33&34

🤍🔥𝗥𝗔𝗪𝗔𝗡𝗜𝗡 👑 𝗭𝗔𝗟𝗜𝗡𝗖𝗜🔥🤍

🔥CROWN OF INJUSTICE🔥

𝗠𝗔𝗟𝗟𝗔𝗞𝗜𝗡

❤️‍🔥FATEEMA ZAHRA MUSA ❤️‍🔥

(❤️A-K-A 𝑷𝑹𝑰𝑵𝑪𝑬𝑺𝑺 𝑻𝑬𝑬𝑴𝑨🔥)

🔥🤍T🔥🤍T🔥🤍W🔥🤍......💻

❤️𝑫𝑨𝑻𝑬 8/8/2024.....✍️📚🌹

For information *** Whatsapp me only!!.

🤍𝑺𝑻𝑬𝑷 1......✍️📚🔥

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ❤️

E____________31🔥

🌼🕊️🌼🕊️🌼🕊️🌼🕊️🌼🕊️🌼🕊️🌼🕊️🌼🕊️

GIDANSU KHADIJAH💔😥

Sai can rana wuraren karfe 2 su Maman Zainab suka dawo daga wajen malamin nasu, gidanta Aunty Hauwa ta wuce, ita kuma Maman Zainab ta nufo nata gidan. Tun da ta kamo hanyar gida take jin gabanta yana faɗuwa, amma bata kawo komai a ranta ba, a duk lokacin da ta tuna alkawarin da wannan malami ko ace bokan ya yi mata na cewa tana komawa gida zata ga result ɗin aikinta, sai ta ji wani sanyi ya ratsa zuciyarta.

Kuɗi raina na dukan naira har naira 200k ta kwasa ta bawa wannan bokan, Aunty Hauwa ce nan ta yi ta zugata a kan ta bada kada ta wani damu tun da buƙatarsu zai biya, da yake tana da kuɗi issassu, da ni da ku duk mun san da cewa baban Zainab dai bai rageta da komai ba, tana samun kuɗi a hannunsa sosai, wani lokaci haka kawai zai dunƙule dubu ɗari ya bata ya ce ko zata yi wani buƙata, to tara kuɗin take yi, dan kunga bata sayan komai a gidan, ko ashana shi yake sayowa dayawa ya ajiye, hakan yasa take da isassun kuɗaɗe a cikin account ɗinta, shiyasa bata nemi ko sisi daga hannunsa ba da zasu je wajen malamin, sai dai single ɗinsa da ta ɗauka da kuma hularsa, dan Aunty Hauwa ta ce mata ta ɗauki wasu daga cikin abubuwan da yake amfani da su, domin bokan nasu zai buƙaci hakan, ita ma haka wai aka yi mata na mijinta, to shi ne yasa ta ɗauki wannan ma.

Ko da ta iso gida cike da murna, ga mamakinta sai ta ga kofar gidan a buɗe sabanin fitarta, ta dai san ta rufe gidan kafin ta fita, kuma lokacin dawowar su Khadija daga school bai yi ba bare ace kawunsu Sadiq ne da ya dawo da su ya buɗe masu gidan, kowa na gidan daga kan Baban Zainab, Haidar, Sadiq duk suna da key ɗin kofar gidan.

Ciro wayarta ta yi ta fara duba time, nan take kirjinta ya fara dukan uku uku na ganin cewa lokacin dawowar su Khadija bai yi ba, to kenan waye ya buɗe gidan? Ta tambayi kanta tambayar da bata da amsarta.

Fargabarta ɗaya kada ace Baban Zainab ne ya yi masu dawowar rana irin na kwanaki biyu da suka wuce, idan kuwa shi ne to fa akwai cakwakiya, dan kuwa zata sha faɗa ba kaɗan ba na fita bada izininsa ba, ya fita kishi sosai, kawai dai kawar da kai wani lokaci yake yi dan a samu zaman lafiya, amma ita nata kishin nafila ne a kan nasa.

Cike da fargabar abin da zata tarar a cikin gidan ta turo kofar ta shigo. Tsoro da mamaki ne suka kara kamata lokacin da ta turo kofar ta ji ko jam lock ba'a sanyawa kofar ta ciki ba. Ta san da cewa tabbas suna sanya jam lock ta ciki, saboda matasan marasa tarbiyar da suka yi yawa a unguwar, ga shaye shaye, kana zaune baka san hawa ba baka san sauƙa ba zasu faɗo maka cikin gida, sun sha sun bugu ba hankali a tattare da su, basu san ma sun faɗo gidan ba, hakan yasa suke rufe kofar duk wanda ya zo sai ya yi knocking azo a buɗe mashi. Amma yau sai ta ji kofar a buɗe, hakan yasa ta kara fargaba da shiga tsoro, sai yanzu ta fara danasanin fita bata tambaye shi ba da ta yi.

Sai kuma yanzu ne abubuwan da suka faru ɗazun ɗin suka fara dawo mata cikin kanta, gabaɗaya sai ta ji jikinta ya saki, duk sai ta ji ta yi nadama kuma ta ji babu daɗi. Kutsawa cikin gidan ta yi tana tafiya kamar wadda kwai ya fashewa a ciki, ita kaɗai tasan me take tunani.

Ƙasa ƙasa ta yi sallama a bakin kofar shiga parlourn. Shiru babu wanda ya amsa mata, cike da fargaba ta sanya hannu ya yaye curtain ɗin kofar.

Kwance yake a saman doguwar sofa mai zaman mutun uku, ya ɗaura hannunsa ɗaya a saman fuskarsa, ɗayan hannun nasa kuma yana riƙe da remote na Tv, ga Tvn yana magana ƙasa ƙasa, sanye yake da brown ɗin jallabiya wadda ta sha guga sosai, har wani kyalli take yi saboda an saba gogeta sosai, ga karin gugan nan a jikinta ya fito ɓaro ɓari, sam ba barci yake yi ba, yana jin sallamar tata, a cikin zuciya ya amsa, magana ne baya son yi mata.

Wani irin dum dum ta ji gabanta ya faɗi, tunani ta fara yi a kan tun yaushe ya dawo? Idan bai jima da dawowa ba in ya tambayeta ina ta je sai ta yi mashi karyar maƙota nan ta shiga, tasan cewa ko gidan Aunty Hauwa bai yarda ta je ba, idan tana son zuwa shi yake kaita da mashin ɗinsa, idan ya kaita kuma zai gaya mata ga time ɗin da zai dawo ya ɗauketa, lokaci na cika kuma ɗan halak zaku ga ya zo ya ɗauketa sun dawo, bata zuwa ko'ina ita kaɗai ko da kanta, saboda yadda ya ɗaukota daga garinsu ya kawota nan garin da bata da kowa sai ƴan uwansa da basu sonta sai kuma Aunty Hauwa, hakan yasa yake kula da ita sosai, saboda ya sauke hakkinta da yake a kansa, akwai shi da ilimin addini sosai, kuma yana aiki da ita, duk wani hakkin mace ya sani, kuma yana ƙoƙari wajen saukewa iya iyawarsa.

Cikin parlourn ta shigo jiki ba kwari, sai faɗuwa gabanta yake yi, tun da ta shigo take binsa da kallo, ko gezau bai yi ba, bai yi kamar ma yasan da mutun ya shigo ba, hakan yasa ta fara jin fargaba da faɗuwar gaba. Room ɗinta ta wuce da sauri dan ta je ta ɓoye abubuwan da bokan ya bata da ta sanya a cikin jakarta.

Tana ajiyewa ta yi maza ta dawo parlourn, da yake bata da gaskiya ko da ta je ajiye jakar sai taga kamar baban Zainab ɗin ya biyo bayanta yana leƙarta, hakan yasa ta yi saurin ajiyewa ta fito, abin ku da bata saba ba, duk sai ta bi ta tsargu tana neman tonawa kanta asiri, ta rasa a ina zata sanya ranta.

Saman sofa mai zaman mutun ɗaya ta zo ta zauna tare da ce mashi sannu da dawowa, tsoro da fargaba yasa ta manta da cewa faɗa suke yi, ta manta da cewa tana fushi da shi bata yi mashi magana.

Yana jinta amma bai amsa ba, ya yi kamar bashi a parlourn, dan iya ɓacin rai ta ɓata mashi rai, tun karfe 11 ya dawo gidan domin ya ɗebe mata kewa, ya dawo ya cigaba da rarrashinta tare da bata hakuri kamar yadda ya saba, amma sai ya zo ya ga bata nan, kuma bata sanar da shi ga in da zata je ba, ya kira numberta a lokacin suna kan dutse babu network, ya gwada numberta ya fi sau hamshin, amma bata shiga, ya kira number Aunty Hauwa ma bata shiga, ya je gidan Aunty Hauwar Khadija kanwar mijin Aunty Hauwar ta ce mashi Aunty Hauwa bata nan tana wajen business ɗinta na yawon bin gidan dillalai, ita kuma maman Zainab bata zo gidan ba, bawan Allah ya shiga damuwa sosai a kan to ina ta je tun da bata je gidan Aunty Hauwa ba? Ya dai san bata san kowa ba, bata kuma zuwa gidansu Haidar, gara ma gidan hajiyarsa wani lokacin yana kaita su kuma dawo a tare, baya yarda ya barta a can, dan yasan hajiyarsa zata takura mata, a tare suke zuwa su gaisheta su kuma dawo a tare.

Bawan Allah nan ya yi tunani sun fi kala ɗari a kan ina taje? Wani zuciya ya rinƙa raya mashi cewa kila ta yi fushi ne ta shiga mota ta koma gidansu, ya kira mamanta cikin hikima ta yadda ba zata yi zargin komai ba ya tambayeta ko ta yi magana da maman Zainab da safe ne? Da maman ta tambayesa lafiya? Sai ya ce lafiya lou kawai dama maman Zainab ɗin ce ta tambayesa a kan zata je gida shi kuma ya hana, shi ne ta ce sai ta gayawa mama, to shi ne ya kira ya ji idan ta kawo kararsa ya bada hakuri. Bawan Allah.

Murmushi kawai mahaifiyar tata ta yi tare da gaya mashi bata kira ta kawo kararsa ba ya kwantar da hankalinsa, rabon ma da su yi waya tun shekaran jiya, hakan yasa ya fahimci lallai ba garinsu ta tafi ba, dan da garinsu ta nufa dole zata sanar da mamarta, ya kira Sadiq da ya baro a kasuwa ya tambayesa ko ta gaya mashi zata je wani waje?.

Mamaki ne sosai ya kama Sadiq ɗin, domin kuwa bai taɓa jin maman Zainab ta fita har baban Zainab ɗin ya nemeta ba, abin ya ɗaure mashi kai, haka dai ya bawa baban Zainab ɗin amsa da a'a ai shi ta kwana biyu ma bata yi mashi magana tun lokacin da suka yi wannan faɗar.

Da okey kawai baban Zainab ɗin ya amsa mashi tare da katse kiran. Yana katse kiran Sadiq ɗin ya hau kiran numberta dan ya ji a ina take? Amma ina number bata shiga, babu network.

Tunani baban Zainab ya fara yi a kan to kodai dama haka take yi kullum ne? Abin ku da shaiɗai ko ya ya samu kofa sai ya cusa maka wani mummunar tunanin, sai ya fara raya mashi cewa ai dama kullum idan ya fita ita ma fita take yi ta tafi yawonta, sai yau ne Allah ya nufa dubunta ya cika ya kamata, wannan tunani shi ne yafi tsaya mashi a ransa sosai, kawai burinsa yanzu ya ji ina take zuwa to?

Kamar zai yi hauka haka ya rinƙa nemanta har wajen karfe 1 na rana, sannan ne ya hakura ya dawo gida ya kwanta, sallar azahar ma yau a gida ya yi, damuwa tasa ya kasa iya zuwa masallaci ya bi jam'i, ya rasa ina zai sanya ransa bawan Allah nan, ta ko'ina ba sauki, ga hajiyarsa a gefe ga kuma maman Haidar, yanzu kuma maman Zainab ta kawo mashi sabuwar bala'i, kunga kuwa ai bai yi laifi ba da ya shareta da ta dawo! Yana ma da ƙoƙarin da kuma hakuri tare da juriya, idan wani namijin ne wlh kina yin sallama zai fara sauke maki buhu buhun masifa a kan gidan uban waye kika je ba tare da izininsa ba? Amma shi sai ya yi shiru yana mai cigaba da haɗiyar bakin cikinsa a ransa, ya yi kamar bai ganta ba, da alama kuma ya yi hakan ne dan baya son ya yi magana da ita cikin fushi da ɓacin rai, yana da ilimi, yasan cewa idan mutun yana cikin fushi ya buɗe bakinsa to tabbas sai ya yi danasani, hakan yasa bai kulata ba, sai ya huce tukun nan.

Ta kai almost 20 mins a zaune a wajen bai ko ɗago idanun ya kalleta ba, idanunsa na a kan Tv kamar mai yin kallo da gaske, alhalin ba wani kallon da yake yi, duniyar tunani ma ya afka, yo bakinciki ma ina zata barshi ya iya yin wani kallo? Ai babu wannan zance kuma.

Da dai taga bashi da niyar kallon in da take ma bare ya yi mata magana sai ta miƙe ta nufi kitchen domin ta girkawa ƴaƴanta abinci sun kusa dawowa daga school. Farar shinkafa ta dafa masu, already tana da miyar steew ɗin da ta yi da safe, so sai ta ɗauko shi ta sake ɗumamawa, ta zubesu a kulolinta kamar yadda ta saba ta kwasa izuwa cikin parlourn.

Tana kokarin shirya abincin su Khadija suka shigo, sun dawo daga school, lemun kankana da abarba ta haɗawa baban Zainab na daban kamar yadda ta saba haɗa mashi, sai dai a yau ta zuba mashi maganin da boka ya bata, tana zuba maganin jikinta na kerma, hannunta na ɓari har ta ɗan zuzzubar da maganin a wajen, abinku da bata saba ba, tana yi tana leƙo wajen kitchen ɗin, dan sai taga kamar baban Zainab ɗin yana yi mata laɓe ne, sai taga kamar ya ganta, duk ta ruɗe zata tonawa kanta da kanta asiri, shi kuwa baban Zainab bawan Allah yana can cikin parlourn suna zuba hira da su Khadija, sai dai daga jin yadda yake magana zaka fahimci kawai ƙaƙalo maganar dan dole yake yi, dan kawai yaga ya kwantarwa da ƴaƴan nasa hankali kuma matsalar da yake a tsakaninsa da mamarsu bata shafesu ba, yana ƙoƙarin yaga bai ɗauko matsalar mamarsu ya shafa masu ba, yasa su rasa farincikinsu da kulawar da suke samu daga garesa a kullum ba.

Bayan ta kammala haɗa mashi lemun ta shirya a saman try ɗin jug ɗin tare da cup's ta ɗauka sai cikin parlourn, sam bata ji tsoron kada su Khadijah su sha ya zamar masu matsala ba, ita dai bukatar ta ya biya taga abubuwa sun dai'dai ta mata kamar da....... Ni kuwa PRINCESS TEEMA na ce ki kauce hanyar Allah kuma ki yi tunanin abubuwa zasu dai'dai tun maki? Lallai kin tabba babban kuskure kuwa, domin wane mutun, babu wanda ya isa ya ga dai'dai idan ya sauƙa daga kan haryar Allah, ai yama kullah da rashin daidai kenan har sai ya tuba, idan kuma bai tuba ba haka zai mutu cikin ƙunci da baƙinciki, ya je lahira kuma ya girbi abin da ya shuka, Allah ka kiyashemu sauƙa daga kan hanyarka, Allah ka tsaremu kaucewa faɗar ma'aiki, ka kare mu daga sauka daga turbar da ma'aikinka ya ɗauramu, duk wuya duk daɗi ya Allah ka tausaya mana ka barmu da imaninmu, ya Allah cikin jarabarwa da zaka yi mana kada ka haɗa mana da raunin imani tare da tawakkali.

Kamar yadda ya saba shan lemun ya kuma ci abincin haka yau ma ya ci ya sha, sai dai fa yau ɗin ya ci ne kawai saboda su Khadija, ba dan haka ba bai da niyar cin girkinta yau, bama yau ba bai da niyar sake cin girkinta har sai ta gaya mashi in da take zuwa, idan ta gaya mashi kuma sai ya bincika yaga da gaske ne ko karya, dan haka kawai ya ji hankalinsa sam yaki ya kwanta.

Bayan sun kammala cin abincin, har da su Khadijah duk sun sha lemun baban nasu, miƙewa ya yi tare da nufar room ɗinsa, ita kuma maman Zainab jiki ba kwari ta zo ta tattare wajen, ta shiga damuwa sosai na ganin yaki ya kulata, har ta yi tunanin ta bisa ɗaki ta bashi hakuri, sai kuma ta sake cewa bari ta barshi tun da ya sha maganin nan, wata kila zai sauko ya zo ya fara yi mata biyayya................ Babbar magana, akwai case kuwa ba karama ba, ga su Khadija ma dai sun sha magani, ko me zai faru? Mu dai je zuwa zamu ga komai dallah dallah, kun san ni dama da iya yi maku komai dallah dallah ta yadda zaku fahimta da kyau da kyau, to mu dai je zuwa, na yi gaba sai kunzo!.

Shirin komawa kasuwa ya je ya yi tare da fitowa, bai yi mata sallama ba ya sa kai ya fice izuwa harabar gidan. Da sauri Zee and Khadijah suka bi bayansa.1k ha ciro daga cikin aljihunsa ya basu a kan su sai wani abin idan sun je islamiya, ya san ba'a rabasu da kayan kwalama.

Sai zuba mashi godiya tare da adduar a dawo lafiya suka rinƙa yi, ita kuwa maman Zainab ta maƙale a windown parlourn tana leƙansu, ji take yi kamar ta je ta bashi hakuri, amma kuma idan ta tuna ya sha magani sai ta ce ina babu wani hakurin da zata bashi, da kansa zai kawo kansa gabanta yana mai ƙasƙantar da kansa a ƙasa, a nan ne zata zuba mulkinta ita kuma. Babbar magana.

Tana ji tana gani ya fice ya tafi kasuwa, su Khadijah kuma suka dawo cikin parlourn, room ɗinsu suka nufa domin su yi wanka tare da ɗauro alwala su yi shirin zuwa Islamiya, dan lokacin sallar la'asar ta kusa, saura kaɗan, suna yin sallah kuma zasu wuce Islamiya.

Ita ma mamar tasu nata room ɗin ta shiga ta kwanta, dan ta huta, duk a gajiye take, dutsen nan da suka hau ya ja mata ciwon kafafu................ Ni kuwa nace har da uban ciwon kafafu ma zai ja maki ai, ai kafafu ma kaɗan ne ba dai saɓon Allah ba?.

Sai da suka kammala shiri cikin uniform ɗin islamiyarsu, sannan suka yi sallar la'asar, dan a lokacin an kira, bayan sun idar da sallar lafiya lou suka zo suka yi mata sallama a kan sun tafi islamiya, kuɗin kayan miya kamar yadda suka saba ta basu su sayo mata a hanya idan suna dawowa, daga haka bata sake yi masu magana ba, suma karɓa kawai suka yi suka wuce abinsu, dan sun san kwana biyun nan fa gidan nasu sai addu'a kawai. Yara masu hankalin manya kenan, kullum cikin yiwa iyayen nasu addu'a suke yi bayin Allan!.

Tamkar Khadija zata dawo ta ce mata an kira sallar la'asar, sai kuma ta fasa saboda kada ta yi mata faɗa ta ce ai ita ba kurma bace tana ji. Haka suka wuce Islamiyarsu, gwanin birgewa idan suna tafiya islamiya, cikin nutsuwa da kwanciyar hankali, kai daga ganinsu kasan tarbiya ta ratsasu sosai.

Maman Zainab kuwa barcinta ta hau yi ba tare da ta yi sallah ba, dan ta ci mugun wuyar hawa dutsen, duk gaɓɓan jikinta ciwo yake yi mata, hakan yasa da ta kwanta ta ƙasa iya tashi, sai kawai ta hau barci ƴar kaniya.

Ɗan tsokaci, saɓon Allah komai ƙankantarsa yana mugu mugun nesanta bawa da Ubangiji tare da raba shi da imani, barema saɓon Allah mafi girma wato shirka, haɗa Allah da wani kenan, kun dai san maman Zainab tana da ƙoƙari wajen yin ibada, amma da yake ta saɓawa Allah kunga har abin ya fara shafar ibadarta, ko a jikinta ta kwanta tana barci lokacin sallah, to haka saɓawa Allah yake, kishiyoyi ne da rabaka da Ubangiji, daga nan kuma zaka ga komai yana taɓarɓare maka, please ƴan uwana mata, zan yi amfani da wannan dama na ja hankulanku sosai, duniya dai ba matabbata bane, kwana nawa ya rage? Lahira ita ce madauwamiya, kada ki je garin neman duniya ki ɓata lahirarki wadda kuma ita ce madauwamiya, duniya tamkar kasuwa muka zo ci mu koma gidan gaskiya, duk daɗi duk wuya kada ki taɓa yarda ki rasa lahira, gara maki ki rayu cikin ƙunci na tsawon rayuwarki da ki lalata lahirarki, Allah ka karemu da kariyarka, ka shiga cikin lamuranmu, ka dafawa musulmi da musulunci, ka kara ɗaukaka musulunci da musulmai bakiɗaya, ya Allah ka jikanmu, ka tausaya mana, kai mana rahmarka, dama kai arrahman ne kuma arrahim, ka gafarta mana, dama kai algaffar ne, mai gafartawa bayinsa a duk lokacin da suka ƙasƙantar da kai suka nemi afuwa, ya Allah ka kawo mana zaman lafiya a duk in da muke. Ku ce amin a cikin zuciya!.

Bari mu leƙa wani wajen, wata kila kafin mu dawo baban Zainab ya dawo mu ga result ɗin maganin bokan ya ake ciki?!.

🕊️🌼🕊️🌼🕊️🌼🕊️🌼🕊️🌼🕊️🌼🕊️🌼🕊️

🏞️FOREST🏞️🌼

After some days. A cikin ƴan kwanakin nan da suka suɗe, Kamran sun yi muguwar sabo da su Pretty, kullum yana zuwa kamar yadda ya saba, har yau kuma ya kasa iya tambayar mammarsa menene aure, tun da ya tambayeta menene Alhdulillah ta ɓata rai sosai kamar zata maresa, ta kuma tsare shi a kan dole sai ya gaya mata a ina ya jiyo wannan kalmar ta Alhdulillah? Da kyar ya iya shawo kanta ya gaya mata cewa wasu maharba ne suna wucewa ya ji suna faɗin Alhdulillah, shi ne yake son sanin ma'anarta, warning ta yi mashi sosai a kan babu ruwansa da jin abubuwan da mutane masu wucewa zasu faɗa, a wannan rana dai sam bai je wajen su Pretty ba, saboda mamma ta yi mugun ɗaukar zafi na jin kalmar Alhdulillah ta fito daga bakinsa, hakan yasa ni PRINCESS TEEMA na kara sakawa mamma ayar tambaya a kai, duk yadda aka yi tana da sani a kan addinai ba iya musulunci kawai ba, tana da sani sosai a kan har sauran addinan, dole akwai wani abin da yasa ta ce ita bata yarda da addini bama kwata kwata, ita bata da addini, yadda ta ɗauki zafi daga jin kalmar Alhdulillah ya nuna tasan ma'anar kalmar.

Shi kuwa Kamran a bakin su Pretty yake yawan jin wannan kalma ta Alhdulillah, sai ya yi gangancin tambayar mamarsa bai tambayi su Pretty ɗin ba, tun da yaga ta ɗauki zafi sosai haka sai ya ji tsoron yi mata tambaya a kan menene aure, dan gudun kada ya zamana shi ma auren wata magana ce babba da zai ja mashi a rabashi da su Pretty, duk abin da zai sanya a rabasu baya kaunar ko jin makamancinsa, dan sun zama wani ɓari na rayuwarsa, wani abu guda ɗaya da ya lura da shi shi ne, duk wani abin da zai fito daga wajensu Pretty yana cin karo da ra'ayin mammarsa, ma'ana zaka tarar da Mammarsa ta tsani jin makamancin wannan abin, abin har ya fara bashi mamaki yana kuma ɗaure mashi kai sosai, hakan yasa ya fara zargin lallai Mammarsa tana da sani a kan irin wannan addini nasu su Pretty, sai dai ya barwa zuciyarsa wannan tunani, saboda baya son ya ɓallo ruwan da zai rabashi da sanyin idaniyarsa wato su Pretty, ga shi mum ɗinsu ta bashi amanarsu, ai kunga nauyi ya karun masa a ka, dole ya zage dantse wajen kula da su.

A ƴan kwanakin nan da suka shuɗe sun yi muguwar sabo da shi na ƙin karawa, har ta kai ta kawo yanzu sai ya zo suke cin abinci a tare, suna fita waje filin ƙoramar nan su yi ta wasa, a yanzu yana koyawa Pretty harbi da kifiya, sakamakon ya rage jin feeling da yake yi, hakan kuma ya samo asaline saboda maganin da mammarsa take basa ba tare da saninsa ba, so yanzu idan ya taɓa Pretty baya jin abin sosai.

Yanzu ya koya mata busar wannan sarewar tasa da yake kyarawa da abin ayaba, ya koyawa Sweetie ma, idan suka zauna a wajen ƙoramar nan yana koyawa Pretty harbi da kifiya ita kuma Sweetie tana yi masu busa mai daɗi, abin gwanin birgewa, wani lokaci ya goyi Pretty su hau saman bishiya su ciro mangoro, Sweetie tana ƙasa tana yi masu busa, sai dai su ciro su zo su wanke mata su bata ta sha.

Sai dai fa har yau har gobe Pretty dai taki yarda da Rocky, taki yarda su zama abokai, ta ce babu wannan magana, kowa ya tsaya a matsayinsa, Kamran dai bashi da zaɓin da ya wuce ya yi masu iyaka idan yana son zaman lafiya, baya yarda ya bar Rocky ya taɓata, dan yana taɓata zata haukace masu ne a wajen.

Taƙa tsantsan sosai Kamran yake yi wajen zuwa wajen nasu, dan kada Mamma ta gane shi. A yanzu warriors ɗin nan sun ɗan rage shigowa cikin wannan dajin, yau tsawon kwanaki biyar kenan Kamran bai haɗu da ko mai kama da su ba. Gawarwakin warriors ɗin da wannan jarumin sadaukin mutumin ya kashe su ma duk Kamran ɗin ya jefasu cikin ruwan dake gudu har izuwa wajen babban teku ruwan ya tafi da su.

🕊️🌼🕊️🌼🕊️🌼🕊️🌼🕊️🌼🕊️🌼🕊️🌼🕊️

Gari ya yi sanyi, rana ta yi yamma ta kusa faɗuwa, inuwa ta sauko a dajin, ƴelwar ni'imar iska tana kaɗawa a ko'ina, iska ce mai matuƙar daɗi da ratsa jiki, dogayen bishiyoyin sai kaɗawa suke yi, ba iska bace ta ruwan sama, ba kuma iska bace ta hunturu, iskace ta bishiyoyi suke kaɗawa, yanayin gari ya yi matuƙar daɗi musamman ace ga masoya, dajin ta yi shiru sai sautin kukan tsuntsaye ne yake tashi da kuma sautin zubar ruwan koramu, gari babu hadari.

Rocky yana kwance a kasar wata jibgegiyar bishiyar ɗorawa da take a kusa da ƙoramar wajen su Pretty, da alama ma barci yake yi. Sweetie tana zaune a kusa da shi, kasancewar bata gani baiwar Allah bata san a kusa da ita Rocky yake kwance ba, kayan marmari ne a gabanta take sha cikin nutsuwa.

Su kuma sarakan suna saman dutse, Kamran yana zaune ya miƙe kafafu ruwan koramar tana sauƙa a saman kafafun nasa, ita kuma Pretty tana zaune a ta gabansa, sai dai ta bashi baya ta ɗan kwanto a jikinsa, ita ma ta miƙe waƴan nan ƴan guntayen kafafun nata, ko wajen ƙoramar kafafun basu iya kaiwa ba saɓanin nasa da yake cikin ruwa tsulumdum, sai takura mashi take yi a kan su matso baki bakin dutsen dan ita ma kafarta ya shiga cikin ruwan. Shi kuwa ya ce ai ita gajera ce ko sun matso kafafun nata ba zasu iya taɓa ruwan ba, ta bari sai ta zama babba kamar shi.

Mai hali dai baya fasawa shi ne ta sa mashi kuka tare da miƙewa tsaye wai zata faɗa cikin ruwan mai gabaɗaya.

Jawota ya yi ta zauna, dukkansu biyu hannunsu na rike da abin busar suna busawa ne dama, sun yi harbi da kifiya har sun gaji ne suka koma yin busa.

"Kai our Pretty kin iya rigima fa". Ya faɗa yana jan hancinta.

"Ba wani rigima, ni ka matso nima kafata ta rinƙa taɓa ruwa".

"Sai ki yi mun busar da ta fi ta jiya daɗi zan matso". Ya yi maganar yana tattare mata gashin kanta da iska ke kaɗata tana rufe mashi fuska.

"Idan na yi maka zaka goyani mu hau kan Giwa?".

Ƙulle mata gashin nata ya yi yana faɗin. "E amma ai ba yau bako? Dan yau ba zamu je wajen giwayen can ba, kinga lokacin komawata gida ta kusa".

Turo baki ta yi kafin ta ce. "To ba kai ne ka je ka jima wajen cirowa Sweetie fruit ba? Ni Allah ba zan yarda ba sai mun sake zuwa wajen, akwai daɗi hawa bayan giwa......"

Tarar numfashinta ya yi da cewa. "Akwai daɗi kuma kike yi mana ihu? Jiya duk kin yagushe mun wuya da waɗan nan faratunan hannun naki, duk saboda tsoron giwa, kin wani ƙanƙameni kamar idan zasu cinyeki ba zasu haɗa da ni ɗin dukka su cinye ba, kin sa na koma mamma tana tambayata me ya jimun ciwo, sai da na ce mata mage ne ta yakusheni". Ƙasa ƙasa sosai ya yi maganar kamar mai raɗa.

Sweetie dake shan fruits ɗinta ne ta amsa zancen da cewa. "Ai ba zaka kara kaita ba Kamran, jiya da daddare muna barci sai ta yi ta kurma ihu cikin tsakiyar dare wai ga giwa ya buɗe baki zai cinyeta na ceceta, sai da na rinƙa tofa mata addu'oi sosai kafin na samu ta yi barci".

A hanzarce Prettyn ta ce. "To waye ya ce ki gaya mashi? Ya tambayeki ne? Ni ba wani ihun da na yi, sharri ne kawai dan baki son a kaini, kuma sai ya kaini ɗin".

Shi dai dariya suke bashi idan suka fara wannan diramar tasu, ita Pretty bata son ace ta gaza a kan wani abin, ta fi son ace ta iya komai, ita kuma Sweetie sai iya faɗar gaskiya bata rufawa Prettyn asiri......... 😅

"Nikam Kamran ka kammala karanta littafin da mum ta baka ɗin ne?". Sweetie ta tambaya, dan a cewarta ba zata biyewa Pretty ba, haka dama take yi kullum, bata biyewa Prettyn.

"No na dai fara karantawa, amma ban samun ishasshen lokaci sosai ba, ni kai'na ina son na kammala karantawa, a ƙage nake da na karanta, dan naga duk wani abin da ta bar mun a cikin saƙo kama daga waɗan nan ring ɗin da komai da komai akwai labarinsu a cikin littafin, shiyasa nake son karantawa na ji me zan yi mata da su, amma da na fara marantawa ne sai Mammata ta zo, bana son kuma taga littafin da kuma kayan, shiyasa sai na ɓoye, bana samun lokaci a gida na karanta, a waje kuma ina tare da ku, da daddare kuma ban isa in kunna wuta a ɗaki na ce zan yi karatu ba, mamma zata ce me nake yi ban yi barci ba, amma soon zan karanta". Yana magana yana ta murɗawa Pretty kyakkyawar dark black curly hairnta. Ita kuma ta wani kwanta mashi a jiki sarkin son jiki.

Sweetie tana ƙoƙarin yin magana Prettyn ta rigata da cewa. "Ni Kamran ka matso bakin dutsen nan please, ina son kafata ta taɓa ruwa, kuma gobe zaka kaini wajen Giwa, Allah Sweetie babu ruwanki, tun da ke kin ce ba zaki je ba ai sai ki barni ya yi ta kaini yawo nikam".

Dogon hancinta ya ɗan ja tare da faɗin. "Ki yi ta wahalar da ni ina goyaki ko? Saboda tsoro sai ki ce ba zaki tafi da kafafunki ba, kisa na goyaki duk na gaji".

Sweetie ce ta ce. "Katuwa da ita zata yi ta karya maka baya ko ta saka ka ciwon kwankwaso ba?".

"Allah Sweetie bana so, babu ruwanki da ni, ni ƴar karama da ni ɗin ne zaki ce zan karya mashi baya? To ni yaushe ma nake da ƙiba? Baki fini girma bane? Kin fini ai, kuma a haka shekaran jiya ya goyaki muka tsallake duwatsun can, ke baki ɓalla mashi baya ba sai ni? Kamran kada ka kulata sharri take yi mun ko? Ina bani da nauyi?".

Yadda ta yi maganar gwanin ban dariya, irin ita ma wai zata yi mashi wayon nan ta saka mashi magana a baki.

Shiru ya yi bai amsa masu ba, dan yanzu idan ya amsa da cewa tana da nauyi Sweetie zata ji daɗi, ita kuma Pretty ba sai na faɗa ba kunsan kuka zata yi mashi ance tana da nauyi, idan kuma ya amsa bata da nauyi, to Prettyn zata yi dariya har ma ta yi wa Sweetie gwalo, ita kuma Sweetie bara ta ji daɗi ba ga watsa mata ƙasa a ido, dan haka sai ya yi shiru ya kyalesu, haka suke yi mashi wani lokaci, sai su saka shi a tsakiya ya rasa bayan waye zai bi bawan Allah. Idan ya bi bayan wannan, sai wannan ta yi fushi, idan ya bi na wannan, wannan ta yi kuka, shirun dai shi ne mafita a gare shi!.

Rayuwarsu gwanin birgewa sosai da sosai, sai sun baka sha'awa idan ka gansu, sun ɗauki Kamran tamkar ɗan uwansu na jini, shi ma duk da yana jin son Pretty a ransa sosai da sosai baya taɓa yarda ya nuna masu banbanci, ya fi nunawa Sweetie ma kulawa, saboda akwai ranar da ta ce mashi Kamran saboda bani da ido bana gani ne yasa baka hira da ni sai Pretty kawai ko? Wannan maganar tata ta taɓa mashi zuciya sosai da sosai, hakan yasa ya ɗaura ɗamarar koyan zama dasu su dukka ba tare da nuna masu wani babanci ba, sai ma ya fi bawa Sweetie kulawa dan kada ta ji babu daɗi ta ji kamar cewa ita ba mutun bace dan bata da ido, yana janta a jiki sosai yanzu.

Ita kuwa Pretty ta daban ce a cikin zuciyarsa, yana bala'in kaunarta, kome ta yi kyau take yi mashi, amma kuma abin da bai sani ba shi ne Sweetie ce take son shi ba Pretty ba, ita Pretty da kauɗi ya yi mata yawa a kai ina ma take wani bi ta kansa sosai, ta dai shaƙu da shi fiye da Sweetien, tana kuma kaunarsa a matsayin ɗan uwa da suka ɗaukesa, bayan haka babu wani abin, amma watakila a gaba zata iya fahimtar tana son shi. Akwai cakwakiya sosai kam, domin ita Sweetie da iya gaskiyarta take son shi, bata san ya kamaninsa yake ba, amma zuciyarta ta kamu da kaunarsa, wannan ita ce ma kauna ta gaskiya duk da ita ma bata san me kaunar ba a yanzu, saboda ƙananun shekarunsu.

Hmmm akwai case ba kaɗan ba, mum ɗinsu ma auren Pretty ta bashi bana Sweetie ba, Allah sarki baiwar Allah ga cutar makanta gana soyayya, to Allah ya baki ikon cin jarabawarki. Bari mu leƙa DUBAI mu dawo.

🌼DUBAI🌼

🤍KADA KU MANTA WANNAN DADDAƊAR LABARIN DAGA ALKALAMIN FATEEMA ZAHRA MUSA A-K-A PRINCESS TEEMA TAKU TA AMANA YAKE🔥💘

Share fisabilillahi 👏

ALLAH KA KARA MANA SON MANZON ALLAH 🔥🤍

🤍🔥𝗥𝗔𝗪𝗔𝗡𝗜𝗡 👑 𝗭𝗔𝗟𝗜𝗡𝗖𝗜🔥🤍

🔥CROWN OF INJUSTICE🔥

𝗠𝗔𝗟𝗟𝗔𝗞𝗜𝗡

❤️‍🔥FATEEMA ZAHRA MUSA ❤️‍🔥

(❤️A-K-A 𝑷𝑹𝑰𝑵𝑪𝑬𝑺𝑺 𝑻𝑬𝑬𝑴𝑨🔥)

🔥🤍T🔥🤍T🔥🤍W🔥🤍......💻

❤️𝑫𝑨𝑻𝑬 9/8/2024.....✍️📚🌹

For information *** Whatsapp me only!!.

🤍𝑺𝑻𝑬𝑷 1......✍️📚🔥

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ❤️

E____________32🔥

🕊️🌼🕊️🌼🕊️🌼🕊️🌼🕊️🌼🕊️🌼🕊️🌼🕊️

🌼DUBAI🌼

After some days.🕊️

LEESHARH🌼

Kwance take a saman bed ɗin nata, idan ka kalleta zaka yi zaton ba ita bace, ta goge ta yi wani kyau da ita, dattin gidan AAJ duk ya fita, ta ɗan yi dumurmur da ita, alamar ta samu huta da kula, ba karya suna kula da ita sosai, dan a halin yanzu ita ce kawai hope ɗinsu, ita ce zata biya masu buƙatarsu da suke ƴinwace wajen nema, kula da ita sosai suke yi tamkar kwai a saman bajajjen plate.

Mayuka da sabulan gyaran jiki kala kala masu kyau da tsada suka saya mata take amfani da su, wannan mata dai ta zage sai koya mata aikin take yi kamar yadda suka gaya mata.

Sai dai kuma har yau bata iya samun damar ganin ko face ɗin mutun ɗaya daga cikin gidan ba, ta yi iya ka baƙin ƙoƙarinta wajen ta samu ta ga face ɗinsu, amma abin ya ci tura. Daga harshe dai sai ta hakura ta fawwalawa Allah komai... Hmmm ga shi ita da kanta bata san a wani location wannan gida yake ba, an dai keto da ita cikin unguwa, ga gidajen da yake a unguwar duk ginin iri guda ne, in fact bama ta san wace unguwar bace ba, bata san komai dan gane da su ba.

Duk nacinta da yadda ta so ta iya sanin wani abin a dangane da su to fa hakura ta yi, domin ance duk wanda ya rigaka kwana to zai rigaka tashi, wannan haka yake, sun ko fita wayo, idan juranta sammako to su a tafe suka kwana, sun ki yarda su bata wani dama, a shirye suka tsab kafin su fara duk abin da za su yi.

Ta kwanta shiru tana tunanin duniya, mahaifinta ne kawai a cikin ranta, ta ƙurawa sama idanu kamar wata mai kallon wani abin, dama kun san akwai ta da ido kam, tafi kowa manyan idanu a gidan AAJ.

Wani irin jiniya ne ya karaɗe gabaɗaya unguwar ta su, jiga jigan motoci ne suka saki jiniya tun daga nesa da wannan gida, ya karaɗe ko'ina, tun da Leesharh ta zo wannan gida bata taɓa jin jiniya makamancin hakan ba, wani lokaci jefi jefi tana jin karar jiniyar motar ƴan'sanda ya wuce, da yake unguwa ce ta manya, akwai irinsu ƴan majalisu, ciyamomi da sauransu, hakan yasa wani lokaci motocin ƴan'sanda da sojoji suke giftawa tare da motar wani ɗan majalisa, to amma na yau jiniyar ta daban ce, domin ta karaɗe ko'ina a faɗin unguwar, daga ji kasan wasu manyan shegu ne suka dimfari arear.

Kamar wadda aka tsira ta miƙe zaune a tsakiyar bed ɗin, tunani ta fara yi akan wannan jiniya kuma na menene? Waye ne kuma ya zo?.

Bata ankara ba sai jin jiniyar ta yi har tsakar kanta kamar zasu tashi gidan nasu, alama ce ta motocin cikin wanna gida suka shigo.

Ai a dubu ɗari ta diro kasa daga saman bed ɗin, da gudu ta nufi wajen window dan taga wanene? Sai addu'a take yi Ubangiji Allah yasa su basu rufe face ɗinsu ba, ta samu dai taga koda mutun ɗaya ne, dan tasan ya kamanin ƴan gidan yake.

Jikinta na kerma ta ɓalle labulen window, har tana ƙoƙarin faɗuwa saboda sauri. Kurawa parking space ɗin gidan idanu ta yi kamar idanun nata zasu faɗi ƙasa. Danƙara danƙarar motoci masu numfashi har guda goma ne suka keto cikin wannan gida, kai daga ganin motocin kasan na manyan shaggu ne, sun haɗu iya haɗuwa, ga motar polices biyu a baya ɗaya a gaban jerin gwanon motocin nasu.

Gabaɗaya bodyguards ne a cikin motocin da suka kasance launinsu bakake, mota ɗaya ce ta kasance launinta fari a cikinsu, mamallakin wannan mota kuma bai fito ba, bodyguards ne kawai suka firfito tare da tsaitsayawa a gefe da gefen motocin, ƴan'sanda kuma suka diro ƙasa daga saman bayan motocinsu hannayensu a riƙe da wasu shegun bindigu waɗan da basa saɓa saiti.

Daga bodyguards ɗin har ƴan'sanda dukka akwai face mask a face ɗinsu, su bodyguards ɗin ma sun kara da black glass a idanunsu, jiga jigai ne bodyguards ɗin, suna ji da ƙoshi da lafiya.

Ƙara kura masu idanu sosai Leesharh ta yi tana jiran taga wanenen mamallakin wannan luxurious white car ɗin, ga shi bodyguards sun buɗe mashi kofar motar amma shiru bai fito ba, yana zaune a ciki.

Ji Leesharh take yi tamkar ta fita ta je ta janyoshi ya fito daga cikin motar koma wanene ta gansa. Amma ina ba hali, dole ta yi jira sai lokacin da aka ga damar fitowa.

An ɗauki a kallah tsawon good 10 mins kafin nan ya sako kyawawan kafafunsa waje, wadda yake sanye cikin wani haɗaɗɗen black booth mai matuƙar kyau da tsada, kai daga ganin wannan shoe ɗin kasan bana ƙananan kai bane.

Ko da ya sanya kafafun nasa waje ma sai da ya ɗan ɗauki 2 mins kafin ya fito waje mai gabaɗaya, nan take bodyguards ɗin suka fara sara mashi.

Matashei ne mai ji da lafiya, cikakken namiji ne wanda a kallah zai iya kai 27 years a duniya, sanye yake da ƙananan kaya, wandon jeans dark ash and white polo shirts, arab hairnsa yana kwance har wajajen bayan wuyansa, ya gyara gashin nasa sosai da sosai, farin balarabe ne tas da shi, kyakkyawa ne ajin farko, duk da kansa a sunkuye yana kallon ƙasa hakan ba zai iya hana ka gane kyakkyawan gaske bane.

Hannunsa ɗaya na ɗaure da wani dankareran diamond watch, ɗayan hannunsa kuma babu komai yana riƙe da wayarsa, arab skin ɗinsa sai sheki yake yi, ya ji hutu har ya gaji. Daga yanayinsa zaka fahimci jininsa a tafashe yake.

Cikin tafasar jini ya taku ya nufi cikin gidan kai tsaye, Leesharh bata samu damar ganin face ɗinsa da kyau sosai ba, amma dai tabbas ta gansa, saboda bai rufe face ɗinsa da komai ba, da alama ba ɗan gidan bane, duba da rashin amfani da face mask da ya yi kamar yadda su suke yi.

Wani irin ajiyar zuciya ta sauke tare da ƙara mannewa da jikin windown tana tunanin to wanenen kuma wannan haɗaɗɗen guy ɗin?

Kamar saukar aradu daga bayanta ta ji an ce. "What are you doing there?".

A razane ta juyo da kallonta kirjinta na dukan uku uku. Wannan mata ce mai koya mata aiki, ita ce ta jefo mata wannan tambaya.

Ƴan kame kame ta fara yi na rashin gaskiya tana zaro waɗan nan idanun nata kamar ball ɗin mota, cikin rawar murya ta amsa da nothing tare da sakin labulen window ta bar wajen. Da kallo ta cikin nikaf matar ta bita da shi har ta isa saman bed ɗinta, sumui sumui kamar munafuka da asirinta ya tonu aka kamata tana munafurci haka ta haye saman bed ɗinta ta takure waje guda.

Wucewa wannan matar ta yi ta nufi cikin toilet ba tare da ta sake yi mata magana ba. Shiru Leesharh ta yi tana binta da kallo, ita ta kasa iya gane halin wannan mata, yau ka ganta kamar mutuniyar kirki, gobe kuma sai kaga wlh ta ma fi shaiɗan iya shaiɗanci, ga bakin hali, mugunta da rashin son magana, idan ka yi mata magana ko ka tambayeta wani abin, sai dai ta nuna maka da hannu ko ta ɗaga maka kai, amma ba zaka ji tana magana ba, sai ayi magana goma bata amsa ɗaya da muryarta ba, sai dai da hannu ko kai kamar ƙadangaruwa, yadda kuka san mai ciwon baki.

Jim kaɗan ta fito daga cikin toilet ɗin ta nufi kofar fita. Ko sanu bata sake cewa Leesharh ba, dama ita kuma Leesharh ba magana take yi mata ba, a haka suke rayuwa a cikin wannan ɗaki, sai dai fa ba'a nan matar take kwana ba, da dare ya yi zata bar ɗakin, ba zaka sake ganinta ba sai gobe da safe, tun abin yana bawa Leesharh mamaki har ya dai'na, yanzu ita ta riga ta saba da ahalin wannan gida.

Matar na fita ba'afi da minti biyu ba sai ga wannan matashiyar matar ta shigo cikin room ɗin bakinta a ɗauke da sallama. Amsa mata sallamar Leesharh ta yi tare da ɗan sakin fuskarta kaɗan, domin sun saba da wannan mata, ita kaɗai ce Leesharh take ganin ta Allah a gidan, ita kaɗai ce mai yi mata magana mai daɗi, ƙananun shekarunta yasa ta kasa iya banbanci kalaman soyayya da kuma kalman yaudara, ita dai a ganinta wannan matashiyar matar tana sonta tsakani da Allah..... Hmm yaro yaro ne bai san wuta ba sai ya taka. Wannan hali na matar shi ake kira da makirci kuma kisan karkashin ƙasa or mummuƙe! Leesharh dai bata gane ba, bata san suwa ye ake cewa makiran mutane ba.

A bakin bed ɗin wannan mata ta zauna, cikin nutsuwa ta ce. "Leesharh gobe za'a kaiki gidan Abu Abdussalam bin Badeen, ki tsaya sosai ki jajirce ki yi aikinki, ki mai da hankali ki yi abu da wuri dan ki samu ki je wajen babanki ku koma ƙasarku, kada ki yi wasa, kin dai ɗauki duk abin da aka koya maki ba?".

Kai ta gyaɗa mata kamar kan ƙadangaruwa alamar e ta ɗauki komai.

"Good girl, to kada ki yi wasa kin ji? Ga wannan wayar idan kin je ki tabbatar kin ɓoyeta kada kowa ya gani, zan kara jan kunnenki Leesharh, ban yarda ki yi hira da ma'aikatan gidan ba bare har ki je kiyi suɓutar baki ki saki layi ki sanar da su abin da ya kaiki, nasan ma'aikatan gidan ba kakanun masu ilimi bane, wasu ma zasu yi maki dabara su bugi ruwan cikinki, kin dai ji abin da mai koya maki aikin nan ta ce ko? Kada ki yarda ki saki baki kiyi hira da wata, idan ya wuce gaisuwa ina wuni shikenan kada ki kara kada ki rage, sannan bayan Ramish ban aminta da ki kula kowa a cikin gidan ba, shi kaɗai zaki sakawa ido, kibi a hankali".

Ta kai karshen maganar tana kallon Leesharh har cikin ido.

"Aunty zan yi duk abin da kika ce da kuma abin da kuka koya mun In Sha Allah, amma Aunty ya za'ayi na gane wanene Ramish ɗin? Sannan kuma a wajensa zan yi aiki ne?". Ta yi tambayar cike da fargaba, tsoro take yi kada Aunty tata ta ce mata ta cika tambaya sosai.

Shiru matar ta ɗan yi kafin ta ce. "Ramish! Ramish! Ramish, kina ganinsa a jikinki zaki ji cewa shi ne, domin shi ɗin ganinsa ba kowace zuciya take iya ɗauka ba, amma dai zan turo maki hotonsa ki gani a cikin wayar, ki kula sosai, and yana da wasu kanne da ba zasu wuce mate ɗinki a shekaru ba, i think ba zasu wuce 13 years ba, kin ma fisu shekaru, they're twins, (Obaid and Omaid) and they're very very stubborn, basu cika zuwa gidan ba, amma na tabbata duk ranar da suka je idan kika yi wargi kaɗan zasu iya gano cewa ke ƴar leƙen asiri ce ko kuma akwai abin da ya kawoki gidan, because they're very very talented and suna da sharp brain fiye da tunaninki, kamar aljanu haka suke, ki kula sosai, idan sun zo gidan kada ki yarda ki yi wani kwakkwaran motsi, idan da dama ma kada ki bari ku haɗu da su kin ji?".

"To Aunty amma ta yaya zan gane sune har na guji haɗuwa da su ni da ban sansu ba?".

"Ai waɗan nan twins ɗin idan suka je gidan dole ma kisan sun je, saboda kamar yadda na gaya maki yadda kika san aljanu haka suke, kuma kowa a gidan sonsu yake yi, har shi kansa mai girma Abu Abdussalam bin Badeen kaunarsu yake yi, idan suka ce zasu je gidan ma har wani shagalin murna ƴaƴan Abu Abdussalam suke haɗawa, dan suna kaunarsu, ai zaki gani idan kika je, yawanci weekend ne suke zuwa gidan su ɗan yi hutu, kwana biyu kawai suke yi a gidan Saturday and Sunday, amma wlh sai ki rantse da Allah wani shugaban ne yaje gidan, saboda kauna da ake nuna masu, ke dai ki kula dasu, dan sun fi bala'i iya bala'i, makirai ne na karshe!".

(Yo ai dole ayi mata kashedi a kan Obaid and Omaid 😅 hmmm yaranda kamar ba mutane ba, anya Momma lafiya aka bar maki ƴaƴan nan naki kuwa?🤔 Na fara tantanma, dan sun fita zakka a cikin ƴan uwansu, ai kuwa Leesharh tana yin wani wargi zasu kamata waɗan nan yara, da kuwa sunanta sorry wlh baiwar Allah)

Da okey ta amsa mata, saboda a yanzu an koya mata dabaru kala kala. Ji take yi kamar ta tambayi Auntyn nata wanene wanda ya zo yanzun nan? Sai kuma ta basar da maganar gudun kada ta jama kanta wani abin.

Miƙa mata dalleliyar wayar hannunta matar ta yi, waya ce mai tsada ga kyau, sannan ta miƙe ta nufi waje tana gaya mata cewa mai koya mata aiki ta tafi, aikinta ya kare yau.

Haka kawai Leesharh ta tsinci kanta da jin faɗuwar gaba a lokacin da ta ji zancen mai aikin..... Ni kaina na ji wannan faɗuwar gabar, fatana dai shi ne Allah yasa ba kashe mai aikin zasu yi ba, dan sun ce babu mai jin sirrinsu kuma ya rayu, kunga kuma ita mai aikin ai ta ji sirrinsu, dan sai da suka gaya mata abin da zata koyar da Leesharh ɗin, to Allah dai ya nuna mana lokaci ya kai mu mu ji komai a tare.

Zubawa wayar idanu sosai Leesharh ta yi tana kallonsa, a cikin wannan sati biyu da suka yi an koya mata yin amfani da waya, sai dai abin da bata sani ba shi ne an saka mata abubuwa biyu zuwa uku a cikin waya. Na farko an saka mata na'urar bi diddigi a cikin wayar, na biyu ansaka mata abin sauraren magana, matuƙar wayar tana kunne ta yi magana a kusa da wayar to waɗan da suka bata wayar suna sauraren duk abin da zata faɗa, abu na uku kuma shi ne anyi setting na wayar ta yadda duk wanda ta ki zasu sani. Hmmm wlh akwai cakwakiya ba kaɗan ba a wannan part ɗin. Duk Leesharh bata san da waɗan nan abubuwa da suka sanya mata ba fa tab! Waya sani ma kila akwai wasu abubuwan da basu bari muma mun sani ba.

Yanzu ita Leesharh duk bama wannan bace a gabanta, face ɗin wannan mutumi da ya shigo a yanzu take son ta sake gani, tana son sanin wanenen shi? Ko ba komai yau karo na farko ta ɗan ga face ɗin wani a cikin gidan, duk da tasan tabbas ba ɗan gidan bane, dan a yanayin yadda ya shigo ya nuna cewa koma wanenen ya fi ƴan gidan nan kuɗi da ji da isa, saboda idan ka lura da irin kallon da yake yi wa gidan, kallo ne na raini da kuma ƙasƙanci, kuma fuskarsa ta nuna kamar dole aka yi mashi zuwa wannan gida ba da son ransa ba, sannan idan ka kalli yanayin motocin da suka rako shi da masu tsaronsa, haɗe da motocin ƴan'sanda har guda uku zai nuna maka ba ƙaramin mutun bane, ya fisu komai da komai, kuma yana bala'in ji da kansa sosai, duba da yadda ya shanya waɗan nan shirga shirgan bodyguards ɗin suna a tsaye suna jiransa tsawon lokaci yana cikin mota, sai lokacin da ya ga dama ya fito, ko mutun ɗaya daga cikin waɗan nan ƴan'sanda da bodyguards ɗin babu wanda ya nuna alamar ya ji wani abin, alamu sun nuna cewa lallai ba yau bane farau, halinsa ne shanya mutane suna jiransa, sai dai a jirasa amma shi baya jira.

Sosai Leesharh tasa ƙwaƙwalwarta a cikin tunanin tana ƙoƙarin haɗa abin da tasan sam ba zai yi wu ba, dan wannan matashi shi ne kawai ta kalli face ɗinsa a cikinsu, shi ma ba sosai ba, ba lallai ma idan ta sake ganinsa a wani waje ta ganesa ba, amma ta dage tana ta ƙoƙarin haɗa idanun ƴan gidan, ita a yanzu da idanu da kuma murya take son ta gwada iya gane su wanene su, shiyasa take ta ƙoƙarin haɗa idanun wannan guy da bata gani da kyau ba da kuma idanun wannan matashiyar mata tare da mamarta, dan ta gane shin wannan matashi yana da alaƙa ta jini da su ko kuma bashi da shi? Leesharh kenan, akwai ƙwaƙwalwa, wani lokaci kuma akwai iya shirme da shiririta, ga yarinta da yake ratsowa ta cikin ƙwaƙwalwar tata.

Ta jima tana kallon wayar da aka bata ba tare da ta shiga cikin wayar ba, bata ma sha'awar shiga cikin wayar, saboda tasan babu komai a ciki.

Sai hidima take ji ana ta famar yi a cikin gidan, amma ita babu halin ta fita taga me ake yi, dan idan bada izinin wannan hajiya ba ko kofar ɗakin bata leƙawa baiwar Allah. Tana ƙunshe a ciki kamar daddawa!.

Tana dai ji anata kai komo tsakanin hawan kasa da sama, elevator sai zarya yake yi, amma haka ta cigaba da kwanciya shiru.

Wunin ranar dai haka ta wuni a takure, ta takure kanta da burin son fita ta leƙa me ake yi a cikin gidan, amma babu hali, haka ta wuni babu wanda ya leƙo in da take har can yamma. Kamar daga sama ta ji motsin jama'a a harabar gidan. Ai a dubu ɗari ta diro ƙasa daga saman bed ɗinta ta nufi wajen window dan taga menene?.

Wannan matashin saurayin ne zai tafi, ga mamakinta sai taga mata wajen huɗu ne suka rako shi wajen motarsa, ita dai tasan mata biyu kawai ta sani a cikin gidan, sai mai koya mata aiki wadda kuma tun da rana ta koma, to su kuma saura mata biyun nan daga ina? Ta tambayi kanta.

Ga wannan Hajiya da kuma ƴarta waɗan da already Leesharh ta rike kamaninsu ta yanayin idanunsu duk da suna cikin nikaf, kuma wata basira irin tata ko basu yi magana ba tana iya gane da waye take a tare ta hanyar idanunsu. Sam basu kawowa ransu cewa Leesharh zata iya yi masu wannan sani ta haka ba, a tunaninsu ai ba zata taɓa iya ganesu ba.

Kamar dai ɗazun, yana sunkuye da kansa yana kallon ƙasa ya nufi motarsa, sosai Leesharh ta baza idanu tana son kallon face ɗinsa da kyau da kyau, amma sam hakan bai samu ba, saboda yana ƙasa ita kuma tana sama, ya kuma sunkuyar da kansa ƙasa, ba halin ta gansa sosai!.

Tana ji tana gani suka bar wannan gida, sam ranta baiso haka ba, ta so dai taga wannan haɗaɗɗen guy ɗin mai cike da shegen isa da izza.

Sai da ta ga tafiyar motocin nasu ne ta juyo ta koma wajen bed ɗinta cike da haushi, sai kuma ta fara tambayar kanta a kan cewa kenan ko da wannan matashi ya zo basu cire nikaf ɗin da yake face ɗinsu ba? Ko dai sun cire a cikin gida da zasu rakoshi waje ne suka sake sanyawa? Waɗan nan tambayoyi shi take ta jerawa kanta wadda kuma har lokacin sallar mangariba ta yi bata samu amsarsu ba.

Jiki ba kwari ta tashi ta yi sallah ta dawo ta cigaba da kwanciya tana tunanin irin rayuwar da suke son jefata a ciki, ga shi sun yi mata kashedi da kada ta yi kusa da kowa a wannan gidan aiki da zata je, sannan kuma sun ce kada ta yarda ta rinƙa sanya hijab irin nasu na Africa, a kayan da zasu saya mata ma ba za'a sayi irinsa ba, sai dai arab hijab zata sanya wanda iyakansa kirjinta ya tsaya, abin ya ɗan ɗaure mata kai da har ta fara tunanin kenan tallar jikinta zata yi wa Ramish ne ko yaya? Ta ƙasa gane komai, waɗan nan mata akwai shegu, duk sun birkita mata ƙwaƙwalwa ta yadda ta kasa iya kamo zaren bakin abu guda ɗaya a cikin waɗan nan matsaloli ta warware ta gani, anya kuwa waɗan nan mata su suke shirya wannan plan ɗin kuwa? Saboda abin ne ya wuce tunani, dole akwai sama da su, to waye? Wannan tunani Leesharh ta fara yi a cikin ranta.

Kamar a mafarki muryar babanta ya fara yi mata yawo a cikin kunnuwanta in da yake ce mata. "A'isha duk abin da zaki yi a rayuwar nan ki riƙe gaskiya da amana, in dai kika rike waɗan nan abu biyun to Allah ba zai taɓa bari ki taɓe ba, Allah zai ji ƙanki, ki tabbata baki cutar da kowa ba a rayuwarki, hakan zai sa Allah ya sanya bargon ni'imarsa ya lulluɓeki daga kowani irin cuta da ɗan adam zai yi maki, kada ki bari mutuncinki ya zube ta hanyar cutar da wani, gara maki ace mutuncinki ya zube wajen ƙoƙarin tsayar da gaskiya".

Sai gizo kalaman babanta suke yi mata a cikin kunnuwanta, gabaɗaya ta rasa madafa, hankalinta ya yi mummunar tashi gobe za'a kaita gidan aiki, ji take yi kamar ba zata iya ba, duk da wannan mata ta ce mata ba cutar da kowa zata yi ba, amma ita a jikinta tana jin cewa kamar cutar Ramish ake son yi, to amma koma cutar ce a wannan gaɓa dai bata da zaɓin da ya wuce dole ta yi wannan aiki, idan ba haka ba ita kuma zata rasa babanta wanda shi kaɗai ya rage mata a duniya. Tashin hankali, duniya ta ɗau mata zafi fa.

Cikin ƙoƙarin neman mafita da tunanin ina zata sanya ranta ne Jasrah ta ratso mata ta cikin tunaninta, daɗaɗan kalam Jasrah ta fara tunawa a in da take ce mata. "Leesharh a duk lokacin da kika rasa mafita, kika shiga damuwa, kina ganin kamar baki da mafita, kina ganin kamar komai ya lalace maki, a dai'dai wannan lokaci ki fara furta Hasbunallahu wani'imal wakil, domin babu wanda zai iya kawo maki ɗauki sai Allah, kada ki tunkari kowa da ya ya ye maki damuwarki, ki tunkari mahaliccinmu kawai ta hanyar ɗauro alwala ki yi nafila raka'a biyu tare da karanta Alqur'ani mai girma koda shafi biyu ne, zaki ji sauki sosai a ranki, domin Allah shi ne kawai mai kowa kuma mai komai, shi ne kawai zai iya fitar dake daga zafi izuwa sanyi, duk tsananin da zaki shiga kada yasa ki manta Allah".

Nannauyar ajiyar zuciya ta sauke, zamanta da Jasrah babban alkhari ce a gareta, ta koyar da ita abubuwa da dama. Tunano da kalamar ƴar uwar tata ne yasa ta yunƙura zata tashi ta ɗauro alwala kenan wannan matashiyar matar ta shigo cikin room ɗin bakinta a ɗauke da sallama. Tare suke da wani babban likita da yake biye da ita a baya, yana sanye cikin ƙananan kaya ya ɗaura rigarsa na likitoci a saman kayan, hannunsa na ɗauke da A box, babban mutun ne da zai iya haura shekaru 45 a duniya, farin balarabe ne tas da shi.

Leesharh matar ta nuna mashi da hannu tare da zama a saman bedside drawer tana faɗin. "Doctor Suhail this is the patient".

Ɗan zaro idanu Leesharh ta yi tana tunanin ita a yaushe ta ce bata da lafiya to? Ita dai tasan lafiyarta ras, to me za'ayi mata kenan?.

"Zaki iya bamu waje". Dr Suhail ya yi maganar cikin harshen larabci.

"No Dr, ka yi aikinka kada ka damu da ni, ina son bata kulawa ne sosai". Ta faɗa cike da nuna mashi cewa tana kaunar Leesharh ɗin sosai.

Sai kallon face ɗin Dr da yake sanye da farar face mask na likitoci a face ɗinsa Leesharh take yi. Ko kaɗan alamu basu nuna cewa waɗan nan mata suna da wata alaƙa ta jini da wannan Dr ba, saboda shi yanayin idanunsa daban da nasu, amma fa a tunanin Leesharh ne hakan.

Jinjina kai Dr ya yi tare da cewa Leesharh ta gyara kwanciyarta bari ya dubata ya kuma duba maƙogoronta me yasa maganarta baya fita sosai?......... NI KAM NA CE ANYA BA WANI ABIN ZA SU SANYA MATA BA KUWA?🤔 BAFA A YARDA DA IRIN WAƊAN NAN MUTAEN!.

Ba musu ta gyara ta kwanta, dan ma dai bata da wata zaɓin da ta wuci hakan. Alluran barci Dr ya ciro daga cikin A box ɗin ya fara haɗawa, amma kafin ya yi mata sai da ya tambayeta ya akayi maganarta bata fita sosai? Shin haka aka haifeta ne ko dai daga baya ne ta samu wannan cuta?.

Kallon wannan matar ta yi alamar tana jiran ta ji me zata ce. Cikin sanyin murya matar ta ce. "Ki saki jikinki ki bawa Dr duk wani amsar tambayar da zai yi maki, ta hakance kawai zai sa a iya yi maki magani cikin sauki, ba sai an shawahalar wani dogon bincike ba". Cikin harshen larabci ta yi maganar.

Bayani Leesharh ta fara ƙoƙarin yi masu, sai dai ga dukka alamu a tsananin razane take da maganar da ta fara yi ɗin, alamu sun nuna bata son yin maganar, in fact bala'in jin tsoron yin maganar take yi, hakan zai tabbatar maka da cewa akwai babban abu dangane da ita da take tsoron faɗarsa ga duniya, dole akwai abin da ya faru da ita a rayuwarta ta baya, baiwar daga tambayar meyasamu voice ɗinta duk ta ruɗe, ta shiga tashin hankali kamar ba ita ba.

Kasa iya yi masu bayanin ma ta yi, daga fara wa sai ta fara kuka da hawaye bibbiyu. Ganin hakan yasa wannan mata ta matso kusa da ita tare da ɗan rungumota ta fara rarrashinta a kan ta yi hakuri.

Cikin kuka take faɗin. "Ni dan Allah kada ku tambayeni meya samu voice ɗina, kawai dai abin da nasani shi ne ba'a haka aka haifeni ba, last year ne ma abin ya faru da ni, kuma garwashin wuta ne silar komai, garwashin wuta ne ya shiga bakina har maƙogorona ya kona mun baki da yasa muryara bata fita, please kada ku tambayeni wani abin kuma".

(Garwashin wuta zai shiga bakin mutun da kafafunsa ne?🤔)

Ganin yadda ta ruɗe ta fita a hanyacinta daga cewa ta bada labarin abin da yafaru da muryarta ta dai'na fita yasa Dr Suhail ya fahimci lallai yarinyar nan gabaɗayanta tana under barazanar mutane ne, dole dole akwai gagarumin abin da ya faru da ita a rayuwarta ta baya wanda kuma take a ƙarƙashin barazanar kada ta yarda ta tona wannan abin da ya farun, hakan yasa da suka tambayeta ta yi wannan ruɗewa har haka, da alama kuma wannan dalili yasa ta ƙasa iya buɗe baki ta yi magana a kan mutuwar mahaifiyarta da ake ta cewa ita ta kasheta, dole wani abin ya saɓa, rayuwarta akwai abin dubawa sosai, amma kada ku ji komai, ni PRINCESS TEEMA ba zan gaji ba sai na je na leƙo masu asiri na binciko maku tarihin rayuwarta koma ta halin yaya ne, ai ba za'a barmu a baya ba, daga jin wannan abin kasan tarihin rayuwarta akwai darasi da abubuwan karuwa, dan haka dole na binciko mana dan muji komai mu kuma ƙaru..........😎

"Dr Suhail ina ganin kada ka sake yi mata wani tambayar kuma, tun da ta ce ba'a haka aka haifeta ba, kuma ta ce last year ne abin ya faru da ita sannan garwashin wuta ne ya shiga bakinta yasa voice ɗin nata baya fita, ina ganin ka bata magani kawai ba sai ka sake yi mata wasu tambayoyi ba". Cewar wannan mata da take aikin gogewa Leesharh ɗin hawaye.

"Tayaya zaki ce mun kada na tambayeta? Idan na bata maganin da bai yi dai'dai da ciwon nata bafa? In fact ma kin taɓa ganin garwashin wuta yana da kafa ne da zai tashi ya shiga bakin mutun haka kawai? Ke baki ga yadda ta ruɗe daga tambayarta ba, dole akwai abin da ya faru a rayuwar wannan yarinya na shekara ɗaya da ya wuce, yana da kyau mu san menene". Dr ya bata amsa.

"Dr Suhail bana son jin dogon magana, kawai kayi aikinka kada ka sake tambayarta, idan kuma ba zaka yi aikin bane sai na kira Dr Bakir na sanar da shi ya turo mun wani likitan". Ta yi maganar a gasale. Da alama ranta ya ɗan sosu da jin kalaman Dr na neman son jin tarihin Leesharh, ta ga alama kamar ya ji tausayin yarinyar kuma yana son janta a jiki ya taimaka mata, shi ne ta yi saurin taka mashi birki!.

"Am sorry, bari na dubata na yi mata abin da ya dace". Ya bata amsa tare da fara gyara alluran barcin.

Da kyar Leesharh ta tsaya aka yi mata alluran. A takaice dai Dr Suhail ya dubata ya kuma yi mata abin da ya dace, sannan ya basu magunguna da zata rinƙa sha, a hankali hankali voice ɗinta zai koma normal, daga haka ya yi masu sallama ya tafi.

Ita kuma wannan matashiyar mata miƙewa tsaye ta yi tare da zubawa Leesharh dake ta faman barci idanu tana kallonta, kamar mai tunanin wani abin, kamar kuma tana ɗan jin tausayinta. Ta ɗauki a kallah 5 mins a haka kafin ta sa kai ta nufi waje.

Leesharh kuwa, babu sallar mangariba bare issha, sai barci take yi sakamakon wannan allura da aka yi mata, ba ita ta farka daga wannan barcin ba sai wuraren asuba.

A hankali ta waro idanunta da suke jajir dasu saboda barci, jikinta duk ya yi mata nauyi, da kyar ta iya miƙewa zaune, har wani irin jiri ta fara ji, kanta na sara mata, cikin matsananciyar kasala ta miƙe ta nufi cikin toilet.

Alwala ta ɗauro ta zo ta yi sallar mangariba, dan a tunaninta yanzu mangariba ce, saboda taga ɗan haske haske, sai take ganin kamar yammace irin an fara kiraye kirayen sallar mangaribar nan.

Baki a ɗauke da sallama Auntyn tata ta shigo cikin room ɗin, hannunta na a rike da akwati mai bala'in kyau da kuma wata envelope mai ɗan girma. Leesharh dake zaune a saman dadduma ce ta fara binta da kallon mamaki.

A bakin bed matar ta zauna tare da faɗin. "A'isha idan kin idar da sallar ki zo".

Miƙewa ta yi daga kan daddumar tare da naɗeta ta mayar cikin wardrobe ɗin, sannan ta zo gaban matar ta tsugunna tana faɗin gata nan, duk jikinta ciwo yake yi mata tana son ta je ta yi wanka, dama bata yi wanka bane wai dan kada lokacin sallar mangariba ta wuce ta, kun san shi gajeran lokaci ne da shi, to a tunaninta yanzu mangariba ne ta yi sauri ta ɗauro alwala kawai da nufin idan ta yi sallah sai ta yi wanka tare da ƙara ɗauro wani alwala ta yi sallar isha.

"Tashi ki zauna a saman bed ɗin". Matar ta faɗa.

Ba musu ta miƙe ta haye saman bed ɗin abinta.

"To A'isha, wannan akwatin kayan sakawarki da zaki yi amfani da su ne a gidan Abu Abdussalam idan kin je, akwai komai a ciki, na tabbata ba zaki buƙaci komai ba, wannan envelope ɗin kuma takardun makaranta ne a ciki, dama na gaya maki mai girma Abu Abdussalam baya ɗaukar jahilai aiki, daga irin masu diploma ne suke mashi aiki, kema ba karamar wahala muka sha ba kafin mu samu su amince su karɓeki aiki da kwalin secondary school, dan ma dai muna da hanyar da ba za'a iya kin bukatarmu bane yasa Abu Abdussalam ya yarda, dan haka ki mayar da hankali, ga takardun makaranta nasa an buga maki, nasan kin yi karatu from primary two Jss two, babanki ya gaya mana, so yanzu dai waɗan nan takardu har da result na waec ne a ciki, na primary da komai da komai yana ciki, kuma da first class kika fito, already takardunki sun kaiga mai girma Abu Abdussalam, ya gani kuma ya yarda ya shaida, yanzu zan damkamaki su a hannunki ne kawai dan wata kila watarana za'a buƙacesu a gidan, so ki ajiyesu da kyau a wajenki, sannan ki yi ƙoƙari wajen aiki cikin nuna wayewa da ilimi, kinga result ɗinki sun nuna ke first class ce mai ƙoƙari sosai, so kada ki je ki yi masu kauyanci da shirme".

Jinjina mata kai Leesharh ta yi tare da yi mata alkawarin In Sha Allah zata kula sosai. Shafa kanta matar ta yi tare da sanya mata albarka. A takaice dai haka ta kara gaya mata komai da komai tare da gaya mata wasu dabarun, sannan ta bata takardun tare da ce mata ta yi wanka ta shirya yanzu za a kaita gidan wadda zata kaita gidan Abu Abdussalam ɗin.......Tirƙashi! Wadda zata kaita gidan ma gidanta daban?.🤔

Miƙewa matar ta yi ta nufi waje, ita kuwa Leesharh toilet ta nufa, a gurguje ta yi wanka ta zo ta hau shiri, a nata tunanin fa lokacin sallar isha bata yi ba, saboda tana cikin room, bata ganin rana.

Ɗaya daga cikin tsofaffin kayan da ta saba sakawa ta sanya, abaya ce black color mai kyau, ta gyara gashin kanta da ya sha wanki da gyara a wajen wannan mata mai koya mata aiki, ta feshe jikinta da perfume mai daɗin kamshi, ita da kanta tasan ta yi kyau sosai, amma sai fargaba da faɗuwar gaba take ta ji a ranta.

Bayan ta kammala shirinta fes ne ta nufi wajen window dan ta leƙa wajen harabar gidan. Tana yaye labule ta buɗe window me zata gani? Sai ganin rana ta yi ɓaro ɓaro, a lokacin ma karfe bakwai ta kusa. Zaro idanu waje ta yi tana mamaki, ita da take jiran lokacin sallar isha ta yi? Ashe bata san tuni asuba ma ta wuce ba.

A hanzarce ta dawo cikin room ɗin tare da shinfiɗa dadduma ta tada sallah. Isha ta fara biya kafin ta yi asuba, tana idarwa bata kai ga yin addu'a bama sai ga wannan mata ta shigo, ta zo ɗaukarta ne su tafi.

A hanzarce ta yi addu'a ta shafa tare da naɗe daddumar matar ta riƙo hannunta suka nufi waje bayan ta ɗauka mata wayarta da yake a saman bed in da ta ajiye tun daren jiya bata sake bi ta kai ba. Wasu mata guda biyu ne suka zo suka ɗauka mata akwatin kayanta izuwa harabar gidan. Sai kallonsu da mamaki take yi, ta gane masu aikin gidan ne, dan a aikin kitchen da aka koya mata tana ganinsu a kitchen ɗin suna nasu aikin suma, yanzu ita damuwarta ɗaya shi ne taga ina waɗan can hajiyoyi guda biyu da suka rako wannan matashin jiya? Tasan dai su ba ƴan aiki bane, duba da yanayin kayan jikinsu, hamshaƙai ne a gidan, to ina suke?!.

Suna tafiya wajen parking space na gida wannan mata tana yi mata bayanin aikin da aka ɗauketa zata yi a gidan, ba komai bane face yin mopping na babbar parlourn gidan in da family suke haɗuwa su ci abinci, daga nan sai gyaran bedroom na yaran gidan, shikenan aikinta, banda wankin toilet, akwai masu wankin toilet, iya gyaran room ɗin ne kawai.

Sosai ta kasa kunnuwa tana sauraron matar har suka isa wajen motar da zai ɗauketa izuwa gidan wadda zata kaita gidan aikin.

Rungumarta matar ta yi tare da yi mata fatan nasara kafin ta kara karfafa mata gwiwa, sannan ta bata wayarta da ta kashe mata shi already, daga haka suka yi sallama ta shige cikin motar, wancan hajiyar mahaifiyar wannan bata ko leƙo in da suke ba. Har motarsu ya bar gidan bata kalli wannan hajiya ba, yau kwana uku kenan ma bata haɗu da wannan hajiya face to face ba, ko ina take zuwa oho mata.

A takaice dai wani dakareran gida aka sake kai Leesharh, a nan ne wani mota ya ɗauketa tare da wata hamshaƙiyar hajiya dake sanye cikin abaya tare da nikaf ita ma suka nufi gidan ABU ABDUSSALAM BIN BADEEN tare da wasu bodyguards guda biyu da suka yi masu rakiya.........

Kai tsaye unguwar.............

🤍KADA KU MANTA WANNAN DADDAƊAR LABARIN DAGA ALKALAMIN FATEEMA ZAHRA MUSA A-K-A PRINCESS TEEMA TAKU TA AMANA YAKE🔥💘

Share fisabilillahi 👏

ALLAH KA KARA MANA SON MANZON ALLAH 🔥🤍