Page 1

💫 𝗠𝗨𝗥𝗔𝗗𝗜 𝗡𝗔 𝗖𝗘 💫

An Imaginary Love Story❤️

𝚂𝚃𝙾𝚁𝚈 𝙰𝙽𝙳 𝚆𝚁𝙸𝚃𝚃𝙴𝙽

𝙱𝚈 𝙵𝙰𝚃𝙴𝚈𝚉𝙰𝙰𝙷𝚁𝙰𝙷

Alhamdulillah! Godiya ta tabbata ga Allah SWT da ya bani ikon fara rubuta wannan littafin Allah yasa yadda na fara rubuta wa lafiya in ga ma lafiya.

Ƙirƙiraren labari ne.

Na Chanja masa suna daga MURADIN ZUCIYATA zuwa MURADI NA CE

𝗠𝗜𝗞𝗜𝗬𝗔 𝗪𝗥𝗜𝗧𝗘𝗥'𝗦 𝗔𝗦𝗦𝗢𝗖𝗜𝗔𝗧𝗜𝗢𝗡

Follow My WhatsApp Channel

***

بسم الله الرحمن الرحيم

𝙵𝙰𝚃𝙴𝚈𝚉𝙰𝙰𝙷𝚁𝙰𝙷✍️

𝑃𝑎𝑔𝑒 1🦋

𝑳𝒊𝒎𝒂𝒘𝒂 𝑺𝒕𝒓𝒆𝒆𝒕, 𝑫𝒖𝒕𝒔𝒆, 𝑱𝒊𝒈𝒂𝒘𝒂 𝑺𝒕𝒂𝒕𝒆.

Tuƙi yake a hankali kamar baya son yi a bakin wani tangamemen Gida ya tsaya Horn yayi gate man ne ya leƙo ganin motar yasa ya koma ciki ya buɗe gate ɗin shiga ciki yayi tare da yin parking zaman sa yayi a cikin motar bai fito ba ya ɗauki gurin minti talatin a ciki sannan ya fito tsayawa yayi yana ƙare wa compound ɗin gidan kallo ƙaton gida ne dan daga ciki yafi girma Part-Part ne gurin guda Shabiyar daga can gefe garden ne mai kyau cigaba yayi da tsaiwa a gurin jikin motar sa. Babban Mutum ne ya shigo gidan kai tsaye gurin sa ya nufo Bata fuska yayi sannan yace masa

"Daga ina kake Fawzan?" Da Sauri ya juya yana kallon sa baiyi tsammanin zai haɗu da kowa yanzu ba Ko takwas bata yi ba ya dawo Shiru yayi masa yana ɗauke Kansa daga kallon sa, cigaba da yi masa magana yayi

"Yau ma baka kwana a gidan ba kenan?" Ɗauke shi da mari yayi "a ina ka kwana nace maka" nan ma shiru ya ƙara yi masa yana cin magani da ƙunkuni ƙasa-ƙasa sai kuma ya ce masa

"Malam ka dame ni da surutun tsiya kai ba haifa ta kayi ba amma kana mari na, ɗaga maka ƙafa kawai nake amma wallahi da sai na rama"

"Rashin Kunyar taka har ta kai kace zaka mare ni Dan na maka faɗa, to zoka rama marin mara tarbiyya kawai"

"Na rasa inda ka samo wannan banzan halin mu dai duk zuri'ar mu babu ɗan iska sai kai maybe a Gurin Uwarka ka kwaso wannan mummunan halin"

"Kaga rashin tarbiyya a ƴaƴan ka tsohon banza kawai, kuma ba Mahaifiya ta ka zaga ba Tsohuwar ciki ka zaga kaji, mtwssssss" ya faɗa yana shige wa Part ɗin da yake kallon sa. Masifa ya cigaba da yi a gurin ba jima wa sai ga Tsohuwa ta fito itama daga Part ɗin ta "Kabiru kai da wane haka da sanyin safiyar nan?, Yawanci duk ba'a tashi ba kar hayaniyar ka taja hankali"

"Hajiya kema kin san wanene zai saka mutane magana iyanzu ai"

"Sai yanzu ya ga damar dawowa gidan Kenan, na rasa me yake damun Fawzan baya son kwana a gidan nan yanzu, Kabiru kira min shi yanzu ku same ni a palour na da Iyayen sa"

"Allah ya Kyauta dai Insha Allah yanzu zaki ganmu"

✧･ﾟ: *✧･ﾟ:*

𝑫𝒂𝒎𝒂𝒕𝒖𝒓𝒖, 𝒀𝒐𝒃𝒆, 𝑺𝒕𝒂𝒕𝒆.

Palour ne kato an yalwata shi da kujeru masu kyau kirar Italy set Uku daga ɗayan side ɗin kuwa katon Dinning ne ba kowa a cikin palour ƙofofine gurin guda shida sai Stairs daga tsakiyar Palour'n daga gurin Dinning ɗin Ƙofa ce a buɗe da alamu kitchen ne.

Wata kyakkyawar budurwa ce tsaye a bakin sink ruwa take tara da alamu ta faɗa Duniyar tunani Wata Babbar Mace kana ganin ta kaga wadda Naira ta zauna a jikin ta cikin kitchen ɗin ta shigo a baƙin kofa ta tsaya tana kiran"Jaanan!, Jaanan!, Jaanan" jin shiru ne ya sata ƙara so wa kusa da ita "Jaanan! Jaanan" ta ƙara faɗa shiru bata answer ba ɗaka mata duka tayi a firgice ta ɗago "Yaushe kika ƙara so ne Ummu?" Ta tambaye ta

"Ban sani ba, bacin kina jina amma baki amsa ba sai da nazo dai-dai inda kike ke ga ishashiya" ta faɗa kamar ta rufe ta da duka

"A'a Ummu banji kina magana ba ne"

"Ai dama ba zaki ji ba, kin raina kowa a gidan nan musamman Ni"

"Kiyi haƙuri dan Allah" ta faɗa tana yin ƙasa da kanta kafin ta ƙara wani laifin. wata mace ce ta fito daga ɗaki daga ita sai sleeping dress tsayawa tayi tana kallon su tabe baki tayi Sannan ta ƙara so kitchen kusa da Ummu ta tsaya tana watsa wa Jaanan Mugun Kallo ƙasa tayi da kanta magana ta fara yi musu

"ummu ya Naji kina ta faɗa tun dazu?, Hayaniyar kice ta tashe ni daga bacci"

"Ba Dole kiji ina ta faɗa ba, Yarinyar nan nake ta kir amma tayi banza dani bata amsa ba, nasan har maƙota suna jiyo mu yanzu"

"Uhmmmmm, Indai Jaanan ce ai ta saba tana jin ka kana mata magana amma tayi maka banza, wallahi na tsani Yarinyar nan ji nake kamar na kashe ta, an auro mana wahala mtwsssss"

"Ban san me Yaya ya gani a jikin Yarinyar nan ba ya nace mata sai Wulakanta shi take amma ya nace mata" ta faɗa tana galla mata harara

"Bari yazo shima zai ci Ubansa, Sakin ta zai yi nan bada daɗewa ba na gaji da halin ta"

"Ummu dan Allah Kiyi haƙuri, me za'a yi miki yanzu?"

"In kinyi laifi kin san kice ayi haƙuri, wai Uban me kike ta zaman yi baki fara wanke-wanke nan ba, Da gani ko breakfast Baki haɗa mana ba kuma kin san ɗaki na yana jiran ki zan fita aiki Kizo yanzu ki gyara" cewar budurwar

"Na kusa gama breakfast ɗin, Bari in ƙara sa wanke-wanken Sai inzo"

"Auuuuuu Har sai na ma jira kin ƙara sa?, ai tashi zaki yi Kizo ki gama da shi kafin na fita, in kin gama kya dawo kiyi wanke-wanken" ta faɗa tana fice wa daga kitchen ɗin zuwa ɗakin ta.

Tashi tayi daga wanke-wanken ta bita zuwa ɗakin kafin ta ƙara yin wani laifin cikin ɗakin itama ta shiga katon ɗaki ne an cika shi da kayan alatu kala-kala, kaca-kaca yake kamar ba mace ce a ciki ba. Ko kallon wacce take cikin ɗakin bata yi ba ta wuce Toilet shima ba kyan gani haka ta fara gyara shi tassss ta gyara shi Sannan ta fito. Harara ta watsa mata sai kuma tace "sai nace ki fara aikin nan ɗin sannan zaki yi ne?"

"A'a ba sai Kince ba, amma ai sai kin tashi daga kan gadon sai in fara"

"Ki fara gyara kasan sai in tashi daga nan" Tom tace mata tana fara gyara wa tashi tayi ta koma kan kujera tana danna wayar ta bata daɗe ba ta tashi tana mata wani kallon banza tare da cewa

"saura in fito daga wanka in tarar Baki gama ba" tana shigewa Toilet ɗin. Da sauri sauri ta cigaba da yin aikin tana kuka hawayen daya zubo mata ta share...................✍️

# 𝙵𝙰𝚃𝙴𝚈𝚉𝙰𝙰𝙷𝚁𝙰𝙷👯

***

WhatsApp Only

Comments & Share Fisabillah🥰👏

𝔽𝔸𝕋𝔼𝕐ℤ𝔸𝔸ℍℝ𝔸ℍ✍️