FreeArewaPen original
ALAQAR SOYAYYA
- 1views
- 2chapters
- 0audios
- words
- 0likes
Share:
The story
Synopsis
No synopsis yet.
About the author
Sunana Halima.hz, ni marubuciya ce, kuma ƴar kasuwa mai siyar da nau'in sutturun sawa. Ina rubutu don in rayar da abubuwan da mutane ke ji. Ba na rubutu don nishaɗi kawai, ina rubutu don motsa tunani. Kowanne labarina yana ɗauke da murya...
Sample · 1
ALAQAR SOYAYYA```Gajeran Labari!``````Free Book.```©️Halima-hzhalimahz@ArewabooksHalimahz_@Arewabooks_______________________BISMILLAHIR-RAHMANIR RAHIM. dukkan yabo da godiya su tabbata ga Allah (S.W.T), ina gode masa, ina neman agajinsa da gudunmawarsa da taimakonsa.________________________Littafin ALAQAR SOYAYYA rubutu da wallafawa haƙƙin Mallakar Marubuciya Halima-hz ne.Duk wani abu da za'a karanta cikin labarin ƙirƙirarsa aka yi, ba labarin gaske ba ne.______________________LITTAFIN SADAUKARWA NE GA DUKKAN MASOYANA, MAKARANTA LITTAFAI NA._______________________(1)Ni'imtacciyar iskar garin mai daɗi na ratso tagar sitting room ɗin tana shigowa tana mai ratsa ilahirin fatar jikinmu. Ƙwayar idona na ɗaga ina mai kafe tagar, yanayin garin nake kallo da ke burge ni a duk sanda yayi irin haka, ina ta shaƙar ƙamshin damshin ƙasa da ke ba da tabbacin wani yankin na kusa da mu an sheƙa musu ruwa. Ina son yanayin gari na damuna, a yanzu hakan da nake kallonsa duk da ba wai hadari ne sosai ba, amma ba abun mamaki ba ne don ruwa ya sakko kamar da bakin ƙwarya. Kuma har cikin raina addu'a nake sosai akan a tsuge da ruwan, saboda wani dalili nawa da ya saka ni sakin murmushi mai faɗi ba tare da na shirya masa ba.A hankali na lumshe idona tare da jan dogon numfashi na sauke, har yanzu murmushin bai ɗauke a fuskana ba, don kusan ma dariya ce ke neman kubce min, domin fatan tsugewan ruwan saman da nake yi tamkar mugunta ce, kuma wanda na ke fatan ayi ruwan dominsa idan ya sani sai na sha baƙar magana. Yanda ku ka san mai jin bacci haka na ɗaga murfin idona na buɗe su a lumshe, ƙwayar idona fara tass ta sauka akan Umarul Faruq da ke gefena kan dardumar sallah, ya ɗaga hannayensa yana roƙon ubangiji bayan idar da sallar la'asar ɗin da yayi. Hatta alƙalami ba zai iya faɗar irin kyan da baƙin yadin jikinsa yayi masa ba, ya amshe shi sosai. Ji nake kamar in kai hannu na taɓo ɗan cif cif ɗin gemunsa da ke bani sha'awa, uhmm Allah dai ya kai damo ga harawa inji hausawa. Na sani a jikinsa yaji shigar kallon da nake masa, dalilin hakan ya saka shi murguɗa min baki ta gefe ɗaya, ba tare da ɗauke idonsa daga kallon gabas ba. Fuskata ta ƙwace da dariya mai gajeran sauti, ina yinta cike da nishaɗi da wani irin jin daɗi mai ratsa zuciya, yana bani dariya idan ya murguɗa baki ko harara. Ya Allah! soyayya duniya ce jama'a, wallahi tasirin abunda nake ji a zuciyata game da soyayyarsa ba zan iya misalta shi ba, kuma ban san ta inda zan fara bayaninta ba ko da an ritsani da tambaya, abu guda ɗaya na sani ina yi masa asalin soyayyar da babu sirkin yaudara a cikinta.Wato a yanda na fahimci soyayya wata irin nutsuwa ce da take kama zuciya a hankali, akwai soyayyar da take zuwa a hankali kamar yanda ruwa ke gangarowa daga tudu, akwai kuma wadda take shiga zuciya kwatsam tamkar hadari. Ji...
Contents
Table of contents
Preview every chapter, see what is free, and continue reading when you join ArewaPen.
chapters2
premium0
Continue in the ArewaPen app
Unlock offline reading, audio mode, and sync your bookmarks instantly.
