Follow Gaya Umaimah Ado at facebook

KUKAN KURCIYA 

 BY OUM AHMAD 

     UMAIMAH ADO GAYA

( MRS.NAZEE)

zinariyar taskira 🔷

page 19

... ***...

KARKASHIN JAGORANCIN 

💪📚📚

*TASKIRA WRITER'S ASSOCIATION* 

       {T.W.A}

****

_Marubuta masu aiki da zallar fasaha da hikima rubutu baiwa ce ga wanda Allah ya bawa ita. da hikimar mu muke Alfahari_

*Aƙalaminmu ƴancinmu💪*

Bismillahirrahmanirrahim

NAFEESAT: Ganin Akram ya turowa Nuraddeen photos ɗin ya sanya ta tabbatar da cewar ya shirya tozarta ta a idon duniya hakan ba ƙaramin ɗaga mata hankali yai ba wanda lokaci guda wani azababben zazzaɓi ya rufe ta kuma a take ta fara jijjiga wanda kafin su ƙarasa hospital ta shiga doguwar suma, don da fari ma Nuraddeen yayi tunanin ma ko zuciyar ta ce ta buga, duk dauriyar da maza ke da ita wani lokacin soyaya takan maida su ragwaye ko da ko soja ne dake fita filin daaga, kamar haka ne ga Nuraddeen Allah ya jarabce shi da matuƙar ƙaunar Nafeesat wanda har wata rana yake tunanin tsananin son da yake mata zai iya silar zuwan sa lahira tsabar shauƙi, in taƙaice muku labari dai Nuraddeen ya sha kuka sosai kafin daga ƙarshe shima aka bashi gado saboda faɗuwar da yayi tsabar yadda jinin shi yai tsananin hawa, to abu ne goma da ashirin ga ɓacin ran ganin wani ƙato a tare da matar sa a yanayin da shi kaɗai ya dace ya shiga tare da ita ga kuma halin da Nafeesar ke ciki, kasancewar lokacin da zasu fito Feenat na harabar gidan ya sanya ita tai driving ɗin su zuwa asibitin hakan ba ƙaramin ɗaga mata hankali yai ba ganin za'i ƴa kwance uwa kwance, sai da Nuraddeen ya samu hutun awa biyar lokacin jinin na sa ya ɗan sauka kafin ya farka da sunan Allah a bakinsa yana ƙara nanata innalillahi wa'inna ilihirraji'un ( kamar yadda yazo cikin littafin Allah mai tsarki cewa idan muka jarabce ku da wata musiba sai ku ce innalillahi wa'inna ilaihirraji'un ) cikin ikon mai kowa mai komai Allah ubangijin mutane da duwatsu mai sama mai ƙasa mai amsa addu'ar bayin sa kamar yadda yai alƙawari ya amsa roƙon Nuraddeen yaji sauƙi a zuciyar sa, dole ba dan yaso ba sai don ya zama dole ya kira su Ammi ya sanar dasu halin da suke ciki, sosai hankalin Ammi,Abba da ma sauran ƴan uwanta suka tashi kana lokaci guda duk wanda ke cikin garin kano ya rankayo zuwa AKTH domin ganin halin da suke ciki, ganin yadda lokaci ɗaya Nuraddeen da Feenat sukai zuru zuru ya sanya Abba da Ammi suka danne tashin hankalin su suka shiga rarrashin su da kwantar musu da hankali, inda a nan ma sai da Nuraddeen yai kuka wanda hakan ya ƙara tsinkawa su Abba zuciya suna masu tasbihi da baiwar ubangiji da ya ke sanya soyayya a zuƙatan bayin sa, ganin duk yadda tabon Nafeesat ke ƙoƙarin bayyana ga duniya amma Nuraddeen bai ji wani ɗigo na son Nafeesat ya ragu a zuciyar sa ba,

   Tsawon sati biyu da kwanaki Nafeesat bata farka ba wanda hakan ya ƙara ɗaga hankalin su dama na likitocin domin kuwa hakan ka iya janyo matsala ga rayuwar ta, kamar gogewar wasu tunanikan abinda ke ƙwaƙwalwarta,koma tai loosing memory gaba ɗaya, cikin ikon Allah a ranar da ta cika sati uku cif ta fara motsa hannun ta, inda kamin 24hours ta fara buɗe idanu sai dai bata magana sai bin kowa da take a kallo duk ko mai za'a ce mata ko kuma kowaye zai faɗa ɗin.hankalin su ya tashi da tunanin ko ta samu matsala ne? Amma sai likitoci suka tabbatar musu da cewar ba lallai ta samu matsala ba sai a hankali tukunna komai na ta zai zama dai dai, aikam a kwana na huɗu da farkawar ta Nuraddeen na zaune akan kujerar dake gaban gadon su Ammi sunje gida su yi wanka su dawo yana riƙe da hannuwanta yana kallon fuskarta cikin zuciyarsa addu'a yake mata akan Allah ya bata lafiya kamar da wasa yaji ta ƙara riƙe hannayen sa cikin murya irin ta marasa lafiya ko wanda ya daɗe bai magana ba yaji ta kira sunan sa a hankali, da farko yai tunanin ko gizau muryar ke masa don idanun ta a rufe suke, sai kuma ya ga ta buɗe idanun ta tana kallon cikin idanun sa take faɗin Noor! Buɗe idanun sa yai sosai bakin sa na washewa cikin ƙinƙina saboda rikicewa ya amsa da faɗin Nafeesah? Are you talking? Masha Allah! Masha Allah! Alhamdulillahi ! Oh my god! My feesat ! Alhamdulillah! Murmushi ne ya suɓuce mata ganin gaba ɗaya ya rikice ya rasa ma abin faɗi ta sake riƙe shi sosai tana faɗin I LOVE YOU NOOR! I LOVE YOU MORE NAFEESAT! Shima yai saurin bata amsa, hawaye ya ziraro daga idanun ta cikin murya mai rauni ta cigaba da faɗin kai ɗin masoyi ne na gaskiya wanda yake tare da abin son sa duk wuya da rintsi, nagodewa Allah da ya bani kai a matsayin miji na mai share kuka na amma ina son ka sauwaƙe mun domin bana son zunubin da na aikata ya shafe ka, kana da kima da mutunci a idanun jama'a da yawa bana son sanadiyar tabo da ya zube please! Girgiza kai Nuradden yai cikin tattausar murya wadda zata iya fahimtar sa ya furta, tun daga ranar da kika tare a gida na kika zama ni na zama ke farincikin ki, damuwar ki da matsalar ki duk nawa ne, mene amfanin barin ki ki fuskanci matsalar ki ke ɗaya? Rashin ki a kusa da ni yafi min illa fiye da abinda kike gudu ballantana kuma ma abinda kike tunani bazai taɓa faruwa ba domin na kai ƙara CID kuma yanzu haka anyi tracking number an gano inda yake kuma an sanya jami'ai su kamo shi, so we must fight together and win together okay? Lumshe idanu tai ta buɗe tana faɗin what kind of man are you? You a such a man like no other ina fatan ubangiji ya bani ikon faranta maka kuma ina fata ya saka maka da mafificin alkhairi ya ji ƙan mahaifan ka, yana murmushi yake faɗin baki biyun ba? Ɗage gira tai alamun tambaya , shi kuma ya amsa da faɗin Allah ya barni da Nafeesat mana kuma ya bamu yara masu albarka, ya ƙarashe da kashe mata ido guda.......

   AFTER SOME MONTH 

LATEEF: Alhamdulillah yana samun kulawa daga ƙwararrun likitoci a ƙasar America kuma yana samun sauƙi sosai don zuwa yanzu ƙurjin dake gaban sa ya warke sai dai abinda ba'a rasa ba haka nan anyi treating kwailewar da ya samu, sai dai fa ƙwayoyin sun taɓa masa ƙwaƙwalwa inda akai masa aiki aka cire jinin da ya haɗu da sinadarun dake cikin ƙwayoyin suka toshe masa jijiyar kansa wanda hakan ya janyo masa loosing memory, zuwa lokacin kuma Lateefa ta samu labari har daddy yai mata viza taje dubo shi, yanzu haka shigowar ta hospital ɗin kenan daga gidan Daddy sanye take da dogon wando falazu da rigarsa wadda ta sauko mata zuwa cinya farare tas sai jacket da veil da tai rolling black colour kamar dai takalmi da jakar hannunta, da sallama a bakin ta ta shiga ɗakin mommy da daddy da zuwa yanzu suka maida hankali sosai akan yaran nasu yanzu suke basu kulawa sosai, sun nemi gafar Allah akan rashin kulawa da amanar da ya basu, sannan sun nemi gafarar yaran su duk da Lateefa baya hayyacinsa, suka amsa sallamar da murmushi akan fuskar su, daddy yace yauwa daughter gara da kika zo Kinga wannan yayan naki yaƙi karɓar Abinci sai Lateefah yake cewa, da hanzarin ta ta ƙarasa tana faɗin Allah sarki yaya na wato ka gane me baka abinci ko? Murmushi Lateef yai yana miƙa mata hannu yana kiran sunan ta, hawaye ne suka ciko idanun ta, ta riƙe hannunsa tana murmushi sai kuma ta fashe da kuka tana faɗin Allah ya baka lafiya yaya, Allah ya dawo maka da tunanin ka, mommy rungume ta itama tana kuka shima daddy duk dauriyar sa yau sai da yai kuka yana Allah wadai da irin son duniya irin tashi da ta matar sa wanda ta kai su ta baro, Allah yai musu kyautar yara abu mai daraja wanda wasu da dama suke nema inda za'a ce su bada duk abinda suka mallaka domin a basu yara da sunyi, amma su da suka samu suka watsar da su da kulawa da tarbiyyar su har ɗaya cikin yaran nasu ya faɗa babbar halaka na tsawon shekaru a ce matsayin su na iyaye basu sani ba, Allah astagfirullah! Allah astagfirullah, a ɓangaren mommy itama abinda ya sanya ta kuka kenan tana takaicin son duniyar ta fiye ma da mijinta, me yasa duk da bata rasa komi daga mijin ta ba amma ta kasa zama tare da yaran ta ta basu kulawa? Duk da ita a nata tunanin rashin mijin ta a kusa da ita zai fi damun ta idan ta zauna a gida amma idan tai keeping kanta very busy ba zai dame ta sosai ba, wani ɓangaren na zuciyar ta kuma yana tuhumar ta akan rashin zama tare da su idan ta dawo daga aikin, wanda hakan ya samo asali ne da yawan gajiya da take ɗebowa tana buƙatar shiru domin ta huta, Amma daga yanzu tayi alwashin bazata ƙara zuwa wani aiki ba ko da hakan na nufin ƙarewar duk wani Abu da ta tara,Lateefa kam tana kuka ne saboda ganin yayan ta wanda ya raine ta tun tana jaririya yai ɗawainiya da ita ya bata kulawar da uwa da uba suka kasa bata, ya bata abinci, yai mata wanka, ya kaita makaranta har ta girma amma yanzu shine ya koma tamkar wani ƙaramin yaro, tabbas babu da bara babu ƙarfi sai da Allah, shine yake yin abinda ya so a kuma sanda ya so, zai bar mutum yai ta aikata saɓo ya kuma bashi damar tuba idan kuma ya ƙi? Ya hukunta shi dai dai da abinda ya aika ta, ya Allah ka gafartawa wannan bawan naka badan komai da kowa na sa ba, sai don darajar ka da soyyyar ka da bayin ka, 

   Daddy ne ya fara ƙarfin halin goge hawayen sa ganin shima Lateef yana kuka ganin yadda kowa yake kuka, ya dafa kafaɗar mommy da Lateefa yana faɗin is okay please kun ga kunsa my boy kuka ko? Suma ganin Lateef yana kukan ya sanya sukai shiru Lateefa ta shafa kansa tare da jan kumatun sa tana faɗin daddyʼs boy sorry kaji kai shiru mun daina, ɗaga kai yai kawai yana kallon su ganin suna masa murmushi wanda a gurin su na yaƙe ne ya sanya shima yai shirun, abincin da hospital ɗin ke bawa patient ɗin nasu ta sake zubawa ta dawo ta zauna zata bashi sai dai tunda ta fara zubawa zuciyar ta ke tsananin tashi ta daure dai tana mamakin abinda zai kawo mata tashin zuciya wanda in dai ba period ɗin ta ne zai zo ba sam ba ta yi, period! Kalmar ta maimaitu a zuciyar ta tunawa da tsawon lokaci bai zo ba kuma sam hankali ta bai kawo kai ba, ta bashi cokali biyu a na ukun wani ƙaƙƙarfan amai ya taho mata ta tashi da gudu da niyyar shiga banɗakin dake cikin ɗakin amma ya ƙwace mata kafin ta shiga ta durƙushe ta fara zubo shi ta baki ta hanci ga wani sarawa da kanta ya ɗauka lokaci guda, haka nan cikin nata ya fara hautsinawa, gaba ɗaya suka rikice suka rasa yadda zasu yi, kafin mommy ta durƙusa ta riƙe ta ganin tana layi daga durƙushen shi kuma daddy ya danna ƙararawar kiran nurses, wanda in less than minuet wata gajeriyar baturiyar nurse ta shigo, kai tsaye da Lateefa ta fara cin karo hakan yasa tai kanta ta taimaka mata har ta gama sannan ta shigar da ita toilet ta ɗauraye jikin ta, ta sanar da su mommy dole sai dai a bata nata ɗakin daban don haka daddy yace mommy taje ta zauna da ita shi zai kula da Lateef ɗin wanda yake kuka ganin halin da Lateefa ta shiga, haka kam akai aka kai ta wani ɗakin daban sannan aka ɗibi jinin ta don testes bayan doctor ya duba ta ya mata tambayoyi,sannan akai mata allura aka sanya mata drip don ta samu kwari da bacci don ba ƙaramin galabaita aman ya sanya ta ba, cikin ƙanƙanin lokaci nurse ta dawo da result inda ya nuna Lateefa na ɗauke da ciki har na tsawon wata biyu, sosai mommy da daddy sukai murna har da Lateef da bai san murnar me ake ba.

NAFEEST: Bangaren su Nafeesat ma kam sai dai mu ce masha Allah! Domin ko zuwa yanzu ta warke sumul kuma basu da kowacce irin damuwa sai ciwon zuciya da ya kamata a wancan lokacin kuma likitoci sun ɗora ta akan magani, yayin da Nuraddeen da Feenat suka dage gurin kulawa da ita da kare dokokin maganin ta, haka nan duk wasu dangi da masoyan ta suna ƙoƙarin ganin sun faranta mata, sai dai zuwa yanzu duniya ta san dacewar twins yaran Lateefa ne da akai mata fyaɗe ta haife su don sai da aka shigar da ƙarar Akram zuwa kotun musulunci bisa zargin yin fyaɗe tare da ɗaukan hoton tsaraici yana barazana dashi, inda kotu ta yanke masa hukucin ɗaurin rai da rai a gidan gyaran hali tare da horo mai tsanani sannan cikin kuɗin da ya tara kotu ta mallakawa su twins kaso ɗaya cikin uku na dukiyarsa ,

  Zaune suke gaba ɗaya akan kujera suna fira, kamar yadda hakan ya zamar musu ɗabi'a tun bayan daidaituwar lamura, Nuraddeen ya kalli Nafeesat yana faɗin " baeby ki taya ni da yiwa bestie magana akan bawa wani dama cikin waɗanda suke zuwa neman soyayyar ta dama itama tai aure, murmushi Nafeesat tai tana kallon Feenat da ta turo baki tana hararar Nurddeen ta gefen ido tana faɗin to kin dai ji bestie, Lah baeby wai iya abinda zaki ce mata kenan? Nuraddeen yai saurin katse maganar da Feenat ke shirin yi, dariya suka saka gaba ɗaya kafin Nafeesat tace Noor shi fa aure lokaci ne idan lokacin sa yai dole a yi shi, sai dai abinda ka faɗa gaskiya ne, don masu iya magana na cewa alamar ƙarfi yana ga mai ƙiba, alamun auren shine ta saurari wani su fahimci juna, sai dai nasan tunanin da take tana ganin kamar duk wani wanda zai zo cikin rayuwar ta kamar dai tsohon mijin ta ne, wanda ya nuna mata tsananin soyayya kafin aure yayin da akai aure kuma ya shuka mata ɓacin rai wanda har zuwa yanzu bai goge a zuciyarta ba, so please kowa cikin ku yayi haƙuri kai kar ka matsa mata ke kuma ki yi ƙoƙari ki buɗe zuciyar ki ki kuma nemi taimakon Allah insha Allah zai taimaka miki kuma cikin ikon sa abinda kike gudu bazai faru ba, kaɗa kai Feenat tai tana faɗin insha Allah bestie matar bestie zan yi abinda kika ce Allah ya tsare ni ya kuma kare ni daga sharrin maza irin su suhail, gaba ɗaya suka amsa da Ameen, Nuraddeen ya miƙe yana faɗin bari na shiga cikin gari zuwa jimawa kaɗan zan dawo babe ki tanadar min something special , murmushi kawai tai tare da miƙewa itama don tai masa rakiya yayin da ita kuma Feenat tai masa addu'ar dawowa lafiya daga nan, sai da suka je corridor ya janyo ta zuwa jikin sa yana faɗin babe zanyi kewar ki , nima zanyi kewar ka fiye da yadda zaka yi kewa ta, sannan bana son ka ji ko ka ga duk wata mace a waje bayan ni ka dai gane ai, ta karasa maganar tana ɗage masa gira, yai saurin cafewa da faɗin " ni ko na gane domin ko yadda kike bani soyayya da kulawa ya sanya duk wasu sauran mata idan na gansu suke koma min tamkar namiji kinga ko namiji mai zai yi da namiji, dariya ta sanya tana faɗin un un fa Noor kar naje fa ni ka maida namijin yanzu ma gurin yar wata shawalwalar zaka, ya wani waro idanu yana faɗin haram! Wallahi haram ina ni ina maida ke namijin bayan duk abinda kike bani kin manta yanzu ma cewa nai ki tanadar min something special? To idan namiji ne ina ni ina sanar mi shi? No ba wannan maganar ke ni sai na fasa fitar ma wallahi mu wuce ɗaki kawai kema dai kin san don kin hana nai wani ƙwaƙwaran motsi ne gaban Feenat wallahi da tuni na saɓe ki a kafaɗa mun wuce, zaro idanu tai tana faɗin no tafi kawai Allah ya tsare ka gaida ƴan gari, riƙo hannun ta yai yana faɗin ai ko wallahi baki isa ba ko ɗan kiss ai kin bani ko?..........

 Meet in the next story 

***