Page 5&6

⏳⏳ *BIYU BABU* ⏳⏳

 _MALLAKIN:DAN SALMA_ 

📚JARUMAI WRITTERS ASSOCIATION TAKEN MU ALKALAMI YAFI TAKOBI📚

.

 *BABI NA  5&6* 

.

​"Musa, ka yaudare ni," Adnan ya faɗa, muryarsa tana rawar ɗacin rai. "Ka ce ďakko takar dace kawai, ashe makircin siyasa ne ka jefa ni."

​Musa ya bushe da dariya, ya fito da wani sigari mai tsada ya kunna. Hayakin ya baɗe fuskar Adnan. "Adnan, talauci ya sa ka zama wawa. Babu mai biyan miliyan biyar abanza. An biya ka ne don ka siyar da tsoronka. Kuma yanzu, kai ne 'dan aiken' da zai kai wa Alhaji Shehu wannan saƙon."

​"Me kake nufi?" Adnan ya tambaya, gabansa yana faɗuwa.

​"Gobe, za ka je gidan Alhaji Shehu. Za ka nuna masa kwafin waɗannan takardun. Za ka gaya masa cewa idan ba ya son wannan asirin ya fito a kafofin yaɗa labarai, to ya shirya dala miliyan ɗaya ta dala."

​Adnan ya zaro idanu. "Miliyan ɗaya ta dala? Musa, wannan kisan kai ne! Alhaji Shehu yana da jami'an tsaro, yana da iko. Idan na jecan, ba zan fito da rai ba."

​Musa ya matso kusa da shi, ya dafa kafaɗarsa da wani irin kwarjini na mugunta.

"Shi yasa zaka je da wannan..."

Musa ya tura masa wani ƙaramin na'ura mai siffar maballin riga. "Wannan kyamara ce da lasifikar saurare. Duk abin da yake faruwa, ina ji, ina gani. Idan wani abu ya same ka, zan saki hotunansa nan take. Ba zai iya taɓa ka ba idan yana son mutuncinsa." 

​Adnan ya koma gida da daddare, amma koda ya ga Inna Halima tana cin abinci mai daɗi da ya saya mata, bai iya d

ďan ďana ko loma ɗaya ba. Abincin ya yi masa daci.

​"Adnan, me ya faru? Na ga duk ka fita a hayyacinka," Inna ta tambaya, tana lalubar fuskarsa da hannunta.

​"Ba komai Inna, gajiya ce ta aiki," ya yi ƙarya. Amma a ransa, kuka yake yi. Yana kallon Inna, yana tunanin ko wannan ne karon ƙarshe da zai ji muryarta.

"Saudat tayi bacci ne inna,

"Eh tayi bacci tun ďazu,

 "Saudat ta inna kenan, bari nima naje na kwanta kona warware gajiyar, yafaďa yana mikewa,"to adnan Allah yayi maka albarka sai da safe, tafada tana kallon shi ceke da soyayar uwa, "Ameen inna," yace ya fita ya shiga ďakin shi.

WASHE GARI

Adnan ya nufi gidan Alhaji Shehu. Gidan yafi na Musa girma da kwarjini. Masu tsaron gidan sun bincike shi daki-daki kafin su bar shi ya shiga babban falon da aka ƙawata shi da tagulla da zinari.

​Bayan mintuna ashirin, Alhaji Shehu ya fito. Dattijo ne mai cika riga, fuskarsa tana haske da alamun addini da gaskiya. Adnan ya ji wani irin kunya ya rufe shi. Ta yaya zai iya yi wa wannan mutumin barazana?

​"Sannu matashi. Na ji ka ce kana da saƙo na gaggawa daga 'yan kwangila," Alhaji Shehu ya faɗa cikin murya mai sanyi da natsuwa.

​Adnan ya daure, ya miƙa masa ambulan ɗin dake ɗauke da kwafin takardun tare da Flash Drive. "Duba wannan, ranka ya daɗe."

​Yayin da Alhaji Shehu yake buɗe takardun, yanayin fuskarsa ya canza daga natsuwa zuwa firgici, sannan zuwa wani irin fushi mai ban tsoro. Ya kalli Adnan da idanun da suka zama ja.

​"Wane ne ya aiko ka?" Alhaji ya tambaya, muryarsa ta zama ƙasa-ƙasa kamar gurnanin damisa.

​"Ba ni da ikon faɗa," Adnan ya amsa kamar yadda Musa ya koya masa. "Abin da aka sani shi ne, rayuwarka tana hannunmu. Dala miliyan ɗaya kafin gobe, ko kuma duniya ta san asirin asusunka na ƙasar waje."

​Alhaji Shehu ya yi shiru na kusan minti biyar. Daga nan sai ya yi wani murmushi na yaudara. "Matashi, ka san abin da kake yi kuwa? Ka san cewa ko gawar ka ba za a gani ba idan na ɗaga waya ɗaya?"

​A daidai wannan lokacin, Adnan ya ji muryar Musa ta cikin kunnen da yake sanye da ƙaramar na'urar saurare: "Gaya masa ya duba kyamarar dake jikinka. Gaya masa muna kallon komai kai tsaye."

​Adnan ya maimaita abin da aka gaya masa. Alhaji Shehu ya daka masa wani kallo, sannan ya tafa hannu. Nan take wasu ƙattai guda biyu suka shigo, fuskarsu ba annuri.

​"Kada ku kashe shi a nan," Alhaji ya faɗa wa ƙattan. "Ku kai shi can inda muke kai 'yan katsalandan. Zan yi magana da iyayen gidansa ta wata hanyar daban. Shi kuma wannan yaron... zai zama darasi."

​Adnan ya ji an damƙe shi, an saka masa kyalle a baki kafin ya yi ihu.

​Tirka-Tirka Labarin Musa fa? Shin da gaske Musa yana kallon Adnan, ko kuwa ya riga ya kashe na'urar don ya tserar da kansa tun da ya ga an kama Adnan? ​

Alhaji Shehu kam, shin bawan Allah ne na gaske ko kuwa akwai wani boyayye abu bayan wannan satar kuɗin?

Halin da Adnan yake ciki, An kai shi wani wurin da babu wanda ya sani. Inna Halima tana jiran ɗanta, ba ta san ya zama fursuna a hannun wanda yake ɗauka a matsayin mutumin kirki ba. 

Alkalamin Hamma Abdul (Dan Salma)................🖊️

​