Chapter 23
Kwance yake a falo kan 3 seater ya ɗora hannu akan goshinsa ido a lumshe kamar meyin Bacci,
Ita kuma Baiwar Allah tana bedroom yanda ya baro ta sai faman rera kuka take akan sallaya yanda ta idar da sallar asuba bata tashi ba har zuwa yanzu misalin ƙarfe 9 na safe,
Saida ta gama kukanta ta share tukun ta tashi ta nufi falo, a tunaninta Uncle Deen ya fita sai kuma ta tarar da shi akan sopa, ganinsa yasa gabanta yankewa, ta juma tana tsaye idonta akansa wanda ko motsi bayayi alamun yayi nisa a cikin baccinsa,
Kallon bakin ƙofa tayi nan ta fara taku a hankali ta nufi bakin ƙofa zata fice, cikin rashin sa'a tana isa ta riski ansa key a ƙofar, cikin ɓacin rai haka ta juyo tana kallon Uncle Deen kamar zata rausa ihu, zamewa tayi ƙasi ta zauna a bakin ƙofar tareda kifar da kanta kan gwiwa ta cigaba da rera sabon kuka....
kamar a mafarki yake jin ƙinƙishin kuka a hankali yake mutsil-mutsil da eyes ɗinsa har ya iddasa buɗesu gaba ɗaya, kallon yanda take zaune yayi daga bisani yaja dogon tsuka saboda hakane yasa yabar mata can bedroom ɗin amma saboda nashi ta biyo shi nan ma,
tashi yayi tareda miƙewa tsaye ya nufi waran frig ya buɗe sannan ya kalli yanda Baiwar Allah take a zaune fuska a haɗe ya ce "ke! tashi ki miƙo mun tray ɗin kan dinning can ...."
Tayi kamar bata ji shi ba kai a kife, saida yayi mata wani gigitaccen tsawa tareda faɗin "Ba magana nake miki ba?...."
A tsorace ta ɗago jiki na ɓari ta tashi ta nufi dinning ta ɗauko tray sannan ta kawo masa,
Hannu yasa ya karɓa sannan ya fara jido kayan fruits yana jejjerawa akan tray ɗin tare da Cake 🍰 da juice, ya rufe frig sannan yaje ya ajiye akan dinning, ya kalli yanda take a tsaye
Ya ce "ki zo Nam...."
Juyowa tayi ta nufi dinning itama yasa hannu ya gyara zaman kujerar tareda faɗin "zauna ga kayan breakfast....."
Girgiza Kai tayi tareda cewa "a'a na ƙoshi...."
Cikin ɓacin rai yake kallonta ya ce "kin san idan na fara dukan ki acikin ɗakin nan bamai ƙwatarki Koh?....."
Kamar zata fashe da kuka fuska ba annuri ta zauna tareda saka tray a gaba nan ta fara ɗaukan kayan fruits ɗaya bayan ɗaya tana ci, kuma daman da matsanancin yunwa ta tashi....
Shima zama yayi tareda kifar da kansa akan table ya zura dogin yatsunsa acikin sumar kansa yana caccakuɗa shi, alamun yana cikin damuwa over....
Baiwar Allah duk tana kallonsa amma sai dai ko a jikinta Ita dai tana cika cikinta ne....
Roshan gaba ɗaya ya rasa mai yake masa ciwo ajiki, abinda Razhdeen yayi masa sam baiji daɗin hakan ba, ya kasa zama guri ɗaya sai zarya yake acikin room ɗinsa, yana cikin wannan halin saiga Ummy ta shugo da sallama a bakinta tana riƙe da tray ɗin kayan breakfast, ajiye masa tayi a ƙasin bed ɗinsa domin a halin da yake ciki bazai iya zama a dinning ba,
Ummy ce ta tsaya a gabansa tareda faɗin "Dan Allah Yaya Roshan ka daina shiga damuwa haka, tinda har ba saceta akayi ba tana nan acikin gidan ai zata fito ....."
yana zubda ƙwallah ya ce "Uhmmm! Sau ɗaya naji ihunta ya daki dodon kunnena daga lokacin ban sake jin motsinta ba,
Bansan me yayi mata ba...."
Ummy cikin nuna damuwa ta ce "Yaya Roshan ka kwantar da hankalinka babu abinda ya faru, nasan Uncle Deen bazai taɓa aikata wani mummunan abu ba, inaso ka kyautata masa zato...."
Idonsa akan Ummy ya ce "shikenam insha Allahu...."
Ta ce "toh zauna muci abinci yau tare na sako mana saboda nasan idan kai ɗaya ne baza ci ba ....."
Murmushi yayi sannan ya zauna, Ummy ta fara zuba musu a plate ɗaya tareda two spoon, tana jansa da hira suna ci cikin kulawa.....
Abbah shima lamarin Razhdeen ya yi matuƙar bashi mamaki da kuma haushi, tinda yake da Razhdeen bai taɓa ɓata masa rai irin ta yau ba...
☾D☽☾A☽☾Y☽ - 5
࿙R࿚࿙A࿚࿙Z࿚࿙H࿚࿙D࿚࿙E࿚࿙E࿚࿙N࿚🤦♀️🤦♀️🤦♀️
A kwana a tashi yau kwana biyar kenam Razhdeen bai buɗe ɗakinsa ba,
Yana zaune a falo kan sopa sai danna computer sa yake hankali kwance,
Baiwar Allah ce ta fito daga bedroom ɗinsa tana sanye da baƙar jallabiyarsa yanda tayi wanka ya bata akan ta sanya domin kayan jikinta sunyi datti,
zuwa tayi ta durƙusa a gabansa kanta a ƙasi ta ce "Dan Allah Uncle kayi haƙuri nasan nayi maka laifi amma hukuncin nan daka ɗaukar mun yayi tsauri da yawa, na roƙe ka da girman Allah ka buɗe mun ƙofa nabar ɗakin nan, inason ganawa da Mutanen gidan, bansan me zasu yi tunani akan mu ba, kodan saboda Abbah ka temaka wannan ba ɗabi'ar ɗan musulmi bane mahaifinka na ganinka amma kana zaune da macen da ba muharraminka ba acikin ɗakin........."
Bata ƙarasa maganar ba taji da daka mata tsawa da cewar
"Enough! U are very stupid, saboda Kinga na sake miki kwana biyu shine zaki nemi ki raina Ni?....."
Baiwar Allah tana hawaye ta ce "ba haka bane Uncle amma mutanen gidan zasu wani irin bahagon tunani akan mu yau kwana biyar muna ɗaki....."
Ɗaga mata hannu yayi alamar ta dakata haka tareda yi mata wani irin kallon ƙasƙanci ya ce "wani irin tunani? akan mu? Uhmmm! Bari kiji yarinya Ni Razhdeen nafi ƙarfin nayi tarayya dake kowa ma yasan da haka saboda kinyi mun ƙanƙantar da bana ɗaukar ki a matsayin ƴa mace,
Kada ki sake yin irin wannan tunanin na gaya miki....."
Cikin ɓacin rai take kallonsa ta ce "koda banyi tunanin nan ba amma sauran mutanen zasu yi...."
Ya ce "Wait! bana son sa'insa saboda Ni nafi ƙarfin tunaninki, ki tashi ki koma bedroom na bar miki can karna sake ganin ƙafarki a yanda nake...."
idonta akansa tana huce ta miƙe tsaye ta ce "Wallahi Uncle babu yanda zanje Ni kuma yau kwanana na ƙarshe kenam a ɗakinka domin bazaiyu ka zubar mun da mutunci ba....."
Ɗagowa yayi yana kallonta cike da mamaki daƙer ya iya furta "Ni kike gayawa maganganun nan?..."
Kawar da kanta gefe tayi ko kula shi batayi ba,
tsabar takaici bai ƙara ce mata komai ba haka ya cigaba da pressing ɗin computer,
ganin ya cigaba da abinda yake yi yasa ta juya ta nufi bakin ƙafa tasa hannu tana bubbuga ƙofar da ƙarfin gaske tana magana da ƙarfi cewar
"Dan Allah Azo a temake Ni, jama'a temakoooo....."
waiwayawar da zata taga mutum sangangam a bayanta yana tsaye ya goya hannayensa kan ƙirjinsa idonsa akanta,
Saida ƙirjinta ya buga ganin shi a haka, itama tsayawa tayi tana kallonsa idonta har ya cicciko da hawaye,
hannunsa ya ware yana nuna mata hanya da cewar "zo ki wuce ciki....."
sunkuyar da kanta tayi ƙasi tana ƙoƙarin share hawaye,
Ya kuma cewa "magana nake miki..."
still kanta a ƙasi ko ɗagowa batayi ba balle tasan da ita yake, bata ankara ba taji ya saɓata akan kafaɗarsa yayi cikin bedroom da ita,
ƙoƙarin zamowa take tana tutture shi, a garin ajiye ta a kan gado ta harɗe musu ƙafafu a garin ƙwacewa, cikin rashin sa'a ya kifu a kanta duk suka doku akan gadon,
ɗan ƙara tasau jin nauyinsa akanta, gagara tashi yayi sakamakon rasa ƙwarin jikinsa, gaba ɗaya ta kashe masa jiki, tinda ya kifar da kansa akan ƙirjinta bai ƙara motsawa ba, sumar kansa gaba ɗaya ya rufe mata fuska saida suka ɗau tsawon mintuna a haka kafin daga bisani ta ɗan fara motsawa tana ƙoƙarin ture shi, sai a lokacin shima ya ankara bai san lokacin da yayi saurin sauƙa daga kanta ba yana fitar da numfashi sama-sama, kansa ne yake wani irin sarawa tinin gumi har ya wanke masa duk ilahirin jikinsa, a gigice ya yi saurin faɗawa bathroom domin sam baya juran zafi duk da sanyin A.C dake ɗakin, shi kansa bai san dalilin shigarsa cikin wannan yanayin ba, domin bai taɓa shiga wannan yanayin ba sai yau,
Ita kuma Baiwar Allah tana nan a yanda take ko motsawa batayi ba ta ƙanƙame idonta kunya ne ya lulluɓeta....
࿙R࿚࿙O࿚࿙S࿚࿙H࿚࿙A࿚࿙N࿚.
A hankali yake sauƙowa daga upstairs kamar zai kife, hannunsa yana ɗore akan saitin zuciyarsa, daƙer ya sauƙo falo wani irin hajijiya ne ya ɗebe shi yayi baya luuu zai faɗi dai-dai lokacin da Abbah ya sauƙo shima daga upstairs ɗinsa, da gudu Abbah yayo kansa yayi saurin riƙo shi tareda manna shi a jikinsa yana faɗin "Roshan! Roshan!! Roshan!!! kana lafiya kuwa?...."
Shi kuwa Roshan ba abinda yake faɗin illah "Abbah zuciyata zata fashe Abbah, Abbah tafasa take zato fashe, ka temaka mun Abbah zan mutu, zan mutuuu......"
ya ƙarasa maganar tareda fashewa da matsanancin kuka hannunsa akan ƙirji, shi kaɗai yasan halin da yake ciki,
kafin Abbah ya ankara har ya fara Aman jini, ɗayan hannun yasa yana toshe bakinsa kar jinin ya fito amma inaa abun yaci tira hannu duk ya ɓaci da jini, shima Abbah gaba ɗaya ya ɓata masa kaya da jini,
Gaba ɗaya Abbah ne ya fita hayyacinsa ganin halin da Roshan ke ciki, gaba ɗaya ya rasa ta yanda zai fara temaka masa shima Abbah kawai ya fashe da kuka, daƙer ya samu ya lalumi wayarsa a aljihu ya ciro yayi dialing call number security gidan,
Ga mutanen gidan basa nan iya Ummy ce take room ɗinsu bata san wainar da ake toyawa ba,
Sojoji ne suka shugo kusan su biyar kai tsaye nufan wajen da Abbah yake riƙe dashi sukayi, su biyu suka ɗauki Roshan Abbah yana biye dasu a baya, haka suka nufi hospital....
A ranar a hospital suka kwana Abba ne yake zaune agurin Roshan sai Sojojin da akazo dasu,
A washe gari duk mutan gidan suma suka yo hospital har da uwar gayyar wato Hajia Kilishi....
Razhdeen kuwa duk halinda ake ciki bai sani ba, ga yayi switch up ɗin wayarsa balle a ƙira shi a sanar masa, yana zaune a falo kamar yanda ya saba yana dafe da goshinsa haka kawai yake jin gabansa yana yankewa wanda bai san dalilin hakan ba,
Ƙirjinsa ne yake bugawa da ƙarfin gaske ga kansa yanda yake sarawa da duk kan alamun akwai mummunan abinda yake shirin faruwa dashi,
yana cikin wannan halin yaji ƙarar ihun Baiwar Allah daga ciki, a ɗan ruɗe ya ɗago da kansa yana juyar da eyes ɗinsa waɗanda suka faffaɗa suka rame, hatta fuskarsa ma ta ɗan rame, sake jin ihun yayi a karo na biyu a hanzarce ya miƙe tsaye tareda nufan bedroom ganin bata ciki yasa yakai eyes ɗinsa bakin ƙofar bathroom,
a karo na uku ya sake jin ihun ya daki dodon kunnensa, zuwa bakin ƙofar yayi yasa hannu zai buɗe, yaɗan dakata yana fargaban shiga gudun kar ya tarar da ita acikin wani hali amma jin nishinta da ƙarfi yasa ya tura ƙofar bathroom ɗin ya shige, ganinta yayi a ƙasi tana kwance shame-shame tana riƙe da cikinta sai murtsukuku take tana juyi tareda fitar da nishi da ƙarfi-ƙarfi,
Daga ita sai towel kawai a jikinta, haka yake binta da kallo cike da mamakin abinda ya sameta, idanuwansa ne suka sauƙa akan jinin da ya ɓata tiles ɗin toilet, jini ne yake bin ƙafarta yana gangarowa daga ƙasinta, zaro ido yayi yana Binta da kallo a ruɗe ya nufi kanta,
hannu ɗaya yasa ya ɗagota ganin bazata iya tsayuwa ba yasa ya mannata ajikinsa,
Zagayo da hannayenta tayi ta bayansa ta ƙanƙame shi sosai jikinta na kakkarwa tana kuka tareda faɗin
"Cikina ciwo, marata ciwo dan Allah ka temaka mun zan mutu, bazan iya cigaba da rayuwa ba ciki nahhhh, Marataaaa....."
nan itama ta fashe da kuka,
gaba ɗaya ya rasa yanda zaiyi da ita, ga duk ta ɓata towel ɗin da jini dake farin towel ne,
wani dabara ne ya faɗo masa nan ya yi mata ɗaukar luɗa ya zaunar da ita acikin farin baho na wanka yasa hannu ya zamar mata da towel jikinta idonsa a lumshe domin baya ƙaunar ganin tsaraicin mutum, da sauri ya waiwaya bayansa bayan ya kunna mata ruwan fanfo mai ɗumi-ɗumi,
juyawa yayi ya fice daga cikin toilet ɗin ya nufi wardrobe ya ciro new towel baƙi sannan ya koma cikin bathroom idonsa a lumshe, da haka ya gyarata ya temaka mata tayi wanka sannan ya ɗagota tareda ɗaura mata towel ya ɗagota ya saɓata kan kafaɗarsa yayi bedroom da ita, duk wannan ɗawainiyar a makance yayi mata ko sau ɗaya bai yadda ya buɗe eyes ɗinsa ya kalleta ba,
Itama kallonsa take duk da wahalar da take sha amma bai hanata yin mamakin ƙarfin hali irin na Razhdeen ba,
Bayan ya fita da ita zaunar da ita yayi akan kujerar bedroom wanda yake beside bed,
A hankali ya buɗe idonsa sai kyawawan eyes ɗinsa suka sauƙa akan kyakkyawar fuskar Baiwar Allah wanda itama kallonsa take, nan suka fara kallon juna, sun ɗau tsawon minti biyar a haka daga bisani ya fara motsa lips ɗinsa a hankali ya ce "Are you okay?...."
ɗaga masa kai tayi ba tareda tace komai ba,
Ya ce "ok! kina period ne?...."
ɗaga masa kai ta kuma yi...
Ya kuma cewa "daman haka kike idan zakiyi period?....."
Dasauri ta ɗaga masa kai alamun ey...."
Jinjina kai yayi sannan ya ce "akwai maganin ciwon cikin da zan baki kisha yanzu insha Allahu bazaki ƙara shan wahala ba dazaran zakiyi period....."
Kallonsa kawai take ba tareda ta ce komai ba,
Ya tashi a hankali ya nufi drawer mirror ya buɗe gida na tsakiya ya ɗauko wani magani ƙananu acikin ƙwalinsa, buɗe guda biyu yayi sannan ya ɗauki gorar faro yazo gabanta ya durƙusa sannan ya miƙa mata maganin,
Hannu tasa ta karɓa sannan ta jefa a baki ta kafa gorar ruwan tasha....
tashi yayi yana faɗin "wait for me...."
ya nufi falo kai tsaye bakin ƙofa ya nufa yasa key ya buɗe ya fice, domin yasan babu kowa a gidan, yana jin fitar su da motar amma baiyi tunanin wata matsala bane........
A hankali yake sauƙa down stairs ganin babban falo wayam ba kowa yasa kai tsaye ya miƙi room ɗin Baiwar Allah,
(Ohh Ni kuwa na ce daman Razhdeen yasan ɗakin Baiwar Allah 🤔🤔🤔)
Shiga yayi ya nufi wardrobe ɗinta ya fara dube-duben abinda yazo nema, cikin sa'a kuwa yana buɗe wardrobe ɗin ƙasa ya tarar da jerin pants da ledojin pad, ya ɗauki pant guda uku da ledar pad guda ɗaya domin bazai iya tsaya farkewa ba, yana ɗauka ya yi saurin ficewa ya nufi upstairs zai koma part ɗinsa gudun kar a kama shi domin yana mungun fargaban haɗuwa da Abbah,
Bayan ya koma room ɗinsa key yasa a ƙofar ya koma bedroom ya tarar da Baiwar Allah a yanda ya barta tana zaune ta kwantar da kanta a jikin sopa,
Ganinsa yasa ta ɗan ɗago da kanta tana kallonsa fuska a jagalgale tsabar wahalar ciwon cikin da take fama da shi, lokaci guda ta zamo kamar abun tausayi,
zama yayi a gefenta tareda miƙa mata pant sannan ya buɗe ledar pad ya ciro mata guda ɗaya ya miƙa mata tareda faɗin "ki shiga bathroom kisa...."
yamutsa fuska tayi kamar zatayi kuka a shagwaɓe ta ce "a halin yanzu bazan iya amfana da komai ba, bazan iya yin wani aiki ba marata ta riƙe sosai bazan iya miƙewa tsaye ba balle na iya tafiya...."
Dogon numfashi yaja eyes ɗinsa akanta ɗan cije lips ɗinsa na ƙasi yayi tareda faɗin "toh yanzu ya kike so ayi? idan kika zauna a haka zaki ɓata jikinki ne, ki daure ki tashi kisa...."
Girgiza Kai tayi tana zubar da ƙwallah,
ya ce "Kinga maganin ne yake aiki da zaran kinci abinci kin kwanta kinyi bacci shikenam zaki daina jin ciwon...."
wani irin murɗa taji ita kanta bata san lokacin data zabura ta kamo hannunsa ta riƙe sosai ba, jikinta har wani kakkarwa yake tana riƙe da hannayensa duk biyun idonta a ƙanƙame, haƙwaranta har dukan juna suke tsabar kakkarwar da suke kamar mai jin zunzurutun sanyi, ita kaɗai tasan tsananin azabar da take ji, addu'o'i kawai take jerawa,
Shima kansa ba ƙaramin tausayi ta bashi ba, a hankali ya zamar da hannayensa sannan ya kwantar da ita a jikin kujerar, ya ɗauki pant ɗin ya saka pad a ciki,
yana gama haɗawa yakai pant ɗin saitin sawayenta ya ɗago dasu tareda zura sawayen acikin pant ɗin, ƙirjinsa ne yake bugun uku-uku da ƙarfin gaske hannunsa na kakkarwa haka yake jan pant ɗin sama har yazo saitin kyawawan manyan cinyoyinta masu laushin masifa gasu farare tass har wani ɗaukan ido suke,
saitin zuciyarsa ne yake wani irin bugu Rass! Rass!! Rass!!! a yayin da yayi ido huɗu da cinyoyinta masu ɗaukar hankali, wani irin haɗiyar yawu yayi gaba ɗaya jikinsa ya tsimu sai kakkarwa yake, a hankali yake ɗago da kansa har yakai eyes ɗinsa saitin fuskarta ga yanda take fitar da numfashi a hankali ɗumin numfashin yana dukan fuskarsa, eyes ɗinta a lumshe kamar wanda bacci ya ɗauke ta, hannunta a saitin mararta duk biyun,
maida kallonsa yayi saitin cinyoyinta yana fargaban ƙarasar da hannunsa can ciki, babu yanda ya iya da haka ya ƙarasa sanya mata pant ɗin mai ɗauke da pad, kansa na kallon gefe gaba ɗaya ya rikice har idanunsa sun kaɗa sunyi ja,
jawo ta yayi saman faffaɗan ƙirjinsa sannan yayi mata ɗaukar luɗa ya miƙe tsaye tareda nufar waran katafaren ƙaton gadonsa da ita, yana zuwa ya kwantar da ita daga ita sai towel a jikinta,
tashi yayi ya nufi mirror ya ɗauko turare mai bala'in ƙamshi yazo ya feffeshe duk ilahirin jikinta dashi domin baya ƙaunar zama haka ba turare, uwa uba yaga a halin da take ciki dole ta kasance cikin ƙamshi indai tana tare da shi domin Razhdeen ma'abocin son turare ne shi da Roshan jirginsu ɗaya ne....
Bayan gama feffesheta da turare ya janyo blanket ya rufe ta dashi, shima bathroom ya faɗa domin yin wanka.....
🄷🄾🅂🄿🅸🅃🄰🄻
Roshan ne kwance an sanya masa oxygen yana lumshe da ido alamun ya samu yin Bacci, fuskar tayi fiyau ba ƙaramin ramewa yayi ba ga yayi wani irin fari fatt da shi,
Abbah yana zaune a bakin gadon da yake sai kuma sauran kuma suna zazzaune a kujerun ɗakin, babu wanda aka bari a gida,
Doctor ne yake tsaye yana kora jawabi a Abbah cewar "dole idan ana son kwanciyar hankalinsa ayi masa abinda yake so, akwai abinda ya dame shi a ransa wanda ya gagara cire shi har takai ga taɓa lafiyar zuciyarsa, amma shin ciwonsa ya taɓa tashi kuwa? kodai yanzu ne farkon tashinsa?...."
Dogon numfashi Abbah ya sauƙe tareda jinjina kai muryarsa har ta ɗan disashe shima ya ce "haƙiƙannin gaskiya wannan ciwon nashin yanzu tashinsa na biyar kenam, lokacin da yake yaro ƙarami sau uku yana tashi toh amma da aka fitar shi can ƙasar waje akayi masa aiki bai ƙara tashi ba sai kwanakin baya kusan shekara uku lokacin da budurwarsa ƴar classmate ɗinsa ta samu hatsari ta rasu, a lokacin ya jijjiga matuƙa tsabar tsananin son da yake mata, naje na nema masa Auran yarinyar har an bashi ita Allah ya shiga tsakaninsu, ciwonsa ya tashi sosai nan ma saida muka fita dashi ƙasar Ethiopia tukun rayuwarsa ta dai-daita,
an kafa mana sharuɗa da dama akan Roshan muddin muna son rayuwarsa, shiyasa bana son abinda zai taɓa shi, bana ƙaunar ɓacin ransa domin muddin idan Ran Roshan ya ɓaci toh abu ne mai tsananin gaske saboda shi mutum ne mai kawaici da rashin sa abu a ransa, bashi da abokin faɗa sannan baya fushi akan abu saidai idan abun yakai maƙura, toh idan har ɓacin ran nasan yakai maƙura toh akwai matsala......."
Abbah yana kai ƙarshen maganarsa ya sunkuyar da kansa ƙasi yana zubda ƙwallah domin ko kaɗan baya son ciwon Roshan...
Doctor ne yake rarrashinsa game da faɗin "kayi haƙuri Chief kaima yanada kyau ka rage shiga damuwa saboda hawan jininka....."
Abbah a zabure ya ɗago yana kallon Doctor ya ce "na ƙwammace gwara ciwo na yaita tashi akan na yaron nan wallahi...."
Doctor ya ce "it's okay! But meye musabbabin faruwar hakan? Sannan tin jiya da aka kawo Roshan banga ɗayan ɗan nakan ba wato Razhdeen shin kodai ya koma U.S ne?....."
Abbah kamar zai haɗiyi ransa tsabar takaici ya ce "bani da Ɗa mai sunan Razhdeen, Roshan kawai nake Da...."
Doctor cike da mamaki yake bin Abbah da kallo,
Hajia Kilishi itama dasauri ta ɗago tana kallonsa,
Itama Minal dake zaune buɗe baki tayi tana kallon Abbah a yayinda take riƙe da phone ɗinta,
Pinky da Rukky kuwa kallon juna suka shiga yi ko wacce fuskarta a hargutse,
Ummy cike da mamaki ta ce "Abbahhh......"
Ɗaga mata hannu Abbah yayi tareda faɗin "kada ko waccen ku ta kuskura tayi mun magana indai akan Razhdeen ne, baya daga cikin jerukan ƴaƴana, na fidda shi ba Ni ba shi daga yau....."
Doctor cike da mamaki ya ce "Subhanallahi amma me yayi zafi haka Chief?...."
Abbah ya ce "haka kawai na yanke hukuncin nan domin bazan taɓa haifan yaron da zai saka mun ciwon kai ba ko ya bijirewa maganata ba impossible,
haka kuma duk wacce zata bijirewa maganata toh wallahi zan cire hannuna ne akanta sai dai ku nemi wani uban, koda zan zauna babu yaro ko ɗaya ......"
ya ƙarashi maganar yana nuna su da yatsa,
Hajia Kilishi ganin ya sako ƴaƴanta aciki yasa ranta ya ɓaci sosai ta ce "amma ko wani irin laifi suka yi maka bai kamata kayi musu wannan hukuncin ba, faɗan da kake yi ma babu daɗin ji....."
Abbah ya ce "dole abi dokata indai anason zaman lafiya kuma kema harda ke ban ware kowa ba, zan iya baki takardar sallamarki indai baki canza ɗabi'unki ba....."
Zaro ido tayi tana kallonsa cike da mamaki acikin ranta kuwa cewa tayi "anya kuwa ba shaye-shaye Chief yayi ba?...."
Abbah kallon Doctor ya yi sannan ya ce "yaushe za'a iya sallamar mu?...."
Doctor ya ce "gobe da safe insha Allahu domin a daren yau akwai allurar da zamu yi mishi, kuma gaskiya Yakamata indai anason kwanciyar hankalinsa toh a faranta masa, abinda yake nema a bashi insha Allahu za'a dace......"
Abbah ya ce "toh shikenam ba damuwa...."
Daga nan Doctor yayi ficewarsa,
Itama Hajia Kilishi tashi tayi tana kallon yaranta ɗaya bayan ɗaya ta ce "ku tashi mu koma gida...."
Minal tashi tayi ta nufi bakin ƙofa zata fice duk sauran ma tashi sukayi banda Ummy dake zaune ta ce "Ni zan zauna da Yaya Roshan....."
Abbah ya ce "ki tashi ki bisu zan cigaba da zama dashi....."
Ummy jiki ba ƙwari haka ta tashi tana jan ƙafa daƙer ga hawaye yanda yake go slow akan fuskarta,
Abbah ganin halin da Ummy take ciki yasa ya ƙira sunanta cikin sassanyar murya ya ce "uwar masu gida....."
waiwayowa tayi tana kallonsa cikin damuwa,
ya kuma cewa "dawo ki zauna...."
sakin fuskarta tayi tareda ɗan sau murmushi ta koma ta zauna,
Hajia Kilishi fuska a haɗe ta fice,
Sojoji biyar ne sukayi escort ɗinsu zuwa gida,
Motar ɗaya nasu, ɗaya kuma sauran sojoji ne aciki daman motar biyu ne a yayinda aka bar wasu sojojin a hospital.....
suna isa gida babu wanda ya iya shiga kitchen domin girka abinda zasu ci,
Ɗaya daga cikin sojoji suka aika yaje restaurant ya siyo musu abinci,
A ranar su Abbah a hospital suka kuma kwana,
yau kwanansu uku a hospital....
Razhdeen bayan ya idar da sallar Asuba, miƙewa yayi ya nufi falo yanda yake kwana akan doguwar kujera sakamakon wani irin sarawa da kansa ke yi,
buɗe frig yayi ya ɗauki maganin ciwon kai ya ɓare tareda since murfin gorar faro ya kafa a baki saida ya shanye ruwan nan tass yana sauƙe numfashi sama-sama,
ya wurgar da gorar gefe sannan ya nufi 3 seater ya kwanta ba tareda ya cire jallabiyar jikinsa ba, yana riƙe da goshinsa nan danan wani irin dogon bacci yayi awun gaba da shi,
can ya fara jin ƙinƙishin kuka, yana ji amma bai kula ba a tunaninsa mafarki yake, ganin da gaske yake jin kukan yasa ya fara yunƙurin buɗe eyes ɗinsa waɗanda bacci basu gama isarsu ba,
a hankali yakai idonsa saitin yanda yake jin kukan, eyes ɗinsa ne suka sauƙa akan kyakkyawar fuskar Baiwar Allah sai sharar kuka take tana durƙushe a gabansa,
A hanzarce ya tashi zaune idonsa akanta daƙer ya iya motsa lips ɗinsa ya ce "lafiya kuwa....."
Cikin kuka take faɗin "yau satina guda a cikin ɗakinka ka ƙi barina na fita, ya kake so nayi da rayuwata? Ni idan baka son zamana a gidan nan ne zan tafi nabar gidan, amma zaman kaɗaici ya isheni haka, bansan me kake nufi da hakan ba....."
Nan ta ƙara fashewa da matsanancin kuka mai cin rai,
Lumshe eyes ɗinsa yayi sosai ya juma bai buɗe su ba daga bisani ya buɗe a hankali domin ba ƙaramin ciwo kansa ke yi ba,
Ganin bazai iya juran jin kukanta ba ga ciwon kai yasa shi cewa "ok tashi na fitar dake don't worry....."
dasauri ta miƙe tsaye cikin nuna farin ciki, shima tashi yayi yasa hannunsa a aljihu ya ciro key ɗin ɗakin, har sun nufi bakin ƙofa suka ji an fara bugan ƙofa da ƙarfin gaske,
Muryar Abbah suka ji yana faɗin
"Razhdeen kayi ƙoƙarin buɗe ƙofar nan tin kafin nasa a ɓalle ƙofar kuma wallahi baza kaji daɗin abinda zanyi maka ba,
kafin nan da mintuna uku ka fito da yarinyar nan,
idan kuma nima so kake ka kashe Ni kamar yanda kayi sanadiyar mutuwar ɗan uwanka Roshan shikenam kayi ta zama da ita....."
Abbah ya ƙarasa maganar yana fashewa da kuka yabar wajen kai tsaye falo ya nufa.....
Razhdeen a kiɗime ya zaro da dara-daran idanuwansa waɗanda lokaci guda suka kaɗa launin ja, bai san lokacin da yayi baya ya doku akan kujerar falon ba,
wani irin gumi ne yake tsirto masa, sumar kansa gaba ɗaya ya harhargutse ya baje tsabar tashin hankali da ya shiga lokaci guda,
Baiwar Allah kuwa hannu tasa ta toshe bakinta sai faman zazzaro ido take nan danan hawaye har ya wanke mata fuska,
tanaso ta fitar da kukanta amma sai taji muryarta ya dishe gaba ɗaya, ƙoƙarin shiɗewa tayi taji ya riƙo hannunta da ƙarfi jikinsa har wani zaƙami yake ya jata suka nufi bakin ƙofar ɗakin, key yasa ya buɗe yana janta suka fice,
A hanzarce ya sauƙo downstairs tare da Baiwar Allah,
Ganin mutanen gidan yayi gaba ɗaya suna zazzaune ko wacce da hawaye akan fuskarta, idonsa yakai kan Aunty Yolash wacce ta samu zuwa daga Bauchi jin rasuwar Roshan domin tin da asuba ta kamo hanya, shi kuwa Roshan ya rasu ne tin cikin dare misalin ƙarfe 2,
yanzu haka ƙarfe 9 ne na safe, ana jiran isowar su Sarkin Ƙasar Jidder da iyalansa zuwa ƙafe 10 ko 11 ayi jana'izar sa domin mutuwarsa har ta bazu ko ina, iya Razhdeen ne bai sani ba shida yake cikin ɗaki,
Bayan ya gama kallesu gaba ɗaya sannan idanuwansa suka sauƙa akan Gawar Roshan dake kan makara an gama lulluɓe shi da likkafani jana'izarsa kawai ake jira ayi....
Razhdeen ganin Roshan yasa yayi baya zai faɗi tsabar wani irin hajijiyar da ya ɗebe shi, dasauri yasa hannu ya riƙe jikin bango yana fitar da numfashi sama-sama,
Baiwar Allah da gudu ta ratsa ta gefen Razhdeen ta nufi wajen da su Ummy suke a zaune a ƙasin carpet,
Ummy rungumar Baiwar Allah tayi tana kuka tareda faɗin
"Yaya Roshan ya rasu, Aunty Baiwar Allah Yaya Roshan ɗin mu ya tafi ya bar mu, kin ganshi nan kwance ki ce ya tashi dan Allah kar ya tafi ya bar mu......."
ta ƙarasa tareda fashewa da matsanancin kuka, itama baiwar Allah kukan take tana rarrashinta,
Abbah ne ya sauƙo daga upstairs yana riƙe da Bindiga a hannunsa gadan-gadan ya nufi tsakiyar falon ya tsaya yana fuskantar Razhdeen ya ɗago da bindigar ya saita shi yana kuka......
Razhdeen tsayawa yayi yana kallon Abbah shima hawaye yaƙi tsayuwa masa,
Dasauri Aunty Yolash ta miƙe tsaye tareda faɗin "Yaya me kake shirin aikatawa?...."
Duk sauran Yaran suma miƙewa suka yi suna zazzaro ido waje hatta Hajia Kilishi itama ta tsorita da ganin abinda Abbah yake shirin yi..
Abbah yana kuka
Ya ce "Razhdeen ka cuceni wallahi, kayi sanadiyar mutuwar ɗan uwanka mafi soyuwa acikin zuciyata, ka bijirewa maganata, ka toshe kunnuwanka a yayin da nake rarrashinka game da lallaminka akan ka buɗe ƙofar ɗakin ka, kasa yarinya a ciki ka kulle baka tunanin halin da zata shiga ga Ɗan uwanka har ya kwanta a gadon asibiti sakamakon ciwon zuciyarsa har takai ga ya rasa rayuwarsa, alhalin kasan ciwonsa zai iya tashi a kowani lokuta,
yanzu shikenam kayi farin ciki ko?
kaji daɗi Roshan ya mutu yabar maka duniya, daman so kake ka kashe shi ta hanyar ƙuntata kuma gashi ya mutu, falillahil hamdu nasan kayi farin ciki a yayinda Ni kuma baƙin ciki nima zai kashe Ni....."
Girgiza Kai Razhdeen yake yana kuka sam baya jin daɗin kalaman Abbah,
Abbah ya cigaba da cewa "bazan juri ganinka a doron duniya ba, kaima zaka je wajen da ɗan uwanka ya tafi, na ƙwammace gwara na bisineku ku biyu nasan zanji sanyi a raina,
Banaso na cigaba da kallonka a matsayin maƙiyi nah gwara kawai ka mutu kaima...."
ya ƙarasa maganar tareda kunna kunamar bindigar
Ummy ce ta zo yanda Abbah yake ta durƙusa tareda kama ƙafarsa tana kuka tana roƙonsa akan kar yayi kisan kai,
"Abbah dan Allah kayi haƙuri kar ka raba mu da Uncle Deen, mun rasa Yaya Roshan bamaso mu rasa Uncle Deen ka temaka mana ...."
Suma sauran durƙusawa sukayi suna roƙan Abbah akan ya ƙyale shi,
Razhdeen yana kuka ya ce "Daddy nah indai mutuwata ce zatasa kayi farin ciki dan Allah ka harbe Ni a saitin Nan....."
ya ƙarasa maganar yana nuna saitin zuciyarsa da hannunsa,
ya cigaba da cewa "ciwon zuciya ne ya kashe mun twins ɗina asanadiya ta don haka nima ka harbe Ni a saitin zuciyata domin ɗaukan fansar ɗan uwana......"
Shima fashewa yayi da kuka yana kallon Abbah,
Abbah shima kukan yake,
Aunty Yolash ce ta nufo gurin da Abbah yake zata fizge bindigar kar tsautsayi tasa ya harbe shi, a tunaninta barazana Abbah yake masa,
ai kuwa kafin ta ƙarasa Abbah ya yi saurin harba bindigar, bullet bai sauƙa a ko ina ba sai a saitin ƙirjin Uncle Deen......
A duk yaran gidan Babu wacce batayi ihu ba, Ummy kam ƙafewa tayi a wajen idonta akan Uncle Deen wanda yakai ƙasi,
Aunty Yolash itama zaro ido tayi tareda ƙamewa a wajen baki a buɗe,
Hajia Kilishi itama hannayenta tasa ta toshe bakinta da su tareda zaro ido waje,
Baiwar Allah kam batasa lokacin da ta yanki jiki ta faɗi sumammiya ba.....
Durƙusawa Abbah yayi tareda fashewa da matsanancin kuka ga bindiga a hannunsa,
Sojoji ne suka shugo falo da gudun gaske jin harbin bindiga......
A Razane Razhdeen ya farfaɗo daga doguwar baccin da ya ɗauke shi ya tashi zaune yana haki da ƙarfi-ƙarfi gaba ɗaya ya kiɗime game da haɗa gumi yayi sharkafff,
Addu'o'i ya fara jerowa yana waige-waige yaga ashe MAFARKI YAYI......
Idonsa yakai kan Baiwar Allah wacce take zaune a dinning table da farantin Cake a gabanta domin ta tashi da matsanancin yunwa,
tayi wankanta ta sanya doguwar baƙar jallabiyan sa, tayi kyau sosai sai haskenta ya ƙara bayyanowa ta ɗaure sumar kanta da rawani mai ɗigon ɓaki da fari.....
Itama juyowa tayi tana kallonsa ganin halinda yake ciki, itama tasan yayi mummunan mafarki ne ganin a yanda ya tashi a firgice...
Uncle Deen numfashi yake fitarwa sama-sama yakai idonsa kan Agogon ɗakin yaga yanzu ƙarfe 10 na safe ne,
ba shiri ya tashi ya nufi yanda Baiwar Allah take a zaune ya kamo hannunta ya ɗagota tareda jan ta suka nufi bakin ƙofa,
Ita dai kallonsa take ta gagara cewa komai,
Key yasa ya buɗe suka fice yana jan hannunta...
Suna sauƙa downstairs suka tarar da Abbah yana zaune dab da Roshan yana rarrashinsa akan ya kwantar da hankalinsa,
Ga sauran Yaran gidan suma suna zazzaune akan kujeru,
Roshan na ganinsu yayi saurin miƙewa tsaye idonsa akan su,
Shima Abbah ɗagowa yayi yana kallon Razhdeen cikin ɓacin rai........
WAYYO YAU DAI NASAN NA HARHARZUƘA ZUCIYOYIN MASU KARATU 😁😁😁😁
MUSAMMAN AUNTY KHADIJA KAR ZUCIYARKI TA BUGA MAFARKI NE,
YARONKI ROSHAN YANA NAN .......