43

_*RASHIN SANI.......*_

*HAUWA A USMAN*

    _JIDDARH_

'''Wattpad:HauwaAUsmanjiddarh'''

4⃣3⃣

Ido ta zaro cikin tsantsar farin ciki dan tasan matuk'ar suka zo shirin Khulud ya lalace,

tace " da gaske dan Allah Hub..!?

"Uhmmm wannan duk d'okin auren ne..!?

" Hmm bazaka gane bane,

" a'a zan gane idan an fad'a min,

Sanah tayi murmushi had'i da cewa " Hub seriously sun taho..!?

" A'a da wasa nake miki Hilwa bai nan sunyi tafiya da president sai bayan 3 weeks zasu dawo,

idan sun dawo zasu zo,

wata irin razananniyar fad'uwa gaban Sanah yayi tamkar an buga mata dalma haka taji,

cikin ranta tace " انا لله وانا اليه راجعون اللهم اجرني في مصيبتي واكلني خير منها,

ya Rabbi ka fitar da dani daga cikin tsaka mai wuya ka zab'a min abinda yake alkhairi a gare ni,

" K'ALB ya kika yi shiru..!?

Yak'e tayi wanda yafi kuka ciwo tace " ka rik'e a ranka ina matuk'ar sanka sosai,

ba kuma zan tab'a yin abinda zai cutar da kai da rayuwarka ina sane ba,

" I knew yace yana dariya,

"My life yanaji ki kamar a waje..!?

" Eh na raka my Khulud unguwa ne,

" ok take your time idan kun koma gida ki kira ni,

" ok badamuwa I love you so much,

" I love you too,

murmushi kawai Khulud tayi batare datace komai ba,

bayan sun koma gida sunci abinci,

Khulud tace " bari nayi wanka sai mu fita muyiwa Abbu maganar bautar k'asar..!

Sanah batayi magana ba, tayi shiru,

Khulud ta shiga wankan, safa da marwa Sanah ta soma yi tana tunanin mafita da abinyi,

tana cikin haka Khulud ta fito,

duk da ta lura da halin da Sanah take ciki,

amma sai tayi burus tamkar bata lura ba,

kayan Sanah ta saka kasancewar bata zo da kaya ba,

kallo d'aya zakayi mata ka fuskanci tana cikin tsantsar farin ciki da annashuwa,

batayi mata magana ba, ta rik'e hannunta sukayi parlor dan taji muryar Abbu,

zama sukayi kusa da dashi suna hira sosai,

yana kuma basu lokacinshi sosai,

kallan Sanah Khulud tayi, tayi mata alamar tayi mishi maganar,

amma Sanah tayi burus tamkar bata san abinda Khulud ke nufi ba,

k'afa Khulud tasa ta tab'o Sanah had'i da motsa lips d'inta tace " talk..!,

ta fad'a yadda babu mai jinta,

still shiru Sanah tayi, ganin bata da niyyar yi mishi magana yasa Khulud,

cewa " hmmm Sanah ba tare kuka fara BUK dasu Wajnah ba ne..!?

"Eh..!, tace

batare data kalle ta ba,

" naga suna maganar tafiya service next week,

ya banji ke kina maganar ba..!?

" Eh..! so nake sai takardar ta fito sannan sai na fad'awa Abbu,

kallanta Abbu yayi kai badai har bautar k'asar tazo ba..!?

Karaf Khulud tayi tace " wallahi kau Abbu ai abun ba wuya,

gashi nima har nayi 3yrs da aure,

kuma tun kafin inyi aure ta soma fa,

" kai masha Allah, yanzu shekara ta zama kamar kwana,

babu wuya kaji ta zagayo,

" eh nima dana ji su Zohal na maganar nayi mamaki,

dan k'in yarda Papu yayi sai da yaje har makarantar ya tambaya,

murmushi Abbu yayi yace " ai ba'a k'arya da bautar k'asa,

kuma duk inda mutum yakai da wayo da lura akan yaran yanzu sai dai idan basu ga damar yin abun ba,

sai dai kawai mutum yayi iya k'ok'arin shi ya barwa Allah sauran,

ka kuma yi addu'a, ka tsarkake zuciyarka akansu,

shine kawai mafita,

ajiyar zuciya Khulud ta sauke cikin tsantsar farin ciki,

tace " that's why I really love you my Abbu,

kuma kasan our Sanah she will never hurt, chet and betray us,

murmushi yayi yace " haka ne kam Allah ya taimaka,

suka amsa da Amin,

ita dai Sanah shiru tayi har suka gama hirarsu,

suna komawa bedroom Khulud ta kira Papu ta sanar dashi yadda sukayi da Abbu,

yace " good in sha gobe zan kawo miki foam d'in,

ta amsa da to had'i da yi mishi godiya,

duk yadda Hanash yaso Khulud ta koma gida k'in komawa tayi,

dan gani take muddin tayi sake tabar gidan komai lalacewa zayyi,

akan dole ya hak'ura ya barta.

Tun a ranar Papu yayi duk cuku-cukun da zayyi akan ya samu fake copper foam,

washe gari cikin ikon Allah Papu yayi sa'a ya samu foam d'in,

dan sawa yayi aka buga mishi guda uku sak harda nasu Wajnah da Zohal duk da sunayen su jiki,

Khulud ya kira ya shaida mata cewar an samu foam d'in,

dan haka yau zai k'irk'iri zuwa gidan wajen su Abbu da Dide,

kuma idan ya tashi zuwa zai zo dana su Wajnah cikin aljihunshi,

dan haka su zo mu amsa amma ba gida zasu zo ba, 

dan gudun kar Mimmee tayi wani zaton,

a bakin titi suka had'u da Papu ya basu foam d'in,

kana yace musu kar su bayar sai da daddare idan sun tabbatar da yazo,

suyi k'ok'ari su bayar a gabanshi,

Khulud ta amsa da to,

dan duk abinda ake yi Sanah bata cewa komai,

tun a gabansu Papu ya kira Dide,

bayan sun gama gaisawa Dide yace " kuna gida yau ni nazo zumunci tunda ku kun kasa...!?

Murmushi Dide yayi yace " ai ko muna busy dole muyi cancel d'in komai,

saboda muna da babban bak'o,

murmushi Dide yayi yace " tom yau zanzo bayan sallar ishsha in sha Allah,

kana sukayi sallama ya kashe wayar,

su kuma suka koma gida,

Dide ya kalli Abbu yace " wai 'yarka lafiya kuwa..!?

Cikin mamaki Abbu yace " wacce 'yar tawa..!?

"Khulud mana..!

" me ka gani..!?

Cewar Abbu,

Dide yace " gani nayi yau kusan kwananta uku a gida,

kuma mijinta kullum sai yazo d'aukarta tana k'in binshi,

yanzu kuma Alhaji Waseef ne ya kira ni, wai zaizo yau,

shiyasa nayi tunanin kodai akwai wani abu tsakaninta da mijinta،

k'in fad'a dai kawai tayi,

shiru Abbu yayi yana nazari kafin yace " to Allah dai yasa lafiya,

idan yazo zamu ji koma meye,

da daddare wajen 8:20pm na dare,

Papu yayiwa Abbu waya ya shaida mishi yana harabar gidan,

cikin fara'a Abbu ya mik'e yana wayar manne da kunnenshi,

Dide yace " ya k'araso ne..!?

Ya fad'a yana mik'ewa shima,

tare suka je suka, suka taro shi,

babban parlor'n gidan aka kaishi,

dama sun kafin yazo an gama cika wajen da kayan ciye-ciye da motsa baki,

hira suka shiga yi sosai cikin kwanciyar hankali,

ganin har 9:00pm na dare, su Sanah basu fito ba,

ya sashi yiwa Khulud text,

 _"Na zo tun d'azu ina parlor'n k'asa_

Khulud kwance saman bed tana jiran Sanah ta fito daga bathroom,

taji k'arar shigowar text da sauri ta duba,

ganin Papu ne yasata saurin mik'ewa had'i da zumbula hijab,

" my Sanah yi sauri ki fito please Papu yazo tun d'azu mu yake jira,

ji tayi gabanta ya kuma yankewa ya fad'i,

cikin mutuwar jiki ta fito, a bakin k'ofar bathroom d'in ta iske Khulud rik'e da hijab & foam d'in,

tana fitowa ta mik'e mata hijab d'in ta sanya kana rik'e hannunta,

daga k'ofar parlor'n suka tsaya sukayi sallama aka basu izinin shiga,

kana suka shiga kansu a k'asa suka gaida iyayen nasu,,,,

cikin fara'a tamkar babu wani abu a tsakaninsu Papu ya kalle su yace " masha Allah manyan gobe,

Abbu yayi murmushi kana yace " ya akayi...!?

Shiru Sanah tayi batayi magana ba,

sai Khulud ce tace " Abbu foam d'inta ne ya fito,

ta fad'a cikin d'oki tamkar da gaske ne,

cikin mamaki Dide yace " foam d'in me..!?

"Service Khulud tace,

" service kamar yaya Dide ya fad'a idanshi kansu,

sai da gaban Khulud yayi muguwar fad'uwa kana tace " na bautar k'asa fa Dide,

Dide zayyi magana Papu yayi saurin cewa " ikon Allah ashe tare kuke dasu Wajnah...!?

"Eh ai makarantar mu ma d'aya class d'in mu d'aya, tare mukayi candy dasu,

Papu yace " nima sun kawo min foam d'in su yau da zan fito,

ni kuma ina sauri na saka shi cikin aljihu sai yanzu da kukayi maganar na tuna ya fad'a yana ciro foam d'in,

Abbu na murmushi ya amsa Dide kuma ya amshi na Sanah,

ido Dide ya zaro yace " tab Damaturo aka kaiki Sanah...!?

"Eh tace cikin rawar murya,

Papu ya amsa yana dubawa yace " ah ai kamar inda aka kai Zohal ne ma ko...!?

"Eh..! Dide yace, to amma mu da bamu da kowa a can bamu kuma san kowa ba,

ya za'ayi mu tura 'yar mu mace can...!?

Da sauri Papu yace " ai acan Yaya na yake aiki,

idan badamuwa sai su tafi tare da Zohal d'in zanyi mishi magana duk nasan babu damuwa,

in yaso sai Hanash ya kaisu tare idan sun tashi tafiya,

Abbu yace " Alhamdulillah ba damuwa ai,

ai an riga an zama d'aya koba auratayya tsakani akwai alak'a mai girma,

idan shi d'in ya yarda ya amince shikenan sai su tafi taren,

Dide yace " d'azu ma Alhaji Mudu yace min takardar yaran shi ta fito har su hud'u kuma duka kudu aka kaisu,

" eh dama na kudu suke kawo nan,

su kai na nan can,

a hankali Sanah ta mik'e had'i dayi musu sallama ta fita,

Khulud tabi bayanta,

sai da su Papu suka kuma shan hira sosai kana yayi musu sallama ya tafi,

duk wanda aka fad'awa Sanah zata tafi service a cikin gidansu sai yayi kokwanta ayi ta lissafin shekaru,

amma dayake ga foam kuma duk wanda aka tambaya sai yace eh foam d'in masu tafiya service na wannan shekarar ya fito,

still kuma ga su Wajnah da Zohal ma nasu ya fito,

ga na 'ya'yan abokanan su Dide da yawa ya fito yasa basu wani tsaya yin bincike ba suka yarda.

Da lokacin Dinner & convocation,

ana gobe za'ayi Sanah tayi kwace tana taita murk'ususu,

wai bata da lafiya cikinta ke ciwo,

ranar a hospital suka kwana, wata yarinya Khulud ta samu suka had'a baki ta kawowa Sanah irin ankon rigar da ake yi ta gama University,

har gida da sunan tata ce,

 Ko da ranar tafiya tazo sosai Khulud ta rink'a kuka tana rungume Sanah tamkar ranta zai fita,

ita kanta tayi mugun mamakin wannan acting d'in na Khulud,

kasancewar Papu ya tsara komai,

dan haka yasa Mimmee da Jaddah da Wajnah suka tafi unguwa,

ya kuma cewa Zohal ta shirya kayanta zasu tafi Abuja,

a ranar yasa ta shirya tsaf ta fito da trolley d'inta harabar gidan,

kana ya saka Hanash yaja motar shi yana zaune a gaba,

Zohal na baya, suna isa gidan Papu ya kira Dide da Abbu ya sanar dasu sun k'araso,

gaba d'aya Hard'o family's suka fito mazansu da matansu aka rako Sanah har jikin mota,

Hanash ya fito ya sunkuya har k'asa ya gaida surukanshi,

Abbu yace " thank you so much Son,

Allah ya kiyaye hanya Ubangiji ya tsare,

Allah kaiku lafiya ya maido ku lafiya,

cikin rashin fahimta Hanash ya amsa da Amin,

Dide ya kalli Zohal yace " idan anje a dage please a kama kai a tsare mutuncinmu,,,

Zohal ta d'auka akan inda zasuje da Papu ne dan haka ta amsa da " in sha Allah,

Sanah da Khulud da Wajnah suka zauna a baya,

Papu da Hanash suna gaba,

Hanash yaja motar,

suna ta d'aga mata hannu,

duk wannan abun da ake yi babu abinda ya ragu daga cikin soyayyar Sanah da Sir Moli,

kullum sai sunyi waya kamar yadda suka saba,

sosai ya fuskanci tana cikin damuwa,

amma duk sanda ya tambaye ta,

amma amsa d'aya take bashi babu komai kanta ke ciwo,

daga d'aya b'angaren kuma ana ta shirye-shiryen tafiyarsu,

suna fita daga sashen unguwar su Abbu,

Papu ya kalli Hanash yace " muje gidanku ka d'auki motarka,

babu gardama Hanash yayi gidanshi,

cikin ranshi yana mamakin inda Papu da Zohal da Sanah zasu je,

suna isa gidan Hanash da Khulud suka sauka,

Papu ya k'arb'i tuk'in motar, 

k'ofar wani gida Papu yakai Sanah gudan kar Zohal ta kawo komai cikin ranta,

yace " ki tabbata kin gama da wuri kin koma gida, kar Abbu yayi miki fad'a kinji,

ta amsa da " tou nagode sosai,

kana yaja motarshi,

da sauri ya k'arasa gidanshi,

ganin sun dawo gida Zohal tace " Papu mun fasa yin tafiyar ne..!?

"Eh wai ba jirgi sai next week dole,

baki ta turo cikin shagwab'a ta soma k'ok'arin yin kuka,

dakyar ya lallasheta suka shiga cikin gidan yasata dafa mishi coffee,

ya zauna a parlor, dan kawar da tunanin komai cikin ran Zohal yasa Papu bai fita ba,

Sanah kam kamar yadda suka tsara haka tayi Papu na ajeta,

ta tare adai-daita sahu, tayi gidan Khulud,

daga nesa ta tsaya had'i da kiranta,

dama tasan Sanah zata kira ta,

dan haka ta k'i shiga bedroom d'inshi ta zauna parlor,

da sauri tayi picking,

Sanah tace " na zo wajen,

"Ok Khulud tace kana ta mik'e,

harabar gidan taje ta bawa mai gadi 1k tace " please Yk siyo man credit mana ina cikin magana ya k'are,

jikinshi na kerrrrma ya amsa had'i da fita,

tana ganin ya fita, ta mayar da wayar kunnenta dan dama batayi dropping ba,

tace " ki k'araso,

umarni ta bawa mai dai-daitan,

ya kaita har k'ofar gidan ta bashi 1k bata tsaya karb'ar canjin ba,

ta shige,

da sauri Khulud ta kama jakarta suka shigar cikin gidan,

d'aya bedroom d'in mai Italian bed can Khulud takai Sanah,

dan kwata-kwata basu amfani dashi,

kuma tun ranar da aka kawo ta Sanah ke bala'in san kayan d'akin,

dan har cewa tayi idan ta tashi ko an daina yayinsu sai ita ta saka a gidan ta,

a saman bed duk suka zauna,

a hankali Khulud ta mik'e had'i da soma shirya mata kayanta cikin wardrobe,

tana jera kayan shafarta saman mirror,

d'aya bakin k'ofar parlor ta jiyo sallamar mai gadin,

da sauri ta fita,

" Hajiya gashi ya fad'a yana mik'a mata,

" ka barshi na siya ta banki,

sosai yayi mata godiya kana ya juya yacewa " aiko wallahi naidawa zanyi yaban kud'in dan ban iya saka katin dubu d'aya,

da sauri ta koma bedroom d'in Sanah had'i da danna key,

sai da ta shirya mata komai tsaf har bathroom sai da ta shirya komai,

shower gel, sponge, soap, towel da sauran kayan bathroom,

d'akin da ban d'akin sukayi d'as tamkar turai komai yayi luf-luf,

kasancewar Sanah bata san yin magana yasata kwanciya saman bed had'i da lumshe idanta,

zama Khulud tayi a gefenta tana ta bata hak'uri had'i da k'ara lallab'ata,

daga parlor ta jiyo muryar Hanash yana kiranta,

da alama ya shiga bedroom d'inta bai ganta,

da sauri ta fita ta same shi a parlor,

ya kalle ta yace " ina kika shiga ne ina ta faman kiranki shiru...!?

"Eh..! fita zakayi ne..!?

Ta fad'a dan kawar da wancan maganar,

" eh..! yanzu Papu ya kira ni yace yana san gani na yanzu,

yi tayi kamar bata san abinda Papu zai fad'a mishi ba,

tace " to Allah dai yasa lafiya,

" amin, ko zaki ne..!?

"A'a kaje baka san maganar da zayyi dakai ba,

Allah ya tsare..!

" Amin yace yana fita,

yana fita ta dannawa k'ofar key,

kana ta koma wajen Sanah,

kwance ta iske ta tana kuka mara sauti,

da sauri Khulud ta k'arasa gare ta,

cikin tashin hankali ta soma kukan itama tana bata hak'uri,

sai dakyar Sanah tayi shiru,

kana Khulud ta had'a mata ruwan wanka a bathroom ta shiga,

kafin ta fito ta had'o mata abinci a tray ta kawo mata,

sai da ta gama shiryawa kana Khulud tace " kici abinci..!,

" na k'oshi tace a tak'aice,

sai da taga Khulud na kuka wiwi kana ta d'anci,

babu yadda batayi da ita ta fito parlor ba amma fur tak'i,

tace bacci zatayi,

da Hanash ya dawo a parlor ya zube kusa da ita,

kallo d'aya tayi mishi tace " lafiya na ganka haka cikin damuwa..!?

" Ba dole ki ganni haka cikin damuwa ba,

wai Papu ne yace daga yau ni zan dama madadinsa a Dikko companies,

ni zan zama manager, wai daga gobe zan fara aiki,

yi tayi kamar bata san da maganar ba,

cikin tsantsar farin ciki tace " Alhamdulillah masha Allah gaskiya naji dad'i nayi kuma farin ciki matuk'a,

da Papu yaga magajinshi tunda ranshi,

ai dama kamata yayi yanzu Papu ya huta kai kuma ka karb'i ragamar komai,

" to amma aiki na fa..!?

" Ka rubuta resigning latter ta cewar ka aje aiki kawai,

ka cigaba da kula da dukiyar ku,

cikin lallami ta kwantar mishi da hankali,

kana ta bashi abinci ya ci yayi wanka,

yana yin bacci ta tashi ta koma wajen Sanah,

ta cigaba da lallaminta had'i da bata hak'uri tana rarrashinta,

har ta samu tayi bacci,

nan gefenta Khulud ta kwanta had'i da ja musu bargo,

tunda suka tashi sallar asuba Khulud bata koma bacci ba,

kasancewar yau Hanash zai fara fita office d'in Dikko companies a matsayin manager,

k'arfe tara dai-dai (9:00am) na safe ya gama duk shirin shi ya fita,

yana fita ta nufi bedroom d'in Sanah,

ganin bata tashi ba, yasata kwanciya kusa da ita.

Baya kwana biyu

 Haka Sanah take rayuwa gidan Khulud,

cikin bedroom kullum duk nacin Khulud kan ta fito parlor bata fitowa,

haka zata zauna tayi ta kuka, wani lokacin tana kukan ma bacci yake d'auke ta,

a b'angaren Hanash kuwa sosai ya zama busy dan sosai Papu ke tula mishi aiki,,,

idan ya fita tun 9:00am baya dawowa sai 7:00pm wani lokacin ma har 9:00pm yake kaiwa,

daya dawo kuma sai wanka cin abincin da bacci,

ranar da akayi kwana biyu da barin Sanah gida Doctor ya kira Hanash ya shaida mishi cewar akwai Doctor d'in dayake yin dashen mahaifa a America kuma har a haihu,

sosai Hanash yayi farin cikin jin wannan labarin,

yasa Doctor d'in ya nemar musu appointment,

suna gama waya ya kira Agent ya sanar dashi ya nemar musu visa America,

kana ya kashe ya kira Papu koda ya gayawa Papu yana san zuwa America fir Papu ya hana shi yace bai san zance ba,

duk yadda Hanash yayi tayiwa Papu magiya yana rok'onshi k'in amincewa yayi,

jikinshi a sanyaye ya kira Khulud ya sanar da ita akwai Doctor d'in dayake yin dashen mahaifa a America,

sosai ta nuna tsantsar murna da farin ciki,

amma sai ya ce mata Papu ya hana shi zuwa,

tana jin yace Papu ya hana shi zuwa ta soma kuka sosai kamar ranta zai fita,

dakyar ya rarrasheta ya bata hak'uri,

kan idan ya dawo gida da daddare zasu yi maganar,

koda ya dawo gidan da daddaren yayi mata maganar sosai ta rink'a kuka tana rok'onshi ya kaita,

cikin badara tace " in banda nafi san nayi tafiyar dakai da saika saka Doctor d'in ya kai ni tun da Family Doctor ne,

an sanshi an san ahalinshi sosai,

kuma shine ma yasan Doctor d'in,

amma ni gaskiya nafi san nayi tafiyar dakai,

ta jefa mishi maganar cikin bashin shi da tunaninshi,

shiru yayi yana zanari kana yace " to mai hana ku tafi da Doctor d'in in yaso daga baya ni sai na biyo Ku...!?

"A'a ni dai nafi san nayi tafiyar dakai please,

dakyar Hanash ya rarrashi Khulud ta yarda zatayi tafiyar da Doctor d'in,

anan take Hanash ya kira Doctor ya shaida mishi shi bazai samu damar yin tafiyar ba,

amma shi da Khulud zasu je, kuma yana san ya kasance cikin sirri bai san kowa ya sani,

dan haka ya kaiwa Family agent passport d'inshi gobe dan yana san suyi mafiyar cikin satin nan,

Doctor ya amsa da to,

kana ya kira agent yayi mishi bayanin komai, shima yace " babu damuwa zayyi k'ok'ari ya samar musu visa cikin 2days.

Wasa-wasa k'aramar magana ta zama babba,

dan kwata-kwata tunanin Sanah bai tab'a bata faruwa wannan al'amari ba sai hau da taga visa su fito,

Papu shine ya nemar mata visa while Hanash kuma ya nemarwa Doctor da Khulud,

a yau k'arfe 2:10am na dare jirginsu zai d'aga zuwa Abuja daga Abuja kuma zasu je Addis Ababa dake k'asar Ethiopia,

daga can ne jirginsu zai d'aga zuwa America,

tun k'arfe 12:00am sukayi da Papu zai zo ya d'auki Sanah,

kasancewar Hanash ne zai kai Khulud zuwa Airport,

Khulud na ganin lokacin da suka tsara yayi ta shi,

ta tashi cikin sand'a ta fita daga bedroom d'inshi ta shiga na Sanah zaune ta iske ta,

tana sharar hawaye kamar yadda ta saba,

cikin rarrashi Khulud ta k'arasa gareta tace " I'm sorry my Sanah,

ta fad'a had'i da dafa kafad'arta,

batayi magana magana ba, ta mik'e ta fita,

da sauri Khulud ta ja trolley data shirya kayan Sanah ciki tabi bayanta,

sad'af-sad'af suka lallab'a suka suka fita,

cikin sand'a ta bud'e get d'in ta k'aramar k'ofa Sanah ta fita,

tana fita ta iske Papu yana jiranta,

ta shiga had'i da gaidashi ya amsa cikin tsantsar tausayawa,

kana yaja motar suka nufi Airport,

k'arfe 1:30 Khulud da Hanash suka isa Airport d'in dan matsa mishi tayi kan sai sun fito da wuri,

Doctor da Papu & Sanah na can zaune,

a reception suna jiran su,

text ne ya shigo wayar Papu yayi saurin dubawa,

_" mun shigo cikin Airport d'in yanzu gamu nan muna gaf da reception_

da sauri Papu ya mik'e had'i da jan trolley d'in Sanah yace " Doctor gasu nan zuwa idan Hanash yazo kayi k'ok'arin sallamarshi da wuri please,

"Ok Sir Doctor yace cikin girmamawa,

su Papu na shan kwana Hanash da Khulud na k'arasowa,

sosai take kuka tana marairaice mishi,

dakyar suka rabu ya tafi sukayi kamar sun shiga ciki,

yana juya baya Doctor yabi bayanshi,

sai da yaga tafiyarshi, kana ya sauke ajiyar zuciya ya dawo ya shaida musu,

sosai Papu yayiwa Doctor gargad'i had'i da dank'a mishi amanar su Sanah a hannunshi,

hannu bibbuyu Doctor ya amsa,

kasancewar yasan kome dan basu b'oye mishi komai ba,

dashi aka shirya plan d'in.

K'arfe 4:00pm na yamma na k'asar America jirginsu ya sauka a Airport,

bayan sun sauka a masaukin su,

sunyi wanka sunci abinci 

basu wani b'ata lokaci na suka nemi Chris,

shine da kansa yazo ya d'auke su yakai su wajen da ake k'era fuska dama jikin mutum gaba d'aya idan kana so,

bayani sukayiwa shugaban company kan suna san ayi musu irin fuskar Khulud komai da komai,

in fact ma suna san a mayar da Sanah kamar Khulud a jiki,

batare da b'ata lokaci ba aka suka shiga gwaje-gwaje da aune-aune,

sai da aka d'auki duk abinda ake buk'ata ya kuma dace kana,

aka koma ga jikin Sanah, dan tafi Khulud 'yar k'iba boobs & hips,

sai da suka saka su a scale suka auna nauyinsu,

suka tabbatar dole sai Sanah tayi slimming ta rage k'iba kana,

kasancewar akwai issun kud'i enough yasa aka fara aikin,

cikin sati d'aya aka gama komai Sanah tayi slimming sosai ta koma tamkar Khulud,

dan sai da aka kuma auna nauyinsu aka tabbatar yayi dai-dai kana,

idan ka kalli fuskar da akayi ta Khulud sai ka rantse kan Khulud ne aka sare aka aje,

saboda babu abinda suka bari,

dai-dai da tauwadar Allah dake gefen hab'arta sai da sukayiwa fuskar,

fuskar robar tayi tamkar fuskar Khulud ta gaske,

kai idan ka gani sai ka rantse ba fuskar roba bace ta gaske ce,

lokacin da Sanah ta gwada fuska dan a tabbatar da tayi dai-dai sai da su kansu taurawan da suka k'erata sukayi tsananin mamaki,

dan koda Juju (mahaifiyar Khulud) za'a kawo ta fidda wacece Khulud d'in ainahi,

bazata tab'a iya banbancewa ba,

su kansu sai da kansu yayi masifar d'aurewa,

wajen muryarsu kuma sakawa akayi Khulud tayi magana mai tsayi sukayi recording,

kana sukayi wani d'an abu kamar d'an tsinke d'an k'arami,

suka ce ta rink'a mak'alawa a bayan kunnenta ko a wuyanta idan tana san tayi irin maganar Khulud,

shima sukayi kalar fatar Sanah,

yadda idan ta saka duk nacinka baka isa ka ganshi ba,

dan sajewa zayyi da jikinta,

data gwada saka shi tayi magana,

ni kaina Jiddarh sai da mamaki ya kusa kashe ni,

dan daga ni har su Khulud da Doctor sandarewa mukayi a tsaye,

saboda al'ajabi, dan irin muryar Khulud sak naji,

inda aka cigaba kamm an cigaba Nigeria anyi mana nisan nisa, domin akwai bambanci tsakanin technology d'in mu da nasu,

bayan an gama komai da komai,

komai ya kammala kana suka yiyo Nigeria k'asarmu ta gado,

koda suka isa basu sanarwa da Hanash ba,

sai da Papu yazo ya d'auki Sanah yakaita gidan ya aje,

bayan ya aiki mai gadin ta fito ta shige cikin gidan dan Hanash na office,

kana Khulud da Doctor suka sanarwa Hanash sun k'araso,

Sanah na shiga gidan ta wuce bedroom ta fad'a saman bed had'i da sakin rikitaccen kuka,

dan kwata-kwata bata tab'a tunanin hak'on Khulud zai cimma ruwa ba,

tun daga Airport suka rabu da Doctor shi yayi gidanshi Hanash da Khulud suka yiyo gida suma,

tana jin motsin su tayi saurin daina kukan dan kar Hanash yaji sautin kukanta.

Washe gari Hanash na tafiya aiki Khulud da Sanah suka fita suka tafi wajen Papu,

a parlor bak'i ya aje su,

kana ya fita ya kirawo driver shi da wasu mutane su shida ,

wanda shi kanshi Papun bai san ko suwaye ba,

bai kuma san daga inda suke ba,

driver shi yasa yazo dasu,

idan aka had'a da Papu da driver su takwas kenan...,

cikin sanyin jikin Papu ya kalli Sanah ya kira sunanta cikin nutsuwa,

Sanah..!,

kanta k'asa ta amsa cikin rawar murya,

duk ilahirin jikinta na tsuma na rawa,

yace " zan k'ara tabbayarki dan Allah ki bani amsa,

kin tabbatar kin yarda kin amince da wannan auren...!?

Shiru tayi ta kasa furta ko da kalma d'aya,

da k'arfi gaban Khulud ya fad'i,

Papu ya kuma maimaita mata tambayar still shiru tayi,

take gaban Khulud ya shiga dukan uku-uku saboda tsabar tsoran karta k'i amincewa,

cikin sanyin jiki ta d'ago kai ta kalli Khulud,

kallan da Khulud take yi mata ne ya tabbatar mata matuk'ar bata amince ba zuciyar Khulud tana iya bugawa nan take ta mutu,

a hankali ta lumshe idanta hawaye na zuba tace " eh na yarda na amince,

a fili Khulud ta sauke ajiyar zuciya had'i da fitar da numfashi da k'arfi,

hannu Papu ya saka cikin aljihunshi ya fidda bandir d'in 1k guda goma na 1 million naira,

ya mik'a mata had'i da cewa ga sadakinki,

cikin rawar murya tace " bandir d'aya ma ya isa,

shima kuma akai gidan marayu na yafe na yarda a bawa mabuk'ata,

ajiyar zuciya ya sauke had'i da jinjinawa jaruntarta yace " Allah yayi miki albarka,

ta amsa da amin,

shi Papun ne yayiwa Sanah waliyyanci,

driver shi kuma yayiwa Hanash,

sauran mutum shidan suka zama shaidu kamar yadda Allah yace,

anan take aka d'aura *AUREN HANASH WAEEF DA SANAH HAMRAZ*,

akan sadaki naira dubu d'ari.................!

MOMYN ZARAH