07

⭐️YADDA ƘADDARA TA SO⭐

⭐️ شاء القدر⭐️

*Magical love story*

©By Sai Kaska

Wattpad @Sai_Kaska

Phone number:***

Arewabooks @18saikaska

Facebook fage: Salma Ahmad Isah Sai Kaska

_________________________________

*Proud of my first novel*

★TAURARI WRITER'S ASSOCIATION★

*Gareki na sadaukar da wannan babin MARYAM, Takwarar DAASO*

*BABI NA ASHIRIN DA TARA (29)*

*1986*

Auwal Abubakar Masu haifaffen nigeria ne, a jigawa state cikin wata local government me suna Haɗejia, Ya kasance ɗa a wajen sarkin haɗejia na wancan zamani, wato Alhaji Abubakar masu, ba shine ɗansa na farko ba, hasalima shine ɗansa na biyu, sai maza biyu dake bi masa sannan ƙaramar kanwarsu mace, wadda a haihuwarta ne mahaifiyar su ta rasu.

Kuma duk cikin ƴaƴan nasa shine kaɗai harkar karatu ta ɗauke shi zuwa ƙasar waje, ya tafi arewacin india garin mumbai, inda yake karantar fannin likitanci.

Bayan ya kammala karatunsa ne ya samu aiki, sannan kuma a lokacin ne Allah ya yiwa mahaifinsu rasuwa.

Ya dawo gida sbd rasuwar, bayan an gama zaman makoki ne aka naɗa babban ɗan sarki Abubakar Masu, wato Abdullahi, wanda ya kasance yaya a wajen Auwal, shi kuma Auwal ɗin a ka naɗa shi a sarautar Tafidan haɗejia.

Bai koma india ba saida ƴan uwansa suka shawarce shi akan batun aure, tun a lokacin ya sanar musu cewa shi bashi da wadda yake so, kuma kamar abun haɗin baki yana komawa india ya haɗu da wata ba'indiya wadda ya fara santa.

Roshni, shine sunanta, ƴa a wajen Iƙbal Khan, mahaifinsu ya rasu tun suna yara, ƴan uwanta biyu kuma duk maza, Imran shine babba, sai Irfan me bi masa, sannan ita, yayanta Imran yana da aure, kuma ɗan kasuwa ne, yana harkar kasuwancinsa a Nigeria, yayinda shi Irfan ke zaune tare da su a india.

Bayan sun fara soyyaya da Auwal, kuma basu ɗau wani lokaci ba ya bayyana mata cewar aurenta yake san yi, babu jayyaya ta sada shi da iyayenta, yayanta Imran dake nigeria mahaifiyar su ta wakilta ya yi bincike akan dangin Auwal ɗin.

Kuma ya basu result me kyau, dan haka suka amince masa da ya turo iyayensa, tun daga nigeria yayansa Me Martaba da kawunansa suka taho India nema masa aurenta, kuma an bashi, babu b'ata lokaci a kayi aure.

Ango da amarya suka ci gaba da zama a india cikin garin mumbai. Aure yayi albarka, bayan auren da shekara uku Roshni ta haifo ɗanta na miji, wanda aka saka masa suna Eshaan.

Eshaan ya samu soyyayar dangi, tun daga dangin mahaifiyar sa har na mahaifin sa, domin yaro ne wanda ya nininnka iyayensa kyau, hatta da mahaifiyar sa sede ta fishi farin fata, shima ɗin dan ya haɗa jini da Africans ne, amma shima ɗin akan Africans ɗin fari ne, fari sosai.

Yaro ne me wayo duk da bashi da san hayaniya sosai, amma kuma akwai kazar-kazar, kuma yafi shaƙuwa da mahaifiyar sa fiye da kowa.

A lokacin da Eshaan ɗin ya cika shekara biyar, Auwal yace da Roshni ta shirya zasu tafi Nigeria, tun bayan aurensu da shi Roshni bata tab'a zuwa nigeria ba, amma shi yana zuwa, kuma ya sha tafiya da Eshaan ma, amma ita koda wasa bai tab'a tafiya da ita ba, duk da ita ɗin tana san zuwa.

Dan haka da ɗaukinta ta shirya ta bishi nigeria, koda suka isa nigeria sai da suka tsaya a gidan yayanta dake abuja, suka kwana daya sannan suka wuce haɗeji.

Roshni ta samu kyakyawar tarba a wajen dangin Auwal, se ƴan wasu tsirari dake ta yada magana akan cewar wata ƙilama ita ba musulma bace, tun da musulman india ba wani riƙon addini ne da su ba.

Abinda Auwal ɗin ke gudu kenan, shi yasa bai tab'a barinta ta zo nigeria ba, dan yasan halin mutanen mu. Shi kam Eshaan dama ɗan gari ne, dan ya saba zuwa, tun a zuwansa na farko nigeria aka masa tsagu uku a gefen fuskarsa kusa da sajansa, wanda yake nuna cewar shi cikakken bahaɗeje ne.

Kaf gidan sarautar babu me san Eshaan da mahaifiyar sa sama da matar sarki Abdullahi ta farko, wato Fulani Khadija, tun sanda aka haifi yaron da suka je india ta ɗora idanta a kansa san yaron ya dasu a zuciyarta.

Dan haka lokacin da su Auwal suka tashi tafiya, Fulani tace a bar mata shi ko na ƴan wasu watanni ne, ta yi alƙawarin dawo musu da shi, daga Auwal har Roshni basu damu ba, dan haka suka tafi suka bar Eshaan ɗin a haɗejia.

Sai de kuma a ranar da suka tafi, mummunan labarin haɗarin motarsu ya riski kunnuwan ƴan uwansu, na india da na nigeria, ba ƙaramin kuka kowani b'an gare ya yi ba, dan sunyi babban rashi.

Kuma kowa babu wanda yake tausayawa sama da ɗan ƙaramin marayan da aka bari. Bayan an shafe makoki, Fulani Khadija ta nemi da a bar mata riƙon Eshaan, da saida ƴan uwan Roshni suka ja, musamman ma mahaifiyar ta, amma daga baya bayan sarki da kansa ya musu alƙawarin Eshaan ɗin zai riƙa kawo musu ziyara, sai suka yarda.

Haka suka koma india ba tare da Eshaan ɗin ba, duk da su ba haka suka so ba. Fulani Khadija bata tab'a haihuwa ba, duk da kasancewar ta matar sarki ta farko, dan haka ta riƙi Eshaan da hannu biyu, duk da babu wata shaƙuwa a tsakaninsu, amma tana nuna masa soyyaya sosai, dan ji take kamar ita ta haifeshi. 

Haka Eshaan wanda sunansa ya rikiɗe ya koma Tafida, ya ci gaba da tasowa a garin haɗeji, kowa na nuna masa ƙauna banda mutum ɗaya, Fulani Sadiya, wadda a lokacin take shayar da ɗanta na fari, wato Habibu, ita kullum a ganinta kamar idan Eshaan ya girma zai zama sarki ne, ba za'a bawa ɗanta da yake jinin sarkin ba.

Eshaan na da shekaru 6 a duniya, wasu alamomi suka fara bayyani a tare da shi, yawan muggan mafarkai, yawan zabura, ya dawo yana ware kansa daga cikin mutane, ya rage kazar-kazar irin na yara, da ƙyar ake samu ya ci abinci, baya san zuwa islamiya daga an masa magana akan islamiya sai fushi.

Duka Fulani na lura da shi, wata ranar asabar ɗin da Fulani bazata tab'a mantawa da ita ba, ta sameshi zaune a ɗaki yana dunƙule a wuri ɗaya.

“Ba zaka je makaranta ba ?”

Wannan muryar tata me cike da izza da ƙasaita ta tambaya a wancan lokacin, ya ɗago da shuɗayen idonsa ya kalleta, kallon daya hassadawa gabanta faɗuwa, amma sai ta b'oye fargabar ta.

“Tashi ka tafi islamiya”

Cike da iko da umarni take maganar, kuma tana ƙoƙarin kamo shi, tana riƙe hannunsa yana saka wani irin ƙarfi ya fisge, ya miƙe akan gadon yana wani irin huci.

Abinda Fulanin ta gani shine ya saka mararta ƙullewa, har take jin kamar zata saki fitsari a wajen.

Ƙwayar idon Eshaan ɗin taga ta rikiɗa zuwa ja, wasu dogayen haƙwara suka ƙara sauƙo masa daga haƙwaransa na sama ƙasan fiƙarsa.

“Chor mujeh!, me islamiya nahi chal (Ki rabu da ni!, ni bazan islamiyar ba)”

Cikin yaran hindi ya yi maganar, amma Fulani ta gane me yake faɗa, tsoro ya hanata ganewa komai.

“Bazanje ba nace, bahhar jayiye! (ki fita)”

Da ƙarfi yake mata maganar, kuma idonsa tsaye a kanta, sai kuma ya yanke jiki ya faɗi, Fulani ta rushe da kuka tana tattab'ashi.

Ranar babu wanda ya yi kwanan lafiya, addu'o'i babu kalar wanda ba'a masa ba, haka aka kawo masa rubutu dana shaƙa harda na turare.

Cikin ƴan kwanaki ya warke, saida me ?, sati biyu bayan hakan ta koma ruwa, sai ta zamana idan Aka bashi ruwan addu'a yasha wanda ya kawo masa maganin shine zeyi ciwon ciki, idan kuma na shaƙa ne, to mutum zeyi ciwon kai, idan kuma na shafawa ne to duk inda ya tab'a a jikinsa kai kuma nan ne zai maka ciwo.

Ciwo ba na wasa ba, ciwo na gasken gaske, haka kowa ya haƙura ya zubawa sarautar Allah ido, suda bashi wani temako sai na addu'ar baka.

A haka har yaci gaba da tasowa, rayuwarsa taci gaba da gangarawa, yana ɗan samun sauƙi, sai ya zamana abun baya tashi sai idan ransa ya b'aci, ƴan uwan mahaifinsa sun gano cewa shine wanda ɗaya daga cikin kakkaninsu ya yi rubutu a kai, amma kuma a lokacin bai kai aure ba. Dan haka su kayi haƙuri suka barwa Allah zab'i. 

Eshaan ya taso cikin nutsuwa da hankali, gaba ɗaya ƴan uwan mahaifin sa dama na mahaifiyar sa suna yabawa da shi, shi bai cika surutu ba, amma yana da sanin ya kamata.

Abokinsa ɗaya a haɗejia, Muktar shima sun haɗu ne lokacin suna primary. A lokacin yanada shekaru goma sha uku ya gano cewa baƙin aljanin dake Jikinsa yana bashi super natural, kuma se yake amfani da hakan wajen yin wasu abubuwan.

Amma hatta shi da kansa baya san rayuwar da yake, shibda kansa tsoron kansa yake. Tun daga ranar da Fulani Sadiya ta faɗa masa cewar shi dodo ne, ya riƙe hakan a ƙwaƙwalwarsa, kuma dai-dai da second ɗaya bai tab'a mantawa ba.

Domin a nasa b'angaren yanaga kamar gaskiya take faɗa, domin duk irin halin da yake shiga marabarsa da dodon kaɗance.

Duk da dama yasan cewa Fulani Saidiya ce kawai bata sansa a gaba ɗaya ƴan uwansa na haɗejia.

Eshaan ya taso a matsayin mutum me girmama al'ada, yana san al'adunsa duka biyu, domin in har yana nigeria, abune mawuyaci ka ganshi da ƙananun kaya, saide idan zaman gida yake, kazalika kuma idan yana india baya saka kayan hausawa, saide nasu na can ko ƙananun kaya. Wannan ɗabi'ar tasa ce take burge kowa da shi.

Bayan Eshaan ya kammala secondary sai ta bayyanawa sarki cewa karatun likita yake so ya yi, sarki yaji daɗin hakan, ko ba komai zai maye wurin mahaifinsa ne.

Kuma yace musu india yake so yaje, inda dangin mahaifiyarsa suke, Dan ya san su, ya san komai a kansu, Dan yana zuwa hutu wajen su, hakama abuja wajen kawunsa. Babu b'ata lokaci aka shirya masa komai yaje ya fara karatunsa a can.

Ya shafe shekaru a can ɗin, kafin ta dawo nigeria, kuma yana dawowar ne aka naɗashi kan sarautar Tafida.

Ba jimawa da dawowar sa ya saka aka gyara masa gidan mahaifinsa da yaci hado a garin haɗejia, ya tare a gidan sannan ya buɗe babban asibiti na CROWN HOSPITAL.

Bai jima ba aka ɗauke shi aiki a ST NICHOLAS HOSPITAL, Dan haka ya bar komai ya koma lagos, amma har zuwa lokacin wannan abun na jikinsa.

***    ***    ***

“Na saba da mahaifiyata sosai a sanda ina ƙarami, ko mahaifina banyi sabo Da shi kamar yanda na yi da ita ba, a duk sanda wannan abunzai tashi min, kafin na farka sai na yi mafarkin ta.Har yanzu ban mance yanayin fuskarta ba, bana mance komai nata, komai Wifey”

Sai ya yi ajiyar zuciya, yana ƙara riƙe hannun Maryam dake cikin nasa. Zaune sume a bakin gadonsa, yayinda suke facing juna.

A lokaci guda kuma yana ƙif-ƙifta ido, Maryam ta kula kamar idon nasa na san sauya kala ne, shi kuma baya so, abinda take zato ya tabbata, a sanda ya ɗago da idonsa ya kalleta, tana kallon yanda ƙwayar idon nasa take rikiɗewa a hankali zuwa ja, taji tsoro, dan har jikinta sai da ya ɗan yi rawa, amma sai ta dake, ta shanye tsoronta, tunda harde jiya ma bata ji tsoronsa ba me zaisa taji tsoronsa yau ?.

“Ranar da Maa da Appa zasu tafi, Maa ta riƙe hannuna tana cewa 'Kada ka damu Esho, zan dawo, kaide ka kula da kanka' ashe bazata dawo ɗin ba, ta yi tafiya me nisa, me nisan da bazan sake ganin ta a nan duniya ba, kullum ina cikin yawan mafarkai akanta, tana mun murmushi, ko muna wasa tare, ko....”

Sai ya yi shiru yana ci gaba da kallon Maryam, wadda itama ta kafe shi da ido tana jiran ta ji abinda zai karasa faɗi, hannunsa dama ya ɗago, bayan ya saki hannun Maryam, ya kama gefen fuskarta, hannunsa akan hijabin dake jikinta, yana motsa hannun nasa a hankali a gefen fuskarta, da ƙyar Maryam ta iya riƙe kanta tana ci gaba da kallonsa.

“Ba ƙaramin dace kika yi ba, kina da Maanmu, da Abbanki, ga ƴan uwanki, ni kuma ni ɗaya na rage a ahalina, babu kowa tare da ni sai dangina, ban rasa komai ba, ciki kuwa harda soyyayar dangi, amma na rasa abu da dama ta wani fannin, na rasa soyyayar uwa, na rasa kulawar uwa, na rasa soyyayar uba, na rasa kulawar uba, bani da ƙanwa ko ƙani, yaya mace ko na miji, ni kaɗai na ragewa kaina, sai kuma ke da Allah ya bani, samunki babban rabo ne a wajena Miriam, babban rabo sosai, kuma a koda yaushe ina gode masa idan ina sallah, dan shi kaɗai ne lokacin da nake da shi na addu'a, a da bani da addu'a sai ta Allah ya yaye min abinda ke damuna, amma yanzu kuma saide na godewa Allah da kyautar ki daya bani cikin rayuwata, kin zama wani tsagi na farin cikina Miriam, da idan ina murmushi ba har zuciyata nake ba, iyaka kan leb'ena ne kawai, amma bayan kin shigo rayuwata, abubuwa da dama sun sauya, ina murmushi harda dariya, kuma duka daga ƙasan zuciyata suke fitowa, idan baƙin ruhina ya tashi kowa guduna yake, dan kada na illata mutum, amma ke sai kika kusance ni, kika nuna min cewa ko me zan miki bazaki gujeni ba, Miriam irin ki suna da ƙaranci a duniya....”

Ya kai ƙarshen maganar yana sunkuyowa ya ɗora gashinsa akan nata, Maryam ta matse bed sheet ɗin da hannunta ke kai, tare da lumshe ido, tana jin sauƙar numfashinsa me ɗumi akan fatar fuskar ta, wai shi be san me take ji bane ?, ya kamata ya sama mata lpy, ba zata iya ba wallahi, abun ya mata yawa.

“Wifey...”

Cikin wata murya me kama da raɗa ya kira sunanta, Maryam ta ƙara rintse idanunta tana karanto duk addu'ar da ta zo ranta, bata amsa shi ba, kuma shima sai yaci gaba da kallon saman gashin idonta.

“Miriam you make home inside of my heart, i wish that one day you will know what it feels like to make a home inside of someone's heart, eventually i find that one person that understand the melody of my soul, and now you are sing it back with ease, and see, it's beautiful....i find a women that can vulnerable with, while feeling completely safe, you mean everything to me Maryam, you complete me, tum mera aakhoka tara hai tu, (you are the star of my eyes)”

Ba komai Miriam take fahimta ba, jinta take kamar tana yawo a space, babu gravity ɗin da zai iya jawota ƙasa sam, ta kasa jurewa yanayin, ba zata iya ba, gaba ɗaya ilahirin jikinta rawa yake, kamar me jin sanyi ko kamun zazzab'i, wata ƙilama zazzab'in ne zai kamata, dan tana jin yanda jikinta ya ɗauki dumi kamar wadda ake gasawa.

__________________

_Yau ban da ta cewa, dan haka na yi nan 🚴_

_Share and comment, Ina godiya🙏_

🌸-SAI KASKA CE✍️-🌸.

⭐️YADDA ƘADDARA TA SO⭐

⭐️ شاء القدر⭐️

*Magical love story*

©By Sai Kaska

Wattpad @Sai_Kaska

Phone number:***

Tiktok @SAI_KASKA

Arewabooks @18saikaska

Facebook fage: Salma Ahmad Isah Sai Kaska

_________________________________

*Proud of my first novel*

★TAURARI WRITER'S ASSOCIATION★

*Gareki na sadaukar da wannan babin Maryam Sani Salis*

*BABI NA TALATIN (30)*

*Murtala Muhammad International airport, Lagos*

Heleen ce ke tafe ita da yaranta, sanye take cikin wata jeans skirt me tsaga a gaba, skirt ɗin bata sauƙa mata har ƙasa ba, sai sweat shirt baƙa, wannan kalabar attachment ɗin ta zubo har gadon bayanta, rabin fuskarta rufe da sun glasses.

Sai taunar chewing gum take, tana taku akan hills ɗin dake ƙafarta, hannunta babu komai sai wayarta jakukunanta yaranta ne riƙe da su.

Koda ta sako ƙafarta wajen ginin airport ɗin, sai ta shaƙi iska tana murmushi.

“I miss lagos, and i miss you Dr. Eshaan”

Cike da nishaɗi take furta hakan, hoton kyakyawar fuskarsa na giftawa ta cikin idonta, a ranta take kudurta yau zata daure ta hana kanta zuwa wajensa, dan ta samu ta huta, zuwa gobe za ta yi wa St. Nicholas Hospital tsinkaye. Domin ta samu damar arba da kyakyawar fuskarsa da ta yi kewa tsawon lokaci.

*Cogrove Estate,st 3, house NO. 334*

*Da misalin 10:00am*

“Ina kuma zuwa haka ?”

Muryar Uchenna ta faɗi daga bakin ƙofar ɗakinsa, yayinda ya leƙo yana kallon Hanam ita da Arya, kwaliyar da a kayiwa Arya ɗince ta sa ya yi tambayar, sanye yake cikin wata baƙar suit, wadda ta zauna daidai jiknsa, gashinsa baki siɗik me taushi yana ta sheƙi, ga wani farin canvas da ya gani sanye a ƙafarsa.

Ita kuma Hanam ɗin tana sanye da farin cargo pants, da wata bakar sweat shirt, ta yafa mayafi a kanta. 

Hanam ta kalleshi da kyau, a yau ne za ta je ta bin ciko waye shi, tana so ta tabbatar da abinda Abba ya faɗa mata, kuma za ta yi hakan, in Allah ya yarda za ta yi hakan, riƙon Arya ta gyara sannan tace.

“Babu inda zamu je, yau ne yake cika shekara ɗaya, shi yasa kagan shi a haka”

Uche ya ƙarasa fitowa daga cikin ɗakinsa ido waje yana duban Hanam, yau yake cika shekara ɗaya ?, amma shi bai sani ba?.

Wannan ranar tafi ko wace rana farin ciki a wajen Hanam, ranar da ta kawo Arya duniya, ranar da ta ɗora ido a kansa zuciyarta ta bashi wani shimfiɗeɗen fili, filin da bayan Abba babu me irinsa.

“Yanzu shine zeyi birthday baki faɗa min ba?”

“Ba wani celebrating zamu yi ba, shi yasa”

“No, that's impossible, taya za'ayi yarona ya cika shekara ɗaya babu wani shagali, na lie oo”

ya faɗi yana karb'ar Arya ɗin daga hannunta, yaronsa ?, ba wanna ne karo na farko da ya kirashi da sunan ba, saide a duk sanda zai kirashi da sunan wani abu ne ke motsawa a ƙasan ruhinta, yana sawa taji kamar akwai wani wanda yake sansu ita da Arya bayan Abba.

“Kawai ke ki tafi aikin ki, mu zamu tafi magic land, a can zamuyi celebrating ɗin, mun yafe miki”

Tayi murmushi tana kallonsa.

“Ok akwai baby feed ɗinsa, sai ku tafi da shi”

“No bama bukatar wani baby food, yau ai daɗi zamu sha, musha ice cream da massasa(sweet )”

Mamaki ya kusan daskarar Hanam, a ina ya iya larabci wai ?, kuma wai har yasan massasa ?.

Kai kawai ta gyaɗa musu sannan ta nemi hanyar fita, tana so komai ya zo karshe a yau ɗin nan.

*

“Ina jin ki”

Cewar Hanam yayinda take kallon matar dake zaune a gabanta, Saida taje wurin aiki lafin kai tsaye ta wuto unguwar da taga jikin wannan takardar, sannan ta kira lambar da ke jikin takardar, ta yi wa matar bayanin da Abba yace mata ta yi.

Matar da kanta fa fito ta yi mata iso zuwa gidan, kuma Hanam ɗin ta mata bayanin abinda ke tafe da ita. Matar ta ƙara nisawa sannan tace.

“Babu komai, kawai de ina so na sani ne, kece ƴar Alhaji Muhammad”

Hanam ta gyaɗa mata kai tana ci gaba da kallonta.

“Kenan kece matar Haris ɗin ?”

Harees ?, itama fa Harees ɗin tace?, wai meke faruwa ne ?, wani ya temaka ya fahimtar da ita, a hankali ta gyaɗa mata kai still tana kallonta.

“Nasan mahaifin ki ya faɗa miki cewar babu wanda zai baki labarin Uche sama da ni, kuma bai miki ƙarya ba, dan bayan mahaifiyar Uche, nice mutum ta biyu da ta san shi ciki da bai, kinga nan ?”

Ta tambaya tana nunawa Hanam ɗin wani bango. Hanam ta gyaɗa mata kai.

“Nan shine katangar gidansu” 

“Mahaifiyar Uchenna ta kasance musulma, sunanta Raahidat, ƴar a salin jihar Enugu ce, mahaifinsa kuma cristian ne sunasa Jhonson Aja, shima ya kasance haifaffen garin enugu, sede shi ba shi da iyaye, ya taso ne a hannun wani kawunsa, yayinda yake sana'ar ɗinki anan abuja.

A wani zuwa gida ziyara da ya yi ya haɗu da Rashidat, har suka fara soyyaya, daga baya se ya nuna mata cewar shifa aure yake so suyi, ita kuma Rashidat ta nuna masa cewar aure tsakaninta da shi ba ze iyu ba sbd shi cristian ne, yace mata ze musulunta.

Kuma ya musulunta ɗin, har kawunsa yace ba shi ba shi, kada ya ƙara nuna cewa shi kawunsa ne, Aja be damuba tunda yanaga ze samu Raahidat.

Bayan sunyi aure suka tare a nan garin abuja, awannan gidan dake kusa da nawa, farkon auren Aja ya nunawa Rashidat soyyaya, kafin daga baya ta gane cewa ashe ya koma zuwa church, seda su kayi ba daɗi kafin ya bata haƙuri akan ya dena,zeci gaba da yin addininta.

A haka har tasamu cikin Uchenna, ta haifeshi ana zaman lafiya, har aka raɗa masa Haris, amma Aja yace ana kiransa Uchenne.

Sosai Aja kenunawa Uchenna so, komai na duniya Uchenna ze ce, a haka har ya kai shekaru bakwai, ya fara fita da shi kasuwa inda yake sana'ar ɗinki.

A sannan ne kuma Rashidat ta ƙara samun ciki, bayan wata tara ta haifo yara ƴan biyu, Zakiyya da Jude, haka a halin nasj ya ck gaba da tafiya har zuwa lokacin da su Zakiyya suka cika shekara biyar.

A sannan Rashidat ta gano cewa Aja yaudararta yake, be dena zuwa church ba, a sannan ne a kayi babu daɗi, ya fito mata a mutum kan cewar shi ba ze dena addininsa ba, ita kuma tace se ya saketa, shi kuma yace bazai saketa ba.

A sannan matsalar gida ta soma, Rashidat ta fita a harkokin Aja, ta ja yaranta a jiki tana ƙara nusar da su mihimmancin addinin musulunci, wannan abu baƙaramin bawa Aja haushi ya yi ba.

Dan haka ya ɗauki karar tsana ya ɗorawa Rashidat da yaranta, musamma ma Uche da Zakiyya, dan akwai soyyaya tsakaninsa da Jude, ko me zeyi bayamasa.

Aja ya dena basu abinci, ga duka ga zagi, zuwa lokacin Uche ya fara mallakar hankalin kansa, dan haka daga yaje kasuwa ya yi ɗinki ya samu kuɗi, se yakawowa Rasidat dan ga siya musu abinci.

Da Aja ya gano hakan se ya koreshi daga shagonsa, Uche ya koma shagon wani abokin Aja, amma Aja yaje yasa aka kore shi, duk shagon da ya koma dan ya rakab'a ya yi dinki se Aja ya sa a kore shi.

Ganin haka yasa Rashidat ta seda kadarar ta ta saiwa Uche keken ɗinki, ya fara ɗinkinsa a gida.

Kasan cewar Uche yaro me hazaƙa da baiwar ɗinki segaba ɗaya costomers ɗin shagon Aja suka tattara suka dawo kawowa Uche ɗin.

A lokacin baya zuwa makaranta, dan tun bayan faruwar matsalar ya dena zuwa makaranta, amma shi yake ɗaukar nauyin karantun ƙannensa duka ya ɗauki nauyin gidan da komai, kuma aƴan ƙalilan ɗin shekarunsa.

Matsala tsaninsu da Aja kuma kullum ƙaruwa take, duk daren duniya basa bacci, haka ze saka Uche a gaba yana tsine masa, tsiniwa kala-kala da alkaba'ai, wani lokacin idan haushin be isheshi ba se ya kama Rashidat ya daka.

A sanda Rashidat taga Uche se ƙara girma yake amma baya zuwa makaranta, se ta nemi shawarata, ni kuma nace mata ta saka shi ya koma makaranta, kuma hakan a kayi, ya koma makaranta ya ci gaba da karatu.

Sede matsaltsalun dake faruwa a gida basa saka shi ya yi focussing a kan karatun, sau uku yana maimaita aji, kafin ya samu ya wuce, amma duk da haka abokan karatunsa sun masa nisa a lokacin.

Wata rana da bana matawa Ina zaune a gid naji ihu da kururuwar Rashidat, na fita domin kai mata ɗauki, dan nasan Aja ne ke dukanta, a sanda na shiga gidan na tadda ta yashe a ƙasa Aja na dukanta, Jude da Zakiyya kuma tsaye gefe suna ta kuka.

Na shiga bawa Aja haƙuri amma ko saurare na ma be yi ba, a haka har Uche ya dawo daga school, shi kuma a ranar yaji cewa ba ze iya jurewa ba, dan haka ya ɗauki madoki, ina riƙe shi amma seda ya fisge ya daki Aja da abun a kai.

Aja ya bar kan Rashidat ya dawo kansa, yana dukansa yana tsine masa, Rashidat ma taga bazata iya jirewa ba, dan haka ta ɗauki madokin da Uchenna ya cillar ta daki Aja da shi.

Aja ma yaji ba ze iya jirewa ba a take a wurin ya saki Rashidat. Kar ko so kiga yanda tayi murna ranar, dan ko kwana a gidan ba ta yi ba, a nan gida na ta kwana.

Washe gari da safe ta ɗauki Zakiyya ta yi enugu da ita.

Kuma bayan ta gama idda miji ya fito mata ta yi aurenta. Rayuwar Uche a gidansu ta ci gaba da ta fiya cikin kunci da damuwa, Aja ya ƙwace keken da yake ɗinki da shi, baya ba shi abinci se anan gidan yake zuwa na bashi, gashi shi ba abokai gare shi ba.

Tsangwama babu kalar wanda Aja baya masa, ke hatta da dabbobin da yakw kiwo ɗakin Uche yake ɗaure su, gwarama Jude dan shi baya masa komai, dan yana san yaron sosai, duk da shima musuluci yake.

Rana ɗaya Aja ya bushi iska ya ya kori Uche, babu yanda ban bawa bawan Allahn na haƙuri ba amma yace fir be san zancen ba, hatta da mijina se da ya bashi baki amma yace ba zs haƙura ba. Sai kuma a kazo ana bani labari kan cewa wai Uchenna ya hau kan titi mota ta kaɗe shi.

Wannan shine labarin uche, a washe garin ranar da uche ya hau titin nan mahaifinki yazo har gidan nan ya yi min tambayoyi akan uche da mahaifiyar sa, bayan nan kuma Rashidat take sanarmin da cewa ya samu aiki, yana rayuwarsa cikin kwanciyar hankali”

Ta ƙarashe tana kallon Hanam, wadda idanunta sukayi ja, tana so ta yi kuka amma ta nemeshi ta rasa, Bata san cewa akwai wani wanda ke cikin baƙin ci ba bayan ta.

Zuciyarta ta cika fal da tausayin Uche, lokacin suna makaranta yana cikin wannan halin amma sam baya hana shi dariya, murmushi da raha, amma ita fa?, ita abu ɗaya ta rasa a lokacin, kulawar uwa, amma take ware kanta da kowa, bata shiga cikin mutane, duk dan wannan ciwon dake cikin zuciyar ta.

🌸-SAI KASKA CE✍️-🌸.

⭐️YADDA ƘADDARA TA SO⭐

⭐️ شاء القدر⭐️

*Magical love story*

©By Sai Kaska

Wattpad @Sai_Kaska

Phone number:***

Tiktok @SAI_KASKA

Arewabooks @18saikaska

Facebook fage: Salma Ahmad Isah Sai Kaska

_________________________________

*Proud of my first novel*

★TAURARI WRITER'S ASSOCIATION★

*Na sadaukar da wannan babin gareki Mounira Aboubacar*

*BABI NA TALATIN DA ƊAYA (31)*

*Lagos*

*Da misalin 11:20am*

MARYAM POV.

Tsaye take a cikin kitchen, hannunta cikin wani silver bowl tana mulmula laddu, sai yanzu tunanin abinda ya faɗa mata ɗazu ya dawo mata, dan ɗazu sam bata samu damar yin tunani me kyau ba, sai yanzu kalaman ke dawo mata daki-daki.

_ “Miriam you make home inside of my heart, i wish that one day you will know what it feels like to make a home inside of someone's heart, eventually i find that one person that understand the melody of my soul, and now you are sing it back with ease, and see, it's beautiful....i find a women that can vulnerable with, while feeling completely safe, you mean everything to me Maryam, you complete me, tum mera aakhoka tara...”_

Tunanta ya datse sanda aka murɗa ƙofar kitchen ɗin, ta yi sauri ta kalli jikinta, babu hijabi a jikinta, daga ita sai ƙaramin mayafin abayar dake jikinta, kuma kafin ta yi wani yun ƙuri har ƙofar ta iyo ciki, wanda yake bayan ƙofar ya sako kai.

Kamar yanda itama take kallonsa shima ita yake kallo, kayan dake jikinsa ɗazu da zai fita sune har yanzu, wata baƙar hoodie ce, sai 3qtr ash color, har yanzu gashin kansa yan kan fuskarsa, bai meda shi baya ba, na bayan ma ya sauko masa kan wuya, kansa sanue da p-cap, amma bai cusata duka a kan nasa ba, ya ɗan dorata ne kaɗan, hakan yasa gashin nasa sauƙowa ta kasanta.

Ba yau ta fara ganinsa cikin kayan ba, dan ta tab'a ganin ya saka kayan, amma yau na daban ne, yanda gashin kan nasa ya sauƙo masa sai ya zama kamar wani yaro ɗan shekaru ashirin, idonta ya kai gefen fuskarsa, har yanzu wannan raunin da ya ji da ball jiya yana nan, amma kumburin ya sace kaɗan.

Duk da idonsa manne yake da baƙin glasses amma tasan cewa ita yake kallo, hannun ƙofar ya saki bayan ya rufeta, ya ƙarasa shigowa ciki, a kan Island ɗin ya aje ledojin hannunsa sannan muryarsa ta fito a hankali, kamar me tsoron kada wani yaji.

“An samu cow tail ɗin”

Maryam ta dakata daga mulmula laddu ɗin da take gaba ɗayi ta kalleshi, a sanda yake zama akan kujerar island ɗin.

“Kai ka siyo dama?”

Ta tambaya ne dan tasan ɗazu da ta faɗa masa cewa tana san cow tail David ya kira a waya ya faɗa masa suna buƙatar cow tail ɗin, kuma yanzu fitar da ya yi cabege yace ze je ya siyo.

Ya kai hannu yana ɗaukar laddu ɗaya daga cikin wanda ta gama mulmulawa ya na kaiwa bakinsa sannan ya girgiza kai.

“Nop, ba ni bane, David ne, na dawo daga siyan cabege ɗin na ganshi shima ya dawo, shine na karb'a”

Taci gaba da abinda take tana gyaɗa masa kai, yaci gaba da kallonta ta cikin glasses ɗin, ba kasafai yake ganinta ba hijabi ba, amma ko yaya ya ganta tana burgeshi, ya kasa kunne yana sabbaben nasa, kafin ransa ya raya masa da ya kamata ya bata abinda ya samo a cikin kayansa yau.

Miƙewa ya yi, kuma a lokacin idonsa ya kai kan takardun dake wajen, wanda da be lura da su ba, yana zagayawa inda take yake faɗin.

“Karatu kike ne ?”

Gabanta na dukan tara-tara ta gyaɗa masa kai, dan Allah ya sani bata iya jurewa abinda yake mata, karatun take sanyi amma ta kasa, abinda ya faru ɗazu ya hanata sukunin yin karatun.

“Mun ku...sa fara... exam ne...”

A ransa yace good, dan lokacin bikin holi ya kusa, baya so lokacin yazo basu yi hutun makaranta ba. Ƙafafunsa suka dakata a setinta, Maryam ta kalleshi ta gefen ido, tana haɗiye wani abu.

So take tace masa dan Allah ya matsa ko zata samu ta shaƙi iska me daɗi, dan wadda take shaka yanzu ta garwaye da ƙamshin turarensa, idan ya matsa ɗin ma wata kila zafin zazzab'in dake jikinta ya sauƙa, zazzabi ?, wata ƙilama a cikin kasusuwanta take jin zafin zazzab'in, babu akan fatarta, dan da ace akwai akan fatarta da yaji zafin, wata ƙilama ya lona masa hannu, dan Allah ne yasan irin zafin da take ji a jikinta.

Hannu yasa ya juyo da ita gaba ɗaya, kafin ya kalli hannayeta da suke da danƙwan sugar dana condensed milk, sai kuma ya kalli fuskarta, yana jin yanda zuciyarta ke tsere a kirjinta, be san meke damunta ba, amma duk sanda zai riƙeta yana jin yanda bugun zuciyar tata yake sauyawa.

Hannunsa na dama ya kai ya kewaye waist ɗinta tare da janyota gaba ɗaya cikin jikinsa, Maryam ta dunƙule yatsun hannunta tana rintse ido, wai meke damun bawan Allahn nan yau ?, shi fa da kansa yake cewa su nisanci juna, amma kuma shine yake mata haka?, wani ya temaka ya faɗa masa cewar ba zata iya ba, wallahi bazata iya ɗauka ba.

Ba ta yi aune ba taji ya zame mayafin data ɗaura a kanta, hakan yasa ta yi saurin buɗe idonta tana dubansa, gashin kan nata da babu ribbon ya sauƙo a gadon bayanta, har wani na sauƙowa a kafaɗarta, ya kai hannunsa yana kawarwa da gashin, kafin muryarsa ta fito can ƙasan maƙoshi.

“Yana damun ki ne ?”

Yanda kalaman suka fito akan fatar Maryam yasa ta kuma rintse idonta tana kawar da kai, wata ƙila za ta ji sauƙin abinda yake mata idan ta yi hakan.

A lokaci guda sai kuma ya saketa, ya saka hannunsa ɗaya a aljihun 3qtrn jikinsa na baya, ya fito da wani abu a hannun nasa.

Ya kai hannunsa duka biyu ya kamo gashin da suka sauƙo mata a kafaɗa daga ko wani b'an gare, ya kaisu baya, tareda saƙala hair pin ɗin da ya ɗauko a aljihun nasa.

“Haka zaki na masa, na Maa ne, ki kulamin da shi”

Ta gane miye na Maan, yana nufin hair pin ɗin,ta gyaɗa masa kai, tana ƙoƙarin juyawa, hannunta ya riƙo ya fisgota ta dawo jikinsa, yana jin yanda jikinta ke karkarwa, shi bai sani ba, wata ƙila tsoransa take ji, to in ba tsoronsa take ji ba me zaisa zuciyarta take irin wannan gudun ?, kuma har jikinta yana rawa haka?.

Fuskarta ya riƙo da duka hannayensa biyu, tare da kara tasa akan tata, yana kallon fuskarta ta cikin baƙin glashin idonsa, hancinsa a gefen nata, lebensa ma daf da nata.

Maryam taji kamar ya saki fitsari a wajen, kamar ta ƙwalla ƙara wata ƙila ta samu sauƙin abinda ke yawo a kanta, ina wannan mutumin yake so ya kaita ne?, wata ƙila zautata yake shirin yi.

Yana shirin haɗe tazarar dake tsakaninsu wayarsa ta yi ƙara, hakan yasa yaja kansa baya kaɗan yana kallon yanda ta ƙanƙame idonta, sai ya saketa ya ja da baya kafin ya juya ya zagayo inda wayar take ya ɗauka, domin kirane ɗaga india, abokinsa ne wanda suka yi karata ARJIT.

Maryam ta yi sauri ta juya masa baya, tana maida numfashi, kai kace gasar tsere ta shiga, ita a yanda take ji ma bata da maraba da wanda ya yi tseren, dan wani abu take ji yana mata yawo a jiki, wanda ba zata iya tantancewa sunan sa ba.

Ta godewa wannan wanda ya kira wayar yafi a ƙirga, dan ko ba komai ya dakatar da abibda yake shirin tafiya da iskar da take shaƙa.

Tana jinsa yana magana da harshen hindi, idan kaji yanda yake maganar ba zakace yasan wani yare ba wai shi hausa, cike da ƙearewa yake magana da na wayar, kuma a yanda take jin maganar tasa kamar yana cikin nishaɗi, duk da ita ba wani indiyanci take ji ba, sai ƴan kalmomin da ba'a rasa ba.

Hannunta ta daure ta wanke a sink, sannan ta daurewa zuciyarta ta juyo, tare da mata alkawarin bazama ta kalleshi ba, ta juyo ta dawo inda take a tsaye a da, ta mulmula curin laddu na karshe, sannan ta juyo zata dauƙo plate, sai ta tuna cewa tsayinta baya kaiwa wajen, dan haka ta kuma juyowa ta kalli inda yake, zuciyarta ɗaya, taga shima itan yake kallo, amma yanzu da idonsa yake kallonta, dan ya sauko da glasa ɗin kan hancinsa, yana kallonta ta saman glass ɗin, da ƙyar ta samu ta haɗiye wani abu, kafin tace.

“Side plate zaka ɗan ɗauko min”

Sai yata ya jingina da jikin kujerar da yake kai, ya ɗauki wayarsa da hannun dama, sannan ya yi amfani da hannunsa na hagu ya buɗe cabinet ɗin, ya fito da plates ɗin ya aje mata akan island, duk yana zaune daga inda yake, kuma yana danna wayarsa.

Ta kuma haɗiyewa wani abu, sannan ta ɗauki plates ɗin ta ƙara ɗauraye su, duk da tana da tabbacin a wanke suke, laddu ɗin ta saka masa akan plate ɗaya, ɗayan kuma ta aje shi a gefe, dan dama ɗaya take buƙata, ta gyara wajen tsaf, sannan ta ɗauki ledojin kayan da ya aje mata ɗazu, ta haɗa kan handout ɗinta.

Duka Tafida na zaune a wajen, yana danna wayarsa kamar ba ita yake kallo ba, bayan kuma ita yake kallon, kawai ya waske ne. 

Maryam ta buɗe fridge ta ɗauko soymilk ɗin da ta haɗa, ya yi sanyi, ta ɗauko wata jar me starw ta zuba masa sannan tazo ta aje masa a gabansa tare da laddu ɗin.

Zata tafi ya dawo da ita ta hanyar jayo hannunta ya zaunar da ita a kujerar gefensa, zamansa ya gyara yana aje wayar akan island ɗin, a lokaci guda kuma yana kallon abinda ta aje masan.

“Miye wannan ?, ko kunun aya ne ?”

Kan Maryam a kasa ta girgiza shi.

“Ba kunun aya bane, soymilk ne”

“Soymilk ?, ba kin yi awara da waken soyar ba”

A hankali ta dago ta kalleshi, sannan ta amsa masa da.

“Ba duka nayi awarar da shi ba, biyu na raba shi shine na haɗa wannan ɗin”

Ya riƙe jar ɗin a hannunsa, shi bai tab'a shan abun ba, amma yau zai gwada, bakinsa ya kai ya zuƙa sau ɗaya, amma saida ya yiwa abun babban gib'i, dan sosai na cikin jar ɗin ya ragu.

Mabambantan taste ne suka ziyarci harshensa, akwai garɗin madarar dake ciki, ga zaƙin sugar dana condensed milk, ga kwakwa a ciki, ga kuma ɗansanon shi kansa waken soyar ga sanyin abun, abun yana da daɗi, kuma ya burgeshi sosai, bai san cewa haka yake da daɗi ba ai, ƙara kaiwa bakinsa ya yi kan starw ɗin bai sauƙe ba saida yasha fiye da rabi.

Sannan ya aje jar ɗin, yanata santi a ransa shi ɗaya, kafin ya ja plate ɗin laddun, ya fara ci, daga inda yake yanzuma ya buɗe fridge ya dauki ruwa, saida Maryam taga haka sannan ta tuna da bata kawo masa ruwa ba.

“I am sorry Sultan, mantawa na yi ban baka ruwa ba”

“No Wifey, is not a big deal ai, amma pls ki dena cemin Sultan ɗin nan”

Girarta ta haɗe waje guda alamun mamaki ta furta “Me yasa ?”

Kansa tsaye ya amsata da.

“Sbd Sultan sarki ne, ni kuma ba sarki bane, ki nemo wani sunan da ban de”

“Amma kuma Sultan ɗin ya dace da kai”

Ya kai hannu ya cire p -cap ɗin kansa sannan ya kawar da sumarsa zuwa sama, 

“Nop, bana so, ni duk wata harka ta sarauta bana so, dokine kawai abinda nake so a tsarin sarauti, shi yasa nake hawa duk shekara ko kuma duk biki idan ya taso, amma ni bana san rayuwa mara ƴanci, idana kanada sarauta baka da ƴanci, misali, idan kai mutumin gari ne zaka iya zuwa ka ci awara a kan hanya, sarki fa ?, babu shi babu wannan damar, ni kuma ina san irin wannan rayuwar, shi yasa nafi san rayuwar india fiye da ta nigeria, dan india muna yawan zuwa muci street food. So you better find another name”

Maryam taci gaba da kallonsa, duk da shi ba ita yake kallo ba, wasu lokutan yana bata mamaki yanda yake hira sosai, bata tab'a Ɗauka cewar yanada magana haka ba, sai idan suna hira,wai awara?, wata ƙila ma shine a ransa, dan ita ta yi jiya.

“Kinga, idan ke baki da idea ne sai na baki, kamar mi vida, mon prince, my boo, babe, pannah, yaar, jaan, piya, mehboob, my life line da dai sauransu”

Ya ƙarashe yana juyowa haɗi da tura sumar sa baya, Maryam ta girgiza kai

“Ai wanna basu dace da kai ba, wadan da suka dace da kai sai de kamar my little inflatable tube man, jack skeleton, hekter floor lamp.....”

Sai kuma ta yi shiru tana shirin bushewa da dariya, ganin yanda Tafida ke kallonta ido waje.

“Nasan ni dogo ne, amma ai ban kai waɗanan abubuwan ba, tab! wa ya ga tube man!”

Maryam ta kwashe da dariya tana kawar da kai, shima murmushi ya mata, sannan yace.

“Gaakiya waɗanan basu yi ba, ki nemo wani de”

Ta shanye dariyat tana gyara zama.

“Kaga kuwa a tictok na gani, sun ce idan ka faɗawa dogon saurayinka ze so sunayen, amma ga wani.....”

“Banda na shirme fa!”

Ya katseta tun kan ta faɗi abinda ke bakinta.

“Ba na shirme bane, hermoso ? (handsome) ”

ya gyaɗa mata kai.

“Wato Spanish aka koma kenan ?”

Tana murmushi ta gyaɗa masa kai.

“Ya yi, amma dade kin sauya min”

“Ok, ok, ok, ammm!, sundar ?(handsome)”

“Gwara-gwara dai, dan kinsan ni ina kishin yare na, na hindin yafi daɗi”

Ta gyaɗa masa kai kawai tana jan takardunta, tunda yanzu ta ɗan sake ya kamata ace ta yi ɗanyi karatun.

HANAM POV.

Jiki a sab'ule ta shigo cikin gidan, gaba ɗaya ta rasa wani tunani ya kamata ace ta yi, haƙiƙa ta cutar da Uchenna tsawon zamansu, amma shi a kullum burinsa ya ga ya faranta mata ita da ɗanta, kaico!, kaiconta da ta zama me san kai da yawa, tana zarginsa kan abida bai aikata ba, to waima ina tunaninta ya tafi ne, me yasa har take zaton cewa Abba zai iya kawo wani abu na cutarwa a rayuwarta.....

Tunaninta ya katse sanda ta iske Uchenna da Arya auna wasa a falo, sai dariya suke ƙyalƙyalawa, zuciyarta ta matse gu guda, wani abu ya shiga mata kaikawo a zuciya.

“Uche...uchenna zaka ce....”

Uchenna ke taya Arya gwalantu, yana koya masa sunansa.

“Arya kace papi!....”

Daga yaron har Uchenna suka juyo suka kalleta, ganin yanayinta kamar mara lafiya yasa Uchena miƙewa da sauri, yayin da ya aje Arya akan sofa, a ruɗe ya ƙarasa gabanta yana tab'a goshinta wai ko zaiji zafi, amma sai yaji babu zafin face sanyi.

Tunda ya miƙe Hanam ke binsa da kallo har ya tsaya a gabanata haka. Duk abinda ta saurara akansa ya dawo mata, a lokacin kuma Arya ya saka kuka, Uchena ya juya da sauri ya je inda yake yana ɗaukansa tare da faɗin.

“Me ya sameka aboki......?”

Maganar ta maƙale, sbd wani hannu daya zagayo daga baya ya naɗe cikinsa, ya tsaya cak, numfashi yana neman ɗauke masa, sbd kan Hanam daya ji a gadan bayansa, ga wata iska da take fitarwa daga bakinta yayinda take kuka, ga yanda ta maƙalƙale shi, ga kukan Arya.

Gaba ɗaya sai yanayin ya taro ya masa yawa, uwa na kuka ɗa ma na kuka, ya rasa me zeyi, a hankali ya shiga jijjiga Arya, still hannun Hanam na kewaye da shi kuma tana kuka, saida Arya ya yi shiru sannan ya aje shi akan sofa ya bashi teddyn da suke wasa da shi ɗazu.

Saida ya haɗiye wani abu da ƙyar kafin ya kai hannunsa ya b'anb'are na Hanam, tareda janyota gaba yana fuskantar ta, kuka take shab'e-shab'e, kuma tana kallonsa, hannunsa na karkarwa ya ɗago da shi yana share mata hawayen cikin fadin.

“Meke faruwa ?”

Hanam ta girgiza kai, sannan ta ƙara kankame shi, wannan karon kanta ya sauƙa a kirjinsa, ya kuma lumshe ido, wani ɗan ƙaramin yaƙi yana aukuwa a zuciyarsa, yana jin kamar ya saka ƙara, dan ya kasa jure yanayin.

Sake ɗago da ita ya yi yana ƙara share mata hawayen, kafin yaja hannunta ya zaunar da ita akan kujera shima ya zauna yana fuskantar ta. Se da ya juya ya kalli Arya dake zaune akan ɗayar kujerar, wasan sa kawai yake, kafin ya juyo ya kalleta.

“Ki dena kuka, idan kema kina kuka to Arya ma ze yi kuka”

Ta share hawayenta, tana ci gaba da kallonsa, Uchenna ya kalli hannunta dake cikin masa, combination ɗin fari da baƙi, dan kuwa shi baƙi ne, gashi ita kuma fara ce, farar ma fat kamar ba'indiya. A hnakli ya ɗago ya kalleta.

“Ki nutsu ki faɗa min abinda ke damunki”

Hanam ta gyaɗa kai sannan tace.

“Dan Allah Harees ka yi haƙuri, ina me baka haƙuri, ka yafe min....”

Tunda yaji ta kirashi da Haris yasan cewa yanzu tasan komai a kansa, komai yana nufin harda rayuwar da ya yi a baya, kuma yasan ko Abba be faɗa mata ba, wata rana anti Hajiya maƙociyarsu zata faɗa mata, kansa ya kawar gefe yana sakin hannun ta, amma ita sai ta yi sauri ta kama nasa hannun, tana zamewa ƙasa. 

“Dan Allah ka yafemin Harees, ka yafe min”

Uchenna ya girguza mata kai yana kamo kafaɗunta, tareda mayar da ita ya zaunar a inda ta zame hannunta ya ƙara riƙewa yana so ya kwantar mata da hankali, inama zata tema ke shi ta dena kukan, dan bata san yanda yake jin kukan nata ba.

“Ba kimin komai ba Hanam, babu abinda kika min”

Hanam ta share hawaye tana ci gaba da kallonsa.

“A ina kuka haɗu da Abba?.....”.

_________________

_E gaskiya ko ni ina san naji ina suka haɗu da Abba_

_Allah Sarki Fidar Yara, shi kwata-kwata ma mulkin baya gabansa, amma Fulani Sadoya na can tana aikin banza_

_To ina godiya my people_. 

🌸-SAI KASKA CE✍️-🌸.

⭐️YADDA ƘADDARA TA SO⭐

⭐️ شاء القدر⭐️

*Magical love story*

©By Sai Kaska

Wattpad @Sai_Kaska

Phone number:***

Tiktok @SAI_KASKA

Arewabooks @18saikaska

Facebook fage: Salma Ahmad Isah Sai Kaska

_________________________________

*Proud of my first novel*

★TAURARI WRITER'S ASSOCIATION★

*Wannan babin baki ne Halima Yusuf Musa*

*BABI NA TALATIN DA BIYU (32)*

Hanam tail yiwa Uchenna tambayar dake cikin ranta tun ɗazu, sai taga ya yi murmushi, kafin muryar sa ta fito.

“Ranar da Babana ya koreni na bar gida, naje na hau kan titin kaduna road, ina so na mutu, a lokacin gani nake kamar mutuwar sai tafi min sauƙi, domin ni kaɗaine a cikin duhu, rayuwata bata da wani amfani, duka buruka na sun bi iska, burina shine na yi karatu na zama wani abun a gobe, na rasa wannan, burina na biyu kuma shine waƙa, ina matuƙar san na yi waƙa tun ina ƙarami, amma shima ya rushe, sai naga to ai bani da amfani a duniyar, dan haka na tsaya ƙyam a tsakiyar titi, na lumshe ido ina jiran fitar raina.

Wata mota ta nufoni gadan-gadan, amma kuma tana zuwa saitina ta taka birki, saide duk da haka saida suka ɗan bige ni, kin san waye a motar ?....”

Ya ƙarashe yana kallonta, Hanam ta ƙara matse hannunta cikin nasa tare da faɗin.

“Abba ne?”

Shima kan nasa ya gyaɗa.

“Ƙwarai Abba ne, shi ya kaini asibiti, na yi kwana ɗaya a can, kafin ya tambaye ni iyaye na, nace masa bani da kowa sai de maƙociyar mu, yace na nasa kwatance dan yaje ya sanar mata, na masa kwatancen gidan Anti Hajiya, shi da kansa yaje ya sameta, Anti Hajiya ita ta bashi duka labarina, kuma daga haka Abba yace zai riƙe ni, zai ɗauki nauyina, na faɗa masa me nake so, karatu nake san yi ko aiki, nace da shi ni aiki nake so, ba b'ata lokaci Abba ya bani matsayin PAn sa, kuma shi da kansa ya saimin wannan gidan tun a wancan lokacin, Abban ki mutumin kirki ne, ba kamar nawa mahaifin ba, babana baya sona, ya tsaneni, kullum yana cikin tsine min, ya dake ni ya daki mom ɗina, mts rayuwa a gidanmu babu daɗi...”

Ya ƙarashe yana jingina da jikin kujera, duk abinda ya faru da shi a baya yana dawo masa sabo, saide har yanzu Hanam hawaye take, ya ɗan karkato da kansa yana kallonta. Da ido ya mata alamar miye ?, sai yaga ta girgiza kai kawai tana haɗiye sauran hawayen.

Zamansa ya kuma gyarawa ya daurewa kansa ya kai hannu ya riƙo fuskarta sannan yace.

“Ki manta da baya, duk wasu abubuwa marasa daɗi da suke faruwa da mu manta su muke, idan kuma mukace zamu ci gaba da tunasu, to bazamu tab'a ci gaba ba a rayuwa, so smile”

Ta yi wani ɗan guntun murmushi, tana ƙarewa fuskarsa kallo, bata tab'a ganin fuskar tasa a kusa haka ba, yau har wani abu taga a goshinsa me kama da tabon sallah, Allah kenan, me fitar da me kyau daga cikin mara kyau, sannan ya fitar da mara da kyau a cikin me kyau.

Ya janye hannunsa daga kan fuskar ta, dan wannan kallon da take masa zai iya sakawa ya rasa nutsuwarsa, ya juya gefe yana faɗin.

“Abba ya kira ki ?”

Ta girgiza masa kai.

“Ai yace ma yau zai dawo”

Ya gyaɗa mata kai, kuma kafin ya sake cewa wani abu, wayarsa ta yi ringing, hannu ya kai ya ɗauka tare da kara wayar a kunnensa.

A wani irin Hanzarce ya mike tsaye, bayanin da ake masa a wayar ya kasa shiga ƙwaƙwalwar sa sam, wayar hannun nasa ya sauƙe ba tare da yace komai ba, ɗaya bayan ɗaya yake lalubo ma'anar kalaman da na wayar ta faɗa masa.

Hanam ta mike tsaye tana dubansa.

“Harees meke faruwa ?”

Idanuwansa da suka rine nan take ya ɗago ya zuba mata su, ta ya zata fahimce shi?, ta ina zai fara?, me ma zaice mata ?, yaya zata ɗauki zancen ?, kawai sai ya kalli tsabar idonta ya fafa mata cewar mahaifinta ya rasu?.

Dama haka lamarin Allah yake, a sanda suke ganin kamar wahalhalunsu na rayuwa sun ƙare, a sannan wani yake barin duniya, tafiya irin ta har abada, tafiyar da babu dawowa, tafiyar da kuɗin ka, mulkinka, ƴaƴanka ko ikonka basu isa komai a cikin ta ba. Ayyukanka da kyawawan halayenka sune zasu finsheka.

Allah yasa mu cika da kyau da imani.

*Lagos*

*St. Nicholas Hospital*

*Da 10:15am*

“Khabir ina Tafida ?”

Khabir yaci gaba da kallon Heleen dake tsaye a gabansa, tana masa wannan tamabayar, kansa ya kawar gefe tare da faɗin.

“Sun shiga operation”

Heleen ta gyaɗa kai.

“Ok bari na jira shi”

“Am...He...Heleen, d...dama i...ina....san na fada mi...miki....ne”

Jin yana inda-inda yasa Heleen gyara tsaiwa tana dubansa.

“Menene ?”

Khabir ya haɗiye wani abu sannan yace.

“Dama z...zan faɗa miki c...cewar..dama Tafida ya .....yi au.. ya yi aure”

Kamar yanda aradu ke sauƙa a kan bishiya ko dutse haka Heleen ta ji sauƙar maganar tasa, ta ƙanƙance ido tare da karkatar da kanta gefe tana dubansa, kalaman nasa ɗaya bayan ɗaya suka samu waje suka yi gini a cikin ƙaramar kwakwalwar ta, Tafida yayi aure ?, kalaman suka ƙara rubuta kansu da manyan baƙi a cikin ƙwaƙwalwarta kanta.

Sai ta ware idonta sannan ta tsaida kanta dai-dai, tana murmushi, tare da cije leb'enta na ƙasa.

*Da misalin 05:30pm*

MARYAM POV.

Tafe suke ita da su Zara, yau gaba ɗaya sun zama silent, sun kasa yarda ko ido su haɗa da ita, muguwar kunyarta suke ji kamar me, ita kuma sai jansu take da hira tana nuna musu cewar komai fa ba komai bane, amma sunƙi sakin jikinsu da ita.

Saida suka zo dai-dai block ɗinsa sannan ta tsaya ta kallesu.

“Sai gobe”

Da ƙyar Aisha ta amsa.

“Wai ku me ya same ku ne yau ?, gaba ɗaya kun canja min”

“Haba Maryam, ba dole mu canja miki ba, irin maganganun da muka yi ta yi akan mijinki kuma a gabanki, ai dole ne muji kunyar ki”

Zara ta faɗi cikin sinne kai, Maryam ta yi dariya.

“Wallahi kude kun cika abun dariya, wai kunya ?, to miye a ciki, irinku nawa ne suke irin wannan maganar akan sa, ya kai ayi magana akansa ne, ni ban isa na hana ƴan mata ganinsa ko magana akansa ba....”

Sude basu yarda sun ƙara haɗa ido da ita ba suka mata sallama suka yi gaba.

***   ***   ***

Yau babu gajiya sosai a jikinta, dan haka tana shiga gida wanka ta fara yi, sannan ta sauya kaya, tana tsaye a gaban mirror ta ɗauko wannan hair pin ɗin da Fidar Yara ya bata jiya, yace mata na maansa ne, ita ba wani iya gyaran kai ta yi ba, dan haka kawai ta naɗe gashin nata cikin bun, sannan ta saka pin ɗin, me shape ɗin rose flower a gefen bun ɗin, ta ɗaura ɗankwalinta.

Ba ta yi kwalliya ba kamar yanda ta saba, sai kawai ta fito, yau tana hutun sallah dan haka bata ɗau azumi ba, ta shiga kitchen kawai tana shirin dafa abinda zasu ci da daddare.

Wayarta dake maƙale jikin ring light ce ta shiga ruri, dan haka ta dakatar da abinda take ta ɗauki wayar, ganin 'SUNDAR' rubuce a kan screen ɗin yasa ta amsa da murmushi.

“Asslamu Alaikum”

Tayi sallama sanda ta kara wayar a kunnenta.

“Wifey”

Taji ya kira sunanta cikin wata kasallaliyar murya, kamar wanda ya tashi daga bacci, kuma kamar a gajiye yake.

“Ummm”

Ta amsa masa a hankali.

“Kin dawo daga school ?”

“Eh”

“Ya exams ?”

“ Alhamdullilah”

“Me zaki dafa yau da daddare ?”

Maryam ta yi dariya, dama tasan zancen gizo baya wuce na ƙoƙi, zancen abinci zai mata, idan taga yanda yake cin abinci yana bata mamaki sosai.

“Danderun kaza da dambun couscous”

“Yauwwa matar arziƙi, sai me kuma ?”

Ya faɗi hakan da zumuɗi, dan ya tuna sanda ta fara masa danderun kaza, daɗin da abincin ya masa bame faɗuwa ba ne.

“Sai mocktail....”

Ta ɗan dakata sakamakon ƙofa da ta ji ana bugawa.

“Waye ?”

Muryar Tafida ta tambaya daga cikin wayar, dan shima yaji bugun kofar, dan ba a hankali aka buga ƙofar ba, wayar na kare a kaunnen Maryam ta wanke hannunta tana bashi amsa da.

“Ban san ko waye ba, bari naje na duba”

Ta goge hannunta still wayar na kare a kunnenta, kuma shima bai kashe wayar ba. 

Maryam ta ɗan ja baya ganin matar dake tsaye a ƙofar gidan, Sanye cikin baƙin leggings, ga wata tank top a jikinta itama baƙa, gashin kanta kalabar attachment ce pink color, ta ɗaureta a tsakiyar kanta, fuskar ta fayau babu kwalliya, sai wani nose ring dake maƙale a tsakiyar hancin nata.

Maryam ta tsorata da irin kallon da matar ke mata, amma sai ta dake, dan zama da Tafida yasa ta rage tsoro, ta kai hannu ta sauƙe wayar dake kare a kunnenta ta riƙe a hannu, kuma har lokacin kiran Tafida na tafiya, bai kashe ba yana sauraron ta.

“Baiwar Allah wacece ke ?”

“Heleen!”

Wani shaftararen yanki na zuciyar Tafida ya yanke ya faɗo ƙasa, kamar yanda ƙasa take shaftarewa a sanda ruwa ya zaizaye ƙasanta. Heleen ?,yaushe ta dawo ?, waye ya faɗa mata cewar ya yi aure ?, dama yasan tasan gidansa, wanna ba abun mamaki bane, matsalar ɗayace yasan cewa Heleen muguwace, zata iya komai domin ta cutar da Maryam.

Ba tare da tunanin komai ba, ya miƙe yana faɗin.

“Hello Miriam!, Daaso ?, Maryam ?, Maryam!”

Amma shiru, baya iya jin komai, saide gashi kiran na tafi, keyn motarsa ya fin cika ya yi waje.

*

“Wa kike nema ?”

“Ke nazo nema.....”

Heleen taƙarashe tana kaiwa Maryam naushi, wanda yasa wayar dake hannunta yin kan sofa, ita kuma ta faɗi a ƙasa, matar ta ƙarasa shigowa cikin gidan, a lokacin da Maryam ta miƙe da gudu ta yi kan stairs, Heleen ta biyo bayanta, ta riga ta yanke cewar bazata bar yarinyar nan da rai ba, tun da har itace zata iya zuwa ta mata shigege a lamura.

Maryam ta shige ɗakinta tare da banko ƙofar, ta saka sakata, tare da fashewa da kuka tana ja da baya, hannu ta kai ta tab'a gefen fuskarta taga jini a hannunta ta ƙara ruɗewa.

Ji ta yi matar na buga ƙofar ɗakin kamar zata b'allata, Maryam ta ƙara curewa a gu guda tana kuka.

“Is better for you to open this door, dan idan har kika bari na buɗeta da kai na, to zamu kwashi ƴan kallo da ke”

Maryam ta ƙara tsurewa, wacece ita ?, me yasa take so ta halakata ?, me ta mata ?, ita da bata tab'a ganinta ba ma.

Tunaninta ya katse a sanda ta ji ƙarar bindiga daga wajen, ta kalli wurin sakatar taga yanda aka harbi wurin, sakatar ta b'alle, kafin ƙofar ta buɗe a hankali, sannan wannan matar mara imani ta bayyana a bayanta, hannunta na dama riƙe da bindiga.

TAFIDA POV.

Ganin ƙofar gidan a buɗe ne yasa shi ƙara razana, a dugun zume ya shigo cikin gidan yana ta bude-dube, ganin jini akan tiles ne ya ƙara har gitsa masa tunani, zuciyarsa ta mara gudu fiye da kima, dubansa ya kai kan wayarta dake yashe a kan sofa.

Kunnensa duka biyu ya motsa, ya jiyo bugun zuciyarta a cikin ɗakinta, amma kuma zuciyar tata a raunane take bugawa, kamar mara kafiya.

A ɗari uku da sittin ya yi saman, ƙofar ɗakin nata ma a buɗe ya ganta dan haka ya kutsa kai, mutuwar tsaye ya yi yana kallonta yashe a ƙasa, hannunta na dama a kan wuyanta, jini na fita daga bakinta da hancinta, numfashinta ma da ƙyar yake fita, ga idanuwanta dake barazanar rufewa, amma tana buɗe su da ƙyar.

Tafida ya ji sauƙar wani abu a kansa kamar ƙaton dutse, kamar da aka saka baƙin ƙyalle aka rufe masa ido haka yake ganin baƙi, ga wani gumi daya shiga tsatsafo masa, ƙafafunsa kuwa kamar da aka mannasu a wajen, nan take ƙwayar idonsa ta rikiɗa zuwa ja dan tsabar tashin hankali, da b'acin rai.

*

Zaune yake a bakin ƙofar ɗakin da aka shiga da Maryam, gaba ɗaya gaban pink Oxford shirt ɗin dake jikinsa ya b'aci da jini, hannayensa biyu dunƙule a kan bakinsa, jijiyoyin kansa sun fito raɗau-raɗau, ga gashin kansa daya sauƙo masa kan fuska.

Ƙwayar idonsa tana nan a ja bata dawo blue ba. Ba zai iya duba Maryam a halin da yake ciki ba, dan Allah ne kaɗai yasan abinda yake saƙawa da wanda yake kuncewa a ransa.

Shi yasa yana ɗaukota ya kawota st. Nicholas hospital, yanzu haka su Dr. Ola ne a kanta, a ransa yake hasaso irin abinda ze yiwa Heleen, bata san shi bane, shi yasa take masa abinda ta gadama.

A da tana yawan takura masa, ta zo office ɗinsa taje filin cricket ɗinsu, taje gidansa, babu inda yake zuwa da bata bibiyaraa wurin, amma baya kulata, haka zata zo ta ƙaraci haukanta amma fimm!, bazai ce mata ba.

Wato tana ɗaukar shirunsa a matsayin rauni, gani take kamar baisan abinda yake ba, ko da ace Maa da Appa sun tsine masa kafin su mutu babu abi da ze yi da Heleen, karuwa mazinaciya, ƴar daba, me kisa, duk ita kafai, kuma ta yi zaton zai sota a haka ?, ta yiwa kanta ƙarya wallahi......

“Tafida kayi haƙuri pls...”

Muryar khabir ta katse shi, dama shi yake jira, dan haka ya miƙe, bai kalleshi ba, hasalima gefe yake kallo, dan baya so yaga kalar idonsa.

“Heleen ta zo ?”

Khabir ya haɗiye wani abu, jin wata wutar masifa na kamawa a cikin ɗacin muryar tasa.

“Eh tazo, kuma nine na faɗa mata cewar ka yi aure, na faɗa mata hakan ne kawai dan ta rabu da kai, amma ban san cewa zata ci gaba da bibiyarka ban...”

Ya dakata yana kamo hannun Tafida dake shirin barin wajen.

“Ina kuma zaka je ?, ka zaun...”

Ɗif!!, maganar tasa ta ɗauke, ganin yanda Tafidan ke kallonsa, ga yanda ƙwayar idonsa ta koma ja, cikin Khabir ya ɗuri ruwa wata iska ta shiga kai kawo a maƙogwaron sa, ba shiri ya saki hannun Tafidan.

Kuma daga haka Tafida ya juya yaci gaba da tafiya, Khabir yabi bayansa da kallo a razane.

________________

_Inalillahi wa inna ilaihi rajiun, wai me ?, Abba ne ha mutu!?, kai jama'a!_

_Allah sarki Daaso, to Allah ya baki lafiya_

_Nace ba, ran maza fa ya b'aci, akwai kata'i a babin mu na gaba, kude ku tara domin jin yanda zata kaya_.

🌸-SAI KASKA CE✍️-🌸.

⭐️YADDA ƘADDARA TA SO⭐

⭐️ شاء القدر⭐️

*Magical love story*

©By Sai Kaska

Wattpad @Sai_Kaska

Phone number:***

Tiktok @SAI_KASKA

Arewabooks @18saikaska

Facebook fage: Salma Ahmad Isah Sai Kaska

_________________________________

*Proud of my first novel*

★TAURARI WRITER'S ASSOCIATION★

*Na sadaukar da wannan babin zuwa gareki yayata Oum Ahmad*

*BABI NA TALATIN DA UKU (33)*

HANAM POV.

A hankali ta shiga motsa idonta, kafin hasken dake wajen ya shiga idon nata, ƙara meda idon nata ta yi ta rufe, tunanin abinda ya faru har ya kawota asibiti ya dawo mata sabo, Ita de bata san me ya faru ba, kawai Haris yace mata tazo su tafi, shi ne ya ɗauki Arya ita kuma ta bi bayansa.

Gidansu taga ya nufa, kuma tun daga shigarta falon gidan tasan cewa ba lafiya ba, dan taga kowa na gidan yana kuka, kowa ta tambaya lpy ?, sai yaƙi mata magana, Kamal ne kawai ya iya furta mata cewa

_ “Hanam Abba ne ya rasu, ya rasu a hanyarsa ta dawowa Abuja daga Lagos....”_

Suman da ta yi shine ya hanata fahimtar ƙarshen maganara, sai kuma data farfaɗo ba sai yanzu.

Zabura ta yi ta miƙe zaune, tana bin wajen da take da kallo, asibiti ne, tabbas asibitine, bata ma lura da wanda ke zaune a gefen gadonta ba saida ta ji ya riƙo hannunta, ta kai dubanta gareshi, Harees ne, yanayin yanda taga fiskarsa ne kawai ya tabbatar mata da abinda Kamal ya faɗi da gaske ne.

Kanta ta gyaɗa masa alamun da gaske ne?, shima ya ƙara gyaɗa mata nasa kan, ƙris ya rage bata koma ta sume ba, wata ƙilama itama mutuwar za ta yi, Abba ya mutu ?, wai Abba ne ya mutu ?, tunanin ma kansa hargitsa mata lissafi yake, taji iska bata shiga huhunta yanda ya dace, kamar an sakata a cikin kwalba an kulle, babu ta inda iska ke shiga bare ta fita, Mahaifin ta ne fa ya mutu, mahaifin ta da ya zame mata uwa kuma jigon rayuwa.

Sai ta nemi hawaye ma ta rasa, dan da gaske ne abinda aka faɗi, wani tashin hankalin yafi gaban kuka.

“An ƙaraso da gawar tasa, zamu iya tafiya”

Idanuwanta a bushe ta zuro ƙafafunta ƙasa, babu ko takalmi a mafarta, saida Harees ya bata takalmanta ta saka.

*

Yanda taga harabar gidan nasu a cike ne ya ƙara tabbatar mata da abinda aka faɗa mata, kasa shiga cikin gidan ta yi, sai ta tsaya a jikin ƙofar entrance, tana kallon yanda mutane ke ƙara tururuwa a gidan.

Babu yanda uchenna be yi da ita ba kan ta shiga cikin gidan amma ta ƙi, ta kafe makarar da aka aje a compound ɗin gidan da ido.

Kamal ne yazo ya mata magana cikin sanyin murya kamar ba shi ba.

“Hanam, ki shiga cikin gida”

Sai yanzu ta motsa, juyowa da kanta ta yi ta kalleshi, a gaba ɗaya rayuwarta a gidansu, magana irin haka bata tab'a haɗata da Kamal ba, kullum cikin takun saƙa suke, basu tab'a shan inuwa ɗaya ba.

A hankali kammanin fuskarsa ke rikiɗe mata zuwa na Abba, domin dama kaf gidansu babu me kamar Abba sama da shi, komai nasa ya ɗauko, halinsa ne kawai ya kwaso na uwarsa.

Sai yanzu ta ji wata ƙwalla na taruwa mata a ido, kuma a hankali ta sauƙo mata. Ƙafarta ta fara takawa zata shiga cikin gidan, har ta kai ƙofar ta ji ana ƙoƙarin ɗaukar makarar dan fita da ita.

Sai kuma ta juyo da sauri, a dai-dai lokacin wata mota ta shigo cikin gidan, masu makarar suka fita motar kuma ta shigo, Hanam ta ji wani kuka na ƙwace mata, yanzu shikenan zasu rabata da Abba, inde suka ɗauke shi ba zata sake ganinsa ba.

Ta nufi gate da gudu zata bi masu makarar ta dakatar dasu, ta faɗa musu cewa kada su fita mata da Abbanta, su bar mata shi taci gaba da kallonsa, Haris da Kamal ne suka yi kanta zasu ruƙota.

A sannan ne kuma ƙofar wannan motar data shigo gidan ta buɗe, wata farar balarabiya ta fito daga ciki, koda wutsiyar ido zaka kalleta zaka gano kammaninsu da Hanam, fari kawai zata fi Hanam ɗin, sai kuma shekaru, wasu yara ne guda uku suma suka fito daga cikin motar, wanda suma kana ganinsa kaga 'ya'yanta, dan suna kama da ita, mace ɗaya maza biyu.

“Hanam la shu hazal jnan! (Hanam wannan wani irin hauka ne!...)”

Cak Hanam ta tsaya, hankalin mutanen da suka rage a farfajiyar gidan ya dawo kansu, Kamal ya santa dan haka be yi mamakin ganinta ba, Haris ne ya tsaya yana kallonta, dama sauran ƙannen Kamal ɗin maza wanɗa basu san matar ba.

Hanam ta juyo ta kalli inda matar take, tunda ta taso bata tab'a ganinta ba, hotonta kawai ta sani, amma bata tab'a ganinta ido da ido ba, Matar dake amsa sunan mahaifiyarta, mahaifiya ?, mahaifiyar da bata shayar da ita ba, bata kula da ita ba, bata mata tarbiyya ba, bata bata ɗumin uwa ta sani ba, bata zaune da ita har girmanta ba, yau itace tsaye a gabanta tana mata magana cikin iko da isa harma da gadara.

Sai tashin hankalin da take ciki ya rikiɗa ya koma fishi, ta yi kan matar, Haris ya riƙo hannunta, amma ta fisge, hakan yasa ɗankwalin dake kanta ya faɗo, gashin kanta ya barbaje, wani a bayanta wani a kan fuskarta.

“Min inti ?!”

(wacece ke ?!)

Hanam ta tambaya idonta cikin na matar, wannan hawayen da ta fara ya ƙafe, idonta a bushe take dubanta. Cikin ƙarfin hali matar tace.

“Ana immik...”

(Nice mahaifiyar ki).

“Inti manik immi!”

(Ke ba mahaifiyata bace!)

Hanam ta katseta a tsawace, kuma tana ɗaga mata hannu, ta zaro mata ido tareda nuna matar da dan yatsa.

“Inti....manik...immi”

(Ke....ba....mahaifiyata bace)

ta maimaita mata dalla-dalla. Ji kake tas!, matar ta wanke ta da mari, Hanam ta dafe wajen sannan taci gaba da kallonta.

“Ana immik, iza biddik walala, ana hiya immik!”

(Ni babarki ce, ko kina so ko bakya so, nice mahaifiyar ki!)

Bisa ga mamakin kowa sai Hanam ta shiga yin dariya, zuwa lokacin matan gidan da yaransu dama mutanen ƙauye dana gari da suka zo jana'iza sun fito suma

“Akan me zaki mare ta ?!”

Kamal ya faɗi cikin wata iriyar fusata da yake jin tana tasowa tun daga ƙasan ruhinsa, bai tab'a jin tausayin Hanam ba kamar yau, su sunada iyaye mata a kusa da su, ita kuma bata da kowa sai Abba, Abban da ya mutu a halin yanzu.

Hanam ta ƙarashe dariyar ta kai hannu ta ture Kamal daya zo ya tsaya a gabanta, sannan ta kalleshi.

“Yaya, ka bar min wannan faɗan, nawa ne”

A karo na farko data fara kiransa da yaya, amna ya lura sam bata cikin hayyacinta, a lokacin ma Rashidat ta fito daga cikin gidan, hannunta riƙe da Arya yana kuka. Baabaa ce ta sauƙo wurin tana riƙo mata hannu.

“Hanam zo”

Ta fisge hannun bata ko kalli Baabaan ba.

“Baki shayar da ni ba, baki reneni ba, baki bani kulawar da uwa ke bawa ɗa ba, baki min komai da uwa kewa ɗa ba, shine zaki zo rana tsaka kice ke mahaifiyata ce ?”

Tai mata maganar cikin harshen hausa, dan tasan cewa tana jin hausar, sai kuma Hanam din ta fara hawaye, ta kai hannu ta tura gashin kanta baya.

“Me na miki Masarrat ?, me na miki ?, me yasa kika tafi kika bar ni?”

Ta kira sunanta na ainahi, cikin gunjin kuka, kuma tana murza goshinta, ta ja hanci sannan taci gaba.

“Wancan dake cikin makara, shine ya rene ni, ya bani kulawa, yamin duk abubuwan da ya kamata ace ke kika yi. Bayan kinsa ƙafa kin tsallake ni kin tafi, Abba ya bawa Mero ni, yace ta rene ni, Mero tace ai lokacin da kuka zauna tare kullum cikin mata sharri ki ke, dan haka bazata karb'eni ba, Abba yavyi haƙuri da wannan ya kaiwa Hajjo ni, ita kuma tace ita amarya ce, bazata iya renon ɗa ba. Haka Abba ya aje komai a gefe, ya reneni da kansa, kullum da kansa yake bani madarar yara, ya min wanka, ya sauya min kaya, tun ina jaririya har na tasa Abba bai dena reno na ba, na taso cikin gidan 'yan uba, waɗan da basa sona, kullum cikin hantarata kowa yake, tun ban gane hakan ba har nazo na gane, haka zansa Abba a gaba na tambayeshi shin ni bani da Mama?, sai yace min ina da ita mana, tayi tafiya ne, amma ta kusa dawowa, a koda yaushe haka yake cemin, har na taso na yi hankali, na gane cewa tafiya kika yi kika barni sbd san zuciyar ki, kullum kalaman da Mero ke faɗamin kenan akanki. Na kawar da wannan na rungumi Abba a matsayi uwata da ubana, domin bani da kamarsa”

Ta saki kuka me tsuma rai, data tuna cewar Abba fa ya mutu, ba zata sake ganin sa ba, kowa dake wajen saida jikinsa ya yi sanyi, hatta Mero da Hajjo, dan sun tuna lokacin da Abban yazo yana ta musu magiya akansu temaka su karbi yar tasa cikin tsimman goyo, amma kowacce a cikinsu taki, yayunta mata kuma da suka yi aure suka tuna yanda suka yi ta kyarar ta sanda tana ƙarama, hakama Kamal.

Hanam ta share hawayen dayaƙi tsayawa sannan taci gaba.

“Haka na taso cikin tabon rashin uwa, saide kuma hakan ni baya damuna, dan inada Abba. A sanda na samu ɗana sam banyi ƙokarin yada shi ba, duk kuwa da zan iya hakan, amma banyi ba, sbd me ?”

Ta tambaya tana kallon fuskar Masarrat dake ɗauke da damuwa, duk bata san cewa ta yi nadama ba sai yau, Hanam ta nuna kanta.

“Sbd akwai soyyayar uwa a tare da ni, lokacin da zan haihu babu kowa a tare da ni, ba yaya, ƙanwa ko ɗan uwa, ba uwa bare uba, daga ni sai maƙociyata, naci a zaba sanda zan haihu, har ta kai ma ance bazan sake haihuwa ba, bayan na haihu na ɗora ido akan waccan hallitar, naji duk baƙin cikina na duniya ya yaye, naji cewar zan iya kareshi daga duk wani abu na cutarwa a duniya, naji cewa zan zame masa katanga daga duk wani abu mara daɗi. Sannan a lokacin sai na yi tunanin cewa, idan har uwa zata iya jin wannan azabar kafin ta kawo ɗa duniya, to me zaisa ta tafi ta barshi?, wata ƙila ke baki ji irin azabar da naji ba, shi yasa har kika tafi kika barni, zuciyata ce ta faɗa min bakan”

Zuwa yanzu ta dena gunjin kukan, sai hawaye dake mata zuba, ta kafe Masarrat da manyan idanuwanta, tana jiran amsarta, bata tab'a tonawa wani cikinta kamar haka ba, bata taba faɗar ciwonta ba, koda Abba bata tab'a magana irin wanna da shi ba, ko wani ciwonta a cikinta take riƙe shi, bata barin kowa ya sani ciki kuwa harda ƙawayenta.

“Baki da amsa ko ?, na sani ai Masarrat, bazaki samo amsar ba,inti ananniye ya Masarrat, ma biddik yani li'annu ana bintu la Muhammad mu ?”

(kina da san kai Masarrat, bakya sona sbd ni 'yar Muhammad ce ko ?)

Ta girgiza kanta sannan taci gaba.

“Wata ƙila ba haka bane, au li'annu ana Hanam, Hanam yalli inti wulad tiyya, wa rahti wa taraktiya lahala, ma bihimmik amurah, am tattasili fiyya kil sini mu ?”

(ko kuma sbd nice Hanam, nice Hanam ɗin da kika haifa, sannan kika gudu kika barta, ba ki damu da lamuranta ba, kina kiranta duk bayan shekara ɗaya ko ?)

Sai kuma ta yi dariya.

“Inti bi hayatik marah tikun umm ya Masarrat, inti mara wa bas, manik um”

(A rayuwarki ba zaki tab'a zama uwa ba Masarrat, sbd ke macace kawai, ba uwa ba)

“Inti min bit kuni ?, la hatta rah tawa a'if idam umna, wa tikalli ha tabki bi hadolul kalam yalli andik!”

(wayece ke wai ? da har zaki tsaya a gaban Babarmu kina sakata kuka da waɗanan kalamana naki)

Hanam ta tsirawa yaron ido na 'yan wasu sakkani, Ta tab'a ganin hotonsa sau ɗaya akan dpn Masarrat ɗin, kuma ta tab'a faɗa mata cewa shine ɗanta na fari a auren da ta sake.

“Eh ba'arif ina hiyya umuk, wa ana ma andi ayyi haƙ annah, ilit wa rah irja'a id kalami, ya walad ummuk ananniyya, hai mara mabta'arif ma'ana kalmat um...”

(Eh nasan cewa mahaifiyar ka ce, kuma ni bani da wata dangantaka da ita, na faɗa kuma zan maimaita, yaro babarka me san kai ce, wannan matar bata san ma'anar kalmar uwa....)

Maganar ta maƙale a maƙoshinta sbd marin da Haris ya sakar mata, abun ya yi yawa, duk da tarin lefin da ta mata aƙalla ita mahaifiyartace, be kamat ace tana mata irin wannan rashin kunyar ba, ta dafe kuncinta tana meda gashin kanta baya, ta ɗago da idanuwanta ta kalle shi.

Sai kuma ta fashe da kuka ta kifa kanta a ƙirjinsa tana ci gaba da rera kukanta, Uchenna ya rintse idanunsa, Hanam ta nuna Masarrat cikin kuka tace masa.

“Harees ana ma biddi shufa la hai mara (Harees bana san ganin matar nan), kace mata ta tafi, ta tafi, ta tafi?!!...”

sai kuma maganar ta ɗauke dip!, sakamakon jikinta da ya saki, ta ƙara suma, Uchenna ya riƙeta da kyau, sbd kar ta faɗi.

Shi da kansa ya ɗauketa ya sakata a motarsa ,Sannan ya juya ga Masarrat.

“Nahnu asifin ya ammi, hiya galɗane, wa am uɗlub minnik samah, samihiya”

(Muna masu baki haƙuri ammi, ta yi kuskure, kuma ina nema mata yafiyar ki).

Ya ƙarashe hannayensa a haɗe🙏, alamilun roƙo, duk da halin alhinin da kowa ke ciki saida ya yi mamaki ciki kuwa harda Rashidat, domin bata tab'a sanin cewa ɗan nata ya iya larabci ba.

Masarrat ta share hawayenta tana kallonsa, bata tab'a nadamar abinda ta aikata ba sai yau, yau ɗin da 'yar data haifa a cikinta ta tsaya a gabanta tana faɗa mata cewar bata cancanci zama uwa ba, ita bata dace da zama uwa ba, haka tace, amma yanzu kuma ga wani da batama san waye shi ba yana bata haƙuri, harda kiranta da sunan uwa.

“La taƙal'a ya ibni, mani za'alane a badan, samahta”

(Kada ka damu yarona, raina bai b'aci ba, na yafemata).

Sai ya gyaɗa mata kai yana takawa ys soma barin wurin.

“Min bit kun ?”

(waye kai ?)

Ba tare da ya juyo ba ya amsa ta da.

“Ana bi kun zauja (Ni mijinta ne)”

Su Mero da 'ya'yanta sai kukan nadama suke, Hakama Hajjo, duk da ita bata wani ƙuntatawa Hanam ɗin sosai ba.

Haris ya tsaya a gaban Rashidat yana ƙoƙarin karb'ar Arya, sai ta girgiza masa kai

“No, you go, and take care of your wife, ka barmin shi, zan kula da shi”

“Kin tabbata ?”

Rashidat ta gyaɗa masa kai, shima sai ya gyaɗa mata kan.

“Idan kin shirya tafiya kimin magana, sai nazo na ɗauke ki”

“Kada ka damu, a gidan Hajiya zan kwana ai, fatan de yaron yana cin abinci ?”

Kansa kawai ya gyaɗa mata, dan tsabar damuwa ya rasa ina zai saka kansa ma, motarsa ya koma sannan ya tuƙa motar zuwa Cosgrove estate.

Yana zuwa ya shimfiɗe Hanam a ɗakinsa, sannan ya kira Dr. Hasina, dan tazo ta dubata.

Yana zaune a wurin har tazo ta dubanta, sannan ta sanar masa cewa ba wata babbar matsala bace, amma duk da haka hankalinsa bai kwanta ba.

Har zuwa bayan isha yana zaune a wurin, kafin ya yanke shawarar zuwa ya watsa ruwa a jikinsa, wata ƙila ko zuciyarsa zata huce.

Saide me?, yana shiga bandlɗakin beko cire kayansa ba ya tsaya akan shower tana zuba akansa, ya rasa tunani me kyau akansa. Tunanin Abba ya dawo cikin kansa, ba shiri yaji wani kuka na neman kufce masa, kukan da ya yi ta riƙe shi tun jiya, kukan da ya hana shi fita tun jiya har zuwa yau ɗin nan.

Kasa riƙe kukan ya yi, dan haka ya ƙyaleshi ya fito, ya shiga rera kunsa amma mara sauti, jikinsa na karkarwa sbd kukan da yake ɗin, ya juya yana kallon bango, tare da dafe bangwan da hannunsa.

Can kuma da takaici ya ishe shi sai ya naushi bangwan, wani abu na suya a zuciyarsa, ba 'ya'yan Abba ne kaɗai suka yi rashin sa ba, shima ya yi rashin Abba, a hankali memories ɗin Abban suka shiga dawo masa. Yaci gaba da kunsa yanzu harda shessheƙa.

Hannu yaji ya dafa shi daga baya, hakan ke nuna masa cewar Hanam. ta farka, ya yi sauran kai hannu ya share hawayen sannan ya juyo ya kalleta, tsaye take a bayan nasa itama ruwan na zuba a kanta, gashin kanta dake a hargitse ɗazu zuwa yanzu ya kwanta a bayanta sbd ruwan.

Yaga itama hawaye take, abinda yaga a fuskarta ne yasa ya kasa riƙe kukansa sai kawai ya rungumeta ya shiga rera sabon kuka, itama ta riƙeshi gam tana nata kukan, still ruwan yana zubowa a kansu.

An rasa waye zai rarrashi wani, domin babu wanda be yi rashi a cikinsu ba, shine ya fara ƙoƙarin seta kansa sannan ya saketa, ita har yanzu tana hawaye, wanda ya kasa banbance shi sbd ruwan dake zuba akan fuskarta.

Hannu ya kai ya tallafo fuskarta yana kallonta, kafin a hankali ya kai bakinsa kan nata, a karo na farko ya yi abinda bai tab'a ba, bai tab'a sumbatar mace ba koda wasa, kusan a tare suka lumshe ido.

Hanam bata tab'a tsintar kanta cikin irin yanayin ba, this was the first time ever da hakan ya faru da ita, a hankali Haris ya janye bakinsa daga kan nata, amma goshinsa a kan nata, tana jin yanda yake meda numfashi, hannayensa biyu ya saka ya kamo kugunta, sannan ya shiga raɗa mata kalaman ban haƙurin da bai samu ya mata ba.

Da yasan yanda kalaman nasa ke ƙona mata zuciya da bai fara ba, ita fa ta'aziyya ƙara tada mata miki take, shima kuma ya gane hakan, jin yanda teke shirin yin kuka, ya lalubo kunnenta sannan ya furta mata.

“ I have falling for you Hanam, I am sorry”

Sautin maganar tasa yasa jikin Hanam rawa, tsigar jikinta ta tashi, ba shiri hannayenta suka kewayo bayansa, sannan ta riƙe rigarsa ta baya, ta riƙeshi gam, kamar hakan ne zai sa ta dena jin abinda take ji.

Hannu ya kai ya kashe shower ɗin, sannan ya dawo da fuskarsa baya kaɗan, yana kallon fuskarta, idonta a rufe yake ruf, ruwan daya sauƙa a jikinta yasa fuskar tata jiƙewa, hakama kanta.

Kafin a hankali ya ƙara meda bakinsa kan nata, ya shiga kissing ɗinta a hankali, Hanam ta ƙara ƙanƙame rigar tasa, yayinda numfashinta ya shiga kai kawo a maƙoshinta.

_____________________

_To jama'a ina miƙo masa saƙon ta'azziyar Abba, Allah ya ji ƙasa ya gafarta masa, haskiya an rasa mutumin kirki😞_

_jiya banga comments ba, kode babin be muku daɗi ba ?_

_To a har kullum de ina muku godiya🙏_

🌸-SAI KASKA CE✍️-🌸.