KURMAN ALLO

011

by @jeeddah3256

*KURMAN ALLO*

(A beautiful Love story)


NA

JEEDDAH ALIYU

&

ASMY B ALIYU


#Love Story

#Gwagwarmaya

#Team Tagwaye novels


011.


Daya daga cikin wayoyinsa ta ɗauka wacce ta kasance ita ce babba iphone 14 pro max, ba ta tasha wahala wajen cire code saboda sunanta ne, yawanci dukka pics ɗin dake ciki nata ne, ta shiga nan ta fita nan sai kace ta bashi ajiya a wayar ne. Text message ya shigo daga habibty, ɗan ƙaramin tsaki taja tare da buɗe text ɗin "Habibi ka buɗe Data na tura maka pics ɗin kitso da aka yi min yau ka gani ko ya yi kyau.

"Mtss! Aikin banza tsabar iskanci hatta da kitso tayi sai ta nuna masa.

Aydah ta yi magana a bayyane sai kawai ta buɗe Data ɗin jim kaɗan sai ga pics ɗin sun shigo kusan guda biyar wanda har sun buɗe "mtsss! Ta sake jan tsaki har yafi na farko a dalili kitso da aka yiwa Rumaisa na attachment ne irin gana waving ɗinan ƙanana ya sauka har gadon bayanta, tsabar ɗaukar magana irin na Aydah sai kawai ta yi tagging guda daga cikin pics ɗin ta rubuta "Bai yi kyau ba ko kaɗan saboda ba da ainihin gashinki kika yi ba sai da kika haɗa da gashin doki kuma Allah ya la'anci mai ƙara gashi. Sai kawai ta tura mata tana gani text ɗin ya tafi ta kashe Data ɗin ta ci-gaba da sabgar gabanta.

AB ya fito sanye da farar jallabiya sai zabga ƙamshi yake ya dubi Aydah ya ce "tashi mu tafi yunwa nake ji tun breakfast ban sake saka komai a cikina ba.

Aydah ta tashi da sauri suka nufo flat ɗin Mami koda suka shigo hatta da Mami jiraye take da ita ganinta tare da AB yasa dole suka shafa mata lafiya saboda sun san in har yana wurin ba dakuwa za ta yi ba.

Bayan sun kammala ci abinci AB ya wuce parlorn Daddy saboda tun a kamfani Daddy yace yana so su tattauna magana mai muhimmanci. Bayan ya yi sallama Daddy ya amsa masa kana ya ɗan runsuna ya gaida Daddy, ya nemi wurin ya zauna yana faɗin.

"Daddy ka ce za mu yi magana.

AB ya yi magana yana kallon Daddy wanda hankalinsa ke kan akwatin talabijin yana kallon news.

Sai kawai Daddy ya tattaro hankalinsa ya mayar kan AB "Abba dangane da zance aurenka ne nayi magana da Alhaji Habibu Bichi akwai 'yarsa da ta kammala karatun ta na pharmacy yarinya ce mai cike da nagarta ka shirya gobe idan Allah ya kai mu ka je ku dai-daita bana so al'amari ya dauki dogon lokaci.

Wani irin gumi ne ya karyowa AB a jiki ya kasa furta uffan sai bin Daddy da idanu yake yi, da Daddy ya ji ya yi shiru bai ce komai ba ya kuma san halinsa da kawaici da matuƙar wahala yai mishi musu saboda haka ya umurce shi da ya tashi ya tafi amma ya tabbata gobe ya je sun gana da yarinyar. AB ya baro parlorn Daddy tamkar zai rusa ihu, meyasa Daddy zai kafe lallai-lallai sai ya yi masa aure? Shi ba wani mummuna abu yake yi ba da zai sa Daddy ya matsawa kansa. Tun sanda aka fasa aurensa da Rumaisa aure ya gama fice masa arai Rumaisa ita ce zaɓinsa ita ce mace da yake ganin zai iya zama da ita a karkashin inuwar aure. Da wannan tunani ya dawo bangarensa ya cire jallabiya jikinsa ya hau gado ya kwanta ba don yana ji bacci ba sai don yana ji kaman kwanciya zai iya sassauta mishi halin da yake ciki a koda yaushe yana ƙoƙarin danne damuwar da yake ciki don gani ya farantawa Daddy yasani muddin ya bari damuwar da yake ciki tai tasiri za ta shafi makusantan shi da dama abunda baya fatan faruwarsa shiyasa yake pretending as yana cikin farin ciki alhali azahirance ne kawai amma badilinsa abu ba haka bane. Yana so sanin wani abu da ya danganci asalin iyayensa komai ƙanƙatarsa amma babu hali yin hakan saboda Daddy ya gargaɗe sa akan zancensu. Daren rana AB bai yi bacci ba sai tufka da warwara yake. Shiyasa washe gari ya tashi da wani irin azababben migraine headache, adaddafe ya je sallar asuba yana dawowa ya sake kwantawa sai lokaci ya sami bacci.

Yau trouble maker Aydah an auna arziki ta shirya da wuri, yau su dukka uku za su fita Siyama da Sadiya dukkansu biyu lectures ɗin safe suke da. A parking lot suka rutsa Aydah kowane su da kalan muguntar da yai mata Sadiya ta fara kai mata rankwashi yayin da Siyama ta sakar mata mugun dundu saboda azaba sai da Aydah ta fasa ihu ido ya raina fata har ta isa school tana matsar idanuwa sai tsokana amma babu juriya.

Sai misali ƙarfe 11:00am AB ya falka zuwa lokaci ciwon kai ya ragu sosai agaggauce ya yi wanka ya shirya ko breakfast bai tsaya yi ba ya wuce kamfani saboda yana da meeting da team members (employees) wannan meeting ɗin har da Daddy zai yi attending ƙarfe 11:40am dukkansu sun hallara a conference hall dake cikin kamfanin bayan AB ya gabatar da sabuwar motar da za su kawo bayan dogon bayani da ya ɗauke shi tsawon awannin yana yiwa team members dangane da mota ɗin wani abin burgewa kamfanin su shine kamfani na biyu da zai fara shigowa da irinta a Nigeria, cike da kwarewa ya kammala jawabin nasa, sannan ya zauna nan take hall ɗin ya kaure da tafi da sowa. Daddy sai gyaɗa kai yake yi cike da alfahari kasancewarsa mahaifi ga AB idan ka cire mutane biyu Alh Sanusi da Alh Umar dake ciki hall ɗin kowanne team member za ka hango fuskarsa lulluɓe da farin ciki domin nasarar kamfani nasarar su ce dukka. Bayan an watse daga meeting ɗin a jigace AB ya wuce ofishinsa wani irin jiri ke ɗibarsa bai daɗe da zama ba ya ji muryar Secretary shi Skyler a dai-dai ƙofar shigowa ofishinsa da alama akwai wanda take sa'in-sa dashi, da ƙarfi aka banko ƙofar ofis ɗin nasa ya ɗago yana dafe da forhead ɗinsa "Madam! Madam, I told you that you're not allowed because you do not have an appointment with him, Come back and wait. Lemme ask him first if he wants to meet you.

Duk maganganu da secretary Skyler ke yiwa Rumaisa bai sa ta tsaya ba har sai da ta iso tsakiyar ofishin ɗin na AB alama AB ya yiwa Skyler da hannu ta juya tare da rufu ƙofa ta koma baki aikinta cike da jin haushin Rumaisa.

"What's all this Abba? Na ce menene wannan miyasa za ka yi min wulaƙanci irin wannan?

if you really want to break up with me, you should not follow this way Abba. Sai da ta fesar da wani kalan iska mai zafi daga bakinta muryarta yana rawa ta cigaba da faɗin "I know all this time I was the only one who loved you and you didn't love me ba ka sona Abba ina yaudara kaina ne kawai.

Ta ƙarasa magana hawaye yana bin kumatunta Abba bai ce komai ba sai komawa ya yi jikin kujera ya jinginar da bayansa tare da lumshe idanuwansa yana ji yadda kansa ke wani irin sara mishi kwata-kwata bai san abunda take magana akai ba kuma ko za su kai gobe ba zai iya buɗe bakinsa ya tambaye ta ba. Da ta gaji da masifarta ta nemi kujera ta zauna sun ɗauki tsawon lokaci ba wanda ya yi magana Rumaisa tasan waye AB ciki da wajensa, shiyasa ta saukar da fushinta cikin sanyi murya kaman za ta yi kuka ta ce

"Please Abba, talk to me, why did you humiliate me? Na je na ɓata lokaci aka yi min kitso da body waxing don dai kawai na burgeka ka soni ni kaɗai amma ka rasa kalma da za ka jefe ni da ita sai wannan.

Ta nuna masa wayarta duk da azababben ciwon kan da yake ji hakan bai hana shi bi text message ɗin ya karata take ya gane ko aiki waye.

"Idan ma baka so ina ƙara gashi sai ka faɗa min ta siga mai daɗi sai na daina duk abunda ba ka so Abba duk son da nake masa wallahi zan daina.

Rumaisa ta faɗa tana wani langwaɓar da kai.

"Rumaisa ki tafi gida za mu yi waya,

Ya faɗa kamar mai ciwon haƙora.

"Abb...

"Please go!!

Yai sauri tarar numfashinta ba tare da ta sake magana ba ta tashi ta nufi ƙofar fita tana sharar hawaye tana fita ya sauke naunnayar numfashi.

*MASARAUTAR KUDU*

Alh Aliyu na uku yana gani Hajiya Safiya ta fita ya miƙe ya nufi master bedroom ɗinsa kai tsaye wardrobe ɗinsa ya nufa bangaren da ya ajiye safe ɗinsa ya saka lambobin sirri (code) ya buɗe safe ɗin yana ɗauke da muhimman takardun sa wasu hotuna ya ɗauko ya nufi gefen gadonsa ya zauna hoton farko ya fara ƙurawa idanu na wata kyakkyawar baturiya tana tsaye jikin wata bishiya wacce samanta ke ɗauke da furanni ja da fari tana sanye ne da half blouse pattern gown red in colour rigar da kaɗan ta wuce gwiwoyinta, gashin kanta ya sauka har gadon bayanta, mace ce kyakkyawar gaske wacce kallo ɗaya za ka yi mata ka tabbatar da kyawon nata yakai maƙura. Ya ɓata lokaci sosai yana kallonta yana sauke numfashi a jere kafin ya aje hoton gefensa, idanuwansa suka sauka akan wanda suke tare manne da juna akan gadon asibiti da kyakkyawan Baby sun saka shi tsakiyar hannayensu tare da rungume shi, Baby yana naɗe cikin farin baby shawl fuskarsa ce kaɗai a buɗe. Alh Aliyu bai ankara ba ya ji wani abu mai ɗan ɗumi-ɗumi yana bin tattausan kumatunsa, bai damu da sai ya goge su ba ya rungume hoton a ƙirjinsa ya ɗauki lokaci mai tsawo a haka sai da ya ji wayarsa tana ringing kana ya tashi ya mayar da hotunan cikin safe ɗin, sannan ya ɗauki wayarsa dake ta faman ruri.

*ALH BASHIR MANSION*

Misali ƙarfe 4:15pm AB ya baro kamfani duk da yana da tarin muhimman ayyuka da ya dace ace ya kammala su kafin tashinsa sai dai ya zama mishi dole ya bar ayyukan duk da irin muhimmanci su agare shi, saboda yana so ya je ya haɗu da yarinyar da Daddynsa ya nema masa bedroom ɗinsa ya wuce ya cire kayan jikinsa ya ɗaura brown towel ya shiga wanka, bai wani ɓata lokaci a wurin wanka ba ya fito saboda har yanzu yana fama da migraine headache sai ma ji yanzu ya daɗa ƙaruwa fiye da ɗazu da safe. Ya shirya cikin farar shadda tasha aiki da zare blue shiyasa ya saka hula blue da blue color sandal irin wanda ake sakaɗa yatsa sosai takalmin suka yiwa fararen ƙafafuwansa kyau, duk da baya ciki yanayi mai daɗi hakan bai hana masa feshe jikinsa da tsadaddun turarunkansa, dama ƙamshi ya zame masa jiki ma'aɓoci so turare ne. Kai tsaye parking lot ya wuce ya shiga motarsa tuni maigadi ya wangale masa gate koda ya isa gidan Alh Habib Bichi ƙarfe 5:44pm bayan ya yi parking motarsa ya aika maigadi ya sanar wa da Mufeeda zuwansa.



#Love Story 2023/2024

#Jeeddah Aliyu

#Asmy b Aliyu

#Team tagwaye novels

#Kurman Allo.