03
⭐️YADDA ƘADDARA TA SO⭐
⭐شاء القدر⭐
©By Sai Kaska
*proud of my first novel*
*BABI NA UKU (3)*
HANAM POV.
Tsaye take a cikin babban kitchen ɗin gidan nasu, tana haɗawa aryasn elecare, wani nau'in abincin yara, tana bashine sbd mama baya isarsa, kumama yana ƙara girma dan haka take haɗa masa da sauran kayan abinci yara. Sanye take da green cargo pants, sai wata baƙar shirt mara hannu, ta ɗaure gashin kanta da rubber band.
Fitowa tayi daga kitchen ɗin tana fifita abinda ta zuba a cikin wani sabon bowl da taga a kitchen ɗin, a lokacin masu aikin dafa abinci na gidan suna jera abinda suka dafa a kan danning table, waje ta samu tana aje bowl ɗin, yayinda take amsa gaisuwar da masu aikin suke mata.
Dakinta ta koma wanda yake haɗe da ɗakin aryaan ɗin, ta shiga ta sameshi zaune cikin munchkin baby cradle ɗinsa yana jujjuyashi, yayinda yake tsotsar pacifier ɗin dake bakinsa
“aaaah, aryaan ammy”
Ta faɗi tana masa wasa tareda ciroshi daga cikin baby cradle ɗin, ta sabashi a kafaɗa, wayarta dake cikin aljihunta ce ta shiga ringing ta sa hannu ta ɗauko wayar, ganin abbabnta ne yasa tayi murmushi, ta ɗaga kiran ta gaisheshi, baya ha amsa yace
“maman babanta, mamarki ta....” tun kafin ya karasa ta katse shi
“la abba hiya mana immi”
( a'a abba ita ba mahaifiyata bace)
“to matata, shikenan?”
Ta gyaɗa masa kai kamar yana gabanta sannaan shima yaci haba
“ta kawo min kararki, wai kin mari ɗanta”
Ta ɗan gyara riƙon da tayiwa arya a hannunta da babu wayar
“eh hakane”
“to maman babanta me yasa ?”
“abba arya ya kira da shege, ni kuma na gaza jurewa shi yasa na mareshi ”
“to maman babanta a dinga haƙuri dai, kinga shi yayanki ne, ya girmeki, kuma ko ba haka ba shi namiji ne, a dinga ƙoƙarin sarrafa fishi”
“umhm” daga haka kuma suka ɗan tattauna daga bisani sukayi sallama bayan ya faɗa mata cewar gobe zai dawo, ta aje wayar sannan ta fito daga ɗakin zuwa ƙasa.
Zama tayi ta shiga bashi baby feed ɗin tana masa wasa, zuwa lokacin mutanen gidan sun fara fitowa, arya sai ƙyal-ƙyala dariya yake har haƙwaransa biyu na sama da suka fara fitowa na bayyana
“kutumar dumadu”
Hanam ta tsinkayo muryar hajiya mero a bayanta na ƙunduma ashar bata ko juyo ba taci gaba da yiwa ɗanta wasa tana bashi abincin
“ya sa kika damawa shegen ɗanki abu a cikin sabon kwano na ?, ko ke kika siyomin ?”
Nan da nan hanam ta tsuke fuska ta aje bowl ɗin ta juyo ta fuskanci hajiya meron da kyau
“kikace kwanan ki, yau ai ni inajin duk cikin ku babu wadda tazo koda da cokaline gidan nan, ko waccen ku haka aka wanko kafarta ziƙa-ziyau aka kawota, kuma kina zancen naki tunda ya riga ya shigo cikin gidan ubana ya riga ya zama mallakinsa, kuma ma faɗa min sana'ar me kike da kika samu kuɗin siyan bowl ɗin ?..... babu ko ?, nasan ai kiɗin ubana ne, dan baka babu ruwanki da ni”
“lalle hanam wuyanki yayi kauri, yanxu ni kika dubi ƙwayar idona kike faɗa min wannan maganganun?.....naji ni haka ziƙa-ziyau aka kawoni gidan ubanki, me gidan uba, shiyasa naga taki uwar ta gudu ta barki cikin zanin goyo”
A fusace hanam ta miƙe tana kallon cikin idon mero
“mero bari kiji na faɗa miki, ni bani da uwa abba shine uwata kuma shine ubana, waccan matar ba uwata bace, watace can da ban, kuma magana ta ƙarshe kada ki kuskura ki ƙara kiran ɗana da shege, ɗana ba shege bane yanada uba, kuma nice ubansa, fatan kin fahimta ?”
Tana kaiwa nan ta bar wajen bayan ta ɗauki ɗanta.
MARYAM POV.
*Da misalin karfe 7:30am*
Maryam na zuba musu abinci a kwanuka, dan hassan da hussain da muhsin duka sun shirya domin zuwa makaranta.
Abincin ta gama zubawa tazo ta aje musu a gabansu.
“yaya ke yau bazakije makaranta bane ?”
Hassan ya tambaya ganin sam ba tayi shirin zuwa makarantar ba
“aa hassan bazanje ba, registretion mukayi ai”
“oh na gane”
“au ni kin tuna min ma, idan kin gama ki kiramin kawu usman ɗin nayi masa maganar kuɗin” cewar maanmu.
Kawu usman shine babban yayan su maanmu, kuma tun lokacin da tijjani ya tsiri rashin mutunci shine ya dawo yake kula da maanmun da yaran nata, kuma yanzu haka shine yake ɗaukar dauyin karatun Maryam ɗin, dan a yanzu haka ta gama ND 1, zata shiga ND 2, kwana nan suka gama siwes ma.
“to, in anjima zanje gidan su Badar, jiya nace mata zanje amma banje ba....”
bata ko gama rufe bakinta ba saiga sallamar Badar, tana shigowa ta gaida maanmu ta shiga aikawa Maryam sakon harara.
“Badariyya zo muci taliya”
“aa wallahi maanmu, a ƙoshe nake, dade ɗumame ne”
“ke wai yau bazakije makarantar ba ?”
“ban sani ba”
Badar ta faɗi tana kawar da kai
“ke kiyi haƙuri wallahi jiya aiki ne ya riƙeni shiyasa banzo ba”
“hassan kuyi sauri ku gama ku miƙamin yaron nan makarantarsu, kar ya makara su dakar min shi”
“ai da zasu dakeshi ma da ba haka ba” cewar hassan yana wurga masa harara
“wai dan allah me auta ya tare muku ne ?”
“babu wallahi kawai muguntace irin tasu” cewar Maryam.
Bayan sun gama cin abinci su hussain suka fita suda muhsin, su suna ss3 ne a makarantar government day garko, yayinda shi kuma muhsin yake primary 3 a garko islamiyya, duka makarantun nasu basu da nisa da gida.
*
“ke tura min sabbabin vedios ɗin”
cewar Maryam yayinda suke zaune a ɗakin Maryam ɗin
“ke aliyu ne zai zo jibi”
cewar Badar, aliyu shine saurayin Badar, kuma a yobe yake da aiki, amma ainahinsa ɗan hadejia ne, aikine ya kaishi can
“to allah kawo shi lafiya”
“girki nake so ki masa”
“Badar, ina rabaki da kiwon killa kina killa ta haihu, ba wai girkin ne bana san miki ba, tsorona duk ranar da kukayi aure yace ki masa girki irin wanda kika saba masa lokacin kina budurwa, kikayi bai kai nawa ba yaya zakiyi ?”
“ke rabu dashi wallahi, ni bazan iya ba, kawai ki masa”
“shikenan, me za'a masa ?”
“kinga last time fried rice aka masa yanzu kawai a masa awara me miya”
“shikenan, amma ki kawo da wuri, dan nima jibi zan raka anti fati gidan auren 'yan uwan mijinta”
“ai shikenan”
Badar ta faɗi tana duba mata sabbabin vedios ɗin girkin data samo mata a tiktok.
TAFIDA POV.
zaune yake a mazaunin me zaman banza, yayinda abokinsa muktar yake tuƙa motar, dan dama shine yaje ya ɗauke shi a airport bayan ya sauƙa a kano, idanunsa sanye da wani sun glasses, ya boye kalar ƙwayar idansa data koma ja tunda safe, duk da muktar yasan halin dayake ciki amma baya san ya ɗagawa kowa hankali.
Ya ɗora hannunsa akan bakinsa yana nazari, nazarin abinda zai iya faruwa a hadejia, yanzu ya shiga cikin wani irin hali da baƙin ruhin dake cikinsa yake tashi akai-akai, a da sai yayi wata da wattani bai tashi ba, amma a kwanakin nan abun ya ta'azzara.
muktar ya d'an kalleshi da gefen ido
“tunanin me kake ?”
a hankali ya sauke hannun daya ɗora akan bakinsa ya juya yana kallon window, sai ya lura da har sun shigo ƙofar garin hadejia ta farko
“babu komai...”
“aa Tafida, akwai wani abun”
hakane, kamar yanda muktar ɗin ya faɗa akwai wani abun, jikinsa ne ke bashi cewar akwai wani abu dazai faru, to amma taya zai faɗa masa cewa jikinsa na bashi cewar wani abu zai iya faruwa.
Bai amsa shi ba, sai hannu dayakai ya cire sun glasses ɗin dake idonsa, a lokacin suka karaso dai-dai round about ɗin na malam zangi, babban round about ɗin hadejia.
Tun daga ganin lambar motar matasa suka gane cewa TAFIDA ya shigo gari, tun bayan daya dawo daga india, aka naɗa shi akan sarautar mahaifin sa ta TAFIDA, yayi hawan doki matasan garin dama ƴan mata suka ganshi, shikenan suka samu abun magana, kaf ƴan matan garin haɗejia babu wadda bata san Tafida ba, samari na matukar sansa, hakan tasa a duk lokacin da za'ayi hawan sallah ko na kilisi dakarun Tafida sunfi na kowa yawa, sbd rabi da kwatan matasan had'ejia suna sansa, Allah ya masa wannan farin jinin, ga kuma tarin ƴan matan da zaka gani a wajen idan har yayi hawa, kowa zaka tambaya zai baka labarin Tafida a haɗejia.
Juyowa yayi ya kalli muktar da jajayen kwayoyin idonsa, muktar ɗin ma ya jiyo ya kalleshi, saida gabansa ya faɗi yayinda yayi arba da kalar idon nasa, duk da ya saba ganinsa da idan kwayar idon nasa ta sauya, amma na yau yafi ja, jan har yayi yawa.
“Tafida kayi addu'a”
yayi murmushi me ciwo yana kawar da kai
“itace abun da ako yaushe nake sanyi, amma kuma daga zarar na shiga irin wannan halin bana iya yinta, bakina nakeji yamin nauyi, hatta da harafi ɗaya na larabci bana iya furtashi”
muktar ya girgiza kai cike da tausayin abokin nasa, wata iriyar rayuwa yake me cike da ban tausayi.
Hannunsa ya mika baya, ba tareda ya ta6a bottle ɗin ruwan dake kan kujerar baya ba, bottle ɗin ta taso da kanta zuwa cikin hannunsa, ya dawo da hannun nasa gaba riƙe da bottle ɗin ya buɗe ya kafa kai yana sha, zuwa yanzu sun shigo cikin kofar garin had'ejia, kuma sun hau titin fada, so yake ya samu yayi yaƙi da sheɗanin ruhin nasa kafin su karasa fada.
Bottle ɗin ya aje a gaban motar, ya dafe kansa da hannuwansa, da muktar yaga haka sai ya shiga tofa masa addu'a duk wadda tazo bakinsa, bayan ɗan wani lokaci ya jiƙe sharkaf da gumi, har ya jiƙa rigar yadin dake jikinsa.
A hankali ya ɗago ya jingina da jikin kujera, yanajinsa ya dawo dai-dai, shed'anin ruhin nasa ya tafi, ƙwayar idansa ta dawo ainihin blue ɗinta.
Da haka suka karasa katafariyar fadar garin hadeji, hadejia ginsau birnin doki, ta ɗan abubakar sarki babba. Inji ja'e haɗejia.
A gate ɗin farko wanda aka tanada domin aje motoci muktar yayi parking, suka fito a tade, muktarb ya ɗauka masa jakar dayazo da ita, gaba ɗaya harabar fadar a cike take fal da jama'a, sbd bikin da za'a gudanar na yar sarki gimbiya amina,isarsa ba jimawa labari ya karaɗe fada akan Tafida ya shigo garin.
Kofa ta biyu suka zo wucewa dogarai da hadimai sai kwasar gaisuwa suke, duk da shi Tafidan baya san hakan sam, shi baya d'aukan kansa daban da kowa, gani yake shi dai-dai yake da kowa, amma haka ƙa'idar take, dan haka babu yanda zaiyyi face ya amsa, su kuma suna gaisheda shine sbd suna sansa, dan yafi yarima ɗan uwansa halin arzik'i.
Daga wannan gate na biyu suka shiga soro na farko a fadar wanda ya kasance soron masu gadi da tsaron fada a da, amma yanzu babu kowa a wajen sai masu wucewa, daga soron farko sai na biyu wanda shi kuma ya kasance soron malamai a zamanin da, wanda shima a yanzu babu kowa, sai kuma soro na uku wanda shi kuma ya kasance na ƙoramai, sai soro na huɗu wanda yake d'auke da wata babbar karaga ta sarkin hadejia, daga kasan kujerar wani lallausan yashine zube, sannan kujera a samansa, a duk lokacin da sarki ya sauko daga sallar jumu'a yakan tsaya a wajen ya zauna ayi fadanci sannan a tashi, daga shi kuma sai soron bayi, wanda kuma a yanzu yake ɗauke da tsofaffun bayi na da, wanda har yanzu akwai sauransu, gaba ɗaya saida Tafida yabisu ya gaisar sunata saka masa albarka sannan ya wuce, daga nan kuma wani tamfatsetsen filine, wanda ya kunshi hanyoyi hud'u, daya wadda zata sadaka da 6angaren matan sarki da kuma turakar sarkin, ɗaya kuma wadda zata kaika ai nahin majallisun sarki, sai kuma wadda zata kaika 6an garen bayi da kuyangu na fadar, Sai ta murin dominan sarki.
Nan ɗin ma a cike yake da jama'a haka suka yanki hanyar da zata sadasu da 6an garen matan sarki, wata uwar doguwar tafiya suka yanka kafin suka iso ainahin inda bangarorin matan sarkin suke guda uku, wanda yafi kowanne girma suka nufa, kowanen gini akwai beni, amma kuma kuma irinsu ɗaya sai na tsakiyarsu daya yafi girma.
Aminttaciyarta suka samu tana fitowa daga ƙofar shiga, ta gaishe su tareda faɗi bari tai musu iso, muktar sai ya tsaya yana faɗin
“na gama nawa aikin, na kawoka gida lafiya, dan haka sai anjima idan ka samu fitowa”
Tafida ya juyo yana kallonsa, sai kuma ya ta6e baki cikin ɗaga kafaɗa, dan muktar ba balo bane, shi ɗan gidane, ya karbi jakar tasa sannan ya saka kai cikin kofar parlon, tuntuni an masa iso wajenta, dan haka ya saka kafarsa cikin parlon kai tsaye daga parlon farko ta wuce na biyu, a nan yayi birki, kamshin turaren wutane ya fara ziyartar hancinsa, kafin a hankali ya fara bin parlon da kallo, baiga kowa ba sai himilin tarin kayan abinci akan coffee table, wanda yake da tabbacin nasa ne, yayi murmushi yana juya kai kafin a hankali ya ƙaraso cikin parlon saida ya shiga ya zauna, sannan ya lura da ashe bai rufe kofar ba, dan haka yayi nuniga kofar ya motsa hannunsa nan take kofar ta rufe kanta tareda motsawar hannun nasa.
A lokacin ne kuma ta shigo cikin parlon, bakinta ɗauke da sallama, ya ɗaga kai ya kalleta yana mata murmushin me tsada, wanda ba a ko yaushe yake irinsa ba, dan har hakwaransa na bayyana, itama murmushin take har ta ƙaraso ta zauna a kujera kusa dashi, cike da girmamawa ya gaishe ta, sannan suka ɗan ta6a hira kaɗan, dan ita izzar mulki ta mayar da ita muskila, shi kuma jinin mulki dake yawo a jikinsa yasa baya zantuka barkatai, abici ta fara gabatar masa sannan ta tashi ta bashi waje yaci abinci.
Fulani khadija kenan, matar sarkin hadejia alh Abdullahi abubakar masu (c.o.n) shugaban hukumar sarakunan jahar jigawa, itace matarsa ta farko,bayan ita yanada wasu matan har guda biyu, fulani sadiya itace me bi mata sai kuma fulani usaibatu, fulani khadija sau ɗaya ta ta6a haihuwa, itama kuma bayan sun shafe shekaru samada ashirin ita da me martaba da aure, tukunna ta samu, inda ta haifi ƴarta mace me suna Nadra.
Ita kuma fulani sadiya yaranta huɗu a gidan, habibu shine na farko, kuma shine babba a cikin ƴaƴan me martaba, wanda yake riƙe da sarautar galadima a yanzu, hakan tasa ake kiransa da sunan, ko kuma ace yarima, sai maimun wadda tayi aure suna zaune da mijinta a buja, sai amina da za'ayi aurenta yanzu, sai autansu nabil wanda ya kasance karamine bai wuce 10 yrs ba.
Fulani usaibatu kuwa yaranta biyu, abbas da kuma amra, suke nan iyalan gidan me martaba alh Abdullahi abubakar masu (c.o.n).
Abincin ya buɗe ya ɗan ɗiba kaɗan domin baya jin yunwa, idan kuma yace bazai ci ba fulani bazataji daɗi ba.
Nadra ce tayi sallama tana shigowa cikin parlon, wani uban tsalle ta saki haɗi da ihu yayinda tayi arba da Tafida zaune a parlo yanacin abinci.
Bata san da Labarin zuwan sa ba, yanzu haka tana garden ne taji wasu bayi suna hirar wai Tafida yazo, shine tace bari tazo ta ganewa idonta, kansa tayi da gudu ta rungumeshi, ya aje plate ɗin dake hannunsa shima ya riƙeta yana murmushi me kama da dariya
“hamma yaushe ka zo ?”
ta faɗi tana sakinsa tareda zama a gefensa
“jiya na zo”
Tayi dariya, inda sabo ta saba da wannan halin na Tafida, ya iya mannawa mutum magana, idanta ne sauƙa akan ƴar hadejian dake kwance a gefen fuskarsa, kusa da kunnensa gefen sajensa, ƴar hadejia tsago ukune sirara da haifaffun haidejia kanyi a gefen fuskarsu, kusa da sajensu wajejen kunnensu, hakan tasa aka sanya mata 'yar hadejia
“laa hamma kalli 'yar hadejan ka, ta kusa bacewa, dama nice, allah ba karamin cutar mutane suke ba da suke musu wannaan ƴar hadejan”
Tafida ya kai abincin bakinsa yana murmushi, kowani ɗa dake fadar inhar ya haɗa jini da fadar walau mace ko na miji to sai ka sameshi da wannan zane, kuma bama fada kawai ba har mutanen gari.
Hannunsa ya kai ya tura sumar kansa baya, bawai dan ta sauko masa kan goshi bane, saide dan hakan ta zama ɗabi'arsa a duk lokacin da kansa yake babu hula.
“to ko zamuyi changing face ?”
“aa hamma rabani, ni da irin fuskarka ai duka samarin hadejia dawowa zasuyi suce suna sona, kamar yanda kaima kaf ƴan matan hadejia ke sanka”
maganar tata ta bashi dariya, amma kawai sai yayi murmushi
“au haba ?, ni ɗin suke so kuma ?”
“eh mana, akwai wata class mate ɗina ma datake yawan damuna da zancenka, tace Tafida kaza, Tafida kaza, har cewa ta yi idan tazo bikin nan dan Allah na haɗaku ku gaisa, nace mata kanajin hausa ta ƙaryata ni, wai aikai indian ne taya zaka iya hausa”
“kaimin jakata bangarena pls, i am tired of wannan surutan naki”
Nadra ta miƙe tana jan jakar tasa dan ta sani yayan nata baya san surutu dayawa, hakama mumzzy, gashi kuma ita allah yayita da magana.
🌸-SAI KASKA CE-🌸
⭐YADDA ƘADDARA TASO⭐
⭐شاء القدر⭐
©By Sai Kaska
*** page @Sai_Kaska
*proud of my first novel*
*BABI NA HUDU(4)*
Da misalin ƙarfe goma na dare, fulani khadija na zaune a ɗakinta tana karatu, taji wata iriyar razannaniyar ƙara, wadda ko tantama batayi daga ɗakin Tafida ta fito, a ruɗe ta aje littafin hisnul-muslim ɗim da take karantawa, ta fito da sauri.
A hanya taci karo da Nadra, wadda ko tantama batayi itama jin ƙarar ne yasa ta fito, basu cewa juna komai ba, suka ɗunguma zuwa ɗakin nasa dake can nesa da nasu.
Nadra ce ta murɗa handle ɗin kofar kuma har lokacin sunajin gurnanin da yake, da sauri taja kofar ta rufe tana fashewa da kuka, ko fulani bata tambaya ba tasan me tagani, wannan abun ya saba faruwa dashi a wasu lokutan, amma kuma sam bayayin irin wannan abun.
Matsar da ita tayi daga Jikin kofar ta kama kofar ta buɗe, ta ganshi yana murƙususuwa a kasan ɗakin, kwayar idonsa ta koma ja, dogayen fiƙoƙin nan sun fito masa, gaba ɗaya ya hargitsa ɗakin, gurnani yake da fisge-fisge, nan take kwalla ta ciko idonta, tausayin ɗan nata na ƙara rufeta, shi kuma haka ƘADDARA TA SO ya kasance, a yanzu babu temakon da zata iya bashi, domin tana kusantarsa zai iya halakata, dan wannan ba shi bane, shaiɗanin ruhin nan ne, kuma da zarar ya shigeshi, baya gane ɗan uwa, aboki, ƙawa, uwa, uba ko masoyi.
A baya ta ta6a kokarin kusantarsa lokacin da yake cikin irin wannan halin, abinda ya mata har yau bata manta ba, dan saida ya buga mata kai da bango, kuma har yanzu akwai raunin a goshinta.
A duk lokacin da abun ya tashi rikiɗewa yake ya koma dodo, kofar ta janyo hawaye na mata zuba, addu'a ta shiga masa dan ita kaɗaice abun da zata iya masa a yanzu, jiki a sabule ta koma parlo, yayinda Nadra ke biye da ita, suka zauna sukayi jigum-jigum, banda kuka babu abinda Nadra take, duk da ba yau ta saba ganinsa cikin irin wannan halin ba.
Fulani kuwa hawaye kawai take gogewa, gashi yau ba itace keda turaka ba. Dolene ma gobe ta nemi ɗan masani, lokaci yayi da zai faɗa mata yarinyar data dace, ya kamata a kawo karshen wannan abun, ta gaji, bazata iya zama tana ganin ɗan nata cikin wannan halin ba.
MARYAM POV.
Yau islamiyya ta tafi, domin ta ɗan kwana biyu bataje ba, Kuma tun bayan da tayi sauƙa ma ba sosai take zuwa ba, yau ta samu space hakan yasa tace bari taje makarantar.
Kuma bayan sun taso ne tana tafe a hanya ita ɗaya, kamar kullum sanye cikin dogon hijabi, sai taga sanata a gabanta yana mata murmushi.
“hajiya Maryam, barka da yamma”
Ta ɗan kawar da kai gefe sannan tace “yauwwa barka”
Ta amsa ba yabo babu fallasa
“Maryam kinƙi ki bani dama, kullum cikin bayyana miki sirrin zuciyata nake amma kinƙi ki gane, wallahi maryan ina sanki, ki yarda dani”
Ta ɗan juyo ta kalleshi “amma sanata kasande bai kamata ace ka tsareni a titi kana min magana ba ko ?”
Sai ya shiga sosa ƙeya “to kiyi haƙuri zanzo gida na sameki”
Tafiyarta taci gaba dayi, ta barshi tsaye a nan, yana binta da kallo, shide nan duniya baiga wadda yake soba kamar Maryam, komai nata ya masa, nutsuwa, kamala, ilimi, haƙuri ga kuma kirki, ta haɗa komai da namiji yake buƙata a mace.
Tana zuwa gida ta aje jakar islamiyyar a ɗaki tareda hijabin ta fito tsakar gida, maanmu tana ban ɗaki, muhsin ne kawai zaune a tsakar gidan nasu data sha shara ƙaƙal, kamar ka suɗe, yana wasa, ta zauna kusa dashi tana kakka6e kurar dataga a kansa, yayinda shi yake ci gaba da wasan nasa.
“auta me yasa bakaje islamiyya ba yau ?”
“malam shawwal ne yake duka na”
ya bata amsa ba tareda ya bar wasa da motar gorar da hussain ya haɗa masa ba.
“kuma yanzu auta dan malam shawwal na dukanka sai ka dena zuwa?, haƙuri zakayi ka ci gaba da zuwa kaji ?”
“to dukana yake yaya”
“ka de daure kaji ?, ko baka san shiga aljanna ?”
Ta faɗi tana ɗago da kansa ya fuskance ta
“ina so mana”
“da kyau yaran kirki, to sai ka daure ka riƙa xuwa kaji?“ ya gyaɗa mata kai, a lokacin ne kuma maanmu ta fito daga banɗakin.
“maanmu wai su hussain basu kawo komai ba yau?”
“aa sun kawo shinkafa, kuɗin kayan miyane dai babu, amma ai akwai mai da yaji sai muci haka”
Maryam ta miƙe tana faɗin “ina shinkafar take ?, sai na dafa kinga magariba na ƙoƙarin yi”
“duba ɗakina tana kan loka, kuma nayi magana da kawu yace zai turo miki ta account”
Maryam ta shiga ɗakin maanmu tana faɗin
“to a tayani godiya”
Hussain ne yayi sallama, sannan hassan, maanmu tana zama kusa da muhsin ta ɗaga kai ta kallesu tana amsa sallamar, karasowa sukayi suma suka zauna akan tabarmar, hassan ya miƙawa maanmu ledar dake hannunsa yana faɗin
“maanmu gashi kayan miyar ne aka samu, harda nama”
a lokacin ne kuma Maryam ta fito daga ɗakin hannunta riƙe da ledar shinkafar data ɗauko.
“nama?”
muhsin ya faɗi yana washe baki, hassan ya ranƙwanshwshi a ka
“eh nama kuma bazakaci ba”
Ya fashe da kukan shagwaba yana shura ƙafa, maanmu ta janyoshi jikinta
“kasan allah hussain zan sabar maka, ka fita idona akan auta, tam”
ya juya kai yana dariya, hassan ya miƙe ya nufi inda Maryam take
“hassan inji dai ba bashi kuka ci ba”
Maanmu ta faɗi tana duban hassan ɗin, bayan ta buɗe ledar, tsayawa yayi sannan ya jiyo ya fuskanceta
“aa ba bashi muka ci ba, wani mukayiwa gyaran mota kuma bai biya ba sai yau”
“to allah yayi albarka”
Duka suka amsa da ameen, hassan ya ƙarasa wajen Maryam
“wayarki zaki aramin yaya”
“me zakayi da ita?” ta tambaya ba tareda ta dubeshi ba, tana wanke shinkafar data cire a ledar
“kede dan allah ki aramin, abu zanyi”
Ya faɗi yana ƙara ƙasa da murya, ta ɗago ta kalleshi “ammafa ka sauya min screen gard, dan ya faffashe”
“har cover zan sauya miki, kede ki bani”
“yaushe zaka dawo min da ita ?”
“gobe da safe”
“shikenan, dan allah ka biya ta wajen alos ka turomin littafin Sanadin caca, kuma kace masa wanda pinkish lady ta karanta nake so”
“to”
Ta miƙe ta shiga ɗaki ta fito sannan ta miƙa masa wayar.
HANAM POV.
Zaune take a office ɗinta, tana zane a ipad ɗinta, Secretary ɗinta ta shigo bayan ta nemi izini, ta aje ipad ɗin tana kallonta
“madam an gama haɗa rigar ”
“ok muje na gani”
Ta faɗi tana mikewa, haɗi da gyara botton ɗin suit ɗin jikinta, secretary ɗin ta juya zata fita har suka kusan cin karo da me shigow, ta bashi haƙuri sannan ta fice, hanam ta tsaya tana kallonsa, ya ƙaraso har gabanta ta harɗe hannayenta tana ci gababda kallonsa.
“magana nake san muyi”
“Babu abinda ya rage da zamuyi magana akai jabeer”
“a'a hanam, akwai ya kaamata ki saurareni“
“faɗi ina jinka”
ta faɗi tana gyara tsaiwarta
“ya kamata mu zauna tukunna”
“nop, ka faɗi abinda zaka faɗa anan, inkuma ka manta abinda kazo faɗine zanje nayi aikin dake gabana”
“ Dan allah hanam ki saurareni, a da mun shirya yanda zamu rayu tare, muntsara duk yanda zamuyi rayuwarmu ta aure, amma cikin shekaru biyu komai ya sauya, kika watsar dani, dan allah hanam ki dawo ainahinki, hanam ɗin dana sani a baya”
“ka gama ?, ni zanje nayi aikina” tayi maganar tana duba digital watch ɗin dake hannunta, bai haƙura ba yaci gaba.
“hanam dan Allah ki tuna, munyi alƙawarin zamu rayu tare, zamu haifi yara mu tsufa tare, komai zamuyi tare, zamu haɗa gidanmu, daga ni sai ke sai kuma ƴaƴan da zamu haifa....”
Bata ko tsaya ta ƙarasa jin bayanen nasa ba, ta rabashi ta wuce, ta buɗe kofar ta fita tana faɗin.
“idan ka gama zaka iya fitowa daga office ɗin”
Jabeer ya sandare a wajen tsabar mamaki, hanam ta gama shayar dashi ruwan mamaki, ya rasa gane kanta, ya rasa abinda yake damunta.
Saida taje ta gama na zarin sabuwar rigar da ɗaya daga cikin designer ɗin fashion house ɗin nata ya ɗinka, sannan ta nuna inda bai mata ba da inda take so a gyaggyara, sannan ta fito daga inda akaware domin yin ɗinki kawai a fashion house ɗin.
Ta kamo hanyar dawowa office ɗin, kukan aryaan taji daga cikin ɗakin data ware domin kula dashi, wanda a da ya kasance office ɗin wani ma'aikaci, kofar ta buɗe ta shiga, kuma tun kafin ta buɗe ɗin taga karima naani ɗin nasa ɗauke dashi tana jijjigashi, kasan cewar wajen glasa ne
“me ya faru ?”
Ta tambaya tana karasawa ciki “kuka yake tayi, nayi tunanin yunwace shine na bashi custard amma yaƙi karba”
Karima ta koro bayanin yayinda hanam ke karbarsa daga hannun kariman
“bari na shayar dashi”
Karima ta risina tana kwashe kayan wasan daya barbaza, ita kuma hanam ɗin ta zauna akan armchair ɗin dake wajen, tareda saka mishi mama a bakinsa, ya karba ya fara tsotsa, a lokaci guda yana wasa da perndat ɗin sarkar dake wuyanta, ta kai hannu ta cire hular sanyin dake kansa me kunnuwan teddy bear, ta shiga shafa gashin kansa wannda yake baƙi siɗik, kuma me taushi, sai kuma ta dawo da hannunta ta riƙe dogon hancinsa irin nata sak tana faɗin
“zaka sani duk ranar dana maka yaye”
Sai taga yayi murmushi, still kuma maman na bakinshi, kamar wani wanda yasan me take cewa, itama sai ta masa murmushin.
TAFIDA POV.
Kirari da kuma maganganun hadimai yayinda suke gaisar da me martabane ya ankarar da fulani cewa mai marta ne ya shigo bangaren nata domin su gaisa, dan hakan al'adarsa ce duk safiya yakanbi ɗakunan matansa su gaisa, kasan cewar suna falo na biyu ne yasa ta iya jin maganganun nasu, kafin kuma kofar ta buɗe, a lokacin da hayaniyar ta ragu, wanda hakan ke nuna mata cewar hadiman sun fita falo na farko, mai martaba ya shigo cikin shigarsa ta alfarma, tris yaja ya tsaya yana kallonsa ɗaya bayan ɗaya.
Ga abinci tile a gabansu su duka amma sam basu ko taba ba, fulanice ta ɗago da rinnanen idonta ta kalleshi, hankalinsa ya tashi, amma kwarjininsa da kuma kamewarsa irinta mulki batasa ya nuna hakan ba, ƙarasowa yayi zuwa cikin parlon ya zauna akan kijera kusa datata.
Nadra ta zame daga kasan kujera tana gaisheshi, ya amsata yana ci gaba da binsu da kallo, kuma ko bayan ya amsata ɗin bata mikeba, tana nan durƙushe a wajen kanta a kasa, ya juyaga fulani, tun kafin yace komai yaga ta fashe da kuka.
Yasan cewa Tafida ya dawo, domin tun a jiya Tafidan ya nemi da su haɗu amma kuma yace masa saide da safe, dan hakama ya shigo da kansa dan su gaisa, kuma kukanta ke nuna masa cewar koma miye ya faru to Tafida ne, Fulani bata kuka akan komai sai akan Tafida.
***
“Eshaan jeka ɗauko min waccan ball ɗin”
Muryar Roshni mahaifiyar eshaan a wancan lokacin ta faɗi, wani karamin yaro ɗan shekara huɗu ya ɗago ya kalli kyakywar matar wadda take ba'indiya, ya ɗaga manuniyarsa ya nuna ball ɗin tareda faɗin
“yeh ? (wannan?)” ya tambaya cikin harshen indiyanci, matar na murmushi ta gyaɗa masa kai, ya fita da gudu yayi wajen da ball ɗin take, matar kuma ta biyoshi da gudu itama tana dariya tareda faɗin
“eshaan kabi a hankali, eshaan!!... eshaan!! ...eshaan!!!!”
“maa!, maa!, maaaaaaaa!....”
Yana fisge-fisge yake furta maganar, a razane ya mike zaune, Idanuwansa gaba ɗaya sun firfito waje sai haki yake, duba yakai ga hannunsa na dama, sai yaga wutar nan daya saba gani naci a tafin hannun nasa, idanunsa ya lumshe a hankali sannan ya dunƙule hannun nasa ya buɗe tareda idonsa nan take wutar ta bace, hannunsa yakai jikinsa yana shafawa.
Yaji t-shirt ɗin daya kwanta da ita jiya gaba ɗaya ta jiƙe da gumi, ya kuma lumshe ido, fuskar mahaifiyarsa ta dawo masa tunanin sa, a hankali ya buɗe ya sako kafafunsa ƙasan gadon ya saka slide sandales ɗinsa dake kasan gadon, hasken dake shigowa ɗakin ta windows ɗin dakin sune suke nuna masa cewar gari ya waye.
Idonsa yakai inda ya aje wayarsa jiya daddare, kafin abinda ya sameshi jiya ya faru, yasan cewa dole ya hargutsa abubuwa da yawa a ɗakin, amma kuma gashi an gyara komai tun kafin ya tashi daga bacci, tafin hannunsa ya buɗe sannan ya miƙa hannunsa zuwa ga inda ya aje wayar dake can a kan wata chest drawer, nan take wayar ta tashi daga kan chest drawer ɗin da take a aje ta iso ta sauka akan tafin hannun nasa kamar wani magnet ne ya janyota.
Charger ya janyo ya sakata a chargy bayan ya cire ɗayar a chargy, ya miƙe tsaye ya shiga ban ɗaki yayi wanka haɗi da alwala ya fito yayi sallar asubar data wuceshi, sannan ya miƙe ya koma ban ɗakin yayi brush ya fito ya buɗe jakar dayazo da ita ya fito da wasu riga da wando na farar shadda, yau za'ayi hawan angwance, ya saka kayan sannan yaje ya tsaya a gaban dressing mirror ya shiga gyara gashin kansa kamar yanda ya saba kula dashi a kullum, sannan ya feshi jikinsa da tirare, ya ɗauki hularsa zanna bukar me aikin blue da fari ya saka a kansa sannan ya saka flat shoes blue ya d'auki wayoyinsa sannan ya fito.
🌸-SAI KASKA CE-🌸.
⭐️YADDA ƘADDARA TASO⭐
⭐️ شاء القدر⭐️
©By Sai Kaska
*proud of my first novel*
*BABI NA BIYAR(5)*
Ya dinga wuce falukan dake turakar fulani kafin ya iso falo na biyun karshe, abinda ya gani ya tayar masa da hankali, jiki a sa6ule yayi sallama, fulani dake risgar kuka ta ɗago da kai ta kalli inda yake, hakama me martaba, zuwa lokacin nadra ta bar falon dan bazata iya jurawa ganin mahaifiyar tata na kuka ba.
kansa a kasa ya ƙaraso cikin parlon ya zauna a kasa kusa da kafar mai martaba, yana duƙar da kansa, me martaba kuwa tunda ya shigo yake ta binsa da kallo har ya zauna a kusa da ƙafar tasa, duk da ya jima bai ganshi ba, amma kuma yaga cewar ya rame sosai fuskarnan tasa babu komai sai dogon hanci, gaishe da me martaba yayi me martaba ya amsa a nutse.
“ina kwana ranki ya daɗe” fulani ta share hawaye, cikin dakiya tace
“lafiya Tafida, fatan ka tashi lafiya”
“lafiya kalau”
“ina zakaje naga ka shirya”
“jawan angwancen da za'ayi zanje”
“kaji sauƙin jikin naka ne?”
muryar mai martaba ta tambaya, Tafida ya ƙara ƙasa da kansa.
“eh ranka ya daɗe banajin komai”
“tashi kaje, nayi maka lamuni”
“aa bakaci abinci ba”
“zamuci tareda muktar”
ya faɗi bayan ya miƙe har ya fita daga parlon basu sami damar kallon kwayar idonsa data sauya kala zuwa ja ba, sun glasses ɗin daya saka a aljihun sa ya zaroshi ya saka a idonsa, dan yayi duk yanda zaiyyi amma idon yaƙi komawa yanda yake.
Yana taka ƙafarsa a parlo na farko ya motsa kunnensa ta yanda zai iya jiyo abinda ake tattaunawa a parlo na biyu, muryar me martaba ya tsinkayo yana bawa fulani haƙuri sbd kukan data ci gaba dayi.
Sai ya motsa kunnen nasa yaci gaba da tafiya, ƙarfin ji na ɗaya daga cikin baiwar da allah yayi masa, ga kuma baƙin ruhin dake jikinsa dake ƙara masa.
Daya fita waje ya iske tawagar mai martaba, suna ganinsa suka miƙe sunata zabga ƙirari, murmushin dole ya ƙirƙiro yayi musu yana amsa gaisuwar tasu.
MARYAM POV.
“ke dallah ki tashi muje ”
Muryar Badar ta faɗi yayinda take kallon Maryam ɗin wadda ke zaune tana yankewa auta farce, Maryam ta ɗago ta kalli Badar dake tsaye ta ci uwar kwalliya kamar me shirin shiga hasar sarauniyar kyau.
“wai zuwan dole ne ?, sanin kanki ne ni ba zuwa kallon hawan doki nake ba”
Kuma haka ɗin ne, dan koda wasa Maryam bata zuwa kallon hawan dokuna, sbd tsabar tsoranta, tsoran bingidar da ake harbawa kafin sarki ya ƙaraso dama shi kansa dokin tsoransa take ji.
“Dan allam Maryam ki tashi mu tafi, ni yau so nake sai kinga TAFIDA”
Tafida ?, sunan ya maimaita kansa a cikin kanta, ita sam bata taba ganinsa ba koda sau ɗaya, amma babu budurwa da bazataji zancensa ba a bakinta, hatta da Badar kuwa, itama batada zance sai nasa, dan haka yasa yauma da aliyu yace bazai samu damar zuwaba ranta ya mata fari, dan yau Tafida zai hau hawan angwancen da ake yau, sbd auren ƴar sarki da ake, ko ba komai zata samu ta kalli kyakyawar fuskarsa, wannan ma kaɗai ya isheta.
“Badar waini wannan Tafidahn annabi ne ?, da zaki dage akan sai nawani je na ganshi ?”
“aa fa, ba annabi bane, kinsan allah Maryam dan baki ganshi bane, da zarar kin ɗora ido akansa wallahi zaki fara sansa, ba'indiye ne fa, najima wai anacewa babarsace ba'indiyar, shiyasa ya biyo kamarta”
Maryam taja tsaki a cikin ranta, Badar bazata gane ba, itafa bazata iya wahalar da kan taba tana yankawa kare ciyawa, yau yankawa kare ciyawa mana, inba yankawa kare ciyawa ba me yasa zaka zo ka saka wanda baima san kanayi ba a rai.
“nifa danma bansan username ɗinsa bane a social media, da na ɗauko hotunansa da yawa na aje a wayata”
“dama kin kama hanyarki kintafi, dan wallahi ni ba zuwa zanba, kinga yanzu inayin abincin rana zan tafi shagari gidan anti fati”
“ke ki jirani na dawo sai mu tafi, kinsan gidanta kusa da gidan Tafida ne, idan allah yasa nayi sa'a sai kiga mun haɗu”
ta faɗi idonta na haskawa da ƙyallin murna.
Yanxu tsakin kam a fili tayi, ta rasa meke damun kan Badar,to ita yau bazatabi ma ta ƙofar gidan nasa ba.
HANAM POV.
*Da misalin ƙarfe 10 na dare*
Hanam ce take taku zuwa inda ta aje motarta, bayan ta fito daga wani shopping mall, gabanta ne yayi mummunar faɗuwa sbd wani mutum data gani a gabanta hannunsa riƙe da wuƙa yana nunata da wuƙar, aryaan ta ƙanƙame wanda ke cikin baby carrier ɗinsa yana bacci.
“give me the baby”
“what!!!!”
Ta faɗi a kiɗime cikin ƙaraji
“yes i say give me the bab....”
Dukan da wani yazo ya sakar masa a baki wanda daga ita har shi basu ga tahowarsa bace tasa shi ya haɗiye maganar dake bakinsa, daga nan kuma ya shiga dukansa tako ta ina, zuwa lokacin Aryaan ya farka sai kuma yasaka kuka, Hanam ta ruɗe tana kallonsu, daga me dukan har wanda ake dukan babu wanda Hanam ta samu damar ganin fuskarsa.
“Dan allah Kayi haƙuri wallahi wani ne waishi kamal ya bani dubu ashirin yacena karbo masa yaron”
Kalmar 'kamal' daya ambata ita ta bawa Hanam Mugun mamaki, ashe tsanar da 'yan uwan nata suka mata ta kai haka ?, yanzu ita me ta musu a rayuwa haka ?, ta juri abubuwa da yawa marasa daɗi a rayuwarta amma hakan bai isheta ba sai ƴan uwan nata sun ƙara mata da wani, me yasa ?, me yasa hakan ke faruwa da ita?.
“Oga pls”
Muryar wanda ake dukan nasa ta ƙara fitowa, kafin wanda yake dukan ya sake shi, da gudu wanda ake dukan ya miƙe ya falfala.
Kuma har yanzu Hanam bata samu damar ganin fuskar kowane ɗayansu ba, sbd shi ɗayan fusakarsa a rufe take da mask, ga kuma duhun dare kuma parking lot din babu haske sosai, shi kuma wanda yake dukan ya bata baya, ba tareda ya juyo ba yaci gaba da tafiyarsa.
“I can't thank you enough”
Ya tsaya amma bai juyo ba sai kuma yace
“ dont mention it”
Ya ci gaba da tafiyarsa.
***
A fusace Hanam ta shigo cikin parlon gidan nasu, Aryaan goye a bayanta cikin baby carrier ɗinsa wadda zuwa yanzu ta juyata baya.
Kamal na zaune a kan 2 seete yana duba wayarsa jifa-jifa sbd yana jiran shigowar saƙon ɗan ta'addan daya saka ya ƙwato masa yaron Hanam, dan tun bayan data mareshi ya saka a ransa cewa ba zai barta ba, sai ya ɗau fansar abinda tai masa, ya kuma ƙudurta a ransa cewar sai ya rabata da shegen ɗan nata domin shine farin cikinta.
Kamar da akace ya ɗago kansa ya kalleta tana tahowa zuwa cikin parlon a fusace, da sauri ya miƙe sbd irin kallon da take masa, Mero da kishiyarta Hajjo da kuma sauran yaransu duka suka miƙe.
Tana ƙarasawa gaban Kamal batayi wata-wata ba ta ɗauke shi da mari, ya ɗora hannunsa akan kuncinsa na dama inda marin ya sauƙa, kuma bata barshi ya gama jin raɗaɗin zafin marin nata ba ta kuma sakar masa wani marin, a dai-dai lokacin kuma abba daya dawo ɗazu da rana ya sauƙo daga sama, kuma a lokacin ne Aryaan ya canyara kuka, bata bi ta kan Aryaan ba ta fara faɗin.
“Dan na mareka shine kasa aje a satomin ɗa ko ?”
Cike da mamaki kowa ya shiga kallonsu, sai kuma taci kwalarsa
“To da kasa a sato maka shi uban me zaka masa huh?, faɗa min mana ?”
Ta faɗi tana jijjiga shi sai kuma ta sake shi, ta nuna shi da ɗan yatsa “kana ji ko ?, idan har ka kuskura ka taba koda silin gashi ɗaya na ɗana ne, sai na ɗaye maka fata, sai na tabbatar da na koya maka darasin da baka ta6a sanin da akwai irinsa ba a duniya, ɗana yafi ƙarfin ta6awarka”
Ta matsa gaba dashi dab da dab, ta ɗora ɗan yatsanta akan sa tana faɗin.
“Put this at the back or no, not at the back, put it at the front of your mind”
Tana kaiwa nan ta bar wajen a fusace tayi sama, ta bar kowa na wajen da mamaki, tanajin Abba daya rufeshi da faɗa, mahaifiyarsa kuma tana kareshi kamar kullum.
Kai tsaye ɗakinta ta shiga, wanda komai na cikinsa yake kalar fari da brown, fari shine kalar datafi so, dan a gaba ɗaya kayan datake sakawa babu wanda babu kalar fari a ciki, ɗakin Aryaan wanda yake haɗe da nata ta shiga.
A da ɗakin maƙotan ɗakinta ne, bayan ta dawo daga USA ne Abba yasa aka rufe kofarsa ta waje, aka fasa masa ƙofa daga ɗakinta. Kasan cewar ɗakin bashi da kofa kanta tsaye ta shiga, hand bag ɗinta ta aje akan kujera, har lokacin Arya na canyara kuka, belt ɗin baby carrier ɗin nasa ta shiga ballewa sannan ta sauko dashi.
Ta zauna akan wata kujerar da ban da wadda ta aje jakarta ta saka masa mama a bakinsa, nan take yayi shiru ya shiga tsotsa, tana shafa kansa tana faɗin
“Sssssshhhhhhhh!”
Ta sunkuyar da kanta tana kallon cikin kwayar idonsa, wadda take tuna mata da wani dare daya faru a rayuwarta a baya, a har kullum Idan ta kalli blue eyes ɗin nasa yana tuna mata da daren.
Sai kuma ta kawar da idonta ganin shima yana kallonta, hannunsa ya ɗago ya saka a cikin bakinta, tayi kamar zata cijeshi yayi sauri ya cire daga bakin nata, tayi dariya tana taba kumatunsa
“Ka dena kuka Arya, babu wanda zai rabaka da Ammin ka, Amminka tana tareda kai, bazan taba bari wani abu ya sameka ba, haza wa'adi ilak (wannan shine alƙawarina gareka)”.
***
“Maman babanta”
Muryar Abba ta faɗa cikin shirun da ɗakin nasa ya ɗauka, bayan Aryaan ya gama shan maman tashi tayi tai masa wanka, tun tana masa wankan ya fara bacci, dan haka tana shafa masa mayukansa ta kwantar dashi a cot (gadan yara na katako), wanda ke cikin ɗakinta, babu bata lokaci ya fara bacci.
Itama wankan ta shiga sai kuma kiran Abba ya sameta, dan baka ta fito ta saka kayanta ta fita.
“Maman babanta magana fa nake!”
muryar Abba ta ƙara katse mata tunanin da take neman zurmawa ciki, a hankali ta ɗago da kanta ta kalleshi, yayinda take zaune a kasan ƙafafunsa, kwata-kwata idan ka kallesu bazakace ƴa da uba bane, sbd shi Abban baƙine wulik, ko a cikin baƙaƙen africa shi baƙine, ita kuma farace, fara sosai farinta yafi irin farin fararen africa, amma kuma farin nata irin na indiyawa ne, kasan cewarta halp cast.
“Na'am abba”
“Maman Babanta ɗazu Jabeer ya kirani, kuma ya faɗa min duk abinda ya faru tsakaninku, Maman Babanta me yasa bazakiyi aure ba ?, ya kamata ace kinyi aure, 25 kike fa ya kamata ace kinyi aure”
Hanam tayi murmushi me ciwo
“Kasan ɗazu da safe daya zo office me yace min ?”
Abba ya girgiza kai, taci gaba
“Cewa yayi ya kamata ace na tuna alƙawarin da mukayiwa juna, zamuyi aure, mu rayu tare, mu tsufa tare, mu gina gidanumu dagani sai shi, sai kuma yaran da zamu haifa”
Abba yayi wani irin murmushi
“To Hanam miye abun aibu anan ?, ai wannan abun farin cikine Maman Babanta”
Ta girgiza kai
“A'a Abba wannan ba abun farin ciki bane”
“amma me yasa Hanam?”
Abba ya tambaya girarsa na haɗewa waje guda, alamun kokonto.
“Lakin abba fi kul hazal kalam wain Arya ?"
(Amma abba a duka wannan zancen ina arya ?) .
Ta faɗi tana hawaye, kuma cikin harshen larabci, Abba ya ruɗe yana sauƙowa kasa kan carpet kusa da ita, duk abinfa zai saka Hanam kuka to ba ƙarami bane, akwaita da jajircewa, ta iya haɗiye baƙin ciki tun tana ƙarama.
“Abba wain Arya?, huwa biddu ya illi unu iza jawazna ana rah utruk Aryaan ?”
(Abba ina arya?, yana nufin idan munyi aure zan rabu da Aryaan?)
Tayi maganar a sigar tambaya, amma ba tambayar bace.
“ihdi Hanam shrahili kilshi bi tafsil”
(Nitsu Hanam, kiyimin bayanin komai dalla-dalla)
Shima ya tambayeta da larabcin, dan shine ma wanda ya koya mata, sbd shine mother tongue ɗinta, Hanam ta ɗora hannu akan goshinta tana kurzawa, wanda hakan sararta ce tun tana ƙrama, sannan ta share hawaye wani na, sauƙo mata.
“Abba nima fa mutumce, inada feelings, inajin bacin rai, nasan farin ciki, inajin haushi idan aka bata min rai, Abba duk rayuwar da babu Arya bazan iya yinta ba, Abba bana san rayuwar da babu Arya sam, abba Arya shine komai nawa bayan kai bani da wani kamarsa”
Ta ja majina tana share wani hawayen.
“Yanzu Abba ƙaddara nida jabeer munyi aure, kuma na haifa masa yara, kana ganin zaiso Arya kamar yanda zaiso sauran yaransa ?, ko iyayensa zasu soshi kamar yanda zasu so jikokinsu na jininsu ?”
Abba ya girgiza mata kai cike da tausayin ƴar tasa
“Abba duk mijin da zan aura baya san Arya nima bana sansa, kuma bazan iya na aureshi ba, Abba Arya shine gobena, Arya ya zama wani ban gare na labarina wanda bazai cikaba idan babu shi”.
Ta kuma jan majina tana share hawayen dayaƙi tsayawa taci gaba da cewa.
“Abba me yasa kowa yake wasan kura da zuciyata ?, me yasa ni tawa ƙaddarar tazo da tsauri ?, abba me yasa komai nawa babu abu me daɗi ?, kaida Arya kune kaɗai abu me kyau da kuka faru a rayuwat me yasa ake so na rabu da ɗaya ?”
Abba ya rungumeta yana hawaye shima, fashewa tayi da kuka tana riƙe shi, daga mahaifiyarta ya kamata ace ta samu hakan, amma sbd san zuciyarta ta tafi ta barta.
Abba yaji zuciyarsa tayi nauyi ji yake inama akwai yanda zeyi ya cire kowace damuwa data faru a cikin rayuwar ƴar tasa domin tayi rayuwa me kyau, ta sami farin ciki, ta haɗiyi baƙin ciki kala-kala, yana fatan Allah ya bata wani sabon fata wanda zai sata farin ciki a nan gaba.
“Kiyi haƙiri Hanam, ki ɗauki hakan a mafsayin YADDA ƘADDARA TA SO ”.
_godiya ta musanman zuwaga makaranta wannan littafi, ina muku godiya sosai wanda suka shiga group din YADDA KADDARA TA SO NOVEL GROUP, hakika naji dadin ganinku sosai, Allah ya saka da Alkairi_
_kuyi share, and comment pls_
_Na kara gode muku_
🌸-SAI KASKA CE-🌸.
⭐️ YADDA ƘADDARA TA SO⭐️
⭐️ شاء القدر⭐️
-By Sai Kaska
*Proud of my first novel*
*** page @Sai_Kaska.
*BABI NA BIYAR (6)*
*MASARAUTAR HAƊEJIA*
Da misalin ƙarfe biyu da rabi na rana.
Ɗan masani ne zaune a kan lallausan carpet ɗin dake malale a parlo na biyu wanda yake bangaren Fulani, hannunsa na dama riƙe da wani makeken littafi, wanda sarkin haɗejia Sule Karo ya rubuta da kansa, kasan cewar mutanen da sun riƙi tsafi da duba a matsayin al'ada hakan yasa ko bayan zuwan musulunci basu watsar da wasu al'adun nasu ba.
Sai bayan zuwan Shaihu Usman ɗan Fodio, to hakama tsohon sarkin haɗejia Sule Karo a nasa zamanin an faɗa masa abunda zai faru da wani daga cikin ahalinsa da zasu zo a gaba, kuma tun a lokacin yasa aka masa bincike aka gano maganin matsalar.
Tun a lokacin da Tafida ke ƙarami alamomun baƙin ruhin dake jikinsa suka fara bayyana, kuma tun a lokacin ne sarki ya gano cewa tabbas shine wanda ɗaya daga cikin iyayensu na da yayi rubutu akai.
Sannan tun a lokacin suka duba maganin matsalar, kuma sun gano cewar aura masa wata yarinya da za'ayi shine maganin wannan baƙin ruhin, a lokacin sam bai kai aure ba, dan haka sukayi haƙuri suka duƙufa akan masa magunguna da addu'o'i.
Kuma sai aka dace, ya zamana sam abun baya tashi sai idan ransa ne ya baci, amma a kwanakin nan abun ya ta'azzara, hakan yasa Fulani taji ba zata iya jurewa ba, dolene ta nemi Ɗan Masani, wanda ya kasance shine masanin Tarihin fada.
Daga wata kujera dake nesa da ɗan masani kuma Fulani Khadija ce zaune, cikin zama irin na ƙasaita da mulki, kallon Ɗan Masani kawai take, tana jiran ya buɗe littafin ya faɗa mata menene mafita.
Ɗan masani yayi gyaran murya, yana shimfiɗe katoton littafin a kan carpet ɗin, sannan ya shiga buɗewa, yana wuce tarihin abubuwa masu muhimanci da suka faru a masarautar haɗejia a wancan zamani, Da haka har ya ƙaraso shafin da bayanai akan bakin ruhi yake.
“Na samoshi ranki ya daɗe”
Fulani tayi a jiyar zuciya a ranta, a fili kuma sai ta gyara zamanta, alamun ina jinka.
“Kamar yanda muka faɗi a wancan lokacin yanzu ɗinma hakane, wannan yarinyar data dace ya kamata a nemo a haɗashi aure da ita, ita wannan yarinyar Allah ya temakeki itace makarin bakin ruhin dake jikinsa, daga zarar sunyi aure, ya samu ya kusanceta koda sau ɗayane, to baƙin ruhin zai fara rauni, a hankali a hankali kuma zai bar jikinsa”
Fulani ta ƙara numfasawa a ranta, a fili kuwa ko gezau batayi ba, ta kafe Ɗan Masani da idanuwanta tana nazarin kalaman dayake faɗa mata, kafin muryarta ta fito cikin izza da kasaita.
“Taya zamu iya gane yarinyar data dace ?”
“Allah ya temakeki ai kawai alamomin yarinyar a nan”
Ya faɗi yana ƙara ƙanƙan da kai, kuma Fulani batace masa komai ba, dan haka yaci gaba.
“Alamomin sune, tanada tawadar Allah me faɗi a wuyanta, kuma shekarunta basu wuce 22 ba, a sanda za'ayi auren kenan, sannan kuma akwai wata tawadar Allar a gefen gashinta, sai sirin farin gashin guda daya a a kanta daga gaba”
Yanxuma Fulani batace komai ba, taya za'ayi su iya samo yarinya me waɗannan siffofin a faɗin garin haɗejia, bama haɗejia kawai ba a duniya ma baki ɗaya, shin wanyama kuwa suna kan daidai ?, ganin sun amince da abinda yake gaibu, Dan wannan gaibu ne, to yaya zasuyi ?, Idan aka bashi addu'a matsala, idan aka barshi babu addu'a ma matsala, a ganinta wannan ita kaɗaice mafita.
***
“Jakadiya Babba Ɗan Masani ya bani alamomin yarinyar da za'a aurawa Tafida, saide ina ganin kamar bazamu sameta ba”
Muryar Fulani khadija ce ke koro wannan jawabi, bayan ta sallami Ɗan Masani, Jakadiya Babba ta ƙara dunƙule hannunta sama tana ƙara duƙar da kanta ƙasa.
“Allah ya ƙara miki yawan rai, uwar jigiyata ai wannan me sauƙi ne”
“A'a Jakadiya, wannan abun bame sauƙi bane, a ina zamu samu Yarinyar ?, kawai dan munsan cewa akwai tawadar Allah a wuyanta da kuma gashinta sai shekarunta, farin gashin dake kanta sai mu samota ?”
“Ba haka nake nufiba uwar gijiyata, insha allah zamu samota da yardar Allah, Allah ya ƙara miki girma, Fulani matar sarki Abdullahi Abubakar Masu, uwar gimbiya Nadra da Tafida”
Fulani ta kawar da kanta tana meda dubanta ga tv, abun duniya yabi ya isheta.
“Yashi ki tafi na sallameki”
“Godiya nake matar Saifullahi takobin allah”
Jakadiya ta faɗi tana miƙewa haɗi da ci gaba da korowa Fulani kirari. Tana fitowa bangarensu na bayi ta nufa domin ta shirya, dan yau za'a gabatar da bikin kamu na gimbiya Amina, kuma dole dasu za'ayi komai.
MARYAM POV.
Cikin nutsuwarta data zamemata jiki take tafiya, kuma kamar kullum sanye take da hijabi har ƙasa, kuma fuskarta babu kwalliya dan dama can batayi, hannunta na dama riƙeda baƙar ledar data siyawa irfan, ɗan gidan anti fati karas.
Tris taja ta tsaya, sbd kofar gidan Tafida da take iya hangowa, kuma ga wasu mutane a ƙofar gidan, hakan ke nuna mata cewar yana gidan, sa6anin da da bazaka tadda kowa a ƙofar gidan ba sai masu gadu.
Kuma ganin mutanen ya nuna mata cewar an sauƙo daga kilisa. A da tana san ta wuce ta ƙofar gidan kodan ta samu ta kalli kyakyawan gidan dayafi kowanne kyau a cikin jerin gidajen dake layin, amma yau sai taji bata san wucewa ta ƙofar gidan, dan haka ta juya ta shiga wani layi tayi wani uban zagaye kafin ta samu ta ƙaraso gidan Anti Fati, duk tabi ta gaji, kuma dama daga gidan Tafidan zuwa gidan Anti Fatin akwai nisa amma kuma zagayen da tayi shine ya ƙara mata nisan tafiyar tata.
Da sallama a bakinta ta shiga gidan, babu kowa a tsakar gidan dan haka ta shiga cikin parlon, inda muryar Anti Fati take fitowa cikin amsa sallamar da tayi, a parlon kuwa ta sameta zaune tana kwalliya.
Itama kujera ta samu ta zauna tana gaisheda Anti Fatin, sai kuma tabi parlon da kallo tana mamakin sanda aka sauya kujerun parlon, koda yake ta jima bata zo gidan ba, kuma dama mijin Anti Fatin yanada rufin asirinsa dan yaron Kawu Usman ne, kuma shine ya haɗa su auren, hatta da kayan ɗaki dana kitchen shine yayi mata.
“Anti fati ina Luluwa?”
Tana nufin ɗan anti fatin, dan haka suke kiransa a gidansu, sbd yaron yanada jiki ga kuma kumatu, shine Hussain ya saka masa Lulu suma kuma suke kiransa da Lulun.
“Yana ɗaki yana min ta'adin daya saba”
Maryam tana dariya ta miƙe ta shiga ɗakin aiko a bakin gado ta sameshi yana wargaza kayan da suke cikin wani kwando
“Ƙaunar Anti Maryam”
Ta kirashi da sunan da ita kaɗai take kiransa dashi, yaron ɗan wata tara ya jiyo ya kalleta sai kuma ya 6an gale baki yana dariya, Maryam ta ƙarasa inda yake ta saka hannu ta ɗaukeshi.
Wani ikon sai Allah, idan ka kallesu tare cewa zakayi Maryam ce ta kawo shi duniya, komai na fuskarta ya d'auko, hatta da tawadar Allahn dake goshinta shima yanada akwai.
Parlon suka dawo suka zauna, sai ta iske Anti Fati ta gama kwalliayar, tana yafa mayafi.
“Kije ki zubo abinci a kitchen kici sai mu tafi”
“A'a saida naci abinci sannan na taho, idan kin gama kawai muje”
Maryam ta faɗi tana zama a kan kujera, yayinda take bawa imran karas ɗin data siyo masa, galala Anti Fati take kallon Maryam ɗin da bata ma san tanayi ba.
“A haka zamu tafi?”
ta faɗi tana nuna Maryam ɗin, Maryam ta kalli jikinta da kyau.
“Eh mana...”
Tun kafin ta karasa ta katseta da cewar.
“Muje ina a hakan ?, kinsan kuwa inda zamuje Maryam ?”
Ta faɗi cikin kama baki, kuma bata jira cewar Maryam ɗin ba tace.
“Bikin ƴar gidan sarki fa za muje”
Girar Maryam ta haɗe waje guda alamun kokwanto.
“Ba haka kikace bikin dangin mijinki bane ?”
“Eh mana, ai mijin da zai auri ƴar sarkin shine dan uwan su habib ɗin”
Maryam ta juyar da kai gefe, tasan yanzu Anti Fati zata sakata ta cire hijabin jikinta, kuma tunanin nata bai je ko ina ba, abinda take saƙawa a ranta ya faru.
“Bari na kawo miki gyale ki saka”
Ta faɗi tana shiga dakinta, Maryam ta ta6e baki, tana cigaba da karyawa imran karas ɗin da baya iya cinsa duka.
Jim kaɗan Anti Fati ta fito ta miƙa mata wani baƙin babban gyale, babu yanda zatayi haka ta kar6a ta mike tsaye ta cire hijabin jikinta tana ninkewa, Anti Fati na cewa.
“Maca har mace, diri har diri amma kina boye shi cikin hijabi”
Ita dai Maryam bata ce mata komai ba, ta yafa mayafin.
“muje ?”
Anti Fati ta dafe goshi cike da ta kaicin kanwar tata.
“A kullum ana miki kallon wayyayya amma sam Maryam baki waye ba, dan Allah kalli daurin dankwalin kanki, kalli fuskar ki”
Maryam ta kawar da kai
“Ke idan bakya san kiyi aure to mu muna so, kullum ke cikin boye jiki fuska a koɗe kamar matar takaba ta ina wani zai gani yace yana so, zauna nayi miki kwalliya”.
Maryam bata iya musu ba, dan haka ta zauna.
“Amma dan allah kada kimin da yawa”
Anti Fati ta zauna ta shafa mata hoda, ta bata kwalli ta saka da kanta, ta saka mata lip gloss, sannan ta daura mata dankwalli, kasan cewar atamfar tata me ɗan kyauce bataji jiki ba yasa Anti Fatin bata nemi data sauyata ba.
“Haba dan Allah, kalli kanki kiga”
Maryam ta dauki mudubi tana duban fuskarta, tunda ta taso tayi wayo bata taba kwalliya a fuskarta ba, koda kwalli bata ta6a sakawa ba, amma yau gashi itace harda hoda, kuma ba zatayiwa kanta ƙarya ba, yau tayi kyau.
“Ki gafa yanda Kikayi kyau”
Wannan kalma ta kyau bata taba dosar inda take ba, babu wanda ya ta6a ce mata tanada kyau, dan ba kwalliya take ba, bare ace tayi kyau, karewarta ma Husssain cewa yake da a ace bata da hasken fata da bazata ganu ba.
🌸-SAI KASKA CE-🌸.