Babi na takwas

Free page 8

    *FIL-HUB*♥️

           (Acikin so💘)

Paid Book: N500

  Written by

     Billy s fari💎

______________________________

  Ko da suka isa makarantar har anfara Assembly hakan ya sa bai tsaya bi takanta ba ya wuce gaban Assembly ɗin inda malamai ke tsaitsaya, yana hawa wajen gaba ɗaya idanuwan student suka koma kansa sai maganganu ke tashi sama sama na yanda suke yaba haɗuwarsa da tsarinsa, bayan an kammala duk wasu activities da aka sabayi wajen assembly ɗin principal ta juyo haɗe da kallonsa cikin harshen turanci ta ce yazo ya gabatar da kansa ga student da kuma subjects ɗin da zai ɗaukesu, ganin yanda gaba ɗaya suka zuba mashi idanuwa ya sashi ɗaure fuska haɗe da takowa zuwa gaban assembly yanda zasu ganesa daidai, cike da ƙwarewa cikin harshen turanci daya bala'in zauna masa raɗam a baki kai kace tun asali dama can Bature ne ya fara magana.

   "_Good morning student, sunana Hisham s dala, ni ne wanda zanci gaba da ɗaukarku darasin Physics, ina fata kowane ɗalibi zai bani haɗin kai wajen mayar da hankali, ina da matuƙar sauƙin kai ga waɗanda suka maida hankalinsu ga abunda ya kawo su haka kuma ina da zafi sosai ga wuɗan da basu san me ya kawo su ba, thanks to meet you all_"

Ya ƙare maganar haɗe da sakin murmushi yana ɗaya masu hannu, gabaɗaya tafi ɗalibban suka saka tare da haɗa baki wajen cewa, "Thank you uncle Hisham, you're highly welcome to sardauna acadamic science school". Kamar dai yanda aka saba yiwa kowa ne sabon malami idan ya zo makarantar, Nauwara ce ta yi murmushi haɗe da juyowa ta kalli Madiyam da ta yi tsaki ƙasa-ƙasa saboda jin haushin yanda aka wani karrama Hisham ɗin, duk da kuwa ta san cewa al'adar makarantar ta su ce, ta ce "Madiyam ya akayi yau naga kinyi sakkon zuwa makaranta, ko dai aikin ya Hisham ne?" Ta tambaya don ta san halin Madiyam, ba ta shigowa school sai kusan takwas da rabi duk da tsananin da akeyi wajen taron latti, banza Madiyam ta yi da ita don har yanzu haushinta take ji tare da wuce wa class ɗinsu don assembly ɗin ya watse.

SS 2 green nan ne class ɗin su Madiyam a kujera ta biyu layi na farko ita da wani yaro ana kiransa Abdallah, tsarin makarantar kenan macce da namiji ake zama don private school ce ba ruwansu da wata aƙida ko al'ada, ya yin da ita kuma Nauwara ke kujera ta farko duka anan layi na farko, sai da ta zauna sit ɗinta sannan ta ce,

"Nauwara haɗin mun littafaina duka ki bani".

"Wai lafiya Madiyam? Hakama meya faru?" Ta faɗa haɗe da juyowa tana kallonta, kauda kanta gefe ta yi kafin tace, "Ba komai, kawai bana son harka da wulaƙanci ne? Don na fahimci shi ya dodo yake son tata mun cikin mutane ƙara in kama kaina kafin hakan ta faru". To ƙare zancen tare da miƙa hannu ta jawo Jakar ganin ba tada biyar bata sai ma zubo mata idanuwa da ta yi cike da mamaki, ba tare data damu da hakan ba ta kwashe duka littafanta da sauran abubuwan karatunta dake ciki sannan ta miƙa mata jakar tana faɗin,

"Menene wai? Na faɗa maki dalilina to meye na zuba mani idanuwa kina kallo kuma?"

"Babu" Nauwara ta faɗa tare da karɓar jakarta tana tunanin ko me ya sa Madiyam ta yi hakan, don sam bata yarda da hujjar data bata ba.

Math suke da ita period ta farko da ta biyu, sannan Physics period ta uku kafin a fita breakfast, hakan ya sa Madiyam shiga tsoro da kuma tashin hankalin abunda zai faru idan ya Hisham ya shigo, don har ga ALLAH ba tada littafin Physics ma gabaɗaya saboda yanda ta tsani subject ɗin, sama-sama ta saurari fahimci bayanin da mai math ɗin keyi masu har ya fita ba tare data iya komai ba, ko mintuna biyar bai yi da fita ba Hisham ya shigo fuskarsa a sake ba yabo ba fallasa, bayan sun gaishesa ya sake gabatar masu da kansa sannan ya shiga tambayar sunansu ɗaya bayan ɗaya suna faɗa masa har aka zo kan Madiyam, "You oyonbo, what is your name?" Ya faɗa don kusan tafi kowa haske cikin ajin, wani irin haushi ne ya kamata jin sunan daya kirata dashi haɗe da ɓata rai sannan ta ce, "Hauwa'u A dala". Ta faɗa tana turo baki, dariya ce ta kubcewa Abdallah deke kallonta ya yi saurin rufe bakinsa, "stand up" Hisham ya faɗa yana ɗauke fuska don dama tunda ya shigo ajin ya ji tsarin zaman nasu bai yi masa ba kwata kwata, don sai da ya ji wani abu ya dakar masa zuciya ganin Madiyam tare da wani zaune waje ɗaya, wataƙilma har jikinsu na gugar juna, nan take ya ji wani irin kishi ya rufesa amma sai ya yi saurin tausar kansa, yanzu kuma ganin irin kallon da Abdallah keyi mata yana dariya ya sa abun ya motsa masa, nan take ya shiga sauya masu wajen zama, inda ya tada namijin dake tare da Nauwara a sit ɗin gaba ya maido Madiyam a wajen, shi kuma Abdallah ya maida shi acan sit din baya tare da wani namijin, shi kuma ya ɗauke maccen dake tare dashi ya maida wani wajen tare da macce ƴar uwarta, nan take ya hautsine ajin gaba ɗaya ya canza tsarin zamansu zuwa macce biyu a sit ɗaya sannan namiji biyu a sit ɗaya a bayansu sai kuma wasu mata biyu a sit ɗin bayansu, ya kuma tabbatar masu da cewa daga yau haka zasu riƙa zama musamman idan lokacin period ɗinsa ce, 

Ji Madiyam ta yi kamar ta aza hannu ta fashe da kuka ganin ta a sit ɗin gaba, abunda ta fi tsana a rayuwarta kenan amma ya zo ya mai dota a wajen tsabar mugunta, yana ganin yanda take faman turar baki tana wani jajjaye jikinta ga Nauwara ya yi banza da ita haɗe da fara karantar dasu, cikin gwanewa ya fara gabatar masu da topic ɗin da za su fara dashi haɗe da yi masu bayani a taƙaice sannan ya ce su fiddo littafansu su fara rubutu don dictation zai yi masu ba note a board ba, salon d'aya shiga dashi cikin ajin na sassauya masu wajen zama shiya haifarwa da ɗaliban mutuwar jiki haɗe da shiga taitayinsu, inda nan take suka fiddo littafansu ya fara yimasu dictation ɗin suna rubutawa in banda Madiyam da tayi zaunenta tana wasa da bironta a saman benci, "Stand up". Ya faɗa tare da cigaba da abunda yake yi ba tare daya kalleta ba har suka cika paper ɗaya suka juyo, sanin da ita yake ya sa ta miƙe tsaye tana jiran me zai ce mata, bai kula ta ba har sai daya gama sannan ya ɗari kai yana kallonta, cikin harshen turanci ya ce,

"Me yasa bakya rubutu kamar sauran ɗalibai?" Shiru ta yi masa bata ce ko uffan ba har sai da ya sake jeho mata tambaya ta biyu, " ina littafin ki?" Sannan ta ce,

"Ba ni da shi".

"Very good, wato irin ku ne ɗaliban dake cutar da iyayensu bakwa tsayawa kuyi karatu, kuna sa suna hasarar biya maku kuɗin makaranta da kuma na tara, a maimakon haka kamata ya yi ace kun zauna gida kun faɗa masu cewa ku bakwa son karatu wata ƙila aure kuke so, sai su hutar da kansu da kashe kuɗinsu a banza, no matter what kike ganin kina da kyau matuƙar baki tsaya kikayi karatu ba to kyanki na banza ne, beauty is nothing when the brain is empty, yan da kike ganinki a haka ilimi ne kawai zai taimakonki a rayuwa, all this ɗaukar kai da shan toka da fizge fizgen kai da kike yi ba zai taɓa helping ɗinki a rayuwa ba, so you better change before I decided to change you by force, and next time idan bakya da littafi kada ki shigo mun aji, idan kuma kika yarda na shigo bakya ciki to tabbas ki kuka da kanki don bazan ɗauki wannan shashancin a acikin class ɗina ba".

Ya ƙare zancen tare da ɗago kai yana kallon sauran ƴan class ɗin ya ce, "we can hold it next time" sanan ya fice daga ajin jin an tashi break.... 

*ALLAH KA JIƘAN IYAYENMU 👏😭*