ZAHRAH

Sample · Page 1-2

ZAHRAH...!* Sabon Salo. ©FATIMA SUNUSI RABIU UMMU AFFAN GAWURTATTU BIYAR TAKU NA BIYU.✌️ Godiya ta tabbata ga Allah da ya sake bani dama da iko na kawo muku wani sabon labarin sabon takun kuma sabon salo, Allah ka ƙara bani iko da aminci lafiya da basira incigaba da kawo muku gawurtattun labari. Dubun tsira da aminci su ƙara tabbata ga fiyayyen halittu Annabi Muhammad S A W. _Wannan karon ma labarin ƙirƙirarre ne, da fatan zaku bani haɗin kai domin fahimtar inda ya dosa, sannan ban yadda a juya mini labari ta kowacce irin siga ba ba tare da izini na ba, idan yazo daidai da rayuwarki/ka a rashi ne._ _MASU SO NA ƊAURA MUSU TALLA A PAGES NA LITTAFINA ZASU IYA MAGANA CIKIN FARASHI MAI RAHUSA, MAI TALLA SHI KE DA RIBA ***._ Bismillahir rahmanir rahim. ️ 1️⃣ & 2️⃣ ...Sosai ta ke juyi a saman gadon tana girgiza kai da fizge-fizge kai da ka kalleta kasan tana cikin wani yanayi kuma a hakan idanuwanta a rufe suke kamar mai bacci, cikin wata irin murya mai ɗan ƙara da sauti ake mata magana "Zahra ina sonki kuma har abada ba zan iya rabuwa da ke ba ke tawa ce ni ɗaya." Bin shi take da kallo ta kasa magana shi kuwa ta kowa yake gareta har ya ƙaraso bakin gadon. Zaunawa yayi tare da ɗagota jikinsa ya fara sarrafa ko ina na jikinta, ita dai ga tanan kamar mutum-mutumi ta kasa ko da ɗaga ɗan yatsan hannunta, "Zarah ke tawa ce har abada, nan yaci gaba da faɗa mata maganganun da bata ga ne amon su. Wani irin haske ne ya bayyana wanda ko idaniyarka ba zaka iya ɗagawa ka kallaba saboda tsananin hasken, bayyanar shi yasa kamar anyi walƙiya sai kuma d'uf!! Ya ɓace kamar anyi ƙiftawar ido. A matuƙar hargitse ta farko daga baccin da take wanda in har zata kwanta sai tayi wannan mafarkin, kasancewarta mara tsoro da kuma da kakkiyar zuciya yasata zaunawa akan gadon tana tariyo abin da ya faru Hisham！ ta kira sunansa kamar yadda ya sanar mata a mafarki, sai ji tayi kamar daga sama an amsa mata Na'am Zarahta abar sona a ko da yaushe kuma ako wane lokaci ina tare da ke da sauri ta fara waige-waige a cikin ɗakin amma ba ta ga kowa ba. Tsuww!!! ta ja tsaki tare da miƙewa, riga da wando ne a jikinta sak na maza domin jeans ne da t-shirt mai kwala irin ta maza kanta hula ce ta tusa gashin kanta ciki, fitowa tayi tsakar gida daidai fitowar Hanne daga ban ɗaki wato mahaifiyarta, kallonta tayi tana hura hanci "Yo Hanne me zan samu ne ko an jiƙa kwakin ne ko yau an sami garau-garau!" Wata harara ta banka mata ta ce"Sannu Baabata kin san dai kowa tasa ta fishshesa akeyi a cikin gidan nan don haka idan kina da kuɗi sai ki saya kici. Zarah ta kalli Hanne da ƙyau ta ce"Allah ko?" Cikin maganar kalar ta maza nigogi. Hanne taja tsaki tare da cewa"Ƙyayi kuma ai" Feesu ce ta shugo cikin shigar ƙananun kaya kan nan nata yasha ƙarin gashi hannunta riƙe da leda, guri ta samu ta zauna ...

Continue reading free chapter