KARKASHIN INUWAR SIRRI

Sample · Part 1

Bismillahir rahmanir rahim🧡☺️ABUJA, NIGERIA. LOKACI: 11:47 NA SAFE. Ruwan sama yana sauka kamar wanda ya daɗe yana riƙe da fushinsa, ya kasa jurewa har ya sauke shi a kan doron ƙasa. A cikin wani katafaren gida da ke wani yanki mai tsaro a Abuja, wani mutum yana zaune a bayan wani babban tebur. Gabansa akwai wasu takardu, kwamfuta da wayoyi biyu. Fuskar mutumin ta nuna tsananin damuwa. Ya ɗauki wayarsa ya duba agogo. 11:47. Ya sake duba wata takarda da ke gabansa, sannan ya lumshe idanunsa. “Idan wannan mutumin ya fito da waɗannan bayanan, tamu ta kare” Wani mutum da ke tsaye kusa da ƙofar ya gyara tsayuwarsa. “Sir, we’ve tried everything. Amma Colonel ɗin nan ya ƙi yarda da kowace irin magana. Ya ce zai miƙa komai ga waɗanda ya dace.” Mutumin da ke zaune ya ɗago kai a hankali. “Jamil Dankura?” “Yes, sir.” Ya yi shiru na ɗan lokaci. Daga nan ya tashi, ya zagaya bayan teburinsa, ya tsaya gaban tagar ɗakin. “Shin yana sane da cewa mutanen da yake ƙoƙarin fallasawa ba wasu ƙananan ma’aikata ba ne?” “Yana sane, sir.” “To me ya sa bai ja bakinsa ya yi shiru ba?” Wanda ke tsaye ya girgiza kai. “Because he’s Jamil Dankura, sir. He doesn’t compromise.” Mutumin ya yi murmushin takaici. “To, bari mu ga ko zai ci gaba da wannan jarumtar tasa bayan wannan dare.” Ya juya ya kalli mutumin. “Ka tabbatar babu wata alama da za ta haɗa mu da abin da zai faru.”“Understood, sir.” “Good. You may go.” Mutumin ya fita. Wanda ya rage a ɗakin ya koma kan kujerarsa, ya buɗe wani fayil a kwamfutarsa. A saman fayil ɗin an rubuta: OPERATION DUST SHADOW. Ya danna wani hoto. Hoton wani soja ne cikin kayan aikinsa, yana tsaye cikin nutsuwa, hannuwansa a bayan bayansa. Fuskarsa ba ta nuna tsoro, murmushi kuma bai bayyana a bakinsa ba. A ƙarƙashin hoton an rubuta: COLONEL JAMIL SAMINU DANKURA. Mutumin ya daɗe yana kallon hoton. “Ka yi kuskure, Jamil. Ka yi kuskuren ganin cewa gaskiya za ta iya cin nasara a kan kuɗi da iko.” Ya rufe kwamfutar. “Tomorrow, you’ll be history.” Amma mutumin bai sani ba cewa, duk da shirinsa, ba shi ne zai rubuta ƙarshen labarin Jamil Dankura ba.A RUNDUNAR SOJA “Attention!” Muryar ta ratsa harabar rundunar. Sojojin da ke tsaye a layi suka miƙe tsaye. Wani mutum ya fito daga gaban ginin ofisoshin rundunar, yana tafiya cikin nutsuwa. Yana sanye da kayan soja masu kyau, takalmansa ba su da ƙura, kuma fuskar sa tana ɗauke da irin nutsuwar mutumin da ya saba ganin abubuwan da wasu ke tsoro. Shi ne Colonel Jamil Saminu Dankura. Shekarunsa talatin da huɗu, amma kamanninsa suna nuna haɗuwar ƙuruciya da balaga. Dogon mutum ne mai faɗin kafaɗu, kyakkyawar fuska da idanu masu kaifi. Ba ya yawan magana, amma idan ya yi magana, mutane suna sauraro. Ba wai saboda matsayinsa kawai ba ne. Saboda ya gina mutuncinsa ne a kan gaskiya. Ya tsaya a gaban sojojin, ya zagaya da ...

Continue reading free chapter