Name: NI DA GIDANA
Author: Zainab iliyas

NI DA GIDANA  page 1

Nl DA GIDANA. BOOK 1 _ Page 2

"Labarin rayuwa ta d'auke take da amsoshin tambayoyin wasu mataye, haka zalika d'auke take da warwarar matsalolin wasu mataye, tana dauke da burikan miliyoyin wasu mataye, Kuma tana d'auke da mafita ga wasu matayen aure da marasa aure, da suka shiga takun kumin ina mafita ga wasu matsalolin su.  Ni ba 'yar kowa bace, ni 'yar talaka ce lis, asali ma marainiya, kuma ni ba kyakykyawa bace, a cikin sahu na kyawawan mata, kuma ni ba wani ilimi nayi na azo a gani ba, ni ba 'yar mai mulkiba, amma na auri mijin da ko a mafarki, ban tab'a zaton zan aureshi ba, da za a iya kiran sa da karshen buri.  Na shiga daula ta arzik'i nayi ninkaya a ciki da sai d'ai, d'ai kun mata a duniya ke rabautar da irin sa. Na mallaki kadarori da dukiya da ni kaina bazan zayyano su cikin sauk'i ba. kuma shaida ne, da zaku labartawa kowa wacece sumayya.Taja dogon numfashi ta d'ora.   _Duk da wannan irin dad'in duniya da daula da sa'ar miji na kerewa sa'a da na rabauta dashi, ina tare da wani tabo na mikin ciwo a zuciya ta da ya kasa warke wa da a ka jarrabeni da shi, da sai Jifa Jifa yake motsamin yayi ta damuna ya na yi min zuci, wani zubin har bacci nake kasayi amma ba kowa ne yake iya fahimtar hakan ba, face mijina da yanzu muka zama hanta da jiniWannan ciwon wata kaddarace mai zafi da a kataba jarrabata da ita, da har na koma ga rabbi bazan manta ba, ba kuma mutuwar iyayena ba ce, nasan hasashen ku kenan". _Duk wadannan maganganu Sumayya ce ta ke fadawa manyan aminanta biyu laila da Aliya da suka sata a gaba a kan lallai sai ta basu labarin rayuwarta, saboda yarda ta dau hankalin mata bila adadin, ta zama abar shaawa da kwatance da misali a gari. "Yanzu nan yarda muke ganinki cikin niimar ubangiji ta aljannar duniya da dacen miji na kerewa saa da 'ya'ya har a kwai wani a bu da ya isa ya dameki a rayuwa?". A cewar Aliya    _"Gaskiya ni ban yarda ba ma, kawai zolaya ce, malama ki yarda kawai kin gama shan kwana a rayuwa, mai taddoki ba a ce babu ba, amma kalline".inji Laila. Sumayya tayi dan murmushi. "Aminiyata, idan kika ce haka kin jahilci sanin ita kanta rayuwar, babu yarda zaayi a rayuwa kace komai ka samu yarda kake so, ko baka da wani gibi ko wata damuwa da ta saura, bazai yiyu ba, za kace kayi imani ne, kace wai kuma ubangiji bazai taba jarrabarka ba, ko yayi maka wata babbar niima ko baiwa, ko karama ko babba, dole ya jarrabeka, don babu wanda zaice baya cikin niimar ubangiji ko wata baiwa a rayuwa, sai dai kawai mataki mataki ce, ta wani tafi ta wani".Laila tace"Bani da ja cikin lafazanki tabbas haka ne, amma dai ni a iya a hasashe na, banga ko da da alama na wani abu da ya isa yanzu ya dameki a rayuwa ba, sai dai idan ke kika damu kanki da shi, kin mallake miji da dukiyar sa, sun zama sai yarda kike so ke da yaranki, dangin miji kin mallake, rawar jiki suke a kanki da girmamawa.""A zaman mu yanzu oga ya kiraki ya kaifa sau biyar saboda me? Saboda ya mato, kuma yana can ne, tunanin sa yana wurinki fa".A cewar Aliya kenan".Sumayya tayi murmushi sosai kafin tace.   "Bazan ce ba haka ba ne a minai na, sai dai nayi k'ok'arin mai da tunanin ku can baya, domin Kusan gwagwar maya da wuya da wulakantar da  sumayya tasha kafin ta samu wannan darajar da daukakar, da farin jinin a wurin mijinta da danginsa da wurin kawaye da 'yan uwa da jamaar gari.Duk macen da za ta iya juriya da hakuri da addua, da kuma kwaikwayon irin abinda nayi, da fadi tashin da nayi kafin na samu wannan nasara, to kuwa tabbas za ta iya dace da rayuwar Sumayya ko ba duka ba, kuma za ta haye ta samu nasara da daukaka da farin jini a wurin miji da danginsa da ma mata 'yan uwanta".Ga daga in da Sumayya ta soma kutsawa cikin labarin rayuwarta, duk a cikin littafin nan mai suna. NI DA GIDANA"Had'uwa ta da Fa'iz Bukar, daga nan k'addarar tawa ta soma. Ku biyo Sumayya domin jin kundin tarihin rayuwarta.Taku Zainab mazawaje.

NI DA GIDANA

Synopsis

Table of contents

NI DA GIDANA page 1

Nl DA GIDANA. BOOK 1 _ Page 2

Continue in the ArewaPen app