Chapter 12

IMARA 💋 💋

Mikiya writers asso...

Chapter 12

Wani irin abu ne ya tokarewa Imara a ƙirjinta, batasan sanda ta saki takardar hannunta ba, gaba-daya jikinta rawa yake, runtse idanu tayi wasu zafafan hawaye suka fara sintiri kan fuskarta. Batasan sanda ta silalo daga kan gadon ba ta yi zaman dirshan a ƙasa, wani zazzaɓi ne ya rufeta wanda yakeda nasaba da abinda idanunta ya gani, dafe ƙirjinta tayi jin yadda zuciyarta ke wani irin bugu daya zarce misali, ƙoƙarin take tayi kuka amma bakinta ya gagara, hawayen ma ya ƙafe daga idanunta, sai bin ɗakin take da kallo tamkar wata zararriya.

"Mamah wai..."

Turus ya yi ganin wata kyakkyawar budurwa zaune ta zubawa kofar idanu, bai san da zuwan Imara gidan ba hakan yasa shi yayi mamakin ganin fuskar da bai sani ba a ɗakin Mamah. Ƙarasawa ya yi yana kallonta ya ce"Hyy, where is Mamah?" jin tayi shiru yasa ya ɗan haɗe rai yana zare idanu ya ce"kee..baki jina ne?" Shirin da yaji ta sake yi masa ya sanya ya ƙarasa dab da ita ya taɓa ta, ga mamakinsa sai yaga ta tafi luu ta faɗi ƙasa sumammiya. Saurin ja da baya Khalil ya yi ya shiga girgiza kansa daidai nan Mamah ta buɗe kofar ɗakin ta shigo da mamaki take kallonsa sai kuma ta kalli Imara wacce ke kwance ƙasa tamkar tana bacci, cikin hanzari ta ƙarasa gabanta ta shiga jijjigata amma shiru babu alamar tana jin abin da take cewa. Tashi Mamah tayi ta fice daga ɗakin ba tare da ta sake bi ta kan Khalil ba, tana fita ya koma inda Imara ke kwance ya tsugana ya zuba mata idanu

"Woww Beautiful"

Khalil ya samu kansa da furta hakan yana sakin wani yalwataccen murmushi, ya saba ganin kyawawan ƴan mata amma bai taɓa ganin mai kyau irin Imara ba. Yana cikin wannan tunanin ta buɗe kofar ta shigo ta dawo inda take, not too long shima ya shigo ɗakin yana sanye da wata jallabiya ash colour, gaba-daya gashin kansa ya rufe fuskarsa da alama daga wanka ya fito dan babu alamar gyara a kan nasa. Tafiya yake a hankali kamar ba wanda aka yiwa reporting ciwo ba

"Abaan mene haka?, bakaga halin da take ciki bane?"

Bai ce komai ba sai hannunsa daya sanya ya ɗan hargitsa gashin kansa kafin ya tsugana daidai inda take, hannunsa ya kai ya taɓa wuyanta, ya yi kamar zai mike tsaye sai kuma ya sunkuya ya ɗauketa tamkar Baby ya yi waje da ita.

45, Zaria road Kaduna

***Zaune take gefen gadon ta zubawa kanta idanu, wayarta ce ta shiga ringing ta kalli wayar ta taɓe baki ta cigaba da kallon fuskanta, saida akayi 4missed calls kafin ta ɗauki wayar ta sanyata a flymode ta yi cilli da ita kan gadon. Turo kofar ɗakin akayi wanda ya sanya ta juya dan ganin wanda ya shigo mata ɗaki, murmushi ta sakar mata tana ƙarasowa ta ce"har yanzu shirin ne baki gama ba?, Kin fison sai babanki yazo yana jiranki ko?" mikewa tsaye tayi tana gyara zaman veil din jikinta ta ce"nafa gama Mom" numfasawa tayi ta ce"yanzu sai yaushe?" langwaɓar da kanta tayi ta ce"ke da kika koreni, wlh saina daɗe ban zo Kd ba" murmushi Mom tayi ta ce"Allah ya huci zuciyar Mamana, ba korarki nake ba, halin mahaifinki nasani banason ya yi miki faɗa ko ya yiwa mahaifiyarki shiyasa amma ke kinsan I'm gonna to miss you alot" rungume small Mom ɗin tata ta yi tana turo baki ta ce"me too Mom" shafa bayanta tayi ta ce"muje kar kuyi missing flight.

Tsaye suke a farfajiyar gidan, "A'isha! A'isha" juyowa tayi ta kalleta ta ce" lafiya dai?" Murmushi tayi tana kallon yar uwar tata ta ce"yau Aunty Jidda zata koma Kano fa" wani tsalle A'isha tayi ta rungumeta tana dariya ta ce"kai amma naji daɗi, alhamdulillah, mun rabu da jaraba in Sha Allah ba zata sake dawowa gidan nan ba" buɗe baki tayi zata yi magana taga ta fito tana jan troley dinta, sanye take da wata doguwar rigar Egyft Abaya coffee colour ta sanya wani sun glasses a idanunta hannunta ɗaya riƙe da hand bag ɗinta sai taunar cew gum take. Ta gabansu ta zo zata shige suka kalleta ba tare da sun ce mata ko a dawo lafiya ba suka shige cikin gidan, yanda basu nuna sun ganta ba haka itama bata nuna ta gansu ba kanta tsaye ta shige bayan mota driver ya jata zuwa Airport.

Kano state

Murmushi Mamah tana kallon Jadda bata ce komai ba. Riƙe haɓa Jadda tayi tana ƙanƙance idanu ta ce"au sallamammiya kika mayar dani ko me?, Ina faɗa miki abin da matar nan tayi min amma kina min dariya? Eh lallai! bari shi wanda na isa dashi ɗin ya dawo, wlh sai na saka ya saketa idan batayi wasa ba". Girgiza kai Mamah tayi cikin cool voice ɗin ta kamar koda yaushe ta ce"ki dai yi hakuri Jadda, maybe gajiyar tafiya yasa bata zo ta gaisheki ba"

"Babu wani gajiya rashin arziki ne irin nata, kuma zata san dani take zancen ba dai ɗana take aure ba!" Jadda ta faɗa cikin faɗa, Ita dai Mamah bata sake cewa komai ba gudun kada itama tayi wani laifin.

A hankali ta shiga buɗe idanunta wanda suka yi mata nauyi, ɗakin da take ta ƙarewa kallo kafin ta fara yunƙurin tashi zaune, kallon hannunta tayi taga an saka mata drip a hankali memeries ɗin abin da ya faru ya fara dawo mata, wani irin raunataccen kukane ya kwace mata ta shiga rareshi kamar ƙaramar yarinya, saida tayi mai isarta sannan ta tashi da niyyar fita daga ɗakin daidai nan ya buɗe wata ƙofa ya shigo, kallo ɗaya ya yi mata ya ɗauke kai ya nufi gaban gadon, drip din hannunta ya cire sannan ya ɗago yana kallonta, saurin ɗauke kanta tayi wasu hawayen na biyo fuskarta. Taɓe baki Abaan ya yi bai sake bi ta kanta ba ya juya ya fice daga ɗakin gabaɗaya. Da idanu Imara ta bishi sai Kuma ta sake fashewa da wani sabon kukan tana bubbuga ƙafa.

***Da gudu ta tawo ta rungume mahaifiyar tata tana murmushi ta ce"Mom nayi missing naki" murmushi itama tayi ta ce"nima haka Jidda, ya hanya?" Bata ba ta amsa ba sai kallon ƙofar ɗaya apartment ɗin da take, ganin abun take kamar a mafarki hakan yasa ta kasa ƙarasawa gurinsa ta juyo ta kalli Mom tata bakinta na rawa ta ce"Momm...Mom ya Abaan ya dawo?" wani kallo Mom ta watsa mata kafin ta ce"yadawo mana, mene haɗinki da dawowarsa?, ko har yanzu akwai wani abu a zuciyarki ne?, karki fara cewa zaki yi abin da zai sakani a bakin duniya Jidda, ki fita harkarsa a daina yi mana kallon waɗanda basu kai ba idan kuma ba haka ba..." Sakar baki Mom tayi ganin Jidda tayi hanyar Apartment din Babu ma alamar tana sauraren abin da take faɗa.

"Jidda! Jidda!"

Tamkar ba ita da ita take magana ba dan ko juyowa bata yi ba ta shige apartment ɗin, tsabar takaici kasa motsi Mom tayi ta dinga kallon ƙofar ko zata ga Jidda ta fito amma shiru babu labarinta

"Mom lafiya?, ina Jiddah?"

Kallonta tayi bata ce komai ba, ta juya ta bar wajen, da idanu Suhaila ta bita sai kuma ta ɗaga kafaɗarta irin bai dameta ɗin nan ba tayi waje tana riƙe da car key ɗinta. Kai tsaye Jidda sama ta haye dan babu kowa a parlon kasancewar lokacin duk suna gurin aiki, ƙofar dakinsa ta buɗe ta shiga bakinta ɗauke da sallama, shiru taji da alama ma baya ciki, dan haɗe fuska tayi s shagwaɓe ta ce"ina kuma yaje to?" Juyawa tayi zata fita taji an buɗe ƙofar bedroom ɗin an fito, da sauri ta juyo bakinta ɗauke da murmushi saidai abinda ta gani yasa ta yi saurin haɗe fuska kamar ba ita ba, kallonta Imara tayi da idanunta wanda suka kumbura saboda kukan data sha bata ce mata komai ba ta zo zata shige ta gefenta. Kasa jurewa Jiddah tayi ta jawo rigarta tana watsa mata wani banzan kallo ta ce

"Hyy, what brought you here?, Ina mai ɗakin yake?" Kallonta kawai Imara ta yi badan batasan abin da ta ce ba, yin shirun nata ya sake ɓatawa Jiddah rai cikin masifa ta ce"keeee! Wane ubanki a garin nan da har ina yi miki magana kina jina?, me kike taƙama dashi?" Numfasawa Imara ta yi ta sake yunƙurin fita a karo na biyu, a fusace Jidda ta jawota kafin tayi aune ta sauke mata wani lafiyayyen mari daidai nan Abaan ya buɗe ƙofar ɗakin ya shigo, da idanu ya shiga bin su Jidda tayi saurin ƙarasawa inda yake tana murmushi ta ce"Yaya daman ka dawo?" kallonta ya yi bai ce mata komai ba, tasan me yake nufi hakan yasa ta haɗe ranta tana kallon Imara wacce ke tsaye hannunta ɗaya bisa kuncinta ta ce"wai ina yi mata magana tanaji tayi min banza, kasan ni kuma bana ɗaukan raini" ta ƙarashe maganar tana haɗe hannayenta a ƙirji. Kallon Imara kawai ya yi sannan ya kalli Jiddah cikin cool voice ya ce"get out" kallonsa Jidda ta yi nan da nan hawaye ya kawo idanunta ba ta ce komai ba ta juya ta fice daga ɗakin tana banko ƙofar, girgiza kansa ya yi kawai sannan ya ƙaraso gabanta, wuyanta ya taɓa yaji sanyi klao da alamar zazzaɓin ya sauka,

"Je ki wajen Mamah ta baki abinci"

Abin da kawai ya faɗa kenan ya shige bedroom ɗinsa, da idanu Imara ta bishi kafin ta juya ta fice daga ɗakin har sannan hawaye bai bar zuba daga idanunta ba.

Mamah na zaune kan kujera idanunta maƙale cikin glasses tana kallon show ɗin da ake haskawa a TV Jiddah ta sakko daga saman, da idanu ta bita har ta ƙaraso gabanta ta tsuguna

"Mamah ina yini"

"Saukar yaushe Hauwa'u?"

Ɗan murmushi Jiddah ta yi ta ce"zuwana kenan, shine naga motar Ya Abaan na biyo shi" jinjina kai Mamah ta yi ta ce"toh sannu da hanya yasu Jamilan?" "Suna nan klao Alhamdulillah, Ina Jadda?" Murmushi Mamah ta yi ta ce"tana ciki, tunda ta dawo taki komawa apartment ɗinta" dariya Jidda ta yi ta ce" Jadda rigima, let me take shower sai nazo na gaisheta" okay Mamah ta ce Jidda ta tashi ta fita. Abbiey ne ya sakko daga cikin shigarsa ta manyan kaya kamar koda yaushe, kallonsa Mamah ta yi ta ce"yau ka makara yallaɓai" rollex ɗin hannunsa ya kalla ya ɗan yi tsaki ya ce" ban san time ya tafi haka ba, ina Abaan yake?" tashi Mamah ta yi ta ce"yana ciki, kasan halinsa dai, maybe jira yake hutun daya ɗauka ya ƙare ya koma bakin aiki" girgiza kai Abbiey ya yi ya ce"no munyi magana dashi ai, ya ce yanason a gama komai na asibitin ne kafin ya koma Abuja so kinga dole a sake bashi lokaci" numfasawa Mamah ta yi ta ce"Jadda na nemanka tun ɗazu" dafe kansa ya yi ya ce "ya rabb, har zan manta na fita" "ai kuwa da ka dawo yanzu" ta faɗa tana murmushi, girgiza kansa ya yi shima yana murmushin ya yi hanyar part ɗin da take.

Yana barin wajen Imara ta sakko tana tafe a hankali, kallonta Mamah ta yi ta ce "daughter kin tashi?" jinjina mata kai tayi dan bakinta yayi nauyi, kama hannunta tayi tana kallon fuskarta ta ce"lafiya?, me ya sami fuskarki?, who slapped you?" girgiza kai Imara tayi tana aro dauriya gudun kada tayi kuka ta ce "babu kowa, bigewa nayi" shiru Mamah ta yi ba dan ta yarda da abin da ta ce ba, sai dan batasan ƙureta,

"Muje kiyi breakfast"

Girgiza kai tayi ta ce"na ƙoshi yanzu" haɗe rai Mamah ta yi ta ce" da kika ci me?" sunkuyar da kanta ƙasa tayi tana wasada fingers ɗinta, tallafo habarta Mamah ta yi ta ce"ki daina ɓoyemin komai, muje ciki Inason magana dake" kallonta Imara tayi hawaye na taruwa a cikin idanunta ta ce"Tom Mamah".

***Zaune ya sameta tana jan cazbaha saida ya bari ta idar sannan ya gaisheta,

"Jadda lafiya kike nemana?" Girgiza kai Jadda ta shiga yi tana kallonsa ta ce"wai kamarni! Kamarni za'a yiwa irin haka ko?, kana sane da matarka bata zo ta gaisheni ba tunda na dawo daga asibiti?, yau ko zaman kafurci muke da ita ai ya ci tazo ta dubani ko?, amma wlh matar nan shiru bata zo ba, ina jin sanda suka dawo daga bikin amma ta kasa shigowa ta cemin sannu ya jiki, haka ake rayuwa Fadeel?, an kyauta min kenan?, haka taga Fatima nayi?, kullum cikin ɗawainiya take dani yarinyar nan bata taɓa gazawa ba, shine ita zata dinga wulaƙantani?, me nayi mata?, me na mata Eh?!..." Ta ƙarashe maganar tana goge hawaye da hijab ɗin jikinta. Shiru Abbiey ya yi na wasu sakkani, gabaɗaya ransa ya gama ɓaci koda wasa bai yi tunani bata zo ta duba mahaifiyarsa ba, duk da tasan abin da ya sameta, a hankali ya kamo hannunta cikin son kwantar mata da hankali ya ce "dan Allah Jadda kiyi haƙuri, zan yi mata magana, kuma in sha Allah hakan ba zata sake faruwa ba, zan sanda yanda zanyi da wannan matsalar, amma kar ki damu kanki wani ciwon ya sake kamaki kamar da, kiyi mani wannan alfarmar" jinjina masa kai tayi ta ce "babu komai, ni kawai faɗa maka nayi, amma ban riƙe kowa a zuciyata ba" ajiyar zuciya ya sauke ya ce"Nagode Jadda, bari naje" "Allah ya tsare ka, ya yi maka albarka, ya kula dakai da yaranka" murmushin jin daɗi ya yi ya ce"Ameen ya rabbi Jadda".

***A fusace ta buɗe ƙofar parlon tana zuwa ta faɗa kan mahaifiyar tata tana fashewa da kuka, girgiza kai Mom tayi cikin ɓacin rai ta ce"dana gargaɗeki ai baki ji ba Jiddah, kinyi tunanin ko ya sauya ne?, da dai Abaan ya so ki amma tuni aka shiga tsakaninku, saboda haka tun wuri na faɗa miki ki fita hanyarsa!, ki daina zuwa in da ma yake kada ke ma ayi miki wani mugun abun" cikin shassheƙar kuka ta ce"wlh Mommy ina son Abaan kuma ni shi xan aura, wlh shi nakeso, shine wanda zuciyata ta zaɓa mini kuma zaɓinta zan bi, ki taimakeni Mommy, ki taimaka!" Ta ƙarashe maganar tana sake rushewa da wani sabon kukan, shiru Mommy tayi dan abun nema yake yafi ƙarfinta, tsayin lokaci tana neman yanda zata raba wannan al'amari amma abu yaƙi yiwuwa, tana cikin wannan tunanin ya buɗe ƙofar ya shigo, da sauri Jiddah ta tashi ta shiga goge hawayen fuskarta ta tsuguna kanta a ƙasa ta ce "ina yini Abbiey" saida ya ƙare mata kallo sannan ya ce"lafiya klao" daga haka ta tashi ta shige ciki.

"Yanzu abinda kika aikata daidai kenan?, mahaifiyata ita ce abar rainawarki?, daga ke har yayanki babu wanda ya iya zuwa ya gaisheta?, kunsan kuma batada lafiya daga jin ya ta dawo, to bari kiji idan har kina son zama cikin gidan nan ƙarƙashina to dole sai kin girmama mahaifiyata, idan kuma ba haka ba wlh zan ɗauki mummunan mataki akan ki, zaki san dani kike!" Yana gama faɗar haka ya juya ya fice daga ɗakin kamar zai tashi sama, da idanu Mommy ta bishi sai kuma ta taɓe baki

"Allah na tuba matar da ba son ganina take ba me zan je yi mata?" Ta faɗa a fili tana danna wayarta.

***Kallonta Mamah tayi ganin yanda jikinta ke rawa ta ce"nutsu Imara, faɗamin me yake faruwa, me kika yi masa ya sake ki?" Batasan sanda ta faɗa jikin Mamah ta fashe da wani raunataccen kuka mai taɓa zuciya ba, kuka take irin mai fitowa tun daga ƙasan zuciya, kukane wanda ke nuna zallar damuwar da take ciki, kuka ne irin wannan ke nuna komai ya ƙare min a rayuwa, yanda take jan numfashinta yasa Mamah tayi saurin rungumeta tana shafa kanta

"Ma...Mamah...ya sakeni,. Maheer ya sakeni, baya sona, meyasa Mamah?, me nayi masa?, ya yimin laifi kala-kala amma na haƙura, meyasa shi ba zai iya haƙura ba idan nayi masa laifi?, ni kawai son sa nake Mamah, amma shi kuma ya faɗa min baya sona, meyasa!, meyasa Mamah!!, wlh bani na kashe Ameer ba!, ban kashe shi ba Mamah!, meyasa zan kashe Ameer bayan shine wanda ya ƙaunaceni a lokacin da kowa ya juyamin baya?, meyasa zan kashe mutumin da al'umma ke maraba da samunsa a cikinsu?, bazan iya kashe koda ƙwaro ba ballantana mutum kamar Ameer, bani ba ce! Wlh ban aikata ba Mamah!, ban kashe Ameer ba!, nima inason Ameer!, IMARA nason Ameer, amma ya mutu, ya mutu ya barni a wannan duniyar me cike da ruɗani da tashin hankali, wlh bazan iya ba, so nake na mutu Mamah!, mutuwa nakeso, kowa ya mutu ya barni, na rasa Mama, na rasa granny, narasa Dodona, na rasa Maheer, na rasa Ameer, banida kowa! Banida kowa Mamah!..."

Wasu zafafan hawayene suka shiga sintiri kan fuskar Mamah, duk da batasan labarin Imara ba amma tayi matuƙar tausaya mata, shekarunta sun yi kaɗan wajen ɗaukar waɗannan matsalolin, rayuwarta abar tausayawa ce, wa ta kashe?, wani irin tashin hankali ne ya saukarwa Mamah, ta ɗago fuskarta tana goge mata hawayen ta ce" tell the truth Imara, wace ke?, me ya sami rayuwarki?, bani labari!" Lumshe idanunta tayi wasu hawayen suka sakko mata ɗan ƙaramin bakinta wanda ya yi jajur dashi duk ya jiƙe ta shiga buɗewa cikin wani irin yanayi ta ce" zan baki labarina Mamah, zan sanar dake abin da ya sameni da kuma irin tawa ƙaddarar".

# Bestnovel
# Heart touching 💔
# IMARA 💋
# Nanameera
# 2025.

***.