17&18

🔥𝗥𝗔𝗪𝗔𝗡𝗜𝗡 👑 𝗭𝗔𝗟𝗜𝗡𝗖𝗜🔥🤍

🔥CROWN OF INJUSTICE🔥

𝗠𝗔𝗟𝗟𝗔𝗞𝗜𝗡

❤️‍🔥FATEEMA ZAHRA MUSA ❤️‍🔥

(❤️A-K-A 𝑷𝑹𝑰𝑵𝑪𝑬𝑺𝑺 𝑻𝑬𝑬𝑴𝑨🔥)

🔥🤍T🔥🤍T🔥🤍W🔥🤍......💻

❤️𝑫𝑨𝑻𝑬 18/7/2024.....✍️📚🌹

For information 0816139058 Whatsapp me only!!.

🤍𝑺𝑻𝑬𝑷 1......✍️📚🔥

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ❤️

E____________17🔥

Wayyo Rocky yana can yana watandarsa bare mu ce ya kawo masu agaji, yau take sallarsa ai ba zai kula Kamran ba, Wayyo ni kai'na kada waɗan nan azzaluman su cinye mana Pretty ɗanyarta fa......💔😥

Idan muka leƙa KINGDOM OF POWER kuma.

Su Momma sun kammala cin abincinsu lafiya lou kamar yadda suka saba, sannan ƴan matan nasu suka miƙe kowacce ta mufi bedroom nata, su Sarina dukka a part na King suke ba a part na uncle Abbas, tare da su Aneesa suke, kowa da ɗakinsa, so dan haka suna kammala cin abinci kowacce ta wuce nata ɗakin.

Sarina kamar zata yi kuka ta nufi part ɗin yayan nata wato Jawad, so take ta je ta bashi hakuri dan ya bata wayarta, ba zata iya zama babu waya a hannunta ba, kuma koda ta sayi wani wayar ba zai bata abin da take so ba, saboda akwai abubuwa dayawa a cikin natan da bata son yin loosing ɗinsa, so is better for her da ta je ta roƙesa.

Sai wani yanga take yi tana tura baki, kamar akwai wani a gabanta take aikin harare harare, ga idanun nata kamar na Jawad ɗin, dara dara da su, wannan da ita ce ƴar Jawad ba shakka zai sha duka a hannunta yau.......😅

Ƙasa ƙasa ta yi sallama a kofar shiga parlourn nasa, kamar wadda aka sanya dole ta yi sallamar, ina da tabbacin ba dan tsoronsa da take ji ba da ba shakka ba zata yi wannan sallama ba, kawai tana tsoron shan duka ne.

Shiru ba'a amsa mata sallamar ba, tsayuwa ta yi a wajen na almost 2 mins kafin ta sake kwaɗa mashi wata sallamar.

Kuyangu guda biyu dake a parlourn ne suka amsa mata sallamar tata cikin ɗari ɗari, ga dukkan alamu suna tsoron amsa mata sallamar, dan bala'in ta ya yi yawa.

Ai kuwa sun gudu basu tsira ba, dan kuwa tana shigowa sai da ta hau surfa masu uwar bala'i a kan ina ruwansu da sallamarta da zasu wani amsa mata? Shin su ta yi wa sallamar ne? Ko ta ce wata ƙasƙantacciyar baiwa ta tanka maganarta ne?.

Ƙasa suka yi da kai suna mai bata hakuri tare da yin alkawarin ba zasu sake ba, bayin Allah a matsayinsu na musulmai ne suke ganin kamar rashin amsa sallamar ba dai'dai bane, kuma hakan ne, ba dai'dai bane kana matsayin musulmi ayi maka sallama baka amsa ba, koda kuwa baku shiri da mutum amsa sallama wajibi ne idan aka yi maka, amma ita amsa mata ɗin ma bala'i ne, wannan yarinya sai dai shirin Allah kawai, bata son talakawa ko kaɗan, ga shegen iyayi da kwainane, ita ko ƴaƴan manyan sarakuna ma ganin ƙasƙantattun mutane take yi masu, wannan da ita ce a kan kujera riƙe da karagar mulki zata mulki mutane da anga bone wlh, ina ga daga karshe jama'a ne zasu yi mata bore su sauketa daga kan kujerar.

Sai da ta gama zagesu fes, da Allah yasa ma bata haɗa masu da mari ba, sannan ne ta nufi bedroom ɗin yayan nata, tana wani yamutse fuska kamar wadda ta kalli kashi ko wani abin kyamar, sai wani ɗage dogon hanci sama take yi, kada fa kuce mummuna ce, a'a wlh, Gimbiya Sarina kyakkyawace kamar uncle Abbas, jinin Akkas ce ai, kawai ita dai halinta ne masifa da bala'i sai shirin Allah, bata son ganin ƙasƙantattun mutane a arear da take, shiyasa mai aikin da take yi mata aikin gyaran bedroom nata tana ganin bala'i, tana ƙoƙari, duk cikin ƴan'matan gidan ita kaɗai aka sha canzawa masu yi mata hidima, dan sai ta ce sun cika ƙazanta bata son su a kawo wasu, kuma wlh suna da tsabta, kawai idan aka samu akasi ne ta ga datti komai ƙanƙantarta sai ta ce sun yi mata ƙazanta a cikin bedroom nata, dan haka ita ba zata zauna da su ba a canza su!! Haka Mummy take sanyawa a canza mata wasu, dama mummy ce mai goya mata baya tana abin da ta ga dama, komai ta yi bata laifi, a gidan gabaɗaya sun fi shiri da mum ɗin.

Sallama a bakin haɗaɗɗen kofar shiga cikin bedroom ɗin nasa ta yi. Shiru bai amsa mata ba, su kuwa kuyangun nan suka cigaba da aikin da suke yi na yi mashi gyaran dare, dama sau uku suke zuwa gyara mashi part ɗin nasa, safe da rana da kuma dare, aiki ba hutawa, saboda ƴaƴan Akka da jikokinta na gaya maku basu shiri da datti, basu son ƙazanta, suna da balai'n tsabta sosai, shiyasa komai nasu yake fes fes, kuyangu masu yi masu hidima suna ƙoƙari sosai wlh!.

Ta kai almost 5 mins a tsaye ba tare da ta ji motsin komai ba, kuma ga shi ba'a a amsa mata sallamar tata ba, hakan yasa ta yi tunanin bari ta shiga ciki ta duba shi, bata san cewa Prince Jaish ya dawo ba, idan ta san ya dawo ma ba zata zo neman Yah Jawad ba, domin tasan dole suna a tare basu rabuwa.

A hankali ta tura kofar bedroom ɗin ta shiga, aljannar duniya, oooooo familyn King suna sha'aninsu, kowa ka leƙa part ɗinsa sai ka ji kamar ba'a duniya kake ba, sai ma ka rasa part ɗin waye zaka zaɓa a ciki, wannan ruwan ido ma sai ya hanaka zaɓar komai, dan idan aka ce ka zaɓa sai ka kwana ka wuni kana kewaye a Parts ɗin, duk wanda ka shiga kuma sai ka ga ya fi na wannan kyau, idan ka shiga wani shi ma sai kaga ya fi wadda ka fita yanzu kyau, sai ka yi wata baka iya zaɓar wadda zaka zaɓa ba, saboda dukka sun haɗu ne na wuce misali.

Sai tashin daddaɗar kamshin da sanyin Ac bedroom ɗin nasa yake yi, komai tsab tsab kamar yanzu aka cirosu daga ledarsu, kuyangun sun iya gyara sosai, sun san aikinsu.

Babu kowa a cikin bedroom ɗin sai haɗaɗɗiyar katafaren bed nasa da ya sha gyara da shinfiɗu na alfarma. Haka ma cikin bathroom shiru bata ji motsin kowa a wajen ba, a hankali kamar wata ɓarauniya ta lallaɓa izuwa balconynsa dan ta leƙa.

Nan ma babu kowa, da alama dai baya a cikin part ɗin. Dawowa cikin bedroom ɗin ta yi ta ɗan fara dube dube ko zata ga wayarta, tsabar tsoro har ɗan kerma jikinta yake yi, saboda ta san idan ya kamata a cikin bedroom ɗinsa tana yi mashi leƙe leƙe sai ya bata punishment, jikinta ne zai gaya mata, kuma dai tasan bata isa ta ɗauki wayar tata ba koda ta gani, dan ko giyar wake take sha bata isa yayyun nata su kwace abu su ajiye kuma ta ɗauka ba, babu ma wanda ya isa ya yi hakan a cikinsu, kawai tana duba wayar ne idan ta gani ta ɗan ɗauka ta kunna ta ɗan duba cikin wayar, dan tana kewayar mutanenta da suke chatting! Idan ta gama gani kuma ta mayar ta ajiye a in da ta gani ta kama kanta har sai ranar da ya ɗauko da hannunsa da kansa ya bata, bata isa ta tafi da shi ba.

Sai dai kash ta yi iya dube dubenta babu wani abin da ta gani, ko na Chuchu dana Fanan da ya karɓa daga baya ma babu su a cikin room ɗin bata gani ba. Kuma duk bala'in rashin kunyarta ba zata iya zuwa part na Jaish neman Yah Jawad ɗin ba, tana mahaukacin tsoron Jaish, dan shi bashi da wasa kuma baya ɗaukar wasa, yanzu zai haɗa mata jini da majina, gara Jawad sau dubu a kan Jaish, so tun da bata ga Yah Jawad ɗin ba ta san duk yadda aka yi yana part ɗin Yah Jaish, zuciyarta ya gaya mata tabbas Yah Jaish ya dawo, dan haka sai dai ta hakura da ta tunkari part ɗin yah Jaish, ai ko giyar wake ta sha ba zata iya zuwa can ba, part ɗin Yah Jawad ɗin ma shahada ta yi ta zo.

Kamar zata yi kuka haka ta fito tare da janyo mashi kofar bedroom ɗin nasa ta nufi waje, sai kace kuyangun nan ne suka yi mata laifi, ta wani wurga masu uwar harara kafin ta sa kai ta bar part ɗin. Bayin Allan su kuwa ko alamar damuwa ba su nuna sun damu ba, sai ma suka ƙarisa aikinsu wanda yake da shi da babu duk ɗaya ne, domin kuwa part ɗin yana da haske babu datti, amma a haka sai sun zo sun sake gyarawa, kunga kuwa wannan aiki kusan da shi da babu duk ɗaya ne. Bayan sun kammala suka bulbula mashi turarukan ɗaki masu daɗin kamshi kafin su fita su ja mashi kofar su nufi nasu ɓangaren na kuyangu.

Ita kuwa hajiya Gimbiya Sarina part nata ta nufa kamar zata yi kuka, tana shiga ta fara ɓallawa kuyangar dake yi mata hidima harara, sai ka ce su ne suka yi mata laifi.

Kayan jikinta ta fara cirewa kafin ta ɗaura wani ɗan figalallen towel da bai gama rufe mata tsala tsalan jajir ɗin cinyoyin nan nata ba, a haka ta nufi cikin bathroom.

A hanzarce kuyangarta ta zo ta fara kwashe kayan nata da ta cire ta barsu a saman katafaren bed ɗinta, tsab ta kwashesu ta ƙara gyara mata ɗakin da kyau.

Bata wani jima sosai a cikin bathroom ɗin ba ta fito sanye da bathrobe fara kal a jikinta, ta nannaɗe wannan dogon gashin kan nasu na larabawan da farar karamar towel

Gaban katafaren dressing mirrorta dake shaƙe da kayan shafa ne, su turaruka da su make up artis ɗinta ta nufa. Tsadaddun lotions nata ta murje jikinta da shi, kamar bata son taɓa jikin nata, saboda shegen kaunar skin ɗin nan nata da take yi, sam bata son abin da zai taɓa mata shi, kamar ba za'a mutu ƙasa ta cinye skin ɗin ba, kullum cikin gyaransa take, sai dai kuma ba karya fa yana nuna ana gyara shi ɗin, ya yi luwai luwai da shi sosai, ga tsantsi da sheki Masha Allah.

Bayan ta kammala murje lotions ɗin nata ne ta shirya cikin wasu tsadaddun kayan barci, ɗan riga shara shara mara nauyi mai ƙaramin hannu ne da kuma wandonsa dogo shi ma mara nauyi, launin brown color, hand dryer ta jona ta hau busar da kyakkyawar bakin gashin kanta, duk son jiki irin nata da rashin son aiki to fa bata bari kuyangu su taɓa jikinta wajen yi mata irinsu busar da gashi ko makamancin haka, ɗan gara wankin kafama tana sakasu su yi mata, sai kuma tausa idan ta yi ra'ayi.

Tana gama busar da gashin ta sake feshe jikinta da daddaɗar perfume ɗinta mai daɗin kamshi kafin ta faɗa saman lallausan katafaren bed nata da ya sha shinfiɗa ta alfarma da bed sheets ash color mai haske.

Babu wani addu'ar barci kawai ta lume cikin bed ɗinta tare da janyo kananar pillows dake saman bed ɗin ta runguma, sannan ta ce da kuyangarta ta zo ta warware duv ɗin dake a saman bed ɗin ta rufeta da shi. Da yake kuyangar tana a cikin bedroom ɗin tana ƙoƙarin tattare towels ɗin da Sarinar ta yi amfani da su bayan fitowarta daga wanka.

A hanzarce ta zo ta ware duv ɗin ta lulluɓeta da shi, yau kam babu waya barcin wuri ya kama Gimbiya Sarina, da wayarta na nan yanzu zata fara aikin latsa shi har zuwa tsakiyar dare, amma yanzu dole ta hakura ta yi barci.

Tattare komai kuyangar ta yi tare da kara fesa mata air freshener mai daɗin kamshi sannan ta ɗan kara mata gudun Ac zuwa yadda take barin mata kullum. Bayan ta kammala mata komai ta kashe wutar ɗakin tare da kunna purple light dake a ɗakin, sannan ta fito ta ja mata kofar, asuba ta gari. Da yake kuyangun ƴan'matan gidan basu rabuwa da part na su Gimbiyoyin, suna da bedroom a cikin part ɗin, dan watakila wata Gimbiya zata buƙaci wani abin da daddare, hakan yasa wannan kuyanga ta nufi bedroom nata dake kusa dana Sarinar, basu da nisa, saboda ta jadadda aikinta!!.

A ɓangaren Gimbiya Chuchu kuwa, wanka ita ma ta je ta yi, sannan ta yi shirinta cikin tsadaddun kayan barcinta masu kyau da ɗaukar hankali, ita ma dai riga ce da wando launin pink color da ratsin white kaɗan, ta yi kyau sosai, bayan ta kammala busar da kyakkyawar bakin gashin kanta ma sai ta sake shi har gadon bayanta, sannan ta zuba perfumes ɗinta masu daɗin kamshi sosai wadda Momma ta bata, daga Dubai ake aikowa da Momma turarurruka, shiyasa suke da daɗin kamshi mai sanyayya zuciya.

Zama ta yi a gefen luntsumemiyar bed mattress ɗin nata tana tunanin me Yah Jawad zai ce mata idan ta je part nasa?. A wannan hali auta ta shigo ta sameta, sanye take da nata tsadaddun kayan barcin ita ma, ta sha kyau over, dama ita ba gwanar ɗaura ɗankwali ba, sai ta saki wannan dark black curly hair nata har tsakiyar baya, tana rungume da Wolf nata dake barci.

Saman bed ɗin ta haye tana faɗin. "Aunty Chuchu what are you thinking?".

Nisawa ta ɗan yi tare da faɗin. "Am thinking about Yah Jawad, he said i should meet him in his part, so now am thinking about the reason of the call he called me".

"To ai babu abin da zai yi maki, so just fell free and go, ko dai kin yi mashi wani laifi ne?".

Da sauri ta ɗan girgiza kai tana faɗin. "No ban yi mashi komai ba".

"Okey tom ki je ba zai yi maki komai ba ai, wata kila ma aikanki zai yi wani wajen ko wajen Mammie".

Ta kai karshen maganar tare da kwanciya rungume da Wolf ɗin nata.

"Aunty Chuchu yau a bedroom naki zan kwana yau ma kamar jiya". Ta faɗa tana janyo duv ta rufe su ita da Wolf ɗin nata da take kiransa da sunan Felix.

"A'a zo mu je ki rakani part ɗin Yah Jawad ɗin, mu je tare mu dawo tare mu zo mu yi barci".

Ta yi maganar tana juyo da kallonta a kan autar.

"Kai Aunty Chuchu, am tied fa, am feeling too much of sleeping, kuma kinga my felix ma also ya yi barci, kawai ki je, ai Yah Jawad baya da faɗa, and kuma yana da kirki, da ma dai uncle Taheer ne sai na ce to ki shirya".

"Hmmmm a ganinki ne Yah Jawad bashi da faɗa ba? Ke ai auta a gidan nan ma kowa baya da faɗa ne a wajenki, saboda basa yi maki, for me uncle Taheer is better than Yah Jawad a saukin kai, seriously Yah Jawad he's acting like a tiger ne or Lion za'a ce, he can't talk at all sai zafin rai like Yah Jaish, amma uncle Taheer fa? Baya kwacewa mutane abinsu, kuma shi idan ka ce mashi sorry yana hakura".

Ta kai karshen maganar tana turo baki kamar Yah Jawad ɗin yana a gabanta.

"To ni dai Yah Jawad is better than uncle Taheer for me, dan haka ma ni good night".

Ta kai karshen maganar tare da jan duv ɗin har izuwa saman fuskarta ta rufe ruf.

"No auta please stan up let's go together, I can't go without you! Ina tsoro".

"Kai Aunty Chuchu idan da ban shigo bafa? Da waye zaki je?".

"Cikin bedroom naki zan je na kiraki mana, Please taso mu je".

Turo ɗan bakin ta yi, a hankali ta yaye duv ɗin ta fito, har ga Allah bata son zuwa, amma ya zata yi da Aunty Chuchu nan nata? Dole kawai ta rakata. Da yake Felix ɗinta ya yi barci sai ta kyale shi a saman bed ɗin suka tafi, dukkansu kai babu ɗankwali, sun saki gashin nan har baya, da yake auta tana da tsawo sosai kamar Mommarta, sai ya zamana ta kusa kamo Chuchu ɗin tsawo.

Kai tsaye part na Yah Jawad ɗin suka nufa, sai hira suke yi cikin nishaɗi kamar wasu ƙawaye. Ba su kai ga ƙarisawa part ɗin nasa ba suka ci karo da wani haɗaɗɗen matashi mai jini a jika, kyakkyawa kuma lafiyayye, yana da fusatatcitar fuska sosai, idan ka gansa ma sai ka ɗan razana, saboda yadda face ɗin take a ɗaure tamau, sai dai kuma ba karya akwai kyau, da alama akwai zafin kai da izzar jinin mulki, yana sanye da kayan barci shi ma a jikinsa masu bala'in kyau da tsada, sai tashin kamshi yake yi, yana tafiya yana latsa haɗaɗɗiyar wayar dake rike a hannunsa, a shekaru ba zai wuce 28 years ba.

"Good evening uncle Taheer". Suka haɗa baki wajen faɗa.

Ɗan dakatawa daga tafiyar da yake yi ya yi, sannan gentle ya kawar da kallonsa daga kan screen ɗin wayar izuwa kansu, kallo ɗaya ya yi masu ya mayar da kallonsa a kan screen ɗin tare da cigaba da tafiyarsa, ba tare da ya amsa masu gaisuwar tasu ba ya ce. "Baby zo mu je ki rakani wajen uncle Abbas, can zan je".

Yana maganar ne yana cigaba da tafiyar da yake yi. Uncle Taheer kenan, ƙanin Mama ne, ba ɗan King Zuhair bane ba!.

Kallon juna suka yi ita da Chuchu, kamar Gimbiya chuchu zata sa kuka, uncle Taheer zai sanya ita kaɗai ta je wajen Yah Jawad, zai wani ɗauke mata abokiyar tafiyarta, wayyo Allah, gaskiya bai kyauta mata ba.

Ganin ya ɗan yi nisa da tafiyar da yake yi har ya kusa fita daga arear wajen ne yasa auta ta yi saurin barin Gimbiya Chuchu ta rufa mashi baya, dan ma kada ya sake kiranta.

Da kallo our fashion baby Chuchu ta bisu da shi har sai da suka kurewa ganinta, sannan ta kara turo ɗan bakin nan nata, ji take yi kamar ta juya ta koma ta fasa zuwa wajen Yah Jawad ɗin, amma ina ba hali, idan ta fasa zuwa ma wani laifin ta jawa kanta da kanta. Hakan yasa ta ɓata rai tana turo baki ba dan ta so ba ta cigaba da tafiya.

A bakin kofar shiga part ɗin nasa ta tsaya ta yi sallama. Shiru ba'a amsa mata ba, a lokacin ma kuyangun da suke yi mashi hidima a part ɗin nasa sun kammala aikinsu su tafi, so babu kowa a cikin parlourn, hakan yasa ba'a amsa sallamar ba.

Jin shiru babu wanda ya amsa mata har tsawon mintuna biyu yasa ta ɗan turo kofar ta sako kyawawan kafafunta da suke sanye cikin bedroom slippers masu bala'in kyau, ta sako ƙafafun nata ne tana sake rangaɗa mashi sallama.

Ganin babu kowa a parlourn yasa ta ɗan sauke nannauyar ajiyar zuciya tare da nufar kofar bedroom nasa.

A bakin kofar ta tsaya tare da dai'dai ta nutsuwarta tana sake sauke ajiyar zuciya, sannan ta yi sallama cikin nutsuwa.

Shiru shiru ba'a amsa ba, a karo na biyu ta sake yin sallamar. Nan ma shiru ba'a amsa ba.

Wani tunani ne ya faɗo mata a ranta na ko dai baya a cikin ɗakin ne? Ko kuma ya yi barci ne?. A hankali ta juya da nufin ta bar wajen ta koma part nata, sai kuma wani ɓangare na zuciyarta ya ce mata ta leƙa cikin bedroom ɗin mana ta gani ko barci yake yi ko kuma dai laifin da ta yi mashi ne yasa ba zai amsa sallamar ba. Yin wanna tunani yasa ta sake juyowa tare da ɗan tura kofar tasa a hankali. Kamar wadda kwai ya fashewa a ciki haka ta sako kafarta a cikin bedroom ɗin, tana ɗari ɗari.

Wani irin nannauyar ajiyar zuciya ta sauke lokacin da taga babu kowa a cikin ɗakin, sosai ta ji daɗi, Allah ya ceceta ya tseratar da ita, dan haka sai ta juya a hankali da nufin ta fice daga cikin bedroom ɗin.

Kome ta tuna kuma? Sai ta sake juyowa da sauri, ƙurawa wayoyin dake a saman bed nasa idanu ta yi, ga wayarta dana Fanan, sannan ga na Sarina sai nasa guda biyu a gefe, duk ya zubesu a saman bed ɗin, da alama bayan fitar gimbiya Sarina ya shigo cikin ɗakin kenan, dan kunga lokacin da Sarina ɗin ta shigo cikin bedroom ɗin babu wayoyin a saman bed ɗin.

Ganin wayoyin yasa bata san lokacin da ta saki cool murmushi ba kamar Yah Jawad ɗin ya mai do mata da nata ne. Da sauri ta karisa wajen wayoyin tana ta kara faɗaɗa murmushin da yake a saman fuskarta.

Tana zuwa wayarta ta fara ɗauka, dukka wayoyin nasu a kashe, wayoyinsa ne kawai a kunne.

Wani irin daɗi ne ya lulluɓeta, ta manta ma a ina take, tuni ta hau kunna wayarta, sai kara sakin murmushi take yi, wayyo ta mance ma da wanenen ya kwace wayoyin nasu, ita dai burinta ya cika ta ga nata, laifi kan laifi kenan take ƙoƙarin karawa.

Tana kunna wayarta ta sauke ajiyar zuciya, a hanzarce ta fara dube dube a cikin wayar, shap fa ta mance da cewa ba'a bedroom nata take ba, kuma yau ta manta da cewa tana tsoron Yah Jawad, daɗi ne ya yi mata yawa, kada ku ga laifinta.

Saboda jaraba abin ya bi jini tana ɗan yi shige shige kaɗan a wayar ta fita ta shiga Camera dan ta ɗauki hoto.

(Wanna jaraba ta Chuchu dayawa yake💔 yarinya mayyar hoto haka?🤔 Anya ba aljanun yin hoto ke gareta ba? Wai ma ina take kai hotunan ne?🤔 Me take yi da su?🤔)

Hotuna ta fara ɗaukar kanta, tana yi tana canza style, ta turo ɗan bakin nan ta sake ɗaga kyakkyawar gerarta guda. Wani irin rashin sa'a aka samu ta juya ta canza style kenan zata ɗauki hoton sai camerar ya haɗo mata da Yah Jawad dake tsaye a bayanta wajen kofar shiga dressing room nasa. Daga shi sai towel and single a jikinsa, wanka ya fito ɗaure da towel, lokacin da ta shigo cikin bedroom ɗin yana cikin dressing room nasa zai fara saka kaya kenan, ya saka single bai kai ga ƙarisawa ba ya ji motsi a cikin bedroom ɗin nasa, hakan yasa ya fito leƙawa ya ga wannen? Sai ganinta ya yi tana ɗaukar hotuna, shi ne ga tsaya tare da harɗe hannayensa a saman faffaɗar kirjinsa yana kare mata kallo yana ganin ikon god.

Ganin shi ta cikin camerar wayar ba ƙaramin razana ta ya yi ba ta yadda har sai da ta zunduma wani irin ihu tare da juyowa a dubu ɗari dan ta tabbatarwa da kanta abin da ta kallah a cikin wayar, sai yanzu ta tuna ashe ba'a bedroom nata take ba baiwar Allah.

Tsabar tsorata da ganinshi yasa ta sake wayar tata ta faɗi kasa a saman white tiles ɗin, kunsan ganin mutun un expect ba karamin razanarwa yake yi ba, barema ita da ta ganshi ta cikin camera, ai dole ta tsorata, ga shi dare ne, kuma ya kafeta da waɗan nan dara daran idanun nasa, ai tama yi ƙoƙari da bata sakar mashi fitsari a wajen ba.

Shi kuwa tunani yake yi ko dai ruƙuya za'ayi mata ne? Watakila aljanun ɗaukar hoto ne suka shigeta!.

Ganin ko motsi bai yi ba ya kafeta da idanu ne yasa ta ƙara sorata sosai, jikinta har ya suma kerma, ita tunani ma take yi shi ne ko kuma aljani ne? Dan a gaskiya yanayinsa ya tsoratata sosai, ga shi daga shi sai single ta sama, ta kasa kuma towel ne ɗaure a kugun nasa, yanzu ta gudu ne ko ta tsaya?.

(Ni dai na ce wlh ki zunduma a guje kiyi waje abinki ato😅 kuma kada ki tsaya a ko'ina sai wajen Momma, dan ita kaɗai zata iya kwatarki.🥰😅)

Almost 10 mins suna tsaye a haka an rasa mai bakin yin magana a cikinsu, sai kermar tsoro jikinta yake yi, shi kuma yana kare mata kallo. Sai da ya ga ta fara ruwan hawaye ta gaji da tsayuwar ne tunaninsa ya dawo jikinsa, nisawa ya yi kafin ya ɗan motsa lips nasa wajen furta.

"What are you doing here by this time around?".

Har ya manta da cewa shi ya ce ta zo ta same shi a cikin part ɗin nasa.

Hawayen da yake a saman fuskarta ne ya kara karfin gudun nasa, murya na kerma ta ce. "Yah Jawad kai ne fa ɗazun ka ce na zo na sameka a part naka".

"Sai kuma na ce idan kin zo ki shigo mun har cikin bedroom?".

Da sauri ta girgiza mashi kai alamar a'a.

"Waye kuma ya ce ki fito sanye da kayan barci babu ɗankwali bare hijab? Ki ka wuce kowani part dake arear nan kizo har nan? Are you out of your sense?!". Ya kai karshen maganar cikin faɗa da kuma ɗan ɗaga murya.

Nan ma girgiza mashi kai ta yi alamar a'a, ta kasa iya sake yi mashi magana, sai dai ruwan hawaye.

"Waye kuma ya ce ki taɓa mun abin da na ajiye? Ke kika ajiye mun wayoyin ne?".

Nan ma dai girgiza kan nata ta yi alamar a'a, wahayen face nata suna kara tsananta gudu, ta yi danasanin zuwanta ma, ashe shi ya manta ma da ya ce ta zo ta same shi a part nasa, ita ce take wahalar da kanta, yanzu ga shi ta kara laifi a kan laifi, ga laifin fitowa da kayan barci wanda ita ta manta da cewa sune ma a jikinta, sannan ga laifi ɗaukar wayar da ya ajiye da ta yi.

A nasa ɓangaren kuwa, kukan da take yin nan ne baya son gani, saboda suna kaunar kannen nasu sosai, ƴan gata ne da ba'a son su yi kuka sai ya zama dole, dan haka sai ya sassauta muryarsa ƙasa ƙasa ya ce. "Okey maza goge hawayen nan kiyi neel down a wajen ina zuwa, idan kuma kika bari na fito naga hawaye a saman face naki you now the rest".

Ya kai karshen maganar tare da wucewa ya koma cikin room ɗin dan ya kammala shirin da ya fara.

A hanzarce ta kai hannu ta goge hawayen nata tare da zube gwiwowinta a ƙasa, ji take yi wasu kukan suna zuwa mata, amma sai ta danne dan gudun kada ta kara laifi a kan laifi, ji ta yi gabaɗaya ta tsani Yah Jawad ɗin nan, duk cikin brothers ɗinta shi ne ya fara sakata kuka, ko yayansa wato first born ɗin uncle Abbas mai runa Rizwan bai taɓa sakasu kuka ba, duk da yake suna ce mashi mugu, amma bai taɓa dukansu ba, sai dai harara da daka masu tsawa, yau kawai Yah Jawad ya sakata kuka dan mugunta.

Ya ɓatawa fashion babynmu rai, gaskiya bai kyauta ba.....😥😅

To bari dai na koma wajen su Kamran, wata kila kafin mu dawo Yah Jawad ya kammala shirinsa, sai mu zo muga wani hukunci zai yi mata, ta yi laifuka har guda uku, zamu ga irin hukuncin da zai yi mata dai!!.

🏞️FOREST🏞️

Fitowa waje Pretty ta yi kai tsaye abinta, ta fito kuma tana mai kiran sunan Kamran a kan ina yake ya zo sun gama cin abinci!.

Ai yana saman bishiyar nan bai san lokacin da ya furta kash ba!.

Ita kuwa wani irin birki ta ja na ganin waɗan nan jiga jigan zakunan a gabanta, zaro idanunta ta yi tana kallonsu, sai kuma ta fara ɗan waige waige tana neman ta in da zata ga Kamran?. While su kuma warriors ɗin suka bita da kallon from head to toe!.

Gabaɗaya wani irin mahaukacin tsoro ne ya kamata, bata taɓa ganin halittu irin waɗan nan ba, kamar ba mutane ba, bugu da ƙari ga hular kayan yakin nan nasu a kansu, kuma su nasu hular mai design ɗin kan ɓauna ce, hakan tasa kan nasu ya kara girma ta yadda ya yi matuƙar sakawa hantar cikinta ya kaɗa, ƴaƴan hanjinta ya yi masifar kaɗawa, tsoro ne ya dabaibayeta ta ko'ina, kan kace me jikinta ya fara kerma.

Kobaka san su waye waɗan nan warriors ɗin ba idan ka gansu dole ka razana, dole hantar cikinka ta kaɗa, saboda basu yi kala da masu ɗigon imani ko miskala zarratin a cikin ransu ba, ga bala'in kwarjinin da yake lulluɓe da fatar jikkunansu, gasu wasu bujumaye da su kamar wasu zakuna, dole Pretty ta tsure na kin ƙarawa, Kamran ma ya tsorata da ganinsu bare kuma Pretty, ai tama yi ƙoƙari da bata sume masu ba.

Kallon juna warriors ɗin suka yi a in da suka fara yin magana da wannan yaren nasu dai da bamu jin me suke faɗa, Kamran dai yana bala'in son ya ji me suke cewa, amma babu hali, hakan yasa ya zuba masu idanu kawai ya ga me zasu yi idan suka gama maganar nasu, sai alama yake yi wa Pretty da hannunsa a kan ta gudu ta wata hanyar, kada ta koma cikin ɗakinsu, hakan zai sa a gane maɓoyatsu.

Amma ina ita Pretty sam bata ma san yana saman bishiyar ba, bata ganshi ba, ita dama take tsaye tana jiran kiris ta saki fitsari a wando saboda tsoro, ina ita ina wani kallon sama kuma? Har ma ta ganshi a saman! Ai babu wannan zance.

Kamran ya yi nisa cikin tunanin mafita bai ankara ba sai gani ya yi warriors guda biyu sun diro kasa daga saman dawakansu, cikin takun tsantsar jarumta suna taka ƙasa tana amsawa dip dip dip suka nufi Pretty ɗin.

Tana tsaye ta kasa iya guduwa, tamkar wadda aka sarewa gaɓɓan jikinta ko aka dasata a wajen, ba komai bane ya ja mata hakan kuma face tsoro, tsananin tsorata da ta yi ne yasa gabaɗaya gaɓɓan jikinta suka yi la'asar babu laka.

Ganin sun tunkareta gadan gadan ne yasa Kamran bashi da wani zaɓin da ta rage mashi face ya sauko ya fiskancesu gaba da gaba wata kila su yi mutuwar kasko, dan ba zai iya bari su cutar da Pretty ba, ko da kuwa zasu kashe shi, shi da kansa yasan wlh waɗan nan jiga jigan warriors ɗin sun fi karfinsa, ba zai iya yin faɗa da su ba, dama dai su huɗu ne to zai iya cewa zai kashesu, amma har su takwas shi kaɗai ai kowa yasan idan ba aljani ne shi ba wane kaniyarsa ya iya faɗa da su, amma ya zai yi? Da dai su kashe Pretty gara mashi ya sauko su buga da shi ɗin, idan ya so Pretty ta gudu ta samu ta tsira!.

Hakan yasa shi ya diro ƙasa daga saman bishiyar, bai yi tunanin wani hali Mammarsa zata shiga idan aka kashe shi ba, yasan shi kaɗai take da shi a duniyar nan, tana bala'in kaunarsa fiye da tunaninku, ya zata yi da ranta idan aka ce waɗan nan azzaluman sun kashe shi? Ai ina ga ita ma mutuwa zata yi ko kuma ta haukace kawai!!.

Ganin dirowar mutun yasa warrior da suke tunkarar Pretty suka dakata daga tafiyar da suke yi, tare da ɗaura kallonsu a kan Kamran ɗin. Ya yi tsayuwar cikakkun jarumai! Babu alamar tsoro ko kuma sarewa a tattare da shi, yadda kuka san zai iya da su dukkansu.

Ganin irin tsayuwar da ya yi cike da jarumta babu ko ɗar ɗar ne yasa warriors ɗin suka fara tunanin ko dai da akwai abin da ya taka ne?. Amma da yake a fagen daga ba'a ja da baya kuma ba'a nuna tsoro ko shakku, sai hakan yasa suma basu nuna kamar sun ɗan yi mamakin ganin ɗan ƙaramin kwaron ya yi irin wannan tsayuwa a gabansu ba, sai ma waɗan can warriors biyu da suke tunkarar Pretty ɗin suka juyo ta kansa, gadan gadan suka nufesa.

Cikin harshen turanci ya ce da Pretty ta gudu ta wata hanyar ta daban. Ai kuwa yana yin magana ta ji karfi ya zo mata, dan haka sai ta juya a guje ta nufi wata hanya da take ta can gefe, bata koma cikin ramin nasu ba.

Nannauyar ajiyar zuciya ya sauke ganin ta gudu, sai dai kuma ɗaya daga cikin warriors da suke a saman dawakan nan ya bi bayanta da dokinsa, hakan ya kara tayarwa da Kamran ɗin hankali sosai, dan haka sai ya yi ƙoƙarin hango warriors ɗin dan ya faɗo kasa daga kan dokin. Sai dai kash, bai kai ga nasarar yin hakan ba warriors biyun nan suka capke shi, wani irin murɗe mashi hannu ta baya da suka yi ne yasa bai san lokacin da ya zube ƙasa a saman gwiwowinsa ba.

Da gudu ɗaya daga cikin warriors da suke a saman dawakansu ma ya rufawa wanda ya bi Pretty baya, suka zamana su biyu ne suka bi bayanta, waɗan nan biyun kuma sun durƙusar da Kamran ɗin a saman gwiwowinsa suna ƙoƙarin cutar da shi, a in da ɗaya ya zaro karamar wuƙa yana son yanke mashi maƙogoron wuya, yadda kuka san ya yi masu wani laifi bawan Allah.

Ganin hakan yasa Kamran ɗin ya fara ƙoƙarin kwatar kansa daga hannunsu, dan shi ma dai kun sani ba tayan baya bane wajen iya faɗa, ya san salo da dabarun faɗa sarai. Hakan yasa ya iya samu da kyar da suɗin goshi ya kwaci kansa a hannun warriors biyun nan, gadan gadan ya fara yin faɗa da su yana son kashesu ya bi bayan Pretty dan kada waɗan can su kamata su kasheta. Cikin zafin nama da zafafawa yake faɗa da mutun biyun nan, mutun huɗu kuma suma saman dawakansu suna ta kallon ikon god ikon gaske, basu taɓa tunanin cewa Kamran ya iya faɗa haka ba, kallon ɗan ƙaramin kwaro suke yi mashi, basu san shi ma babban shege bane.

Cikin ikon Allah, Allah ya bashi nasara ya iya kashe mutun ɗaya daga cikinsu, amma fa ya sha abin da ake cewa bakar wahala na kin karawa a hannunsu!!.

Ganin ya kashe mutun ɗaya yasa wani bujumin warriors ya diro ƙasa daga saman lafiyayyar dokinsa, yana dirowa kuma yasa kafarsa da karfin gaske cikin ɓacin rai za zafin nama haɗe da tafasar jini ya taka Kamran ɗin a kirjinsa, hakan yasa Kamran ɗin ya yi baya baya ya faɗi kasa cikin ciyayi, a fusace wannan warrior ɗin ya yi kansa, wata iriyar shaƙa da ya kai wa Kamran ɗin a wuyarsa ne yasa har idanunsa suka firfito waje kamar zasu faɗi ƙasa. Ran maza ne ya ɓaci, ace ɗan ƙaramin kwaro kamar wannan ya kashe masu mutun guda ɗaya? Ai dole ran maza ya ɓaci, dole su gwada mashi banbancin kwanji, dole su gwada mashi akwai maza a gabansa.

Cikin fusata yasa hannu biyu ya ɗago Kamran ɗin sama, ga shi kuma ya shaƙe mashi wuya sosai, so yake ya daurasa a saman wuyarsa ya karya mashi baya shikenan ya kashe shi sun huta, shi ne yasa ya yi mashi irin wannan ɗagawa sama. Shi kuma ɗayan warrior da suka sha fafatawa da Kamran ɗin ya nufi kan gawar ɗayan da Kamran ɗin ya kashe yana ambatar sunansa yana kuma mai da numfashi. Saura kuma suna saman dawakansu, dan a cewarsu sun fi karfin su ɓata hannunsu wajen yin faɗa da Kamran ko su ce zasu kashe shi, ya yi masu kaɗan, kamar kiyashi suke kallonshi a gabansu su........ E manya manya maganin kanana ba, ya yi mazan fama.

Sosai wannan bujumin mayakin ya ɗaga Kamran ɗin sama zai karya mashi baya, shi kuwa bawan Allah Kamran izuwa yanzu ya fita daga cikin hayyacinsa, saboda shake mashi wuya da wannan mayaki ya yi, sai fafutukar neman numfashinsa yake yi ya dai'dai tata..........

🤍KADA KU MANTA WANNAN DADDAƊAR LABARIN DAGA ALKALAMIN FATEEMA ZAHRA MUSA PRINCESS TEEMA TAKU TA AMANA YAKE🔥💘

Share fisabilillahi 👏

ALLAH KA KARA MANA SON MANZON ALLAH 🔥🤍

🤍🔥𝗥𝗔𝗪𝗔𝗡𝗜𝗡 👑 𝗭𝗔𝗟𝗜𝗡𝗖𝗜🔥🤍

🔥CROWN OF INJUSTICE🔥

𝗠𝗔𝗟𝗟𝗔𝗞𝗜𝗡

❤️‍🔥FATEEMA ZAHRA MUSA ❤️‍🔥

(❤️A-K-A 𝑷𝑹𝑰𝑵𝑪𝑬𝑺𝑺 𝑻𝑬𝑬𝑴𝑨🔥)

🔥🤍T🔥🤍T🔥🤍W🔥🤍......💻

❤️𝑫𝑨𝑻𝑬 19/7/2024.....✍️📚🌹

For information 0816139058 Whatsapp me only!!.

🤍𝑺𝑻𝑬𝑷 1......✍️📚🔥

اللَّهُمَّ صَلِّ عَلَى مُحَمَّدٍ وَعَلَى آلِ مُحَمَّدٍ، كَمَا صَلَّيْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ، اللَّهُمَّ بَارِكْ عَلَى مُحَمَّدٍ وَعَلَى آلِ مُحَمَّدٍ، كَمَا بَارَكْتَ عَلَى إِبْرَاهِيمَ وَعَلَى آلِ إِبْرَاهِيمَ، إِنَّكَ حَمِيدٌ مَجِيدٌ❤️

E____________18🔥

Ya ɗaga shi sama da nufin ya sauke shi a saman wuyar tasa ya ɓalla mashi baya, sai dai bai kai ga yin hakan ba wata iriyar mahaukaciyar kifiya mai bala'in dafi ta sauƙa mashi tamkar sauƙar aradu a wuyar tasa, irin waɗan nan kifiyoyin ne wadda ake masu shiri na musamman wanda idan aka caki mutun da shi koda a in da ba zata iya kashe shi ba ne to dafin jikinta tsab zai kashe shi, in dai an harbeka da wannan kifiya to fa sai dai wani ikon Allah, amma wlh tsab zaka mutu, ba kai ba iya cigaba da rayuwa, dan da wasu irin poison masu haɗari ake dafa kifiyar na tsawon lokaci kafin a fara amfani da ita.

Ai tana sauƙa a wuyarsa ma bai san lokacin da ya saki Kamran ɗin ya faɗi ƙasa ba, nan take bakinsa ta fara bulbular da wata farar kunfa fara kal kamar wadda ya ci dangerous poison.

Kafin sauran warriors ɗin su yi wani yunkurin tuni ya zube ƙasa yana shure shuren mutuwa cikin raɗaɗin azaba tare kuma da kai hannunsa saman wajen da kifiyar ta cakesa, ga shi dai kifiyar ƴar marama ce ba kamar na sauran mayaka ko maharba ba, amma sai shegen ɓarna ke gareta kamar nuclear.

A dubu ɗari sauran warriors biyar dake wajen suka fara waige waige suna neman ta ina aka jefo wannan kifiya?.

Shi kuwa Kamran sai ƙoƙari ya ja numfashinsa ya dai'dai tashi yake yi, ya ci bakar wahala na shaƙar nan da ya sha a hannun wannan warrior ɗin, har ya fidda rai da rayuwa, sai kuma Allah ya ƙaddara ba zai mutu a hannun wannan bakin azzalumin mayakin ba!.

Suna tsaka da waige waige basu ankara ba sai jin saukar wasu kifiyoyin har guda uku suka yi a saman wuyar dawakansu. Hakan yasa dawakan suka buga wani irin uban haniniya mai tashin kai tare da yin watsi da warriors ɗin da suke a saman nasu, kan ka ce me suma sun zube ƙasa tare da fara yin birgima suna sure suren mutuwa, already shi wancan warrior da aka fara harba a karon farko da kifiyar har rai ta yi hanlinta, ya mutu ya yi sanyi!.

Sauran dawakai biyun kuwa bazama suka yi cikin dajin a haukace suna neman hanya. Su kuwa waɗan nan jiga jigan warriors ɗin mimmiƙewa tsaye suka yi suna masu cigaba da neman ta ina ake watso masu waɗan nan shegun miyagun kifiyoyin masu bala'in haɗarin wadda ba kowa yake iya mallakarsu ba sai shahararre kuma gawurtatcen mai kuɗi ko Basarake ko dai wani mai mulkin?!.

Da kyar Kamran ya iya miƙewa zaune, yau ya ji hannun maza bawan Allah, idanuwansa sun yi jajir kamar wuta, jijiyoyin kan nan nasa duk sun mimmiƙe tsaye cirko cirko, har wasu siraran jijiyoyi ne suka fito mashi a wajen wuyarsa, ga wata uwar zufa da take tsastsafo mashi, gabaɗaya fuskarsa ta jike sharkaf da zufar, har wata ƴar canzawa ya yi cikin ƙanƙanin lokaci?.

Abin mamaki a nan shi ne, duk wannan uwar wahala da Kamran ɗin yake ciki sam bai damu ba, hankalinsa ma yana a kan tunanin Prettya! Yanzu damuwarsa ɗaya shi ne ya samu ya miƙe ya bi bayanta ko zai iya cetonta daga hannunsu, shi ko ya damu wajen neman wanenen ya taimakesa ma bai yi ba, damuwarsa dai Pretty, hakan yasa ya yi ƙoƙari da kyar ta miƙe.

Da kyar da suɗin goshi ya iya tattaro sauran karfin da suka rage mashi ya miƙe tsaye, har wani irin jiri yake gani yana gilma mashi, amma sabosa karfin hali sai ya daure ya cije ya fara ƙoƙarin ɗaga kafafunsa domin ya yi tafiya.

Yana miƙewa warriors biyar da suke a wajen suka kewaye shi tare da zare takubansu, cikin wannan yare nasu suka yi magana a kan duk wanda yake harba masu wannan kifiya ya fito fili mana idan ba tsoro ba! Kuma idan ya cika cikakken namiji ya fito ne su gwabza gaba da gaba ba ya ɓuya yana harbinsu ba! Idan kuma bai fito ba to zasu kashe Kamran ɗin, sannan idan ya sake harbinsu da kifiya ya tabbata mace rago kuma lusari!.

Shi dai Kamran ko kallonsu da kyau ma baya iya yi, wani irin ɗan duhu duhu yake gani, ƙoƙarin ɗaga mafafunsa kawai yake yi dan ya yi tafiya wajen Pretty.

Cikin fusata ɗaya daga cikin mayaƙan ya nufi Kamran ɗin da wuƙa, dan a tunaninsa idan suka yi yunƙurin kashe Kamran ɗin wannan mai harbinsu da kifiya da ya laɓe a wani wajen zai fito.

Ai kuwa hasashensu ya gaya masu gaskiya, dan kuwa wannan mayaki yana ɗaga takobinsa da nufin ya fillewa Kamran kai, kamar wani walkiya haka mutun ya bayyana a gabansa, sai dai lokacin da mutumin ya bayyana shi kuma mayakin baya da rai, domin kuwa wannan mutumi ya bayyane ne tare da fillewa wannan mayaki wuya da wata sharɓeɓiyar takobi dake hannunsa, irin mahaukatar takuban nan ne masu tsawo ga kaifin balai' na wuce misali a hannunsa.

Matashin saurayi da a kallah ba zai wuce 35 years a duniya ba, dakakken jarumin ne na kin karawa, dan daga yanayin bayyanarsa da kuma tsayuwarsa a gaban waɗan nan warriors ɗin ya nuna cewa daka jiya ne shi ɗin bata yau ba, da alama shiga filin daga ba bakuwarsa bace, duk in da ake neman cikakken jarumin namiji to wannan mutumi ya kai, sanye yake da kaya kusan irin na jikin waɗan nan warriors ɗin, sai dai nasa ya sha banban da nasu, nasa ya fi nasu dakuwa sosai da sosai, sannan kuma shi bai sanya hular kayan yakin nasu a kansa ba, ya dai naɗa wata iriyar rawani a kan nasa wadda ta rufe mashi fuska kamar nikaf, sai kwayar idanunsa da suke sak irin na Pretty zaku gani, olive eyes ke gare shi shi ma, bayan waɗan nan idanun nasa babu kuma wani abin da zaku iya gani a jikinsa, kafafunsa suna sanye cikin wasu shegun takalma irin na mayaƙa masu matuƙar kyau ga karfi, a yadda ya yi wannan tsayuwa ya tabbata zaki ne shi ɗin a cikin zakuna. TO FAH, WAYE SHI?!!!.

Gadan gadan ragowar warriors huɗun nan suka nufeshi da yaki, shi kuma ɗayan ya faɗi ƙasa gefe kansa ma ta yi gefe, domin kan nasa wannan matashin ya cire mai gabaɗaya.

Faɗa suka farayi na gaske gaske, kai daga ganin wannan faɗa dukkansu kasan tsoffin hannu ne, sun saba da yaki, domin kowannensu yana faɗa ne cikin kwarewa da nuna fifikon iyawa. Shi kuwa Kamran bawan Allah, lallaɓawa ya yi a in da ya bar wajen nasu ya bi bayan Pretty, shi ita ce kawai a ransa, ita ce damuwarsa.

Ya ɗan jima yana tafiya a kan wannan hanyar da ta bi ɗin, saboda a hankali yake tafiya, bashi da kuzarin iyayin sauri, dan fa babu karya ya wahala a hannun mayakin can, da an kara minti ɗaya zuwa biyu da sai dai gawarsa, shegu ne warriors ɗin can. Tafiya yake yi yana ƙoƙarin dawowa normal, yana jin jikinsa tana warwarewa, ya bar wannan matashi da basu san ko wanene shi ba yana ta fama da faɗa a wajen.

Can ya hango Pretty zaune a saman wani dutse dake kusa da wata ƙatuwar dutse wanda wani dibgefen bishiyar ɗorawa ya fito a tsakanin duwatsun, sai bishiyar ta bada inuwa sosai a wajen, Allah mai iko, Allah mai yin yadda ya so a koma ina ne, yanzu bishiya ce ta fito a tsakanin duwatsu guda biyu kuma har ta girma haka tana bada inuwa, Allahu Akbar.

Ganin ta a zaune a wajen yasa Kamran ɗin ya ji wani irin karfi ya zo mashi, sai ya ji wani irin daɗi da sanyi har cikin ransa, hakan yasa ya nufeta da sauri.

Ita ma tana ganinsa ta miƙe tsaye daga zaman da take yi tana kallonshi har cikin ido. Ɗan kawar da kallonsa daga kan kyakkyawar kwayar idanun nata ya yi, dan kada ku manta suna birkita mashi lissafin ƙwaƙwalwa. Da sauri ya ƙariso wajen nata.

Da ƴar gudunta ita ma ta ƙariso in da yake, tana zuwa kuma ta faɗa jikinsa tare da sakin kuka mai tsuma zuciyar mai sauraro, baiwar Allah dama duk a tsorace take, ta zauna a wannan waje ne kawai dan ba yadda zata yi, duk da cewa bata san wanenen Kamran ba, amma ya fi mata kowa dake a cikin dajin nan sau dubu, dan kuwa shi tun farko da suffar taimako ya zo masu, so hakan yasa take tsananin jinsa a cikin ranta sosai da sosai, wannan dalilin kuma yasa ta rungume shi tana kerman tsoro.

"Pretty are you okey? Where's the warriors?!".

Ya faɗa da wata iriyar kasalalliyar murya wadda da ka jita kasan ta karfin hali aka yi aka ƙaƙalota dan ayi magana. Ya yi magana kuma shi ma yana rungumarta da kyau a jikinsa, dan wani irin kukan da take yi sai ta baka tausayi, da alama taga mutuwa kusa da kusa ne!.

Kasa amsa mashi tambayar da ya yi mata ta yi, sai ma kara ƙanƙame shi da ta yi tana mai kara sautin kukan nata tare da gudun hawayenta.

Ɗan bubbuga bayanta ya fara yi yana mai faɗin. "Is okey Pretty, ki yi shiru".

Ina ta kasa yin shirun. Ganin haka yasa ya raba jikinsa da nata tare da riƙo hannunta suka koma saman dutsen da ta tashi ɗin suka zauna. Nan fa ya shiga rarrashinta yana mai lallaɓata a kan ta yi shiru.

Ɗan rungumota a gefen kirjinsa ya yi yana mai cigaba da bubbuga bayanta alamar rarrashi.

Almost 10 mins suna a haka kafin ya samu ta fara yin shiru, sai wani irin shesshekar kuka mai ban tausayi take yi!.

Sai da ya tabbatar da ta ɗan nutsu ya lallaɓata ta yi shiru, sannan ya sake tambayar a karo na biyu ina mayakan suke?.

Fararen idanun nan nata sun yi jajir saboda kukan da ta sha, abinku da farar fata harta fatar face nata ya yi jajir da shi, hancin nan nata kamar wadda aka kama mata shi da clip na kama kayan na tsawon lokaci yanzu aka saki, ya yi jajir da shi, duk kuma saboda kukan ne.

Kyakkyawar farar tafin hannunsa Kamran ɗin ya kai saman beautiful face yana goge mata hawayen, ta kwanta shiru a jikinsa tana sauke ajiyar zuciya tare da mai da numfashi, ƴar kaniya taga bala'i ne yau.

Ɗan shafa kyakkyawar bakin gashin kan nan nata ya yi kafin ya ce. "Pretty meyafaru ne? Where's the warriors?".

Sai a lokacin ta ɗan ɗago kanta daga saman kirjin nasa, ɗan bakin nan nata har yanzu yana kerman tsoro, kyakkyawar red lips ɗin nan nata sai ɗan ɓari suke yi. Har yanzu ɗan siririn zazzaƙar voice ɗin nan nata rawa yake yi, da kyar ma ta iya bashi amsa da.

"Someone killed them all, i don't know who's he, he closed his face with veils, only his eyes i saw".

Ta bashi amsa tare da sake komawa ta kwantar da kanta a saman faffaɗar kirjin nasa, saboda shegen son jiki ne da ita kamar mage, ga bala'in tsoro, amma akwai wayo kuma sosai da sosai!. Ta wani lafe mashi a jiki, da yake shima yana cikin damuwa da tashin hankali sai bai yi mashi kamar a jikinsa ta kwanta ba, hankalinsa da nutsuwarsa basa a tarrare da shi!.

Jin abin da ta ce ne yasa ya tuna da wannan mutumi da ya taimakesa a yanzu, wanda ya bari suna fafata yaki da warriors ɗin can kenan. Tunani ya fara yi na cewa in dai haka ne kenan wannan matashin shi ne ha taimaki Pretty ya kashe warriors da suka biyota kafin ya ƙarisa wajensa shi ma ya taimaka mashi kenan? To waye shi?. Ya tambayi kansa tambayar da bashi da amsarta.

Kamar wadda aka mintsina ya ce. "Pretty let's go, I want to see that man, I have some questions that I want to ask him, and I want to see his face".

Ya kai karshen maganar yana shafa kyakkyawa kuma lallausan curly hairnta!.

"Kamran ina tsoro, i don't want to go they again, this people's aren't a human being at all!".

Ya fahimceta sosai, ya fahimci ta yi tsananin tsorata ne, baiwar Allah bata taɓa ganin makamancin hakan ba. Abin da bata sani ba shi ne, waɗan nan warriors da suke shigowa cikin wannan daji duk su suke nema, idan baku manta ba tun farko mayaka ne suka biyo mummynsu, kuma da suka biyota ba ita suke son kamawa ko kashewa ba, abin da yake cikin cikinta suke son ɗauka, which means kunga su Prettyn kenan suke nema ido rufe ko ta halin ƙaƙa, tsawon shekaru goma kenan yanzu kullun sai sun shigo cikin wannan dajin neman su Prettyn, sun kasa hakura su yarda cewa mum twins da cikinta sun mutu tun lokacin da suka harbeta da kifiya, sun ki yarda ta mutu, da alama sun lura da cewa wannan mayakin da ya harbeta ɗin bai harbeta a in da zata mutu ba, hakan yasa suka kasa yarda da ta mutu ɗin, shi ne yasa kullum basa gajiyawa wajen zaryar neman su twin's ɗin! Sannan idan kuka yi duba da yadda Mamman Kamran ta ce bata taɓa ganin warriors a cikin wannan dajin ba sai yau, hakan zai sa ku gane e lallai dole akwai abin da suke nema wanda yasa a koda yaushe suke zuwa, to ba komai suke nema ba face su Pretty, a haukace suke suna nemansu ido rufe, ko araye ko amace, su dai kawai su gansu, sai dai kuma duk cikinsu babu wanda yasan su Pretty ɗin ai, basu san kamanninsu ba! Suna dai nemansu, a tunaninsu za su iya ganesu ta hanyar mum ɗin su tun da sun santa ita kam!!.

Abin tambaya a nan shi ne, me zasu yi wa twin's ɗin idan suka kamasu? Meyasa basu buƙatar mamansu sai dai su? Meyasa zasu iya kashe mum ɗin tasu dan kawai su fasa cikinta su ɗauke su? Ina zasu kaisu? Shin turo su aka yi ne ko kuma bisa radin kansu ne? In turosu aka yi to wanene ya turo su?. Waɗan nan amsoshi duk sai alkalamina ne kawai zai warware maku wannan cakwakiya!!.

"Pretty kada ki ji tsoro, mu je kawai". Ya faɗa tare da sanya hannunsa ya ɗago haɓarta.

Jinjina mashi kai ta yi, magana ta gaskiya ta amsa mashi da okey ɗin ne kawai, amma wlh tana tsoron zuwa wajen fiye da tunaninku, mayyar tsoro ce ga shegen son jiki, yanzu da wuya idan bata yi mafarkin wannan abin da ya faru ɗin ba, kaɗan daga cikin aikinta ma ta yi mafarkin warriors ɗin sun kasheta, ga shi dai a zahiri basu kasheta ɗin ba, ko taɓata ma basu yi ba, amma a mafarki tsab zata yi mafarkin sun kasheta!.

Miƙewa ta yi daga jikin nasa tare da saukowa kasa daga saman dutsen, sai narai narai da idanu take yi kamar zata yi kuka. Lallaɓata ya rinƙa yi yana karfafa mata gwiwa, sai dai ina, wannan bata san karfafa gwiwa ba, tsoro kawai ta sani a rayuwarta kamar farar kura, tana gani a gaban idanunta wannan matashi ya yi wa waɗan nan mayaka biyu da suka biyotan kisan killah na rashin imani, sannan ace mata ta sami kwarin gwiwa? Ai ba wannan magana, a dai yi sha'ani kawai...........😅

Hannunta ya riƙo cikin nasa suka nufi wajen da suka fito, izuwa yanzu ya warware ya koma normal, sai maƙoshinsa da ta bushe kwalam yana buƙatar ruwan sha, kishi yake ji sosai da sosai, sai dai babu ruwa a kusa, dole sai sun je wajen wannan ƙoramar zai iya samu ya sha.

Pretty dai bata yarda da iya hannunta kawai da ya rike ba, gani take yi fa warriors ɗin nan zasu kasheta, dan haka sai ta matso jikinsa sosai ta rikesa ta wajen ƙugunsa domin ta rage tsoro. Wani irin shock ya ji a jikinsa na rungumo mashi kugu da ta yi, wannan yarinya akwai son jefa mutun cikin bala'i, ya faɗa a cikin ransa tare da ɗan riko shoulder ɗinta, saboda ta ɗan kara nutsuwa mashi!.

A haka suka nufi wajen nasu, sai baya baya take yi duk da ta wani dungume mashi kugu kamar nata, da alama ma ita sam bata san amfanin wajen da ta runguma ɗin ba, ita fa kawai ta ɓuya kada mayakan nan su ganta, a kan haka koma inane zata runguma babu ruwanta, to bama dan Kamran ɗin ya yi mata daɗin baki ba ai wlh da babu in da zata je, sai dai duk wacce za'ayi ayi!........ Pretty manya! Yanzu ma da kuka ganta zaune a saman dutsen nan wannan matashin da ya kashe mayakan da suka biyota ɗin ne ya zaunar da ita a wajen, ya kuma ce kada ta tashi har sai Kamran ya zo! Shi ne yasa kuka ga ta daure ta zauna shiru a wajen, amma a tsananin tsorace take sosai kafin Kamran ɗin ya zo.

Abin mamaki tun da suka doshi wajen suka ji shiru babu wani hayani ko kuma motsin wani bil adama, tsit kake ji kamar babu waɗan da suka taɓa yin faɗa a wajen. Hakan yasa Kamran ya kara saurin dan ya iso wajen.

Wayam babu kowa a wajen, ga gawarwakin warriors ɗin dukka a zube a kasar wajen, amma babu wannan matashin a wajen, babu shi kuma babu gawarsa, hakan na nufin basu kashe shi ba kenan, shi ne ya kashesu kuma ya yi tafiyarsa, to wanenen shi?.

Ɗan waige waige Kamran ya fara yi ko zai hango giftawa ko kuma wani motsi na wannan matashin. Amma ina, sam babu ko mai kama da shi a arear wajen. A hanzarce ya saki Pretty tare da faɗin. "Wait for me here am coming".

Ina ai kara ƙanƙame shi ta yi tare da ƙoƙarin saka mashi kuka a kan kada ya tafi ya barta.

"Pretty nothing will happen, you hear? Please be strong kin ji? Zan duba mutumin nan ne da ya taimaka mana, maybe bai yi nisa ba sai mu san who's he ko?".

Ina ai kara ƙanƙame mashi ƙugunsa ta yi tare da kwantar da kanta a saman kirjinsa tana faɗin.

"No Kamran, i can't stay here, ina tsoro sosai, let's go together kawai!".

Tana magana hawaye na bin saman lallausa kuma jajir ɗin kumatun nan nata!.

Ganin yadda ta tsorata sosai kuma har yanzu tana cikin tsoron ne yasa ya ji muguwar tausayinta ya kama shi, duk sai ya ji wani iri babu daɗi, ya ji ba zai iya tafiya nan da can ya barta ba, ta rigada ta tsorata sosai, dan haka sai ya rungumeta da kyau a jikinsa tare da kai hannunsa cikin dabara ya cire hannayenta data harɗesu a ƙugunsa, ya mayar mata da su saman cikinsa ta wajen kirji, saboda zaman hannayen nata a ƙugunsa fa suna saka shi yana jin wani irin yanayi.

"Is okey Pretty, I can't go anywhere na barki, mu je mu duba Sweetie tun da mai taimakon ya tafi, kuma i promise you that zan kula da ku sosai, sannan zan rinƙa zuwa wajenku sosai da sosai, gobe ma idan zanzo zanzo tare da kwari da bakata in fara koya maki harbi kin ji ko?".

Tana daga kwance luf a saman kirjin nasa ta ɗaga mashi kai alamar e ta ji. Shafa kanta ya yi har izuwa bayanta kafin ya ce to. "Let's go ko? Mu je wajen Sweetie".

Nan ma jinjina mashi kai kawai ta yi, ita dai koma me ba zata rabu da jikinsa, dan gani take yi tana sakinsa tabbas waɗan nan warriors ɗin za su tashi su kamata, shiyasa ta kara ƙanƙame shi!!.

Cikin ramin nasu suka nufa, tana rike da shi har suka je bakin wajen, sannan ne ya ce to ta sake shi ta fara shiga ciki. A hanzarce ta sake shi ta yi maza ta buɗe kofar ta faɗa ciki abinta, Allah ya rufa masu asiri warriors ɗin da suka kalli wajen ɓuyar tasu ma dukka an kashesu, yanzu babu wanda yasan in da suke.

Sai da ta shiga shi ma ya rufa mata baya, kai tsaye wajen Sweetie suka nufa, baiwar Allah tana kwance a saman gadonsu shiru, kamar mai tunanin wani abin, ta ɗaga idanu tana kallon sama yadda kuka san tasan abin da take kallo.

Jin motsin shigowa wajen ne yasa ta fara faɗin.

"Pretty meyasa kika daɗe haka?".

Da gudu ta ƙarisa wajen ƴar uwar tata tare da hayewa saman gadon, dai'dai lokacin ita kuma Sweetien ta miƙe zaune tana jiran amsar da Prettyn zata bata, tana zuwa ta rungumeta sosai tare da sakin kuka mai tsuma zuciyar mai sauraro.

A matukar ruɗe Sweetien ta fara tambayarta. "Pretty lafiya kike kuwa? Meyafaru? Meyasa kike kuka? Please tell me kada kisa zuciyata ta buga!".

Ƙarisowa wajen gadon Kamran ya yi tare da zama a kusa da su. "Pretty why zaki tayarwa da Sweetie hankali? Me kuma abin sake yin kuka a nan tun da komai ya wuce?". Cewar Kamran kenan!.

Cikin kuka ta ce. "Dole zan yi kuka Kamran, da yanzu sun kashe ni shikenan ba zan sake ganin ƴar uwata ba? Shikenan mun rabu da ita? Da waye ita zata zauna idan bana nan? Waye zai kaita toilet? Waye zan bata abinci? Waye zai bata kayan sakawa? Waye........."

Bai iya bari ya kai ƙarshen jero mashi maganganun nata ba yasa tafun hannunsa ya rufe mata ɗan bakin nata, wannan yarinya sai shirin Allah, kawai ta zo ta ɗagawa ƴar uwarta hankali a banza bayan komai ya rigada ya wuce.

"Kamran Please tell me me ya sami Pretty? Who attack her? Who want to kill her da na ji tana faɗa? Meyake faruwa ne?".

Tana magana kamar zata yi kuka baiwar Allah, har fararen idanunta su cika tab da kwallah, duk ta ruɗe!.

Ajiyar zuciya ya sauke kafin ya ce. "Sweetie calm down, nothing happen, kawai wasu ne suka so raunata mu". Daga nan ya kwashe labarin abin da ya faru ya gaya mata ba dan ya so ba, sam bai so ta san komai ba, dan baya son abin da zai ɗaga mata hankali har ya sanya kuka, saboda matsalar idanunta!.

Jin abin da ya faɗa ne yasa ta kara ƙanƙame Pretty suka manne juna kamar zasu shige jikin juna, nan take ita ma jikinta ya soma kerma, ta tsorata, cikin damuwa take faɗin. "Nashiga ukuna, my Pretty kashe mun ke suke son yi kenan? Me kika yi masu? Wayyo mummynmu".

Tana magana tana ruwan hawaye, ita ma Pretty ruwan hawayen take yi.

Yau dai Kamran ya ga ikon Allah, haka ya hau rarrashinsu su biyun dukka, baya son Sweetie ta yi kuka ko kaɗan, dan yana gudun idanun nan nata su lalace gabaɗaya, yanzu a point ɗin da taken nan za'a iya yi mata magani, da Mammarsa zata yarda ma ai da ita ma zata iya yi mata magani, amma ba zata taɓa yarda ta taimaka masu ba, so yana so ne dama ya lallaɓa Mamar tasa ta gaya mashi menene maganin wannan itaciya mai gubar idan ta taɓa idanun mutun ya dai'na kallo, idan ta gaya mashi zai zo ya yi mata ganin da kansa, so idan tana kuka tana mussuƙe idanun wajen goge hawaye za'a iya samun matsala su lalace gabaɗaya su ki gyaruwa, hakan yasa hankalinsa ya tashi da ya ganta tana kuka.

Ba kakkautawa ya hau rarrashinta yana bata hakuri, ga shi sun haɗu su biyu sai yi suke yi, ba abin ka sami bulala ka zanesu ba........😅

Kawai sun saka bawan Allah cikin damuwa, Sweetie ta ce kashe mun ke suke son yi, Pretty ta ce rabani dake suka so yi, haba sai su kara sautin kukan nasu tare da kara manne juna, na gaya maku kamar a sami bulala a zanesu, amma ya za'ayi? Dole ne kawai Kamran ya lallaɓasu ya basu hakuri ya samu su yi shiru!.

Da kyar ya iya samu ya lallaɓasu suka yi shiru, sannan ne ya samu damar gaya masu cewa gobe zai zo ya fara koyawa Pretty harbi da kifiya, yanzu zai je gida kada Mammarsa ta nemesa, dan ya ce mata ba zai wuce one hour ba, yanzu kuma yasan awa ta wuce.

Pretty kamar zata yi kuka, bata son ya tafi ya barsu, tana tsoro sosai, amma ya zata yi? Dole haka ta hakura suna ji suna gani ya tafi. Yana tafiya suka kara mannewa junansu saboda tsoro.

Lallai da alama yau su Pretty babu ko iya cin abinci, dan naga alama tsoro ba zai barsu su iya raba jikinsu da juna ba😅 to mu dai bari mu leƙa KINGDOM OF POWER mu ga me ake ciki?.

KINGDOM OF POWER💪🔥

Almost 10 mins Gimbiya Chuchu tana zube ƙasa a saman gwiwowinta, shi kuwa Yah Jawad yana cikin room ɗinsa yana shiryawa, kamar zata yi kuka, abin da bata sababa, duk kafafunta ciwo suke yi mata, sai wani irin raɗaɗi da zogi suke yi mata, tana son ta yi kuka ko zata rage jin raɗaɗi, amma kuma tana tsoron yin kukan kada Yah Jawad ya fito ya sameta, dan ya ce kada ta bari ya isko hawaye ko ɗigo ɗaya a saman face nata, so tana tsoron kara laifi a kan laifi, hakan yasa ta daure ta cije, amma fa ga fararen idanun nan nata sun yi jajir da su, alamar ta wahala.

Sai da ta kara 5 mins a haka sai ga shi ya fito shirye cikin wasu tsadaddun kayan barcinsa wando da riga, rigar mai karamar hannu ce wandon kuma zuwa dai'dai gwiwowinsa ta tsaya mashi, ya yi wa kayan matuƙar kyau sosai, ga shi fari tas da shi, launin kayan kuma brown color, hakan ba ƙaramin kyau ya yi mashi ba, ya fito a balarabensa, ga gashin kan nan nasa da ya sha gyara sai kyalli yake yi, gashin yana kwance luf, sai suba wani irin daddaɗar kamshi yake yi, bai sanya takalma a kyawawan fararen kafafun nan nasa ba.

Tun da ya fito sai kallonsa ta ƙasan ido take yi, ya yi kyau ba karya.

A saman bakin bed mattress ɗin nasa ya zo ya zauna tare da kai hannu ya ɗauko ɗaya daga cikin wayoyinsa.

Kamar zata yi kuka ta ce.

"Yah Jawad dan Allah ka yi hakuri, na tuba ba zan sake ba".

A hankali ya ɗaura waɗan nan dara daran idanun nasa a saman face nata, ta tsuke ɗan bakin nan nata kamar wadda aka yi yunkurin dallawa mari.

Shiru ya ɗan zuba mata idanu na ƴan mintocin da a kallah zasu kai 3 zuwa 4, sannan a nutse ya fara motsa lips nasa ya fara magana in a low voice sosai.

"Jannat tell me your problem first, what are you doing with all those pics that your talking anytime?".

Jannat shi ne ainahin sunan Gimbiya Chuchu, kuma sunane na kakarta wadda ta haifi mahaifiyarta, shi ne yasa mamanta ta ɓoye sunan nata suke kiranta da Chuchu. Amma banda dukka brothers ɗin nasu, su kam da Jannat ɗin suke kiranta!.

Narai narai da idanu ta yi, ita bata san me zata sake ce mashi ba, ita da kanta bata san me take yi da hotunan ba, ko kallon hotonan ma fa bata sake komawa ta yi idan ta ɗauki hoton, ita dai ta ɗauka ɗin ne kawai.

Manya kuke ji kenan ita dai ta ɗauka kawai abinta..........😅

"Sorry Yah Jawad ba zan sake ba, na yi alkawari zan dai'na ɗaukar hoto daga yau".

Ta kai karshen maganar cikin ɗan shagwaɓa.

"Okey zaki dai'na ɗaukar hoto ne ma ba kin daina ba? Wato zaki cigaba kenan".

A hanzarce ta girgiza mashi kai tana faɗin. "No I mean na daina not zan daina, nama dai'na, please yah Jawad".

Shiru ya yi mata bai sake yin magana ba, sai ma kunna wutar screen ɗin wayarsa da ya yi ya fara latsawa.

Shagwaɓe fuska ta yi kamar zata yi kuka, har ga Allah ta gaji, ba zata iya jurewa ba.

"Yah Jawad please am tired, ka yi hakuri dan Allah".

Yadda ta yi maganar a shagwaɓe sosai ne yasa ya dawo da kallonsa a saman fuskarta. Slowly ya fara binta da kallo from head to toe, kallon one min ya yi mata kafin ya kawar da idanun nasa izuwa saman screen ɗin wayarsa.

"We done with the case one, na ji na hakura, amma idan na sake kamaki a kan case ɗin pics zaki sha wahala, lest go to the second case, waye ya ce ki fito daga ke sai kayan barci? Are you out of your sense? Mutun nawa kika ci karo da shi before ki iso nan? And ina ɗankwalinki? Kin kalli irin dressing da yake a jikinki kuwa?".

Kasa jure neel down ɗin ta yi, saboda zafin da gwiwowinta suke yi mata, hakan yasa idanuta suka ciko tab da kwallah, ta kuma kasa iya dakatar da kwallar daga zuba mata a saman lallausan kumatunta, tana ji tana gani suka fara zubowa wani na bin wani kamar an buɗe fanfo, ita yanzu me zata ce mashi? Shi ne abin da take tunani, tsantsar danasanin zuwanta part ɗinsa ne a cike a cikin ranta, ji ta yi gabaɗaya haushinsa ma take ji.

"Am i not talking to you? Amsa me, tell me the reason why kika fito da kayan barci and without ɗankwali?".

Ya faɗa still kallonsa na'a kan screen ɗin wayarsa.

"Am so sorry Yah Jawad, na manta ne na fito a haka, amma ba zan sake ba, na tuba".

Yadda ta yi maganar daga ji kasan a kule take har wuya da haushi.

Jin yadda ta yi maganar ne yasa ya dawo da kallonsa a saman fuskarta. Ganin hawaye suna bin saman kyakkyawar kumatun nata ne yasa ya ɗan..............

🤍KADA KU MANTA WANNAN DADDAƊAR LABARIN DAGA ALKALAMIN FATEEMA ZAHRA MUSA PRINCESS TEEMA TAKU TA AMANA YAKE🔥💘

Share fisabilillahi 👏

ALLAH KA KARA MANA SON MANZON ALLAH 🔥🤍