Name: ƙunchi , soyyaya, farinciki
Author: saadatukaraye441

Page 2

بِسْمِ ٱللَّهِ ٱلرَّحْمَٰنِ ٱلرَّحِيمِDa suna Allah Mai Rahama Maijin kai.''To Allah yamin dawowa bayan wasu lokaci ko ince shekaru dana dauka ban dawoba , yanzu nazo muku da wani labari . bayan na kawo muku labarin NIDA KANWATA ,na amina da kanwarta humaira .Yanzu kuma nazo muku da ƴAR MAKAWO . ku kasance dani domin jin littafin maiya kunsa a ciki .'ƴAR MAKAWOWritten by Saadatu Karaye (Mrs FaisalPAGE 1 «»Wata irin iska ake mai karfin gaske, irin wannan iskar da idan mutum baiyi da gaske ba saita yadda shi.''Yi sauri Fati mu samu wuri mu fake, dan wannan iskar zata iya yadda mutum,kuma in aka faɗi ba karamin rauni mutum zai yi ba.Ya faɗa hannun sa dafe da kafaɗar wadda ya kira da Fati. wadda aka kira da Fati ta amsa cikin rawar murya, ta ruƙe sandar mahaifin na ta a hannu.sabida hankalinta ya ta shi da ganin yadda iska ke kadasu kamar za ta wurgasu wa ta duniyar.ita damuwarta kawai mahaifinta da ba ya gani kar wani abun ya same sa.Da ƙyar suka samu suka karasa gida cikin ikon Allah.''Alhamdulillah baba mun karaso gida.Dayake unguwar getto area ce ana wannan ƙurar hadarin amma yaran area wasa suka ma fi to suna yi, sunata ihuu abunsu ana guje guje wannan ya tsokani wannan,wannan ya daki wannan. sunata dai abunsu na halin yan getto area.''Gatanan ta dawo ƳAR MAKAHO.yaran Daya fara ganinsu ya fada yana mai nuna su cikin zolaya. aifa abun nema ya samu kamar jira ake su dawo sai aka hau tsokanarta ana kiranta ''ƳAR MAKAHO'' gata nan ta dawo daga bara.Abun mamaki Fati ko kallan inda suke batayiba,ta nuna kamar ba mutane a gabanta kawai burinta ta shiga gida mahaifinta ya huta.Fati ki yi hakuri karki kulasu ma za mu shi ga gida ''toh baba ai dama ba na kula su duk shirman da za su yi banza nake musu.Sunzo dai dai shi ga cikin gidansu wani da ga cikin yaran ya rike ma ta kasan hijabi ya na kara tsokanarta amma duk da haka ta sha resa tayi kokarin shi ga gidan .har suka shi ga gida yaran na cigaba da waƙa sunayi kamar zasu faɗo musu gida .''Ƴar makaho ga ƴar makaho ta dawo daga bara'' .Ha ka sukaita shirman su, suka gaji suka bari. in dai da sa bo ta sa ba, hadda abunda yafi wannan ma yi ma ta suke.Kalmar ƴar makaho kuwa ta saba da ita tun tana ƙarama.Duk lokacin da ta wuce a unguwa, wasu yara sukan yi mata dariya saboda mahaifinta makaho ne.Fatima ta saba da wannan rayuwar, amma duk da haka kalaman suna ci mata tuwo a ƙwarya.Mahaifinta, Malam Ibrahim, ya rasa ganinsa shekaru da yawa da suka gabata sakamakon wata rashin lafiya.Duk da haka, ya kasance mutum mai haƙuri da tsoron Allah.koda yake baya gani,yanada hikima da ilimi wanda yasa mutane da yawa suke girma mashi.Fatima kuwa ita ce idonsa, ita ce hannunsa, ita ce duk abin da yake da shi a duniya.---Wata safiya, Fatima tana shirin zuwa makaranta.Ta taimaka wa mahaifinta ya yi alwala sannan ta kawo masa karin kumallo."Allah Ya albarkace ki, 'yata," Malam Ibrahim ya faɗa cikin murmushi.Fatima ta yi murmushi."Amin Baba.""Ki yi karatu sosai. Ilimi shi ne gadon da babu wanda zai iya kwacewa."Ta gyada kai.Waɗannan kalamai ne da ya kan gaya mata kullum.---A makaranta kuwa, rayuwa ba ta yi mata sauƙi ba.Wasu ɗalibai suna raina ta saboda talaucinsu.Wasu kuma saboda mahaifinta makaho ne.A wannan rana ma, yayin da take tafiya zuwa aji, wata ɗaliba mai suna Jamila ta tare ta."Fatima, har yanzu kina rakiyar mahaifinki ko'ina?"Kawayenta suka yi dariya.Jamila ta ci gaba.Fatima ta yi ƙoƙarin yin shiru."Wallahi da ni ce, da zan ji kunyar fitowa da shi."''Fatima ta ji zuciyarta ta karye''.Amma ta tuna da abin da mahaifinta yake gaya mata."Mutunci ba ya cikin abin da mutane suke faɗa, yana cikin yadda kike rayuwarki."Sai ta wuce ba tare da ta ce komai ba.-- -Fatima ta kasance maisan karatu ga kokari. sabida kokrinta yasa yan makarantarsu suka tsaneta,sbbida duk wani abun da za'ai kamar su debate,quize tofa Fatima ce gaba Hakan yasa suka tsaneta sosai.gashi kuma tafi kowa kyau dole abun yayi yawa a takura mata.Fatima tana aji 5 a secondary ss2 kenan. Jamila tafi kowa saka mata ido a makarantar duk wani motsinta akan idanta takeyi.Akwai wata rana ankawo musu sabon malamin english, sai yace yana so kowa ya tashi ya faɗa sunansa da kuma abunda yakesan zama inya gama makaranta.yace zai fara da faɗan sunansa sai kowa ya faɗi nashi.''My name is Aminu Abdullahi Sabo Am your new english teacher, as from today nice to meet you All. sai duka aka dau tafi ana cewa you are wellcome Sir.Duk wannan abun da akeyi fatima tana can baya ita kadai sabida tsangwamarta da suke ma ta yasa ta ware kanta. wanda suke gabanta ne taji suna cewa kai wannan malamin ya hadu fa kallesa dan dogo fari ga saje kai irin wannan mazan su ake yayi yanzu.Sai a lokacin ta daga kai aiko tana dagowa sukayi ido hudu ashe tun sanda ya shigo hankalinsa na kanta wani yarrr taji a jikinta gabanta kuma ya faɗi rass' sai ta rufe idanta gam tayi kokarin yin addu'a. Sabida halinta ne a duk sanda taji wani bakon yanayi sai tayi addu'a danta samu sauki.kokarin kawar da kansa yayi a kanta domin ya samu natsuwa kar a fahimcesa a zuciyarsa kuwa yace "Ma sha Allahu, la quwwata illa billah."''Anata gabatar dakai har aka zo kanta.''Am Fatima Ibrahim by name and i want to become a ophthalmologist insha Allah. idansa kyar a kansa ya kasa cirewa harta gama ta zauna.Wata mahaukaciyar dariya aka saki a ajin ba kowa bace yayi dariyar sai Mariya.dariyar Mariya ita ta dawo dashi daga tunaninsa cikin bacin rai yace dariyar mai take haka kamar mara hankali.Sir dole inyi dariya naji ƳAR MAKAHO zata zama likitan ido. ta fada ta kara bushewa da dariya kamar wata sabuwar kamu.Habawa ai kamar ta kunnawa aji remove sai kowa ya dauka zata zama likitan ido ta gyarawa babanta ido sai aka kara kwashewa da dariya.''kaiiii keep quite'' ya fada cikin tsawa fuskarsa babu annuri sam a ciki ya daure ta kamm.Itako baiwar Allah ai tuni hawaye ya wanke mata fuska zuciyarta sai tafarfasa takeyi.Cikin ranta tana fadin wai meye dan mahaifina makahone, mai yasa mutane basuda tinani ne, basusan cewa shi ubangiji daya yisa a makanta ba suma zai iya jarabtarsu da wani abu wanda yafi makantarma.Kee! meye sunanki kikace ne sir Aminu ya kalla Mariya tana ta wani yatsune fuska tana hura hanci kaa gani kasan tarbiyya bata wadace taba.''mariya'' ta fada babu wata shakka ko tsoro.Sir Aminu yace ta shi ki fitarmin a aji kuma kin daina zaman class dina sai dai kije a koyawa miki a wani gurin.Salalo ta yi da baki sannan ta waiga ta kalli inda fatima take tana kuka tace'' akan wacce tsinanniyar yarinyar mai kamada aljanu aka wulakantaaa«« bata karasaba ya wanketa da zafafan maruka jikake fasss tasss ta kowanne kumatunta, fuskarsa a murtuke kamar wani kumurci ya nuna mata hanyar waje da hannunsa yace!''get out'' ta ruke kumatunta duka biyu cike da al'ajabi,amma duk da haka tana zuwa bakin kofa ta kalli fatima ta nunata da hannu,tace walllahi saina ci uwarki sannan ta futa.Sosai Mariya ta bawa sir Aminu mamaki matuka, bai taba ganin tsageran student irinta ba,''niko nace a'a malam akwai ogarta fa itadai Allah ya fara haɗaku a yanzu''Duk wannan abun da akeyi gaba da ya ƴan ajin tunda sir aminu yayi musu tsawa aka shi ga taitayi kowa ya kama kansa.Tsayuwar mutum taji a kanta amma dukda haka kukanta kawai take kukanma karuwa yake fiyeda wanda ta fara a farko sosai yakejin zafin yadda take kukan a zuciyarsa ji ya ke kamar shima ya tayata.Hello! ya fada cikin sanyin murya kamar bashine yayi tsawa a ajinba.Shiru ko alamun tashi batayi saiya kira sunanta Fatima! karo na farko da wani ya faɗi sunanta taji ya mata daɗi arayuwarta bata san sanda ta tsinci kanta da amsawaba tace! ''yes sir'' wani irin sanyi yaji zuciyarsa ta masa ya rufe idansa ya buɗe sannan yace ki sameni a staffroom.Yana faɗa ya fice a class din gaba ɗaya.ai yana fita yaga m Mariya ta hada group da mutane, tana basu labarin abunda ya faru yanaji wavta a cikinsu ta mulmula zagi tace, wallahi da ita ya mara saita rama saidai daga ranar tabar makarantar.''ihuuu sukayi ana shewa ana cewa saidake Jamcy munsan zaki aikata wallahi, kamar babu malamai da zasu musu magana suji.Ya kallesu ya girgiza kai kawai ya wuce yanaji suka wani kwashe da dariya.Kee! mekikeyi a kofar nan sai raɓe raɓe kike, wa kikayiwa laifi?, wani malami ya fada yazo shiga staff room din.Jikinta na rawa tace sirr uhmmm! tama kasa magana.aiko kamar yajisu sai ga shi ya leko Yace nina kirata yallabai.!ohh okay! ai nasan yarinyar ne ba ruwanta da kowa shiyasa nayi mamaki.sir Aminu yace bakomai. tana shiga ta tsugunna a gabansa tace sir gani amma idanta a kasa kallanta kawai yake yana jinjina tarbiya irin nata.Kinajina Fatima kiyi hakuri kinji ki dauka kamar ma komai bai faruba, ki rabu dasu insha Allah kece mai nasara a rayuwarki.yanzu dana shigo staff room na fadawa yan uwana malamai abunda ya faru sun fadamin ashe ma wanannan karamin abune akan wanda suka miki a baya, na tambaya kuma akan yarinyarcan ashe tanada yar uwa a makarantar nan, sunce ta addabesu sun rasa ya zasuyi da ita.Abun ya bani mamaki matuka dama dalibi yana addabar malami har a rasa yadda za'ai dashi. amma ba wannnan ba tunda nidai yanzu na shigo a hankali zan gane komai yanzu abunda na faɗa miki dan Allah kiyi hakuri kinji Fatima.Duk maganar da yakeyi kanta a kasa yake. fatima kukan kika cigaba meye na kuka kuma, ba nace komai ya wuceba menene kuma.Sosai take kuka har yana nema yafi wanda tayi a class ma.''subhanallahi'' kinga to ta shi mu fi ta kinga zaki sa sauran teachers su fara magana kinga har ido ya fara dawowa kanmu.A hankali ta ta shi kamar kazar da kwai ya fashewa a ciki, ta fita yabi bayanta.wata bishiyace a bayan staffroom din wadda yawanci malaman sukafi zama su sha iska a karkashinta.Wajan suka nufa ya ce ta zauna a wa ta kujera da ke wajan iri ta zaman mutum biyu, amma taki za ma ta tsugunna.Sai yace ma ta to fadamin menene ya ke kara saki kuka fadamin inji dan Allah ya faɗa fuskarsa cike d damuwa.Sabida ya kira sunan Allah ne ya sa ta tsaida kukan, ta dinga ajiyar zuciya sama! sama!.sannan tace cikin dashasshiyar muryarta sabida tsabar kuka ta dashe tace!.''sir duk duniya ba bu abunda na tsana kamar a kira kalmar uwata a zaga.''banaso! banaso!! banaso!!! ta faɗa kusan sau uku a jere muryarta na sarƙewa.toh ya isa ha ka ''is okay ki daina kuka haka mana kinji ko, kuma itama ba zan rabu da ita ba ha ka kawai ba. ai tayi laifin da ya ka ma ta a dauki mataki akanta.Cikin dashasshiyar muryarta da ta sha kuka ta ce ''a'ah'' dan Allah ka barta banaso ai ma ta komai.Sabida idan ka hukuntata tamkar ka kara hura wa ta matsalarce a barta kawai, taje da halinta yanzuma nasan ban tsiraba wallahi sai ta ra ma marin da ka ma ta akaina, wannan dole ne a rubuta shi a ajiyesa.''mai ki ka ce za ta ra ma marin da na ma ta kuma akanki'' ya faɗa cikin mamaki. akan me zavta mareki aini na mareta ba keba,ni za ta mara in ramawa takeso tavyi ransa a ɓace ya ke maganar.cikin ransa kuma ya na mamakin yadda su Jamila sukeda rashin kunya da rasin tarbiya haka.'' hmmm sir kenan kaine kasan wannan amma ita a karatun da brain din ta ya ba ta kawai ni ta sa ni bakai ba.Tabbas zanyi ma ta dukan da tunda ta zo nakarantar nan ba'a ta ba ma ta shi ba.Ya faɗa fuskarsa a murtuƙe,ni dai dan Allah ka rabu da ita indai sabida ni za ka yi wallahi na ya fe ma ta.Wani dogon tsaki yaja ''mtswwwwwwww'' ke tashi ki ta fi class kawai na ga ma magana.Sabida karta tsaya masa magiya ya riga ta barin gurinma.Haka ta mike jiki ba kwari ta ko ma class, ba ta daɗe da shigaba aka danna ƙararrawa antashi.''Assalamu Alaikum'' fatima ta yi sallama ta shi ga gida baba ya na zaune ya amsa ma ta cikin fara'a da murna.''Sannu Baba'' nasan ka na zaune kanata jirana in dawo ko baba'' ya yi murmushi ya ce haba Fati kamar baki sa ba barina ni kadai ba, kuma kinsan baban naki akwai ƙwanya babu inda ba ya shi ga da kansa.Hakane Baba amma duk da ha ka hankalina na kan ka wallahi, duk sanda na ta fi makaranta Allah! Allah! nake in dawo sabida na barka kai kadai.jmmmm! ka dan ya yi sai da ga bisani yace amma Fati kamar naji muryarki ba dai dai ba, wani abu ya farune a makaranta ko kuma a hanyarki ta dawowa, ya faɗa fuskarsa cike da damuwa.A'ah baba nikam ba komai ba abunda ya sameni kawai dai gajiyace.Na sa ni ba zaki fadamunba sabida baƙyaso babanki ya shiga damuwa.amma ba zan takurakiba Fati Allah ubangiji ya miki albarka ya kuma shi ga lamarinki.Amen Baba ta amsa ta na murmushi.sannan ta ce baba waini yau she mama kande za ta dawo ne baba.Wani murmushi ya yi bawai na dadi ba irin na takaici dinnan ya yi. sannan ya ce fatima kenan yarinyar kirki yarinya mai hakuri mai juriya da sanin ya kama ta tawakkali.Fatima yanzu duk wahalar da ki ke sha a wajan kande da uƙubar da ta ke ba ki, har nema ki ke ta dawo Fatima ya faɗa ya na jijjiga kai alamun mamakin Fatima.Baba kenan indai naji ka kirani da Fatima ba fati ba to magana ce mai girma ta fa da ta na murmushi.Baba aini duk abunda mama kande takemin, bana damuwa in dai zan fi ta in dawo in ganka a gida ba kai ka dai ba, to ni banda damuwa wallahi ta fada kamar yana kallanta.« WACECE MAMA KANDE ?''Mama Kande matar Malam Ibrahim cemahaifin Fatima, ta auresa ne ba dan komaiba sai dan ta ra sa wanda zai aureta. ga surutun yan gari ya yi yawa a akanta sabida tsabar muni da ɓakin hali taki aure. ha ka yan gari ke cewa kuma gaskiya hakane baba kande akwai muni sosai.Wata irin macece baƙa mummuna ɓaƙinta irin ɓaƙin nanne kamar ka tabata kagani a hannunka ga uban muni.Sannan ga baƙin hali duk ita kadai shi kansa malam ibrahim din ya na makaho sai da ta hada da asiri ta auresa sabida yasan labarinta na rashin kir kinta a gari.Amma sabida ta asircesa ta na zu wa da maganar aure ya amince ba wani gargada a lokacin Fatima ta na aji daya a secondary,ba tada wani wayau da za taji bata ji dadin abunba ita a lokacin ma murna tayi, sabida ta samu nustuwa a karatunta ita.Yarinyace mai son karatu shi ya sa komai za'amata a makarantar na tsokana dan taji batasan makarantar ma ba ta ta ba ji ba, ita kawai burinta ta yi karatu ta za ma likitan ido ta gyarawa mahaifinta ido ta za ta za ma likitan abune maisauki wanda za ta yi sa nan da nan ta gama.Mama Kande tunda aka aureta ta gallazawa Fatima, ta hanata katabus ga mugunta ba ta san ta ga fatima na zu wa makaranta.Duk randa akace weekend ya kare to fa sannan mama kande za ta kir ki rowa Fatima manyan aiki wanda sukafi karfinta dan kawai karta sa mu zu wa makaranta ko kuma ta makara a daketa.Amma ita Fatima aikin ba ya damunta da ta ga ne ma tanayi ma ta ne dan mugunta sai ta fa ra ta shi karfe hudu na asuba duk wani aiki datasan za ta sa ta sai ta yi shi kafin ma ta ta shi a bacci ta gama ta shirya ta fita abunta.Haka ta dinga yi ma ta izaya kala kala, ga shi idan su ka fi ta su ka sa mo kudi da baba sai ta kwace ta ce abunci za ta si yo musu da shi.Shi baba ba damar magana an shanyesa, wani abun mamaki asirin da ta ma sa indai tana nan ne yake aiki amma in ba ta nan saiya jisa lapiya lau.Haka Fatima ta sa ba da muguntar mama kande har zuwa wanann lokacin da ya za ma abun ya za me ma ta jiki ma.Wannan kenan bari mu koma labarin kuma.Fatima! baba ya kira sunanta a raunane ''na'am baba'' ta maida hankalinta sosai aksansa dan tasan abune mai mahimmanci zai faɗa.ya numfasa sannnan yace tunda mahaifiyarki ta rasu kike ganin jarabawa kala kala a rayuwarki, ki yi kokarin cinye duk wata jarabawa da za ta zo miki a arayuwa alamun nasara ne.Duk wanda ki ka ga ya za mo wani a rayuwa, to sai da ya sha gwagwarmaya.jiki na yana bani zakiyi nasara zakije inda ba'a taba tinani ba, amma Fatima saikin jure kinyi hakuri.Kanta a kasa kamar yana ganinta ta ce insha Allah baba duk rintsi duk wahala duk zan juresu.Masha Allah ubangiji Allah ya miki albarka ta amsa da amen. baba yau zamu fitane ko in shirya in tafi islamiyya.Ki yi tafiyarki makaranta,ai munada ragowar kudin jiya zai ishemu musiya abincin dare dana safe.page one is done. mu hadu a page two domin jin yadda labarin zai cigaba da kasancewa taku har kullum Saadatu Karaye (Mrs Faisal).TIKTOK ACCOUNT #asuf empire hausa novel

ƙunchi , soyyaya, farinciki

Synopsis

Table of contents

Page 2

Continue in the ArewaPen app