MATACCEN RUHI

Sample · MATTACEN RUHI

MATATTACEN RUHI2026  Ayshatu D Fulani  Lamba ta ɗayaJuyi take cikin bacci wanda yake ƙokarin kaurace ma idonta, duk wani ƙokarinta na son janyo baccin amma sam abun ya faskara, bude idonta tayi a hankali tana ƙarema ɗakin kallon wanda gaba ɗaya bata iya banbance komai bare ganin abun da ke cikin ɗakin sai duhun da ya mamaye ko'ina.   Muskutawa tai ta jawo wayarta data ajiye nesa da filon data kwanta akai,lalubawa tai tayi amma sam bataji komai ba, miƙewa tai zumbur don sake nemo wayar ta kunna haske ta duba karfe nawa.     Duk iya lalubenta bataji komai ba hakan yasa ta miƙe zaune ta saukar da ƙafafuwanta kasa ta soma tattakwa wurin makunar wutar dakin duk iya lalubenta bata ji wurin ba, mamaki fal ranta akan rashin jin wurin.Sake maida hannunta tai a jikin bango ko Allah zai saka ta sake ji aiko tana daura hannu ta saukeshi akan makunin. Hamdalah tai ta danna aiko take haske ya bayyana ya haske ko wani lungu da sako na ɗakin.    Kan gado ta nufah ta hau lalubar wayarta ta dauko duba lokacin tai taga karfe biyu da mintinan hamsin. Kashe wayar tai ta nufi hanyar bayi don ta dauro alwalah, da addu'a a bakinta ta tura kofar bayin.  Alwalah tai ta fita tana gyara zaman hular kanta ƙirjinta ne yai wani irin mummunan bugawa take jikinta yafara rawa addu'a take ƙokarin yi amma sam zuciyarta taki bata hadin kai, gaba ɗaya ta firgice da mummunan ganin kokarin tuna koda harafi ɗaya take na addu'a amma ta kasa a razane ta haye kan gado da masifar sauri.    Damm damn gabanta ya sake wawan bugu jin wata muryar da rabonta data jita yau kimanin shekara biyar kenan har da ɗorin watanni akai, chak ta tsaya domun ku wa numfashinta ya katse mata na wani sakkani sai a lokacin ta samu damar furta kalmar "Inalillahi wa'inna alaihi raji'un! Ji tai duk wani tsoro ya gusa daga jikinta zuciyarta na karfafa mata, ta sani ko kowa zai cutar da'ita ban da Najma wasu siraran hawaye ne suke samu nasarar saukowa akan ƙuncinta.    Hannu takai ta goge hawayenta ta juyo ta fuskanci inda madubin ɗakinta yake, wanda a lokacin da ta fito daga bayi taga mace zaune ta hada kai da guiwa.     Tsinkayo muryar Najma tai wacce ke sanye da bakar riga da bakar hular, baka iya ganin fuskanta saboda ta cusheta a cikin cibiyoyin ta kuma ƙafafuwanta a rufe suke da rigarta wacce ta rufe kujerar data zauna  akai.     "Kar ki tsorata da matattace domin nasan shi ɗin abun tsoro ne, na zabi nazo wurinki ne domin ke kadai ce nasan zaki bani kariya a wannan duniyar taku, domin kuwa ni tawa taƙare domin iyakata duniyar matattatu a can ne nake da'ikon yin rayuwar barzak, amma anan bani da wannan damar idan har kin taimake ni, amma idan ki ka Gaza taimaka mun to komai zai iya faruwa da kowa saboda dauka...

Continue reading free chapter