Chapter 39&40

*IMARA 💋💋*

39&40.

***.

Mikiya writers asso...

Ajiyar zuciya Abaan ya sauke yana kallon Abbiey ya ce"Abbiey why?" Girgiza kai ya yi cike da damuwa ya ce"Muhammad abun ne ya fi ƙarfina ka dai san halin kakarka, bansan mene ya sameta ba da har ta yanke irin wannan hukunci, ba zan iya yi maka dole akan auren Jidda ba amma ina tunanin abin da zai je ya dawo. Shiru ya yi yana kallon Abbiey kafin ya miƙe tsaye ya yi hanyar fita daga parlon

"Ka aikata abin da Jadda ta umarceka Abbiey"

Da sauri Abbiey ya juyo ya kalleshi zuwa sannan kuma ya fice daga falon. Ajiyar zuciya ya sauke yana godiya ga Allah domin da Abaan bai yarda da auren nan ba bai san abin da zai ce da Jadda ba.

***Tun da ta shiga ɗaki ta nemi waje ta zauna, haka kawai ta ji ba ta jin daɗi zuciyarta na bugawa da ƙarfi, buɗe ɗakin a kayi ta ɗaga idanun ta kalli Nana wacce ta shigo ɗakin, zama ta yi gefenta tana murmushi ta ce"shine yau ki ka ƙi zuwa makaranta ko?, muna ta jiranki baki fito ba" cikin sanyin murya Imara ta ce"to ai na je wajensa ne kuma shine ya ce ba zan je makarantar ba"

"Wane haka?"

Turo baki ta yi ta ce"wannan mana, babban yayan gidan nan" tuntsirewa da dariya Nana ta yi ta ce"wai Yaya?" Gyaɗa mata kai ta yi, Nana ta ce "lallaima, to Yaya Abaan sunan sa, Babban soja ne da kike ganinsa kuma ba ɗan ƙasar nan bane" taɓe baki Imara ta yi, kamar an tsikareta kuma ta gyara zamanta tana kallon Nana ta ce

"Ki ka ce Soja ne?"

Gyaɗa mata kai Nana ta yi, Imara ta tashi tsaye ta fara tafiya a ɗakin tana murmushi, biyo bayanta Nana ta yi tana kallon ikon Allah, ganin kamar ta samu matsala yasa ta ɗan dafata can ƙasa da murya ta ce

"IMARA"

Juyowa ta yi sai kuma ta rungumeta tana dariya ta ce"wlh ina son shi, shi nakeso ni, ina sonshi sosai wlh, kuma shi zan aura"

A fusace Nana ta ture ta daga jkinta tana yi mata kallon kin yi hauka ta ce"me ki ka ce?, kina cikin hayyacinki kuwa?, Yayan ki ke so?, Yaya Abaan ɗin?, kinsan kuwa wane shi?"

Ɗaga kafaɗa Imara tayi irin bai dame ta ba ta ce"ni fa babu ruwana da ko wane shi, jami'in tsaro nakeso na aura kuma gashi na same shi, I'm so lucky wlh"

Nana was speechless, sai bin Imara take da kallo tamkar wata zararriya. Girgiza kanta kawai ta shiga yi dan da alama wasu aljanun sun shiga jikin Imara ba tare da kowa ya sani ba.

***Around 9pm ya shigo hannunsa riƙe da wasu ledoji guda biyu, kai tsaye apartment ɗin Jadda ya shige, zaune ya sameta kan ladduma tana jan tsazbaha, zama ya yi a ƙasa kusa da ita har sai da ta idar sannan ta juyo ta kalleshi, murmushi ya yi ya ce"Jadda" ajiyar zuciya ta sauke ta shafa kansa ta ce"Abaan, sannu ka ji, sannu da ƙoƙari, Allah ya yi maka albarka" lumshe idanunsa ya yi ya ɗora kansa bisa cinyarta, sosai ta ji tausayin sa, a duk san da ya yi mata haka ta gane kewar mahaifiyarsa yake. Shafa kansa ta shiga yi tana karanto masa addu'o'i, tana jin yanda yake sauke numfashi a hankali har bacci ya yi gaba da shi.

Sanye take cikin wata doguwar riga ta atampa, a-shape ta rufe gashin kanta da wani veil ya zubo ta bayanta, a hankali take tafiya fuskarta fal murmushi. Zaune ta sami su Umaima suna cin abinci ta zauna a kusa da Umaima tana kallon Nana wadda ke yi mata wani irin kallo kamar me tsoronta. Dariya Imara ta yi, Umaima ta kalleta ta ce"Lafiya dai Imara?" Nuna mata Nana ta yi wadda ke faman zare ido. Dariya ita ma Umaima ta yi ta ce"lafiya me aka yi mata?" shiru Imara tayi har sannan murmushi take. Harararta Nana ta yi ta ce "ni ki daina kallona" gwalo ta yi mata ta ce"na kalla ɗin, ni zo ki ga" a hankali Nana ta taso ta dawo inda take zaune ta zauna ita ma, kallo Umaima ta kunna a wayarta hakan yasa suka fasa aikin suka maida hankalinsu kan kallon da suke. Kiran wayar Umaima a aka yi hakan yasa ta tashi ta bar wajen, murmushi Nana ta yi ta ce"ki ce masa ina nan ina jiransa a Naija" harararta kawai ta yi ta shige kitchen da sauri. Kallon Imara Nana ta yi ta ce

"Wai ke ina wayarki ne?"

Taɓe baki ta yi ta ce"ya kwace min, ni so ma nake na ganshi" harararta Nana ta yi ta ce"wlh ki fita a harkarsa tun kafin ki jawowa kan ki Tom, gwara ma ki cigaba da magana da sir sai ya fi miki, ɗazu ma na ganshi ya shiga apartment ɗin Jadda kuma har yanzu bai fito ba" zumbur Imara ta miƙe ta bar wajen, da idanu kawai Nana ta bita sai kuma ta girgiza kanta.

***Wani ihu Umaima ta saki wanda y saka Nana shiga kitchen ɗin da sauri. Tana ganinta ta rungumeta tana dariya ta ce

"Yaya ya dawo, Yaya ya dawo Nana, I'm so happy wlh" ihu suka sake saki a tare daidai nan Mamah ta shigo kitchen ɗin, kallonsu ta yi ta ce

"Mene haka?, meke damunku?"

"Mamah Yaya Kamal ne ya dawo daga Uk kinga kuwa dole mu yi murna, yanzu ma zamu fara tunanin abin da zamu yi masa gobe idan ya zo ne"

Numfasawa Mamah ta yi ta ce"to sannun sa da dawowa, amma dare ne wannan ihun ya yi yawa, ku je ku kwanta" to kawai suka ce sannan suka yi hanyar fita.

"Ina Imara ne?"

"Taje apartment ɗin Jadda"

Okay Mamah ta ce sannan ta cigaba da abin da take.

***A hankali ta tura ƙofar falon ta shiga bakinta ɗauke da sallama, zaune ta hangi Jadda, shi kuma har sannan yana kwance akan cinyarta. Murmushi Jadda ta yi ta ce"au Yarinyar kirki ke ce anan?" gyaɗa mata kai Imara ta yi sannan ta ƙaraso inda take ta zauna tana murmushi ta ce"daman zuwa nayi na gaisheki Jadda"

"Da gaske, kai amma na ji daɗi sosai Yarinya, Allah ya yi miki albarka" murmushi kawai Imara ta yi, Jadda ta ce"kuma ina da wani alkaki da aka yomin, gashi wannan sangartaccen yaron ya zo ya wani kwanta min a jiki" dariya Imara ta yi ta ce"to ki tashe shi Jadda man" girgiza kai Jadda ta yi ta ce"a'a fa, ai ba'a tashin sa yana bacci tun yana yaro" jinjina kai Imara ta yi sai kuma ta leƙa fuskarsa, haɗe rai ta ga ya yi ta ɗago ta kalli Jadda ta ce

"Wlh Jadda yana ji ba bacci yake ba, kinga ya motsa ko?"

Da sauri Jadda ta kalli inda Abaan yake sai kuma ta ce"ke bacci man yake, ina jin saukar numfashinsa ɗazu"

"N rantse Jadda ya tashi, bari kiga" tana faɗin haka ta tashi ta koma daidai inda fuskarsa take ta kwalla ƙara. Da sauri Abaan ya tashi zaune ya shiga bin ta da idanu. Tuntsirewa ta yi da dariya tana kallon Jadda ta ce"kin gani ko, wlh ya tashi daga baccin fa" kallonta Jadda ta yi sai kuma ta kalle shi ta ce"kaga ƙaton banza, kai yanzu da ba baccin gaske ka ke ba ka bi ka taushe min ƴar ragowar cinyar tawa" langwaɓar da kai ya yi kamar ƙaramin yaro ya ce"Jadda bacci fa nake ji"

"Sai ka tashi ka je ɗakin ka ka kwanta ai. Amma da ka bi ka danne ni, ga nauyi kamar me Allah na tuba. Yarinyar kirki na gode miki, zauna anan na kawo miki abin daɗi"

Gyaɗa mata kai Imara ta yi tana murmushi, kwafa Abaan ya yi ya kalleta kawai bai ce komai ba, wata robar dambun kaza Jadda ta kawo mata, ta ajiye a gabanta. Ganin yanda yake ganin robar yasa Jadda ta ce"tashi ki je kitchen ki ɗauko leda ki ɗan sammasa ko kaɗan ne kar mu shiga haƙƙinsa ido guba" kallonsa Imara ta yi taga ya yi murmushi, turo baki ta yi batasan yi wa Jadda musu ya sa kawai ta tashi ta shiga kitchen ɗin. Miƙewa Abaan ya yi ya kalli Jadda ya ce"sai da safe, na tafi" riƙe haɓa ta yi ta ce"au ba zaka ci dambun kazar ba?" Kallon robar ya yi sai luma ya saka hannu ya ɗauke duka ya yi waje, daidai nan Imara ta fito daga kitchen hannunta riƙe da farar leda. Kallon Jadda ta yi ta ce"Jadda ina ya tafi dashi kuma?"

"Bishi duk in da ya yi, karki kuskura ya cinye ya bar ki"

Da gudu Imara ta bi bayansa, saidai bata same shi ko a falo ba, hakan yasa ta haye sama da sauri. Zamewa ta yi, tayi baya zata faɗi ya riƙe ta, ɗagowa tayi ta kalleshi sai kuma ta sunkuyar da kanta ta ce "ina yini"

"Lafiya klao Imara, wannan gudun fa?, so ki ke sai kin ji wa kan ki rauni?" Girgiza kai ta yi ta ce"abu na zan amso, bana son ya cinye ina zuwa" daga haka ta shige ta bar Khalil tsaye a wajen. Ƙofar apartment ɗin Abaan ya ga ta shige sai kawai ya ja ya tsaya a wajen yana jiran fitowarta.

***Babu kowa a falon hakan yasa kai tsaye ta shige ɗakinsa, dan ba baƙonta bane, kama ƙugu ta yi ta rike ganin nan ma baya nan, ƙarar zubar ruwan da ta ji a banɗaki ya sanya ta nemi waje ta zauna a gefen gadonsa. Above 10mins kafin Abaan ya fito daga wanka yana sanye da bathrobe, sarai ya ganta sai kawai ya ɗauke kansa ya ƙarasa wardrobe ɗinsa, wasu pyjames White colour ya ɗauko sannan ya dawo gaban dressing mirror ya fara gyara gashin kansa, tana zaune har sai da ya kammala duk wasu abubuwan dake gabansa sannan ya sanya rigarsa. Runtse idanu Imara ta yi ta sanye hannayenta duka biyun ta rufe fuskarta, duk abin da take yana kallonta ta mudubi bai kula ta bar ya kammala nan da nan ɗakin ya ɗauki wani sassayan ƙamshi. Remote ya ɗauka ya ƙaro gudun AC, lumshe idanu Imara ta shiga yi tana jin wani bacci na sanɗarta. Fridge ya buɗe ya ɗauko ruwa ya sha sannan ya dawo ya zauna akan sofar dake ɗakin ba tare da ya kalleta ba, ganin yanda ya shareta ya sa Imara ta taso ta dawo kan kujerar da ya zauna ta zauna itama tana kallonsa ta ce"ka bani dambuna in ji Jadda"

"Mene haka?"

Kwaɓe fuska ta shiga yi tana shirin fashewa da kuka, rangwashinta ya yi akai ya ce"babu kyau mutum zai saka kaya a dinga zama a ɗakin kin ji ko?" Gyaɗa masa kai tayi jin yanda ya riƙe mata kunnenta. Cikin rawar murya ta ce"ni ka bani dambuna na tafi, bacci nake ji" da hannu ya nuna mata inda ya ajiye robar ta tashi da sauri ta ɗauko sannan ta dawo inda yake zaune. Amsa ya yi ya buɗe ya ɗebo da yatsun hannunsa ya miƙo mata, da idanu kawai Imara ta bi shi bai ce mata komai ba ya girgiza kai ya kai bakinsa, lumshe idanunsa ya yi saboda daɗin da dambun ya yi masa. A nutse ya cigaba da cin abin sa ba ta re da ya sake kallonta ba. Ganin yana shirin cinyewa ya sanya ta jawo masa riga hawaye na zuba akan fuskarta ta ce"ka bani na ci to" kallonta ya yi kawai ya sake ɗiba ya kai bakinsa. Fashewa tayi da kuka ya ɗebo ya zuba mata a baki. Tsit Imara ta yi shiru ta shiga tauna naman, sosai ya yi mata daɗi itama, a haka suka cigaba da ci yana bata a baki saida ya rage sauran kaɗan ta yi saurin karɓe robar tana taunar naman ta ce

"Ni ka bar min wannan, ai ni ce ƙarama"

Harararta ya yi ya karɓe robar ya ce"tashi ki tafi to" kallonsa ta yi kamar ta faɗa masa abin da ke zuciyarta sai kuma kawai ta tashi tayi hanyar waje. Murmushi ya yi ganin ba ta sake magana ba ya miƙe tsaye, taku ɗaya ya ƙaraso inda take ya juyo da fuskarta yana kallonta, sunkuyar da kanta ta yi ya ɗago fuskar yana murmushi ya ce "tafiya babu sallama?"

# *IMARA 💋*

# *Bestnovel*

# *Nanameera*

# *2025*.