Page 13

*JUYIN LAMARI* 

 

 

     By 

 

 

 

*Ummu Fadeela* 

 

 

*Page 13* 

 

 

 

 

Kafin inyi yunkuri rufe ƙofar falon, karen ya afko cikin falon yana haushi da fitar da harshensa waje. 

 

A guje tamkar yar  tsere na tsinci kaina a cikin kicin, na haye saman cabinet ina sauke numfashi sama-sama. 

 

Wani irin dariya ne ya kwacewa Dr Tareeq. Amma ya matse da yin fito yana yafito karen da ke tsaye ƙofar kicin din yana ta haushi da yakushin ƙofar yace.  "Army come here" 

 

A guje ya matso jikin Tareeq ya kwantar da kansa jikin shoulder dinsa. Dr Tareeq yana shafa cikakken gashin jikin karen yace. "She's my guest Army don't hurt her ohk?" 

 

"Now go back to your work" 

 

Mikewa karen yayi ya karkada bindinsa sai ya fita a guje yana fitar da harshe. 

 

Dr Tareeq ya mike yana kallon kicin din. Wani murmushi ya kubuce mishi tuna yadda ta afka cikin kitchen din. ƙofar falon ya rufe ya murza makulli. Ya koma jikin kitchen yayi knocking yace, "You can come out, karen ya fita". Ba tare da ya jira jin me zatace ba ya juya hadi da haurawa sama. 

 

A hankali na sauko daga saman cabinet din, na leka ta jikin peephole na ƙofar kicin din. Ban hango kowa a falon ba, karen ma baya nan. 

 

Lokacin da na fito falon jikin kujera mai zaman mutum uku na zauna zuciyata tana tunanin halin da iyayena suke ciki yanzu haka. Gashi wayata ina da tabbacin ta fadi a school lokacin da incident din ya faru. 

 

"Kome Umma da Baba suke yi yanzu?" 

 

Nayiwa kaina tambayar da na tabbata suna cikin halin damuwa. 

 

A wannan dare ko barawo bacci bai nasarar sace Ni ba. Haka na kwana ido biyu ina tunanin halin da iyayena suke ciki. A gefe daya kuma ina tunanin waya aikata mini wannan. Wake da hannu a yunkurin saceni. 

 

Karfe biyar na asuba na mike, jikina yayi tsami tamkar wacce akayiwa duka. Nayi mika ina kallon kofofin dake cikin falon. 

 

Wanda na fara budewa akayi dace bathroom ne. Na shiga na dauro alwala bayan na kurkura bakina da sabon Listerine mouth wash da na gani a bathroom din. 

 

Ina kokarin yafa mayafi na, naji takunsa yana saukowa daga benen. Hada idanu nayi dashi, da sauri na kawar da kaina. Sanye yake da fara kal din jallabiya kansa da karamin hula sai counter a makale yatsarsa yana tabawa. 

 

"Dama musulmi ne?" Zuciyata ta tambaya ina zaro idanu. 

 

Karar rufe ƙofa ne ya ankarar dani cewa ya fita. 

 

Window din falon naje na leka bayan na idar da Sallah. Kwance na hango karen a tsakar gida yana ta kada bindinsa. Ala dole na koma nayi zaman dirshan a falon. Ina tunanin mutanen gida. 

 

Karfe shida da rabi ya shigo falon. Wucewa yayi  ba tare da ya kalli gefen da nake ba. 

 

"I want to go home" Na fada da dan karfi kadan. 

Ganin ya tsaya bai haura sama ba, na taso da sauri nace. "Ina son zuwa gida, ban san halin da iyayena suke ciki ba" 

 

Dr Tareeq ya kalle ta, sai ya dauke kai. Cikin muryarsa da accent din yafi kama dana arna yace, "akwai wanda ya daure kafarki ya hanaki tafiya ne?" 

 

Girgiza kai nayi ina pointing kofa nace, "a'a the dog" 

 

Tsaki yayi kadan ya koma baya zai fita. Har ya kama handle na exit, ya juyo ya kalleta ganin tana tsaye har lokacin.  

"Kina jira a dauke ki ne" ya watso mini tambayar. 

 

Da dan sassarfa na biyo bayansa. A hankali nake binsa kada in janyo attention na army dake kwance. Koda karen yayi noticing dinmu ma bai yi wani yunkuri ba ganin mu a tare. 

 

Parking lot ya nufa, ya fito da car keys daga aljihun jallabiyarsa ya bude motar. 

 

"Shiga in mayar dake. Yanzu yayi safiya dayawa, ko kin fita bazaki samu abun hawa a area din nan ba" 

 

Banyi musu ba na shiga. Kasancewar ban san wacce unguwa bace. The journey was silent. Har muka fito babban titi kuwa bamu hadu da abun hawa ba.  

 

Lokacin da muka shigo unguwar mu ina yi masa kwatance har ƙofar gida. Zuciyata naji ta tsinke, gabana ya yanke ya fadi. Naji wani irin sanyi ya shige ni a take. Hango ƙofar gidan namu a cike da mutane. "Innalillahi wa'inna ilaihiraji'un" na ambata ina dafe goshina. 

 

Innani dake tsaye kusa da mai gadi tana yi masa magana ne ta fara hangomu. Sai Baba da Baffa Alaji da kuma Baffa Karami. Yaya Abdul Yaya Tahir duk suna tsaye da alamar daga masallaci sallar asuba babu wanda ya shiga gida. Abbansu Ya Abdul dai ban ganshi ba. Daga gefe kuwa Alhaji Sambo ne wanda da alama an sanar dashi labarin tun jiya ya buga sammako yazo, yana tsaye da Yaya Faruk suna magana kasancewar Yaya Faruk police ne. 

 

Kamar wacce aka zarewa laka na kama handle na motar gami da budewa. 

 

Duk suka zubo mini idanu tamkar sunga bakuwar hallita. Simi - Simi na nufesu a raina ina addu'ar Allah yasa Dr Tareeq ya wuce ba tare da ya fito ba. Sai yanzu nayi realising kuskuren dana tafka na yarda ya dawar dani har gida. 

 

Sai dai, addu'ata bata karbu ba. Jin ya bude motar ya fito shima. 

 

Yaya Tahir dake kusa ya fara mikawa hannu da wannan muryar da har yanzu na kasa yadda shi ba kirista bane naji yace. "Assalamu alaikum" 

 

"La'ilaha'illallahu, Muhammadu dan Abdullahi" Innani taja dogon salatin ta dire. Ta fashe da kuka, ta dora da fadin. 

 

"Shi ke nan abun da ake gudun ya tabbata. Shi ke nan Halima tayi nasarar gurbata jinin zuriyar Baraya Innalillahi wa'inna ilaihiraji'un. Halima lalacewar taki har ta kai anfara daukar ki kwanan gida? Na shiga uku ni Innani tun da uwata ta haifeni ban taba ganin irin wannan al'amarin ba. Kin cuce mu, kin cuci kanki Halima, ashe lalacewar taku ba a iya makaranta ta tsaya ba. Ba a iya tsotsar baki ta tsaya ba har kun dangana da babban lamari?  

 

Kafin inyi yunkuri kare kaina, naji sauƙar marin da ya gigita tunanina. Ban yi aune ba naji anyi sama dani na dawo kasa timm. Baffa Karami ya zaro belt nashi ya fara laftata tamkar Allah ne ya aikosa. Cikin mutanen dake wajan babu wanda yayi yunkurin ceto na har Baba. 

 

Duka na yake yi tamkar ya samu namiji majiyin karfi kamarsa. Idan baku manta ba, na sanar daku irin zafin zuciyar da Baffa Karami ke dashi. 

 

Dr Tareeq daya kame tamkar statue a wajan ya motsa. Ya nufi Baffa Karami yace, "Easy sir! It's not what you're..." 

 

A fusace Baffa Karami ya juyo yana kallonsa yace, "kada ka kuskura ka matso nan. Ka jira sammaci daga kotu  a kan bata mana rayuwar yarinya da kayi. Sai naga wanda ya tsaya maka a garin Kano." 

 

"A'a Usumanu. Ga nan babbar mai laifi a gabanka. Ka taba ganin inda namiji yayi iskanci ba tare da amincewar mace ba. Da bata bashi dama ba bai isa daukarta har su kwana a waje ba" 

 

Innani ta katse Baffa Karami tana share hawaye. 

 

Dr Tareeq dai ya shiga duhu. Gabadaya sun rudashi ya kasa fahimtar inda maganganunsu suka dosa. me suke nufi ne?.  Ya tambayi kansa. 

 

Da kyar na iya hada kalmomin bakina, jikina yana rawa nace, "Wallahi Baffa babu ruwansa. Taimakona kawai yayi za a yi kidnapping dina a hanyar school." 

 

Tamkar wanda na watsawa fetur haka Baffa Karami ya kuma juyo kaina. Fahimtar da nayi cewa na kuma zama ya mini bugun sakwara kwatankwacin wadda ya mini yanzu, tabbas sai dai a kwashi gawata. 

 

Nayi azamar mikewa a guje na fada bayan Yaya Abdul dake tsaye yana kallonmu hannunsa harde a kirjinsa. Fara tas din fuskarsa ta koma jajawur. "Help me Yaya Abdul, wallahi Allah daya ke nan ba abun da suke tunani bane. Taimakona kawai yayi. 

 

"Barta Usumanu, yarinya ta shiga kwaryar manya, ta san abunda kuka sani dole ta kareshi ai." Cewar Innani tana cigaba da share hawaye, da yanko jafa'i tana jefa mini. 

 

Karar jiniyar yan sanda ta karade wajan. Ase Yaya Faruk ya kira division nasu an turo masa yan sanda. 

 

"Wannan zaku kama" Yaya Faruq ya fada yana nuna Dr Tareeq da har lokacin yake tsaye ya rasa wa zai tunkara, infact ma yafi kallon abunda suke yi din a matsayin wasan kwaikwayo. 

 

Hannu daya ya dagawa dan sandan da ya tunkaro shi da niyyar makala masa handcuff. 

 

Ya fitar da ID card dinsa daga aljihu ya nuna musu da fadin, "muje zan biku a motata." Sai a lokacin Baffa Alaji yayi karfin halin cewa yana kallon Yaya Faruq. "Faruku da baka kira yan sanda ba, a ganina da mun bashi listening ear munji dalilinsa?" 

 

"Ah'ah Muntari wane irin listining ear kake nufi, yafi wadda muka gani da idanunmu. Ko dai baka ganesa bane. Ko ni da na tsufa idanun suka rage karfi rass na ganeshi. Shine dai na jikin hotunan da Ramlatu ta kawo ran nan suna tsotse juna da Dubulle. Akwai shaidar da tafi wannan ne Muntari?" Innani ta katse Baffa Alaji. Dama abunda yayi gudu kenan yasa yaki yin magana tun dazu. 

 

Haka ina ji ina gani police daya ya shiga gaban motar Dr. Sauran suka shiga tasu. Yaya Tahir da Yaya Faruk ma suka shiga mota suka wuce police station. Sai a lokacin na lura da wajan cike yake taf da mutane. Kusan fiye da rabin jama'ar gidanmu sun fito. Ga masu gadin gidajen dake layinmu kusan duka sun fito suna ganin abun da ke faruwa. 

 

Alhaji Sambo da bai yi magana ba shima tunda aka fara hayaniyar yayi gyaran murya yana kallon Baffa Karami yace, "Amm ina Karami, inaga maganar maye gurbin marigayiya Ikleema da zamu yi da Halima ba zai yiwu ba. A yanzu ba sai gobe ba. Ni Sambo na janye maganar aurena da Halima. A tarkata sadakina da lefena duk a dawar mini. Allah ya hada kowa da rabonsa." 

 

Daga haka ya shige motarsa ya bar unguwar. Wannan al'amari shine mafarin lamarin da ya juya akalar rayuwata, har ya jani zuwa ga inda kaddarata take. A hankali na fito daga inda na boye a bayan Yaya Abdul. Na tunkari Baba da tashin hankalin fuskarsa ta gaza boyuwa. 

 

Kafin in karaso gareshi, ya daga mini hannu ya shige cikin gidan da hanzari tamkar zai kifa. Da gudu nabi bayansa nima. 

 

 

       *LAGOS* 

 

Lokacin da dare ya raba, kowa ya sanya hakarkarinsa a kan shimfida domin huce gajiyar rana. Dangana tana tsugunne a gaban wani dan akwati. Idanunta sunyi jajawur, ko ina a jikinta ya jike sharkaf da zufa. Ta hade hannayenta biyu waje daya muryarta tana rawa tace.  

 

"Ruhu ka taimaka mini. Bana jure ganin tilon dana a cikin wannan yanayin. Bana jure kallonsa cikin tsananin rashin lafiya da fitar hayyaci, ji nake kamar zan haukace a bani wata mafitar Ruhu." 

 

Wani irin mahaukacin dariya aka kece dashi. Dakin yayi wani irin jijjiga tamkar P.O.P dake sama zai rufto. Dangana ta rumtse idanunta da karfin gaske tana jin yadda dakin ke juyawa. 

 

"Ba muyi wannan alkawarin dake ba Dangana"  wata irin wargajejen murya tayi maganar. Da sauri ta bude idanunta tana kallon hallitar dake tsaye gabanta mara kyan gani. Dukanta batafi girman babbar mage ba. Amma kanta ya kai girman babban buta da idanun kwaya - kwaya zagayayyu jajawur kamar jini ne a cikinsu. Babu baki hanci da kunne a jikinta, hakan ne ya kara munana hallitar. 

 

Muryar mai karfin amo ya kara karade dakin. "Munyi dake duk abunda muka bukata zaki bamu. Me yasa zaki kasa bamu jininsa." 

 

Dangana tayi kasa da kanta jikinta yana rawa tace, "Na kasa jurewa ya shugaba na, a bani wata mafitar. Koda ace yafi wahala, wahala. Tabbas Zan nemoshi ya shugaba na, damuwa na a raba Alex da wannan ciwon da ake saka masa." 

 

Hallitar ta kara kecewa da dariya tace, "Dangana ranar biyan bukata rai ba a bakin komai yake ba" 

 

 

Ta kara yin kasa da kai sosai kamar zata yi sujjada tace. "Ya shugaba na a duba mini, a sassauta mini. Idan ma babanshi kake so zan sadaukar dashi. Ga nan Hawwa ma. Sai tayi shiru tana hadiye yawun da ya makale a makwogoronta da kyar tace. "Zan iya bada Ta..Ree..q ma." Ta fada da kyar tana rarraba sunan.