Sarkar hawaye

Sample · Chapter 1

SARKAR HAWAYEƘaddarata Ba Ta Ƙare BaMarubuciya: MEERANCYBABI NA ƊAYA: SABUWAR ƊALIBA“Wani lokaci, haɗuwar mutum da wani ba ta kasance haɗuwa kawai ba ce. Tana iya zama farkon labarin da zai sauya rayuwarsa baki ɗaya.”ABUJA, NIGERIA.Ƙarfe bakwai na safiya.Birnin Abuja ya fara motsawa cikin hayaniyar zirga-zirgar ababen hawa. Wasu na gaggawar zuwa wuraren aikinsu, wasu kuma suna kai 'ya'yansu makaranta.A cikin wani katafaren gida da ke cikin ɗaya daga cikin unguwannin masu kuɗi, wata kyakkyawar yarinya ce ke tsaye a gaban madubi tana gyara ɗankwalinta.Fatima Binta.Yarinya ce mai shekaru goma sha ɗaya, kyakkyawa, mai farar fata, dogon hanci da kyakkyawar fuska mai ɗaukar hankali. Tana da nutsuwa da ladabi, ba ta cika hayaniya ba, amma tana da fara'a idan ta saba da mutum.A yau ce rana ta farko da za ta fara karatu a sabuwar makarantar da iyayenta suka canza mata.Ta kalli kanta a madubi, ta gyara zaman uniform ɗinta sannan ta ɗauki jakarta.A dai-dai lokacin mahaifiyarta ta shigo ɗakin.“Fatima, har yanzu ba ki gama shiryawa ba?”Fatima ta juyo.“Na gama, Mama. I am ready.”Mahaifiyarta ta yi murmushi.“Good. Ki zo ki karya kumallo kafin ki tafi.”Fatima ta bi mahaifiyarta zuwa ɗakin cin abinci. Ta zauna, ta fara cin abincinta a hankali.Mahaifiyarta ta dube ta.“Yau fa sabuwar makaranta. Kina jin tsoro ne?”Fatima ta ɗaga kai.“Ɗan kaɗan, Mama. Ban san kowa a makarantar ba.”“That's okay, my dear. Za ki saba. Ki kasance mai ladabi, ki girmama malamanki, sannan ki mai da hankali a karatu.”“In shaa Allah, Mama.”Bayan ta gama cin abinci, ta ɗauki jakarta, ta yi wa mahaifiyarta sallama, sannan ta fito.Direban gidan ne ya buɗe mata ƙofar mota.“Good morning, Aunty Fatima.”“Good morning, Uncle Musa.”Ya yi murmushi ya rufe ƙofar motar.Mota ta tashi, suka nufi makaranta.---BRIGHT FUTURE INTERNATIONAL SCHOOLWata babbar makaranta ce da ke cikin birnin Abuja. Makarantar ta shahara wajen ingantaccen ilimi, kyawawan gine-gine da ɗaliban da suka fito daga iyalai masu hali.Akwai manyan gine-gine masu hawa biyu, filin wasa, lambun shuke-shuke da kuma babban ɗakin taro.Ɗalibai na sanye da uniform mai kyau, wasu suna tafiya cikin rukuni, wasu kuma suna tsaye suna hira.A ƙarƙashin wata bishiya kuwa, wasu samari huɗu ne zaune suna ta hira.Daga cikinsu akwai Fahad.Fahad ɗan shekara goma sha shida ne, yana aji SS2. Yaro ne mai kyau, dogo, mai kwarjini, kuma ɗan gidan masu kuɗi. Yana da abokai da yawa, amma yana da saurin fushi idan wani abu bai yi masa daɗi ba.Yana zaune yana kallon wayarsa yayin da abokinsa Nabeel ke ta ba shi labarin wani abin da ya faru a ranar da ta gabata.“Guy, wallahi I was laughing yesterday. You needed to see what happened!”Fahad ya ɗaga kai kaɗan.“Seriously? Me ya faru?”Nabeel ya fara dariya.“Forget it. You won't believe me.”Wani abokinsu, Sadiq, ya katse su.“Ab...

Continue reading free chapter