Pg7

Da gudu innawuro ta fito daga kewayensu saboda jin ihun shalelenta,aiko tana zuwa tayi arba da salame saman ruwan cikin aminatu tana jibgarta kamar ta samu baiwa,da sauri innawuro ta zo ta hankaɗe salame tare da ɗago aminatu da take ta danbarwa a ƙasa gaba ɗaya ta tumurmushe jikinta faɗi take aradun Allah bazata yadda ba sai ta rama, salame kuwa ƙugu ta riƙe tana wani cin magani kamar wata bos,"ke kuwa salame me aminatu ta yi miki zaki kashe min ita?" Cewar innawuro tana mai ɗaga aminatu tare da kaɗe mata jiki,cikin rashin kunya salame ta ce ai bani zaki tambaya ba ki tambaye ta mana ko ma baki tambaya ba ai kin san halin kayarki ko ma meye ai tsokanarta ne ya jawo mat......kafin salame ta kai aya sai ji tayi an rufe bakinta har da idanunta da uwar ƙasa ksanceqar tana cikin maganar aka zuba mata kasar sai da wata ta tafi cikinta idanunta kuwa tuni suka rufe,bata gaba dawowa daga wannan raɗaɗin ba aminatu ta tsugunna ta ja ƙafafunta ji kake tim sai ga salame a ƙasa ta kasa ko motsi, innawuro ta ce "da kyau boɗɗo na Ni nasan ban haifi rago ba dan haka shima ba zai haufa min jika raguwa ba rama dukanki ragowar ki barwa Allah"

Aminatu bata sauka akan ruwan cikin salame ba har sai da t tabbatar ta daku sannan ta miƙe tana cewa dan dai innawuro ta ce na barwa Allah ragowar ya saka min ne da wallahi sai na rama duka(kaji fa dan Allah ta zage ta yi dukan da ko rabin sa ba salame bata yi mata ba amma suke kiran sun barwa Allah).

Da ƙyar salame ta iya tashi gashi duka kawayensu aminatu ta janyesu da cewar su zo su tafi innawuro ta yi musu Farfesu su ci, dan haka bata samu taimakon kowa ba haka ta tafi bukkarsu da ke da dan tazara da bukkarsu aminatu.

Aminatu ce zaune tare da ƙawayenta sun kewaye Farfesun da aka sauke shi yanzu da zafinsa kowa sai haɗiyar yawu yake,kawayen nan Allah Allah suke Aminatu ta basu umarnin sa hannu su ci kamar yadda ita take ta zaƙula tsoka tana cika baki,ko zafin bata ji , tun suna ganin tururin naman nan har suka daina ganin wani alamun zafi, har ta kai da cewa sun fara daina ganin tsoka a jikin naman sai ƙashi da Aminatu ke ajiyewa da zarar ta zare tsokar jiki.

Laure ce cikin karfin hali da hadiye yawun da yake shirin zuba ta ce "boɗɗo naga ya huce muna iya fara ci?" Wani kallon uku ahu aminatu ta yiwa laure tare da cewa ey dole kisa hannu mana tunda ke kika yi haƙilon samun zabbin, Ni bana son hadama da kwadayi idan kuka yi hakuri ai ci zan yi na rage muku" safina ta yi caraf ta ce "to ai kin cinye sai ƙashi kawai a ciki" dalla malama rufe mana baki iyayen kwaɗayi dama ai ƙashin zan baku tunda ba wahalar ku ba ce".

Innawuro na jin haka ta ta miƙe ta je ta ɗaukowa ko wannensu cinya ta zo ta basu,tana cewa karba ku tashi ku tafi ai kuma kun san halin ƙawar taku sarai sai abinda ta yi niya yau da alama ƴan kyautar basa kusa sun yi nisa" da sauri kuwa suka karba jiki na rawa suka miƙe dan sun kaɗan da aikin aminatu ta bisu ta ƙwace,ƙafa aminatu tasa ta shure ƙwaryar dake gabanta cikin rigima irintata ta ce "innawuro ya haka nama na ne fa ba naki ba kin san wahalar da nasha da turance su arɗo da nayi ya bani aradu sai sun bani kayana kashi zasu tsotsa" aiko suna jin haka suka ranta ana kare suna gudu suna cin naman dan koda Aminu ta cimma su bazata samu abin karɓa ba.

Kuka Aminatu tasa har da su birgima tana cewa innawuro sai ta biya ta namanta ko kuma duk ta je bukkarsu ta ɗauko kaji day daya.

Da ƙyar innawuro ta lallaɓa boɗɗo da lagonta wato ƊAN BIRNI.

Baffa wuro kuwa ko Baccin kirki bai samu ba a ranar saboda lissafi da tunanin irin sabuwar rayuwar da ke can birnin Gombe tana jiransa,ya gama lissafa cewa sai ya je ya gama shirya kome sannan zai dawo ya tafi da iyalinsa, dan haka ranar Bacci sai barawo.

Da sassafe ya tashi ya kammala duk shirinsa sannan ya saba yar jakarsa ya fice bayan ya yiwa iyalinsa sallama ba tare da ya sanar da su kome ba, basu damu ba tunda dama sun san yana shiga birni.

Daga nan babu inda ya tsaya sai rigarsu aminatu, kai tsaye ya yi sallama cikin bukkar innawuro, cikin mamaki innawuro ke dubansa dan alokacin boɗɗo ko tashi bata yi ba.kin yi mamakin ganina ko?" Ya faɗa yana neman gurin zama, innawuro bata ce komai ba sai binsa da ido da take yi,shima bai nemi cewarta ba ya dora mata da cewa,yadda naga hankalin boɗɗo ya kasa kwanciya da maganata ne yasa ina fita jiya na shiga fafutukar neman mafita don cika mata burinta,cikin ikon Allah ina cikin tunanin mafita sai wani ubangidana a can birnin Gombe dake cikin anguwar.......ya kirani akan na temaka na samo musu me renon yaron ɗansa kuma babba da yarinya me shekara sha uku suke bukata,to jin haka yasa na ce masa faduwa ta zo daidai da zama ina da wandazan kawo masa kuma yau ɗin nan zan kaiku,ban nemi shawarar ku ba saboda dama abinda muke buƙata kenan dan haka ku tashi ku haɗa abinda kuke buƙata".

A hankali innawuro ta cire tagumin da ta yi tana sauraron baffa wuro tare da ajiyar numfashi,kana ta ce anya kuwa hakan zata yuwu wuro Kasan fa ƴan birnin nan ba kowa ne abin yadda ba" haba innawuro zan kaiku inda zaku cutu ne shekara nawa nake rike da amanarku ban cutar da ku ba sai yanzu, duk amincin dake tsakanina da mahaifinta kuma danki haba innawuro banji dadin rashin yardar da kika nuna min ba" shi kenan wuro zamu tafi amma ai ka bari mu ɗan yi sallama da jama a da maƙota ko"? A'a innawuro wannan fita a sirri zamu yi ta Babu wanda zai sani ke dai tashi boɗɗo ku shirya" innawuro kasa Musa masa ta yi dan kar ya kuma fusata haka ta tashi aminatu wadda tana jin inda zasu ta hau murna cikin tsanaki ta bari innawuro ta yi mata wanka me kyau ba irin nata buja buja ba.

Ba tare da kowa ya sani ba suka hau amalanke ya fita da su bakin hanya daga nan suka hau a kori kura suka ɗau hanya.

************

Abby ko fita bai yi ba saboda zaman jiran karasowar wuro, ko da ya fito tun karfe takwas suna can gardin tare da abokansa suna tattaunawa,Abby ne ya ɗan yi gyaran murya tare da ɗan muskutawa kana ya ce " na gama tsara kome game da wuro dan haka da ya kawo su tsarin zai fara aiki, kamar yadda kuka sani mun kulla kasuwancin mu da Alhaji macciɗo dan a halin yanzu Dr zahida ta gama shirin tiyata wuro kawai muke jiran karasowarsa dan yau ta riga kowa fita daga gidan nan". Gaskiya zahida na kokari sai dai muyi ta mata addu'a amma tabbas tana bada taimako ga marasa lafiya yadda ya kamata da kuma mu kanmu dan asibitinmu na samun lambar yabo ta ko wanne bangare tunda duk a sanadin ta ne gwamna ke son mu shigo cikin tafiyarsu ta siyasa"cewar Abby ke nan yana mai kallon fuskokinsu, Alh Garba ya numfasa tare da cewa ai mu bar batun siyasar nan rayuwarmu tafi mana daɗi a haka ko ya kuka gani"? Ya karasa maganar da tambayar su,jinjina kai su kayi cike da gamsuwa daga haka suka ci gaba da tattauna abinda ya shafesu.

Shigowar su cikin ƙwaryar birni, duk sai aminatu ta ruɗe dan wannan shine karonta na farko a shigowa birni, duk abinda ta gani sai ta taɓa ko ta yi tambaya akai dan ma innawuro na tsawatar mata da abin sai ya fi haka,lokacin da suka shigo unguwar ji tayi ta gama mutuwa saboda manyan gine_ginen da ta fara cin karo da su amma kuma ga mamakinta sai ta dinga cin karo da gidajen madaidaita masu karamin karfi a cikinsu, dan haka.ta dubi baffa wuro ta ce,baffa amma dan Allah su kuwa masu kananan gidajennan me ya kaisu yin gini tsakiyar manyan gidaje basa tsoron su rikito su dannesu?"washe baki baffa wuro ya yi tare da ƙara karfin rikon da yayi mata ji yake idan ya sake ta kamar ya saki arzikinsa,kana ya ce"ai wato boɗɗo ita wannan anguwar ta mutum uku ce sune suka siyeta to amma a dalci irin nasu sai basu tashi ainahin mutanen da suka samu a cikinta ba saboda ainahi anguwar ta marasa ƙarfi ce duk yhaɗuwar da kika ga ta yi yanzu duk sune suka maida ita haka da kuma manyan masu kuɗin da suke saidawa gidajen da suka gina,shi yasa zaki ta cin karo da munanan gida amma ai duk da haka sunfi bukka nesa ba kusa ba ko"? Jinjina kai kawai ta iya yi ba tare da iya ranka masa ba, innawuro wuro kuwa bata cewa kome sai idan taga aminatu zata yi shirme da jan magana,zasu wuce ta kofar wani gida aminatu taga yara yan mata kamarta a kofar gidan yan wasanni kasancewar yau weekend,kama baki ta yi tana cewa "to Allah ma yaso zan samu yan wasa amma naji daɗi Allah yasa ɗan birni zai barni na dinga fitowa wasa",buge bakinta innawuro ta yi tana cewa karba kuma jin bakinki anan shirmammiya kawai" tura bakin ta yi ba tare da kuma cewar ba.

A haka suka karaso jikin wani katon gida kamar gari dan duk layin babu me kwatankwacin girmansa,kai tsaye suka tunkari ƙatuwar kofar gidan wanda masu tsaronta suka kai wajen biyar duk da uniform ajikinsu,a wannan karon aminatu ta kasa magana sai zare manyan idanunta take tana basu abinci,sai da aka yi waya ta mintina biyu sannan aka buɗe musu wawakekiyar ƙaramar ƙofar gidan security guda daya shi ya ja gorancesu zuwa cikin ainahin gidan.

A bakin kofar shiga falon ma wani security ne a tsaye kamar gunki, shi dai bai ce dasu komai ba saboda yaga amintaccen security gidan kuma ogansu ne ya rakosu,tsayawa aminatu ta yi tana kallon kanta a jikin mirror ɗin kofar glass ɗin har dai ta kasa daurawa ta kai hannu tana shafa kanta tana washe fararen hakoranta wanda da ace na yi musu wankin da ya kamata da sai mutum yaga fuskarsa a cikinsu,wayyo Allah innawuro kina kallona kuwa na zama biyu amma dai wannan ba mudubi ne irin na riga ba ko?" Security ne ya daka mata tsawa "You Are very stupid, wuce muje village girl" tura baki aminatu ta yi tana cewa "Allah dai yasa ba za a yi min ƙaryar turanci ba kai da na ka ma turancin na kafuraine Ni ko nawa na musulmai ne ehe" ta fada cikin gwamutsa fillanci da Hausa kasancewar sun iya hausa saboda zaman rigage da su kayi,harara security ya zabga mata yana jin kamar ya sa ta tsallen kwado yaga ƙaryar sakarci to matsalar bai san matsayinsu wajen masu gidan ba dan haka yayi kwafa tare da ci gaba da ƙamewarsa oganne ya basu umarnin su shiga su zauna yanzu me gidan zai fito.

Suna shiga falon aminatu ta tsandara ihu tare da maƙalkale innawuro jikinta na karkarwa kana ganinta zaka san cewa tayi matukar tsorata, larai ce ta fara fitowa da gudu daga kiching tana salati su Anne da Nana kuwa duk suna sashensu amma duk da haka sai da suka jiyo ihun aminatu da har zuwa yanzu ta ƙi yin shuru kuma ta ƙi sauke ƙafarta ƙasa sosai ta maƙale innawuro har tana neman kayar da ita.

Larai da take musu kallon mamaki da rashin sani ta ce "lafiya bayin Allah daga ina ita kuma wannan me yasa Meta a ƙafar?" Ta jera musu tambayoyin duk a lokaci guda,kafin su samu damar bata amsa suka jiyo Muryar Abby Yana cewa "baƙin gidan nan ne larai" oho ai banshina ba Alhaji" ta fada cikin nuna biyayyarta,Muryar amunatu ce ta karaɗe falon da kororotarta,dan Allah innawuro ki taimakeni zan faɗa cikin ruwa dan Allah bana so na mutu ban ga ɗan birni ba dan Allah baffa ku kawo agaji" dariya ce ta kufcewa nana da itama ihun aminatu ya fito da ita Abby ma dariya ya shiga yi ita kanta larai aminatu ta bata dariya,larai ce ta matsa kusa da aminatu cikin rarrashi ta shiga ce mata ,"kwantar da hankalinki ɗiyata ba ruwa ba ne wannan baki ga duk mun taka bamu nitse ba" sai alokacin amunatu ta kula suma duk suna wajen ba su hau saman katifar dake shimfiɗe tsakiyar kogin ba,ajiyar zuciya ta sauke kana ta ɗira a hankali cikin sanda kamar ɓarauniya sai da ta tsaya sosai taji bata nitse ba sai kawai ta ƙyalƙyale da dariya tana cewa aradun Allah kuwa ba kogi ba ne,to bari na yi sauri na hau kan wannan katifar dan da gani zata yi laushi" dariya suka kuma yi gaba ɗaya sannan suka zazzauna innawuro da baba wuro suma zama su kayi a kan katifar, nana ce ta ce a'a "ku ai da kun zauna saman kujera ko?" Da sauri amunatu ta ce a'a ki rabu da su suma su ɗata katifar birni kafin ɗan birni ya dawo ya siya kana irinta saboda shima dan gayu ne sosai sannan kuma ai saman innawuro zata iya faɗowa ko innawuro?" Innawuro ta ce haka ne boɗɗo nima ina son ɗana wannan katifar gata ko da dan banzan laushi" murmushi nana da Abby su kayi saboda dramar innawuro da jikarta

[4/8, 8:21 AM] yushauadamfatima: ❤️MATAR ƊAN BIRNI ❤️