu da rasuwarshi mutane basu daina tururuwar zuwa ba, amma hakan be sa ta motsa ba bare ta fito ayi gaisuwar da ita."Indo!"Mahaifiyarta ta kirayi sunanta tana dafa kafaɗarta."Na san rashin baffanki babban rashi ne da har Abada ba ze daena miki ɗaci ƙasan rai ba sede ki sani, da rai da rayuwa duk na Allah ne bawa iyakarsa yayi hakuri dasu ya kuma rungumesu a duk halin da ya same su, baffanki ba abunda ya so miki ba kenan kin san illar da hawaye kan yiwa idanunki taya zaki cika ...

Continue reading free chapter