002

✦ 𝗦𝗨𝗡𝗘 𝗦𝗜𝗟𝗔𝗥 𝗞𝗔𝗗𝗗𝗔𝗥𝗔 𝗧𝗔 ✦

𝚂𝚃𝙾𝚁𝚈 𝙰𝙽𝙳 𝚆𝚁𝙸𝚃𝚃𝙴𝙽

𝙱𝚈  𝙵𝙰𝚃𝙴𝚈𝚉𝙰𝙰𝙷𝚁𝙰𝙷

𝐌𝐈𝐊𝐈𝐘𝐀 𝐖𝐑𝐈𝐓𝐄𝐑'𝐒 𝐀𝐒𝐒𝐎𝐂𝐈𝐀𝐓𝐈𝐎𝐍

بسم الله الرحمن الرحيم

Book 1

𝑷𝒂𝒈𝒆 6_10

-

-

𝙽𝙰𝙸𝙱𝙰𝚆𝙰, 𝙺𝙰𝙽𝙾, 𝙽𝙸𝙶𝙴𝚁𝙸𝙰.

Garin damuna ne sanyin safiyar Asabar garin babu hayaniya sosai sakamakon ruwa da aka kwana anayi kowa yana gida. Gida ne Safe Content mai tsananin kyau tun daga waje zaka san gidan ya tsaru iya tsaruwa. Daga cikin gidan kuwa Palour ne madaidaici da ɗakuna guda huɗu a ciki sai kitchen da toilet. Zaune suke ita da Mijinta a palour'n ta ɗora kanta akan kafaɗar sa abu yake nuna mata a waya suna hira hankali kwance banko ƙofar ɗaki akayi mace ce ta shigo sai huci take yi doguwa ce amma ba sosai ba dan za'a iya kiran ta da gajeriya masifa ce take cin ta ta hau cewa

"Ni zaka ci amana TAHEER yau kwana na amma ka bige kana hira da wannan matsiyaciyar" ta faɗa tana nuna wadda ke zaune kusa da shi da janye kanta daga jikin sa tayi dan bata son tashin hankalin Jalila masifaffiyar Kishiyar ta wadda ta fison kullum suyi ta faɗa ana jin su a waje

Mijin nasu ne ya tashi tsaye yana cewa "Jalila me yake damun kine? Kullum kin fison ayi ta jin mu a maƙota"

Kusa da shi ta dawo tana huci da hura hanci ta cigaba da cewa "Ehh na fiso, baka da kirki Taheer inacan nema maka abinda zaka ci amma ka taho Nan cin amana ta"

"Komai a gurin ki cin amana ne" ya faɗa kamar ya dake ta

"Ehhh ɗin" ta faɗa tana ƙara daga murya, nufo wadda ke zaune tayi tana ruƙo wuyan rigar ta

"Na tsane ki FAKEEHAH bana ƙaunar ganin ki a gidan nan wllh" ta faɗa tana zare mata ido

"Da mijina kika zo kika sameni bani na same ki a gidan nan ba. Ƙaddara ce tasa ya aure ki"

Fakeehah ce ta nuna Taheer tana cewa "Taheer ka faɗa wa matar ka ta sake ni ko in mata abinda bata yi zata ba a rayuwar ta, shiru hauka ne? Ko wane irin shirme ta ɗauko sai ta sauke shi a kaina"

"Ko an faɗa mata kowa jaki ne mara ilimi ne kamar ta?"

"Kinga Fakeehah yi haƙuri ki shiga ɗaki, ke kuma Jalila kike ki haɗa mana breakfast"

Cika ta tayi ta wuce bagazam-bagazam zuwa kitchen. Kusa da Fakeehah ya dawo kalamai na rarrashi yayi ta faɗa da ƙyar ta haƙura ya tasa ta a gaba suka shige ɗaki.

Fito wa tayi daga inda ta Laɓe ta nufi ɗakin Fakeehah buga musu ƙofa ta fara da ƙarfi Taheer ne ya buɗe ƙofar yana kallon ta harɗe hannu a ƙirji yayi yana cewa

"Lafiya kike wannan bugun?"

Harara ta ɓalla masa sannan tace "Ita tasa haka Taheer ka fita a ido na"

Ƙara tsuke fuska yayi sai ya ce"Jalila wai kece mijin ne da kike min irin haka? Kowa na jin mu"

"Why Taheer? Meyasa kake min haka, kalle ni daga sama har ƙasa mace ce ban cika ba ko me ranar gurki na kana gurin kishiya ta"

"Sai aka ce miki wani abu muka yi? Lallashin ta nake yi kin mata laifi"

"Lallashi Amma Kai ɗan kutumar Uba ne Taheer, naci uwar lallashin ta fashe ma, wa yace ta kula min miji ranar girki na? Ita ta jawa kanta" ta faɗa tana ƙara hararar sa

Tsaiwar sa ya gyara yana zaro Ido ya ƙara kallon ta da kyau "Ni kike zagi Jalila?"

Kaɗa kai tayi tana wani yamutsa fuska tare da gyara zaman ɗaurin dankwalin ta gashin ko kyan gani ba gyara sannan ta ce "An zage ka Taheer, Ubana ne kai ko Uwata? Zaman hakuri kawai nake da kai kasani?"

Shiru yayi mata sai kuma ya ce " Ni zance zaman haƙuri nake da ke Jalila ƙazama dake ba ladabi ba biyayya kullum gani na kike kamar sa'an ki amma shikenan Kije na sake ki" ya ƙara sa faɗa muryar sa wani iri kamar wanda zai yi kuka

Hannu Jalila ta ɗora aka tana sakin ihuu "Wayyo Allah, Innalillahi wainnaillaihir-rajiun na shiga Uku ni Jalila Taheer ni ka saka" ta faɗa tana nuna kanta. Bangaje shi tayi ta shiga ɗakin. Fakeehah na zaune a gefen gada jaririya ce a hannun ta tana shayar da ita kamar bata jin abinda ke faruwa a waje ba nuna ta Jalila tayi hawaye na zubowa daga idon ta tana cewa

"Kinji daɗi ya sake ni Koh? Ban saku ba wllh" ta faɗa tana sakin makirin murmushi sai kuma ta cigaba da cewa

"Fakeehah ki sa a ranki sai na dawo ke kuma zaki fita wannan dole ne" fuuuu ta fice daga cikin ɗakin.

"Allah ya fiki In Sha Allah"ta faɗa tana raka bayan ta da harara

"Kisa a ranki karki cire wallahi sai na dawo ke kuma ki fita harabada ke da gidan Taheer Indai na dawo" ta faɗa tana jan akwatin ta.........

🌀🔗🌀🔗🌀🔗🌀🔗🌀

A gajiye ta dawo daga gidan Aunty ba kowa a tsakar gidan yanzu ɓangaren su kawai ta nufa a ƙofar ɗaki ta tarar da Yaya Basaam da yara guda biyu ko kallon inda yake bata yi ba ta shige ciki da sauri ya tashi ya bita cikin shima a tsaye ya tarar da ita tana cire mayafi Rafi'at na zaune tana danna waya kusa da ita yaje ya tsaya ɗagowa tayi Mari ya ɗauke ta da shi bata yi zata ba kawai tayi Mari a fuska lailayo wani ashar tayi tana cewa

"Kutumar Uba, kamare ni" ta faɗa a fusace

"An mare kin, ko zaki rama ne?" Ya bata amsa

"Ba zan rama ba amma zaka gani, ɗazu ma haka kayi min wannan haukan koh? Saboda na maka shiru shiyasa koh" ta faɗa tana huci dawo da kallon ta tayi ga Rafi'at tana cewa

"Ke kuma" ta faɗa tana nuna Rafi'at

Sai kuma ta cigaba da cewa "Ɗazu Maamah ta kira ni sharrin da kika min kenan a gurin ta"

"Ni ban mata waya ba Allah" ta faɗa tana zazzare ido

"Da kin mata waya da baki yi ba ke ta shafa, to ki sani tunda yau ya ƙara marina wallahi sai munje Hisbah tunda ba mutunci ne da shi ba mtwsssss" ta faɗa tana shigewa ɗaki ta barsu cirkwai-cirkwai......

💞🫧💞🫧💞

Kwance take akan makeken Royal Bed ɗin ta Bacci take yi sai juye-juye take yi bakin ta sai motsi yake alamun magana take amma bata fita sosai gumi duk ya jiƙa jikin ta

"Muhammad wannan rayuwar yanzu ka zaɓa wa kanka? Shaye-shaye Muhammad ba halin ka bane please ka daina" ta faɗa tana ƙara juya kan nata shiru tayi sai kuma ta cigaba da cewa

"Tafiya zaka yi ba zaka dawo gida ba Muhammad? Ina bukatar ka a kusa dani ka dawo gida dan Allah" ta ƙara faɗa tana miƙa hannu alamun tana miƙa wa wanda take kira hannu ya riƙe ta

"Muhammad karka tafi ka barni, ina cikin wani hali please karka tafi yarona" ta faɗa tana sakin ƙara........

#𝙵𝙰𝚃𝙴𝚈𝚉𝙰𝙰𝙷𝚁𝙰𝙷👯

Comments & Share Fisabillah 🥰👏

Book 2 300

Book 3 300

*Littafin sune silar ƙaddara ta 500 ne kacal, dukanshi Book ɗin Idan kin shirya biya ga Details da zaki tura*

9047574404

Fatima Abdulhadi Garba

Opay

*bayan kin tura zaki bada transaction reciept ko screenshot na debit alert a matsayin shaida ku tura ta wannan number 07077791941*

Zaku iya samu na ta wannan number 07077791941

𝔽𝔸𝕋𝔼𝕐ℤ𝔸𝔸ℍℝ𝔸ℍ✍️