SIHIRTACCIYA

Sample · 1

💞 *SIHIRTACCIYA*💞*1**Bismillah da sunan Allah Mai rahma Mai jinkai Allah yasa mu gama lafiya ya bamu iKon amfani da abinda ke ciki, d story is just an imagination banyi shi don cin zarafin Wani ko wata ba, all characters n everything are just fiction, littafin na kudine 300 only*Masarautar Bengaza masarauta ce dake ji da karfin Iko da izzar mulki Wanda duk mutanen yankin ke matukar tsoro da basu girma can yankin yammacin nahiyar Asia, Wani azzalumin sarki ke bisa karagar mulki Mai suna sarki Furqum mutum me azzalumi mara tausayi da Imani dama Babu Allah a cikin zukatansu saboda gumaka suke bautawa da Kuma sihiri da tsafi domin addinin islama tayi karanci a wancan yankin. Karfin iKo da izzar mulkin nasa ya samu nasaba ne bisa dakarun sojojin yaki da yake matukar jida su , jarumai ne majiya karfi Wanda suka kware sosai a fagen yaki da filin daga domin duk lokacin da suka fita yaki basu dawowa sai sunyi nasara, ya kwace masarauta da dama suka koma karkashin ikonsa wannan Yana daga cikin babba dalilin da yasa Ake matukar shakka da tsoron masarautar Bengaza, mutanen garin yawanci gumaka suke bautawa sai Kuma manyan bokayen kasar da ake matukar Basu girma Wanda suka zamo tamkar manyan malaman kasa masu fada a ji domin kuwa Koda sarki ne idan suka gindaya masa sharuda baya tsallakewa , sana'ar kira da kamun kifi sai noma dashi suka dogara babu batun karatun addini ko na zamani sai karatun sihiri da tsafi Wanda sai yaran masu kudi ke samun matsayin shiga . Sarki Furqum mashayin giyane na bugawa a jarida ga Kuma son hulda da mata domin kuwa Yana da mata goma cif Kuma kowane dare sai ankawo masa Yan matan gari ya kwana dasu , idan iyayen yarinya suka nuna taurin Kai a kashesu Kai tsaye wannan Yana d'aya daga cikin fargaba da kalubalen da talakawan kasar ke fuskanta Kuma sun rasa mafita suna ji suna Gani ana tozarta y'ay'ansu mata babu abinda zasuyi akai.Faqeerah wata kyakkyawar matashiyar baiwa ce da aka kawota bangaren matar sarki aiki, tana da matukar kyau me daukar hankali hakika duk Wanda ya kalleta dole sai yaji sha'awar ta saboda Allah ya bata diri ga uwa Uba kyaun fuska da hasken fata, satinta biyu a cikin masarautar bata zuwa ko'ina daga fadar Sarauniya sai fadar Sarauniya bata fita aikinta shine yuwa Sarauniya izzar hidima .Babban matsalar dake ciwa sarki Furqum tuwo a kwarya shine rashin samun magaji , wato duk iya auren da yayi da Kuma matan da yayi tarayya dasu ya kasa samun d'a ko y'a saboda kaf matansa babu wacce ta taba yin Koda b'ari ne bare Kuma ciki , wannan matsalar yasa kullum yake cikin kyautatawa abin bauta ko zaiyi dace. Yana zaune tare da Babban bokansu na kasar baki d'aya Wanda yazo suyi ganawa ta musamman, sanye yake cikin manyan kaya irin Nasu na sarauta gabjejen mutum ne me kyaun fuska amma a tsaye yake kakkarfan namiji ne su...

Continue reading free chapter