Chapter 31&32

*IMARA 💋💋*

31&32.

***.

Mikiya writers asso...

***Turo ƙofar parlon tayi ta shigo tana jan jakarta, Jadda dake zaune kan kujera ta hakimce tana taunar nama. Zama Umaima tayi akan kujera ta ɗan zame jikinta ta kwanta. Wani banzan kallo Jadda ta watsa mata sai kuma ta ce

"Ke kam wannan yarinya an yi malalaciya, ji yanda kika wani kwanta kamar ruwa, yara duk kun saba da sangarta to ki sauya hali"

A fusace Umaima ta tashi zaune ta kalleta kamar za ta yi kuka ta ce"to dan Allah ina ruwan ki dani Jadda?, Saboda bakisan wahalar dana sha ba. Tun safe nake yawo a school amma shine nadawo za ki kama ki rufeni da faɗa. Saboda daman kin tsaneni"

Umaima ta tashi daga falon tana goge hawaye. Riƙe baki Jadda tayi tana cewa

"Karki yarda ki yimin sharri, yaushe nayi miki faɗa?, salon ubanku ya dawo ya ji kisa ya tsaneni, to ta Allah ba ta ki ba wlh" Umaima bata sake bi ta kanta ba ta haye sama kai tsaye kuma ɗakinta ta shiga.

***Kallonta Amrish tayi ganin sai juya smooth ɗin gabanta take ta ce"wai me kike tunani kuma ?" girgiza kai tayi tana cire hannunta daga kan smooth din ta ce"nakasa yarda da abin da nagani ne wlh!, Gaba-daya yanzu tunanina ya ta'allaka akan na gano wacece wannan yarinyar. A ina Abaan ya santa?, Me yasa kuma take biye dashi and he can't scold her, why?" Murmushi Amrish ta yi bayan ta ajiye pork ɗin hannunta ta ce

"Jidda! Jidda! Jidda, ki daina sakawa kan ki damuwa. Kinsan dai yana yin lafiyarki, karki manta an rigada an yi miki baiko keda Abaan, so probably zaki aure shi, wannan kina damun kan ki ne a banza kawai. Wacece wannan yarinyar, a ina ya santa?, Duk bai dame ki ba, tunda kina da tabbacin Abaan ba mai kule-kulen mata bane, saboda haka dan Allah ki daina damun kan ki kawai ki ja mana masifa"

Numfasawa tayi ta miƙe ta ɗauki car key ɗin ta tana kallon agogon hannunta ta ce"yamma ya yi already, tun safe muka fito gida zan tafi. Nasan maybe yanzu Abaan ya dawo, zan je na ganshi ne"

Ta shi itama tayi ta ce"haka ne, muje sai ki ajiye ne a Tahir saboda mun yi da Alhaji zamu haɗu acan"

Taɓe baki Jidda ta yi ta ce"to Allah ya kyauta" .

***Ƙarfe 7:04 Jidda tayi parking ta fito kai tsaye kuma apartment ɗin su ta nufa. Tana shiga ta sami Mommy zaune ta ci uwar kwalliya sai taunar chew gum ta yi, murmushi Jidda ta yi ta ƙarasa ta zauna gefen ta ta ce"Hajiya Mommy irin wannan kwalliya haka?" Kallonta Mom tayi sai kuma ta harareta ta ce"ke fita a idona, ki je kiyi wanka ki shirya ina nan ina jiran ki" langwabar da kai tayi ta ce"okay Mommy".

Wani kallo Umaima ta watsawa Nana kafin ta ce"ina ruwan ki da ita?, A kanki take?, Wlh ki shiga taitayinki kinsan dai wanda ya kawota gidan" turo baki Nana ta yi ta ce"to ai gaskiya nafaɗa, kawai ta zo ta takura mana, ni wlh bata yimin ba" harararta Umaima tayi ta ce"tunda a rayuwa kana zaɓar wanda ya yi maka da wanda bai maka ba. Ki je kiyi ta yi, watarana sai kin jawo masifar da zata dame ki wlh"

Ɗaga kafaɗa Nana tayi irin bai dame ta ɗin nan ba, ta tashi zata fita.

"Da wannan shigar za ki fita?"

Kallon kayan jikinta ta yi, t-shirt ce baka sai wani jeans 3-quarter wanda ya tsaya iya gwuiwarta, ta tufke gashin kanta ya zubo har bayanta. Turo baki ta yi ta ce"to me shiga ta tayi?, Naga wajen Jadda zan je" gyaɗa kai Umaima ta yi ta ce" Allah ya taimaka" fita Nana tayi ba tare da ta sake magana ba.

Kallon inda ya yi parking ta yi sai kuma ta sunkuyar da kanta, bai ce mata komai ba ya sauka daga motar hakan yasa ita ma ta sakko tana binsa da idanu. Kai tsaye cikin mall ɗin ya nufa ita kuma ta bi bayansa, bayan ya shiga wata ma'aikaci ta zo tana murmushi ta ce

"Welcome sir"

"Kaya na budurwa kamar ta, banda ƙananun kaya, I mean only Abaya"

Jinjina kai tayi sannan ta juya ta bar wajen. Imara na nan wajen a tsaye har aka kai kayan cikin mota ya bada atm card suka cira sannan ya juya ya bar wajen. Tun da suka shiga Mota ta shiga share hawaye tana kuka, Abaan na lura da ita amma bai ce komai ba har suka ƙarasa gida. Bayan ya yi parking ya kalleta sai kuma ya fito daga motar ya shige gida dan daman saida ya yi sallar isha'i sannan ya shigo, a falon ya samesu suna kallo Jadda na fam zuba kamar yanda ta saba,

"Sannu da zuwa yaya"

Wata razananniyar tsawa ya daka mata, wacce tasa ta bar falon da gudu tana kuka. Tsaki ya yi Sannan ya kalli Mamah ya ce"wace irin shiga ce wannan yarinyar ta ke yi ne haka?, nd kuma kina kallo ba za ki yi mata magana ba?"

"Yanzu Abaan ba gashi ka yi mata ta ji ba, nayi maganar amma Jadda ta hanani wai na rabu da ita"

"Muhammadu Rasulullahi, ni za ki yiwa sharri, to keda Allah, kana ji wlh babu ruwana, yo yarinya ce bata jin magana shine kawai na hukunta ta"

Ko kallonta Abaan bai yi ya bar wajen. Ajiyar zuciya Jadda ta sauke sai kuma ta kalli Mamah ta ce

"Karki sake yimin irin haka a gabansa, ba kiga yanda ya haɗe rai ba ne"

Girgiza kai Mamah kawai tayi, ta tashi ta bar wajen. Sai a sannan Imara ta yi sallama ta shigo parlon, kallon Jadda ta yi sai kuma ta sunkuyar da kanta ta gaisheta cikin rawar murya.

"Yarinya ya ma sunan ki?, Sannu da dawowa, zo nan ki zauna" a hankali Imara ta ƙarasa ta zauna kusada Jadda ta jingina da jikin bango. Tashi Jadda ta yi ta ce"na ajiye wata fura bari na kawo miki ki sha" daga haka ta bar parlon. Imara na ganin ta shiga part ɗin ta ta tashi ta haye sama tana tafiya cikin sauri. Tura ƙofar ɗakin ta yi ta ganshi tsaf dashi da alama an sake gyarawa. Zama tayi gefen gado ta jingina dashi ta shiga kukanta wanda tun ɗazu yake cin ta. Above 5mins Umaima ta buɗe ɗakin ta shigo, turus tayi ganin yanda Imara ke kuka kamar ranta zai fita. A hankali ta ƙarasa gabanta ta zauna gefenta ta dafata. Ganin bata daina kukan ba yasa ta ce

"Imara me aka yi miki?, Meyasa ki ke kuka?, Wani abun yaya ya yi miki?" Imara couldn't help it but cry, ta cigaba da kukanta. Riƙota Umaima tayi ai kuwa kamar jira take ta faɗa jikinta tana kuka, sosai ta bawa Umaima tausayi kai da ka ganta kasan tana cikin jarrabar rayuwa gata kuma da ƙananun shekaru. Shafa kanta ta shiga yi cikin lallashi ta ce

"Ki daina kuka, addu'a ita ce mafita a koda yaushe, ki dinga faɗawa Allah buƙatar ki, tabbas nasan zai share kimi hawaye. Kin sha wahalar rayuwa Imara amma hakan ba shine dalilin da zai sanya ki maida damuwa abokiyar rayuwarki ba"

"Tsoro nake ji, naji tsoro, irin haka Maheer ya kai ni ya siyamin kaya, ya ce zai zauna dani, ba zai taɓa barina ba, zai zame mini garkuwa, ba zan sake kuka ba. Amma hakan bai faru ba, Maheer ya gujeni, Maheer ya barni daga ƙarshe kuma ya sakeni. Shi ma yanzu ya siyomin kaya, ina tsoron na bar gidan nan, dan Allah ki taimakeni, tsoro nake ji"

Rungumeta Umaima tayi, sai a sannan ta san dalilin kukan nata, dafata tayi ta ce"babu abin da zai faru sai alkhairi Imara. Na tabbata tun da yaya Abaan ya kawo ki gidan nan ba zai bari a cutar dake ba, dan ya siya miki kaya hakan ba yana nufin ya shirya korarki ba, muna nan, gidan nan ya zama gidanki. Ki daina damun kan ki, kada kuka yasa wani ciwon ya sameki Imara"

Haka Umaima ta yita rarrashinta har saida taga tayi shiru, ta ɗago fuskanta tana kallonta ta ce"je ki wanke fuskarki ki zo muje, Jadda ce ta aikoni na kira ki" gyada mata kai Imara tayi sannan ta tashi ta shiga toilet ta wanko fuskarta kamar yanda Umaima ta ce mata, murmushi Umaima ta yi ta ce"yawwa, kinga har kin yi kyau, muje" bin bayanta Imara tayi tana tafiya a hankali.

Tun da ya hango su ya zuba mata idanu yana kallonta, Murmushi Umaima ta yi ta ce"Barka da dare yaya" murmushin shima ya mayar mata ya ce"yayan Mamah" dariya ta yi ya kalli Imara ya ce"Barka da dare baƙuwa" sunkuyar da kanta ta yi cikin sanyin murya ta ce"ina yini" lumshe idanu Khalil ya yi ya ce"lafiya klao, beuaty" shiru Imara tayi, Umaima ta ja hannunta suka bar wajen. Zaune suka sami Jadda tana bawa Nana labari, tana ganinsu ta kalli Imara ta ce

"Shine nace ki tsaya kika tafi ko?, Ko furar tawa ce bakya so?, Yarinya ba abun mutuwa zan saka miki ba" murmushi Imara ta yi ta ce"alwala naje nayi Jadda" jinjina kai tayi ta ce"to har naji daɗi, zauna maza na zuba miki" zama Imara ta yi akan carpet tana kallon su. Haɗe rai Nana ta yi kamar zata yi kuka tana kallon Jadda ta gama zubawa Imara furar ta miƙa mata, amsa Imara tayi tana murmushi ta ce"nagode Jadda"

A hankali ta fara shan furar tana lumshe idanunta saboda daɗin ta, Umaima ce ta kalli Jadda ta ce"Granny nifa?" wani banzan kallo Jadda ta yi mata ta ce"waye zai baki, Allah na tuba, ai nafaɗa miki wannan da kike gani ta babban gidan nan ce daman shi na ajiyewa" murmushi Umaima ta yi ta ce"to wane ya ce miki yaya zai sha?"

"Ubanki ne ya faɗa min ƴar nema"

Tashi Umaima ta yi ta ce"Allah ya huci zuciyarki, Allah yaso muma Abbiey yana siyo mana yogurt kuma ba za ki sha ba" riƙe haɓa Jadda ta yi ta ce"iyeeee, to uwarki ita kika yi wa ba ni ba" ko kallonta Umaima ba ta yi ba ta haye sama da sauri. Taɓe baki Nana ta yi ta ce"ai shikenan Jadda tun da kin fifita wata akan jikarki" girgiza kai Jadda ta yi ta ce"ke ba'a haka, baƙuwa ce shiyasa, kuma kina ji aka ce mijinta ne ya saketa gashi marainiya ce ai kinga akwai samun lada cikin riƙon maraya" a fusace Nana ta ce"to nan gidan ai bai yi kamada gidan yan gudun hijira ba, ko kuma gidan zawarawa, dan batada iyaye ai ba haka ke nufin batada dangi ba, ni banason takura wlh" hannunta Jadda ta kama ta ce"ke ba'a haka, ki sauya hali" tashi Nanah ta yi ta bar parlon kamar zata tashi sama. Imara dake saurarensu tun ɗazu ta sunkuyar da kanta, tabbas haka ne dan batada iyaye ba haka ke nufin batada dangi ba. Amma saidai batasan su wanene dangin nata ba, da wannan tunanin ta ajiye cup ɗin furar ta miƙe zata bar wajen.

"Ina kuma za ki je baki shanye ba yarinya?"

Gudun kada Jadda taga hawayenta yasa ta ƙi juyowa cikin rawar murya ta ce"na...naƙoshi Jadda" kafin Jadda ta buɗe bakinta Mamah ta fito daga kitchen tana kallonta ta ce"yawwa daughter je ki kitchen akwai tray na abincin Abaan ki kai masa" to kawai Imara ta ce ta shiga kitchen ta ɗauko tray ɗin ta hau sama.

A corridor ɗin ɗakunan nasu ta ganshi yana ƙoƙarin rufe ɗakinsa, kallo ɗaya ta yi masa ta juya zata bar wajen.

"Imara!"

Ta ji Khalil ya kira sunanta, ba tare da ta juyo ba ta ce

"na'am"

Ƙarasowa gabanta yayi ya zuba hannayensa a aljihu yana kallonta ya ce "ina za ki je?" kanta a ƙasa ta ce

"Mamah ce ta aikeni"

Kallon agogon hannunsa ya yi sai kuma ya ce"okay tom je ki, karna tsayar dake" kamar jira Imara take ta bar wajen da sauri, tana zuwa ta tura ƙofar ɗakin nasa ta shiga, da idanu Khalil ya bita sai kuma ya juya ya sauka ƙasa.

Zaune ta hangeshi kan kujera yana danna system ɗin sa wacce koda yaushe ba'a raba shi da ita. Sallama ta yi sannan ta ƙarasa ta ajiye tray ɗin a gabansa ta tashi zata fita.

"Wane ya baki izinin fita?"

Da sauri ta juyo tana kallonsa taga har sannan danna system ɗinsa yake, a hankali ta dawo ta tsuguna daga can gefe, tana goge hawayen dake zuba akan fuskarta. Saida ya kammala abin da yake sannan ya rufe system ɗin ya ɗago ya kalleta, ƙura mata idanu ya yi sai kuma ya ce"ɗaukon ruwa a fridge" tashi ta yi ta buɗe fridge ɗin ta ɗauko ruwan wanda ya yi sanyi sosai sannan ta ɗauko glass cup. Dawowa ta yi ta miƙa masa har sannan kanta yana ƙasa, karɓa ya yi, sannan ya buɗe ruwan ya zuba a cup ɗin, ga mamakinta sai taga ya miƙo mata, kallonsa tayi sai kuma ta karɓi ruwan ta kafa kai ta shanye tas, miƙa masa cup ɗin ta yi ya sake zuba mata, nan ma ta amsa ta shanye sai kuma ta shiga sauke ajiyar zuciya. Saida yaga ta nutsu sosai sannan ya kalleta ya ce

"Zo nan"

Hannunsa ta ga ya miƙo mata, ta ɗora nata akai ta miƙe tsaye ta zauna gefensa inda ya nuna mata. Numfasawa ya yi sai kuma ya ce

"Me aka yi miki?"

Shassheƙar kuka tafara ya girgiza kansa ya ce"kuka na ce kiyimin dama?" cikin kuka ta ce"dan Allah Inason na tafi" waro idanunsa ya yi a kanta sai kuma jingina da kujerar har sannan yana kallonta ya ce"ki je ina?"

"Jigawa"

"Wajen wa?"

Ya faɗa a takaice, shiru Imara ta yi dan tabbas babu wanda zata je wajensa a Jigawa tunda babu wanda ta sani, jin ba ta ce komai ba yasa ya ce"I'm talking to you"

"Kawai zan koma gidan mu da zama, banason nan"

"Ko?"

Jin yanda ya yi maganar a hasale yasa ta kalleshi taga ya haɗe rai, sunkuyar da kanta ta yi ta ce"nan ai ba gidan zawarawa bane, Inason na tafi na nemo dangina, zan zauna a cikin su koda kuwa basa ƙaunata, bazan taɓa ƙorafi ba,k kuma..." Kasa cigabawa ta yi saboda kukan da ya ci ƙarfinta. Shiru Abaan y yi na ɗan lokaci sai kuma ya ce

"Ki shirya gobe za'a kai ki makaranta, nd kiyi concentrating akan karatun ki, banda wasa okay?"

Baki buɗe Imara ta kalleshi sai kuma ta ce"wace makaranta?"

"Za ku je skyline University, ke da Nana"

Da sauri ta ɗago ta kalleshi sai kuma ta girgiza kanta ta ce" dan Allah banaso, dan Allah, kayi haƙuri, banason karatun"

"Ji kika yi na tambayeki kina so ko bakya so?, did I asked you?"

Fashewa ta yi da kuka ta tashi ta zauna a ƙasa tana kuka, shiru Abaan ya yi mata ya shiga danna wayarsa, saida ta yi mai isarta sannan bacci ɓarawo ya ɗauketa a wajen. Saida ya gama abin da yake gabansa sannan ya ɗago jin ta yi shiru. Gani ya yi ta yi bacci a wajen, girgiza kansa ya yi sai kuma ya yi murmushi har saida haƙoransa suka fito. Tashi ya yi ya ɗauketa kamar baby ya fita da ita daga ɗakin, ɗakinta ya kai ta ya kwantar da ita ya yi mata addu'a sannan ya ƙaro gudun AC ɗin ya juya ya fita.

Wani zazzafan numfashi Khalil ya sauke lokacin da yaga Abaan ya fito daga ɗakin, zuciyarsa a cunkushe ya juya ya koma ɗakinsa ya kashe fitila.

# *IMARA 💋*

# *Bestnovel*

# *Heart touching 💔*

# *Nanameera*

# *2025*.