MR.BELLO

Sample · 01

MR BELLO..!(The young Teacher)NAJANAFTY💕....SHIMFIDA....        🅿️1GGUSS KWATAR-KWASHIA harabar babbar Makarantar ta GGUSS, (Goverment Girls Unity Secondry School Kwatar-kwashi) Da ke tsakanin dajin kwatar-kwashi zuwa gusau, da Misalin ƙarfe 10:30am na Safe. Ɗalibai ne birjik a babbar harabar makarantar, mata ne zalla, ta ko ina suna yawo, wasun su na tsaye da tarin akwatunansu da jakunku a saƙale a kafaɗunsu, yayin da wasu ke tururuwa e shiga doguwar mota fara mai ɗauke da tambarin GGUSS KWATAR-KWASHI, dukkansu sanye da uniform wanda ya kasu kala biyu, wasu daga ciki light green ne both riga da wando da ɗankwali, sai kuma farin hijjabi, yayin da na wasu ya kasance gefe ɗaya kuma Kowaccen dark green ɗin wando sai farar riga da hijjabi. Sosai harabar makarantar ta rikice da hayaniya da murna da kuma Iface-ifacen Ɗalibai, wanda ke bayyana tsantsar farin cikin da suke ciki na hutu da suka samu, iyayen wasu daga cikin ɗaliban da ba su yi register da motar makaranta ba sai zuwa ɗaukar su suke zaka, a gefe ɗaya kuma wasu na ta fita bakin get suna ɗanewa mashinan da za su kai su tasha domin kama hanyar gidajensu. Daga can ɓangare ɗaya a bakin wata bishiyar dalbejiya, wasu 'yammata ne su uku a gabansa da akwatuna tare da sauran tarkacensu na amfani, kasancewar hutun third term ne ƙarshen zangon karatunsa na JSS 3.Suna sanye da Uniform ɗinsu na Junior, light green both Riga da Wando da Ɗankwali sai hijjabi fari, dukkan su tsawonsu zai zo ɗaya, sai dai bambancin kamanni, biyu daga ciki farare ne sosai, yayin da ta tsakiyar su ta kasance baƙa suluf, duk da kasancewar baƙinta ba mai duhu bane hakan bai hana ta shining ba, doguwa ce mai ƙarancin girman jiki, Fuskarta tana da Faɗi amma ba sosai ba, tana da manyan Idanuwa masu Ɗauke da Gashin Ido Zara-zara sai ƙaramin bakinta wanda yake baƙi-baki. A shekaru Dukkansu bazasu gaza Shekaru goma sha shida ba, musamman yadda Zallar Ƙuruciyarsu ta bayyana a lokaci."ANEESA..." suka ji an ambata daga bayan su, a tare suka waiga suna Kallon mai Muryar, ɗaya daga cikin Senoirs ɗinsu Jidda Madaki ce, Waɗanda suke kan zana Jarabawarsu ta Fita ‘WAEC’, Saboda haka su suna Makaranta babu su a zuwa hutu sai sun kammala. Itama ɗin sanye take da uniform ɗin su na Senior, Dark green da Farar riga da Hijabi, Kyakkyawar Gaske ce gata fara doguwa mai ɗauke da dara-daran Idanuwa masu Haske, murmushi ta sani sannan ta sake yin magana cikin siririyar muryarta. "Aneesa Please ɗan zo na ganki..." Ta kai ƙarshen maganar cike da yangar da ta fi kama da halittarta, jin abin da ta ce ya sa Aneesa Ta ƙara haɗe rai kamar wacce aka aiko wa da Saƙon Mutuwa, Saɓanin Sauran ƙawayenta da Fuskarsu ke washe na Farin cikin komawa gida yau, Cikin sanyi Jiki da takun ɓacin rai Aneesa ta nufi Jidda bayan ta dubi ƙawayen nata tana Faɗin ...

Continue reading free chapter