Littafi na daya 1 Part C

by @shuraih99

NAMIJIN GASKE

Littafina daya 1

Marubuci:- Shuraih Usman

Typing:- Shuraih Usman

Tel. ***

Part C

A cikin farfajiyar gidan sarki hinzur dakaru sai kai kawo suke

duk da yake cikin darene amma farfajiyar gidan a haskake take

yadda ko Allurace ta fadi sai anganta,

Ba zato ba tsammani sai gani akayi wata iriyar guguwa ta

bayyana

Gaba daya dakarun gidan suka mai da hankalinsu ga wannan

guguwa, cikin kankanin lokaci guguwan ya lafa , koda bacewan

guguwan sai su kallabu suka bayyana suna masu rike hannuwan

junansu.

Dakarun sarki hinzur na ganin bayyanarsu sannan sukaga

dukkansu suna dauke da muggan makamai,

Take sukayi kukan kura sannan suka zare makamansu daga

cikin kufe,

Sannan suka afka ma su kallabu,

Su kuwa su kallabu koda ganin haka sai suma sukai kukan kura

sannan suka falfala da gudu don su tarbi dakarun sarki hinzur,

Nan aka rincabe da azababben yaki

Farfajiyar gidan bakajin komai sai karafkiyar takubba da

karajin Dakaru, jini sai malala yake tamkar an yanka wani

babban dabba,

Aikoda aka fara wannan yaki sai dakarun sarki hinzur suka

raina kansu , domin yan fashin wani irin salon yaki suke ,sannan

gasu da juriya dacin rai da naci, don sai kaga badakare ya zabga

masu sara a jikinsu jini yayi fallatsi, amma sabida tsabar naci

haka zasu cigaba da yakin

A yayin da dakarun sarki suka fahimci muddin akaci gaba da

wannan gumurzu toh yan fashin na iya karar da su gaba daya,

hakan tasa wani badakare mai matukar girman jiki ya falfala da

gudu izuwa wani bangare na gidan,

Koda ya je wajenda yake son zuwa . Wata irin dogon ginice mai

tsayi wacce a samarta akayi mata rumfa,

Irin wannan ginin ana amfani da sune ta hanyar ganin wanda

yake wajen gidan sarki ko ta hanyar sada wani sako, ajikin

ginin da kwaita iriyar matattakala ta katako, da isan wannan

badakare sai ya kama wannan matattakala ta katako, ya fara

hayewa izuwa saman birnin ko da yakai ga karshen ginin sai, ya

dauki wata makekiyar mabushi, yana dauka ya kafata abakinsa

sannan ya ringa busawa har tsawon wasu dakiku sannan ya

saurara.

A yayin da ake tsaka da gumurzu lokacinda su kallabu suka fara

cin karfin dakarun sarki hinzur

Suna kara kusantar asalin babban kofan da zata sada mutum

izuwa cikin falon gidan sarautar,

Alokacinne suka ji wata irin busa na tashi,koda kallabu ya

saurari wannan busa sai zuciyarsa ta bashi lallai ba lafiya ba,

hakan tasa ya ayyana aransa ya kamata suyi sauri su aikata

abinda zasu aikata su wuce abinsu,

Rashin sani tafi dare duhu, lallai da yanfashinnan sun san abin

da zai biyo baya toh da sun gaggauta barin wannan gidan

sarautar don ceton rayukansu,

Wannan busar bana komai bani illa busan Yaki, kuma sanar da

mutane cewa gari babu lafiya.

Kwance yake bisa shimfidarsa daga shi sai gajeran wando, duba

daya zakai mai kagane cewa yana jin dadin wannan baccin da

yake

Gabjejen katone baki amma bakinsa bawai irin baki kirin nan

bane,

Ba kyakkyawa bane amma kuma ba a kirashi da mummuna ba,

Yana da tarin damatsa, jikinsa a cure take a waje daya ,

Kamar acikin mafarki sai yaji wannan busa , zumbur ya mike

sannan ya natsu don kara sauraron busar tabbas wannan busace

dake tabbatarda cewa birnin nan na cikin tashin hankali, nan da

nan ya sanya kaya ajinkinsa, sannan ya sanya sulken yakinsa,

Ya daoki takobin sa ya rataya , sannan ya fito farfajiyar gidan

Nan da nan ya nufi turkin dawakansa da zuwa ya haye kan wata

bakar doki

Take dokin tai rimi sannan ta fice daga cikin gidan.

Wannan gabjejen mayaki ba kowa bane face sarkin yakin

birnin Tehran mai suna ZABBAGI bin SHARMIL

Abin da su kallabu basu sani ba shine A lokacinda suka isa

gidan sarki hinzur Dakarun da suke fada dasu dakarune masu

kare lafiyan sarki su dubu daya,

Su wayannan dakaru basa rabuwa da wannan gidan sarautar sai

sati yadda za'a canja da wasu su wayannan suje su huta

Acikin gari kuwa koda Mayaka da dakaru suka ji wannan busa ,

Nan da nan duk wani mayaki kuma dakare na wannan birni yayi

shirin yaki sannan aka tasamma gidan sarki,

Sabida karan busar daga cikin gidan take fitowa,

Sarki hinzur na turakansa sai sharbar barci yake kwatsam sai

yaji karar wannan busar acikin kunnuwansa

Nan take ya mike daga kwancen daya ke ,

Koda ya fahimci busar na fitowa daga cikin gidansa ne sai ransa

ya baci,

Cikin kankanin lokaci gagarumin shigar yaki irin ta sarakai, ya

dora takobin sa akan kafadarsa

Cikin hasala da zafin rai ya bangaje kofan turakanshi take

kofan ta fadi kasa shirim,

Kofar na faduwa ya fito ya fara tafiya cikin izza koda yaga yayi

tafiya mai dan tsayi amma bai hadu da dakarunsa ba, sabanin

da, sai ya kara fusata nan da nan ya falfala da azabaBben gudu

Cikin kankanin lokaci ya iso bakin babban kofan da zata

sadashi da farfajiyar gidan,

Cikin kunan rai ya daki kofan da kafansa take kofan ta fadi

rikica ,

Kofan na budewa sarki hinzur yai arba da wayannan yan fashin

sai ratattakan dakarunsa suke.

Nan take ya kwala wata irin kara wacce tasa gabadaya mayakan

suka tsaida yakin sannan sukai dubi izuwa wajen da yake tsaye

Yanfashin naganin haka sai suka falfalo da gudun tsiya don su

afka ma sarki hinzur

Sarki hinzur na ganin haka sai shima ya ruga da gudu don ya

tarbesu,

Koda ya rage baifi saura taku kadan ba tsakaninsa da yanfashin

sai ya daka tsalle yai sama , a saman ne cikin zafin nama ya

shafttare,

Makogwaron yanfashinnan da sukai kansa su biyar.

Nan fa sarki hinzur ya cigaba da sara da suka baji ba gani duk

inda ya nufa sai de kaga sassan jikin mutun na yawo bisa

sararin samaniya, yadda kasan ana sassabe a gona, tabbas

masifa ba' a samata rana lallai da mutum yana wajen yana ganin

irin yanda sarki hinzur ke yiwa wayannan yanfashi kisan gilla

toh daya tabbata lallai sarki hinzur ya cika NAMIJIN GASKE

duk girman kato sai dai kaga yayi tsalle ya saka takobinsa ya

farke masa ciki take zakaga jini yayi tsartuwa, cikin kankanin

lokaci sarki hinzur ya kashe kasu biyu cikin kaso uku na

yanfashin

Koda yan fashin suka fuskanci muddin aka cigaba da wannan

yakin a haka toh tabbas nan da wasu yan dakiku za'a karar da su

Ai nan take yanfashinnan suka fara neman hanyar tsira, cikin

masifaffen gudu suka tasamma kofan fita daga gidan da nufin

su fice daga gidan sarautar,

Bazato sai gani sukai kofan gidan ta bude da kanta

Budewar kofan keda wuya sai ga sarkin yaki zabbagu ibn

sharmil da mayaka abayansa kimanin milyan daya ,

Nan fa sarkin yaki ya cigaba da fille kawunan yanfashinnan shi

kallabu koda ganin haka sai ya hankalinsa yayi matukar

dugunzuma take ya sadakar cewa ya rigaya ya mutu,

Tsulum sai ganin Kamsas yayi ya bayyana agabansa yana

baiyana ya kama hannun kallabu yana shirin furta kalmomin

dazu kenan kawai sai gani sukai sarki hinzur ya baiyana a

gabansu

Cikin matukar hassala sarki hinzur ya daga takobinsa sama da

nufin ya fille kan shugaban yan fashi kallabu da kuma kamsas ,

Koda Takobin tazo daidai saitin wuyan kallabu

Sai........

SAI ME

SHIN AGANINKU KALLABU ZAI TSIRA DAGA KAIFIN

TAKOBIN SARKI HINZUR KUWA

Part D is Coming Soon

Marubuci:- Shuraih Usman

Hakkin mallaka (m) Shuraih Usman

Company:- Shuraih 99%

Typing:- shuraih 99%