03
by @mrsjmoon
HATSABIBIN TSIBIBI
Page 03
Wad'annan manya dokoki sunyi matuƙar tasiri wurin d'aukaka darajar TSIBIRIN ta inda mutanen cikinta ke alfahari da kansu domin sukan sakko yin farauta inda suke razana makiyaya su d'auka wasu halittu ne na daban ko aljannu ne suka bayya garesu inda zasu gudu subar dukiyarsu sai su kame shanye tarw da tarkacensu ciki har da yaransu maza da mata wanda basa iya gudu ceton rai, su dawo kan TSIBIRIN su sadaukarwa Sarki shi kuma ya d'iba ya bar musu sauran su raba tsakaninsu domin lokacin basu da yawa sosai kome suka samo na wadatarsu. Yara da suke rabosu da iyayensu kuwa suna zuwa Sarki ke tsaface zukatansu su manta da danginsu su saje da jama'ar Tsibirin in suna da addini su koma marasa shi.
Shi yasa babban yare a Tsibirin Fulatanci ne sai yarensu na gado wato Dusanci sai ko tsillin yaren Hausa domin cikin mafarautan da tsau-tsayi ya kan ritsa da su zuwa farauta yankin an taɓa kamo Bahaushe inda ya zauna a fadar Sarkin zamanin tare da miƙami mai girma wanda yanzu a cikin tsatsonsa ne Sarkin yaƙi ya fito wato mahaifin Jarumi Buda.
Jama'ar Tsibiri mafi aka sarinsu suna da hasken fata mai daukan ido musanamam matansu shi yasa suke da kyau na ban mamaki ko da kuwa baƙin fata garesu to zaka gansu masu cika idanun mai kallonsu ne dan haka maza da matansu masu d'aukan hankali ne ainun sakamakon gauraya da jinin Fulanin usul da sukayi.
Suna da zumunci na ban mamaki tare da rufawa juna asiri, jimlatan sun kasance masu amfana da kayan juna ne sam basu san k'eta da mugunta ga junarsu ba shi yasa suke zaune tamkar Uwa ɗaya Uba ɗaya.
Tafiya ya yi nisa inda TSIBIRIN ya cika da 'ya'ya da jikoki inda duk a tsarin da Sarki GOMA ya ginasu suke wato tsafi da kwace wanda tuni ya mutu shekaru masu yawa da ya shudewa, sai babban d'ansa ya gajesa bayan ya rasu shima d'ansa ya gajeshi, haka dai suka cigaba da rayuwa bisa gadon-gado tare da cigaba da gina mulkin zaluncin na fashi da makami gami da sace 'yan matan Fulani su zamo uwayen ƴaƴansu sai dai ba wacce ake haikewa sai tare da son ranta domin a zamanin wani sarki mai suna Numan babban bafadensa ya taɓa haikewa ɗaya daga cikin wanda sukayo fashin dan nuna isarshi a fadar tunaninsa ya wuce ayi masa hukunci, aikam yana gamawa Dodo ya kwalla ihu kafin ace kwabo jama'a sun taru gaban fadar Sarki, ana haka cikin dakon jawabin da za a yi masu saiga Bafaden nan ya bayyana tsirara, batare da duba girmansa gami da mikaminsa ba aka datseshi tare da jefashi a kogin sihiri tun daga ranar jama'ar suka sake shiga taitayinsu suke gujewa aikata wannan zunubi.
A wannan karnin Sarki Barde ke mulkin TSIBIRIN wanda ya kasance jika ga sarki Gunu wanda ya sauka mulki batare da ya mutu ba dalilin mutuwar magajinsa wato mahaifin Barde dan haka ya nad'a jikinshi Barde dan shima ya kasance yana da halin zalinci amma yana kawo tsari mai b'ullewa ga masarautar tamkar yarda Sarki na farko ya ke yi dan ba'a tab'a sarki mai kawo mafita ga Tsibirin ba irin Sarki Goma sai kuwa yanzu da sarki Barde ke kamantawa amma duk da haka suna da bambanci mai tazara domin shi Sarki Barde wani lokacin yana kamanta adalci sab'anin Sarki Goma da zaluncin kawai ya sanyawa gaba tare da wad'anda suka biyo bayanshi ciki har Kaka Gunu.
A kawo sauyi ga Jama'ar Tsibiri Sarki Barde ya sanya mutanensa sun soma Noma da kiwo a gefen Tsibirin inda duk wani makiyaya da suka jiyo k'amshinsa zasu bi bayansa su yake shi su mamaye dajin baki ɗaya. Da yaga sun tara abin duniya sai ya hanasu fashi da makami sai bisa lalura ta rashin abinci sannan ya nad'a mutum uku da zasu rik'a kaikawo a tsakanin jam'ar TSIBIRIN.
Sai ya killace TSIBIRIN ta inda ba mai iya fita gefenta da zarrar sun cire amfanin gona face mutum uku sun amince masa, kome mutum ya keso a nan TSIBIRIN zai samesa domin ya bud'e musu kasuwa na cinikayyan kayan abinci da sutura dan yanzu suna saka kaya sab'anin a baya da suke saka ganye da fatu. Na mijin da ke da aure zai saka dogon wanda da rigar 'yar shara mara aure kuwa gajeren wando zai saka da rigar sak'i na Fulani, mata kuwa da mai aure da mara aure zani da riga na sak'i suke sakawa su nad'e kansu da bak'in sak'i sai dai 'yan matan sunfi saka godayen riguna na farin yadin karen miski da ratsin ja.
Su wad'annan mutum ukun da Sarki Barde (Mai Tsibiri) ya wakilta sun had'a da Sarkin Noma wanda alhakin kula da kayan amfanin gona ke hannunshi shi ne ke fitarwa da Sarki kasonshi kafin mamoni ya soma amfana da kwayar hatsin da ya noma haka shi ke hada-hadar sai da musu da kayan ya kawo musu kudinsu ba cuta ba cutarwa. Sai na biyu shi ne mai dawa wato sarkin mafarauta wanda shi ne ke kula da abu-buwan da ke faruwa a dajin da kewayen Tsibirin gudun samun tangarda mahara su kawo samame duk da Tsibirin na kewaye da alk'aluman tsafi. Sai mutum na ƙarshe shi ne Sarkin yak'i wanda shi ke sanya ido a kai da kawon kowa dake cikin Tsibirin da shirin ko ta kwana idan mai dawa ya yi nisan zango zuwa farauta.
Musanman Sarki Barde yasa aka farauto driver da motarsa, ya sami wata biyar yana ko yawa mutane uku nan mota bayan sun kware ya korashi daji inda Namun daji sukayi watanden namansa bayan ya turawa 'yan matan Tsibirin sun gama zuk'e masa ruwan jiki da jarabarsu daga nan labarinsa ya zamo tarihi. Sarkin ya sama musu motoci uku lafiyayyu inda suka soma shiga cikin gari suna mu'amala da su ta hanyar fitar da amfanin gonansu su siyar su siyo wanda basa shukawa tare da sutura irin tasu sai dai duk in zasu shiga gari sukanyi shiga irin na makiyayan usul wani zubin kuma suyi irin na kabilun da suke hurd'a da su shi yasa abokan huld'an kasuwancin nasu basu gano daga inda suke fitowa ba balle su zama abin tsoro.
Duk wannan lamari da ake ciki Tsibirin baida magaji domin matar Sarki Barde bata taɓa yin bari ba, ganin haka sai ya dukufa yin tsafi akan ya samu haihuwa inda kakanshi Gunu ke tausarshi da cewa zai haihu da zarar lokaci ya yi. Kwatsam bayan shudewar wasu shekaru matar sarki ta sami rabo inda ta haifi 'yan biyu dukansu mata masu kama d'aya tamkar an tsaga kara, ranar suna anyi bidiri na gaban kwatance daga bisani aka sanya musu suna Lina da Lima inda suka ci gaba da girma bisa kulawan mahaifansu da kakan mahaifinsu wato tsoho kaka Gunu.
Sai dai tun suna tsumman goyon suka taso da bambancin ra'ayi inda Lina mai tausayi ce Lima kuma muguwa, hakan yasa basa ga maciji da juna.
Lima ta soma cutar da 'yar uwanta Lina tun kafin su san kansu sai Mahaifiyarsu wanda suke kira da Mah ta maida kulawarta ga Lina shi kuma Abun ya maida nasa kulawan kan Lima inda Tsoho Guna ya mara mashi baya. Sadda suka soma tasawa sai Kaka Gunu ya killace Lima ya soma koya mata dabarun tsafi da yak'i ya yin da itama Lina ke amsar horon wurin d'an sarkin yak'i Buda a b'oye batare da sanin kowa ba wanda ya kamu da sonta batare da ta san yanayi ba, dalilin da ya k'udiri aniyar horar da ita kenan domin yana sane da wariyar da Kaka Gunu ke nunawa tsakaninta da yar uwanta sai dai abinda bai sani ba horarwan baiyiwa Lina amfanin komi saboda kafin ta dawo gida Kaka Gunu zai lalatashi idan ta dawo nanma mahaifiyarta kan cigaba da koya mata tsafi domin tasan ilimin sosai wanda shi ne ke amfanarta domin Kaka Gunu bai lalatashi bisa wani dalili nashi na daban.
Ganin sun soma taka makakin girma sai burin Sarki Barde ya koma kan tagwayen 'ya'yan dan yana aiyana wata rana d'aya daga cikinsu zata jagoranci jama'an Tsibirin domin su kad'ai ya mallaka saidai burinshi yafi karkata akan Lima saboda muguntarta da k'arfinta tamkar babban sadaukiya sabanin Lina da ke da sanyi tare da gudun zalinci dan lokacin suka shiga shekaru goma sha ɗaya a duniya amma a haka Lima ke iya dambe da manyan sadaukai kuma ta samu nasara akansu. Tunanin mai Tsibiri daya dana Kaka Gunu duk da a tarihin Tsibirin mace bata taɓa jagorantar su ba.
Lokacin da suka taka matakin cikakkun 'yan mata sai rashin jituwar su ya k'ara tsanani sakamakon ganowa da Lima ta yi Sadauki Buda na son Lina wanda ta ke ganin bata isa kaiwa matsayin ba alhalin gata wacce ta tara abin so fiye da ita kamar k'arfi da tarin ilimin tsafi, wannan dalili ya tunzurata ta ƙara k'aimi wurin murguna mata ya zamo bata jin dadin zaman Tsibirin kwata-kwata, sai ta soma keb'e kanta tana rayuwa ita d'aya inda Lima zata binciko wurin taje ta mallake a cewar ita ce ke da ikon mallakan wurin hutawa sama da Lina.
Tsananin Lima ya soma kai Lina bango gashi bata son suna fada da juna, sai kawai ta koma duk in ta fita rangadi sai ta ajiye kuyanginta a bayan gari ta zama tsun-tsuwa mafi gudu cikin tsin-tsaye ta nufi biranen da ke da nisa da su inda zatayi ta ganin ababen al'ajabi musanman bauta da taga jama'a na yi a killatattun d'akuna masu kyau abin da yafi bata mamaki shi ne ganin yarda suke gudu idan ana magana a abin fitar sauti (Kiran sallah kenan) sai ta lalace wurin kallonsu gami da sauraren muryan da ke fitowa (Karatun Qur'ani kenan) ta kan b'ata lokacin tana saurare tare da son shiga wurin amma sai ta riƙa jin hucin zafi na dawo da ita baya inda zatabar wurin a d'imauce amma idan ta nemi shiga dayan ginin da ake kida da rawa gami da wak'a sam bata jin hucin zafi sai tafi maida hankali a wurin inda zatayi ta binsu suna tikan rawa batare da ta bayyana masu fili ba balle su koreta har ta soma ƙaunar yaren da suke magana da shi ta soma fahimta kaɗan-kaɗan. Wani zubin kuma in ta shigo birnin sai ta tare a makarantun boko inda wannan ya bata damar jin yaren turanci managarci har take fahimtar abinda ake koyarwa a d'akin da ake yin rawa da wak'a.
Sosai ta sami ilimin boko batare da sanin kowa ba sai mahaifiyarta wacce bata boye mata duk abin da ta aikata, sannan tana halarta Masarautu kala-kala tana naɗo salon mulkinsu domin wata rana ta shimfida a Tsibirin su da take da burin mulkansa ko da hakan zaizamo ajalinta ne.
A kwana a tashi Lina na nad'o labarai na samun 'yanci sai watsam ta soma aiwatar da manufarta cikin dibara inda ta kawo sauyi a tafiyar mulkin Tsibiri inda ta soke tsarin hana jama'ar Tsibirin fita lamarin gabansu sai da izini wanda ba dan mahaifin nata ya so ba ya amince rok'onta sai dan manufar da ta gina maganar akai mai amfani ne na abar kowa na fita shan iska duk inda suka so da harkan cinikaiya da kansu saboda ta nan zasu kara wayewa na daga abin da basu sani ba sannan tanan za su iya ƙarowa Tsibirin sanin da bata da shi ta fannoni da dama. Ganin ta samu nasara a nan bayan wani lokaci ta sake wargaza wani tsarin inda nanma ta sauya musu shigar sutura ta kawo tsarin 'yan gidan sarauta dole su bambanta da jama'ar da basu da sarauta inda ta ce suna da damar saka suturun da suka so a duk sadda suka ga dama kuma mai tsada da burgewa irin wanda yayi daidai da ra'ayinsu musanman ga 'ya'ya mata ababen ado da kwalliya su kuma jama'ar gari ta ce suna da damar saka sutura masu rufe jiki duk kalan da suka so amma banda irin na gidan Sarauta. A nan gefen ne tasha wuyar janyo hankalinsa har ya amince da tsarin inda Lima ta yi ta fushi wai Lina na son juya kan mahaifinsu son da keyi mata ya dawo kanta sai da kyar ya iya shawo kanta ta janye ik'irarin sai ta yi yaƙi da Lina.
Jama'ar Tsibiri kam sun ji dad'in wannan sauyi dan a take suka soma bata girma sama da wanda suke bawa Lima dan killace su a wuri ɗaya yayi mugun takurasu basa da bakin magana ne kawai ya sa dole sukayi biyayya ga abin da iyaye da kakanninsu suka wanzu a cikin shi.
Mrsjmoon ce🥰