Page 21

Yau gaba ɗaya jikin Bintu A san yaye yake kasan cewar tun safe mutanen nata suka haɗa dabar hira A falon inno, wani abin takaicin ma har da mazan suka gayyato,kuma ba komai ne yasa sukayi hakan ba sai dan kawai yau sun shiryawa Bintu buhu buhun rashin mutunci, saboda tun sassafe suka ga fitar do don nasu,yau kwana biyu da faruwar wancan abun, dan haka yau dama suka samu.

Bayan ta gama jigilar kaiwa da kawowa tayi musu girkin dasuka buƙata, sai da ta jera musu komai na buƙata A gabansu kana ta wuce dan ƙoƙarin ta na barin falon,Sayyid ne yace"ke dawo nan uban waye zai savin ɗinmu? Farida ta yatsina fuska kana tace"Ni kije kisake min sakwara dan bazan ci wannan abincin ba!ita kuma Siddiqa tace" Ni kuma kiyi min danbun shinkafa! Bintu cike da takaici take duban su ta kasa cewa komai saboda mamakin ɗabi'ar su Hauwa'u ce tace"dalla Malama kije kiyi musu abinda suka buƙata kin tsaya mana akai yawa tsohuwar maiya!' juyawa tayi har ta fara ta fiya sai kuma ta ɗan da kata tare da juyowa jin Siddiqa na cewa banzar yarinya dama ai wan can uban shishshigi shine kwarin gwiwarta, ranar har da wani zagewa tana sheƙa mana mari to yau zakici ubanki idan kina dashi!'A hankali ta buɗe bakin ta tana son cire tsoronsu dake dan kare A ranta dan Allah ya gani Bintu tana tsoron taɓa lafiyar jikinta dan tasan zasu iya naɗa mata na jaki, amma badan haka ba sam batajin zata iya raga musu ta ɓangaren ragargaza musu magana ko wace iri ce, cikin san jawo ƙarfin gwiwa tace" to shikenan bazanyi girkin ba tunda aibaku kuka ɗaukeni aiki ba kuma ba asaminku A cikin albashi na ba balle kudinga wahalar dani kamar baiwarku,ta faɗa A yayin da take shirin bawa ƙafarta iska,dan tasan tsaf zasu naɗa mata duka,kamar ta sani kuwa Farida mai jiran ƙiris ita ta miƙe tayi wani irin tsalle ta sha gaban Bintu,da sauri Bintu ta matsa baya cikin yanayin ta na nuna firgici ,Nabil yace"ke Farida meye haka ne? Hauwa'u tace"idan bataya mu dukanta zakayi ba kayi shuru da bakinka inno bata nan tana ɓangaren Alhaji Baba Dan haka zaneta zamuyi la ada waje!' Sayyid yace" malam ka rabu dasu su zane bakin tsiwar duk da mugun sanda nake mata hakan ba zai hana nayi mata rashin mutunci ba!'Bintu tace"Ni dan Allah ku rabu dani babu ruwana daku,kuma ai gaskiya na faɗa ba aikinku nazoyi ba da haka sai ku rabu dani!kan ta rufe bakinta Siddiqa tasa hannunta ta doke bakinta,aiko Bintu taji zafi tuni idanun ta suka kawo ruwa wata zuciyar tace"da ita karki sake ki bari suga hawayenki daga nan zasu ƙara rainaki, dan haka sai tayi ƙoƙarin shanye hawayenta,A hankali ta shammace su ta angije Farida ta hankaɗata tayi ƙasa bata tsaya wata wata ba ta arta ɗakinta tasaka key, Farida ta lailayo wani uban ashar ta dan ƙara mata, Sayyid yace" kuzo kuji wani abu wannan duk ba mafita bace!' gaba ɗayan su suka zo suka haɗa kai yayi musu ƙusƙus, Siddiqa ta yi wata shewa tare da cewa lallai yarinya kin ɗauko ruwan dafa kanki kin shiga uku a gidan nan!'dariya suka saka gaba ɗayansu suka shiga ɗibar garar girkin Bintu maisa kunnen oga Abdallah motsi.

Taufiƙa ce ta samu Bintu A kiching tana yiwa Abdallah abincin dare sai dai bata jima da ɗorawa ba saboda tsoron kar ta fito su haɗu su casata, Taufiƙa tace" Bintu me kike dafawane haka? batare da ta bata amsaba ta zuba mata ido cike da mamakin yadda tayi mata magana cikin kwantar da murya, murmushi Taufiƙa tayi tace"ko yau kin kurmance ne? girgiza kai Bintu tayi kana tace" yau tuwon semo nakeyi masa da miyar ɗanyan kubewa sai farfesun kifin ruwa!' Taufiƙa ta riƙe baki cikin mamaki tace" wai shi kam dan Allah Bintu meyasa yakeson irin wadannan abincin? Bintu tayi dariyar ta me kyau har kumatunta na loɓawa kana tace"wallahi Ni ma bansani ba kawai dai kowa kinsan da abinda ya fi burgeshi A rayuwarsa to shi dai yana san abincin mu na gargajiya!' Taufiƙa tace" kuma hakane fa maganarki!' yanzu dai ki kawo nayi masa girkin nan yau inaso yaji irin baiwa ta nima saboda nan gaba!' ɗan jim Bintu tayi cike da tunanin ta bata ko kar ta bata,Taufiƙa tace" Bintu bazaki bani ba?kinga dolene na koyi duk irin abibcin da yake so saboda gaba yadda nake mafarkin zama matarshi kinga hakan shine dai dai ko?Bintu cike da mamaki take bin bakin Taufiƙa da kallo kai wannan irin wawanci haka, sai yanzu ta gane manufar ta na yadda ta can ja mata lokaci ɗaya ashe ita da manufarta wato ashe ita ma ta faɗa komar soyayyar Oga Abdallah,tab amma lallai sun gamu da wahala in dai Oga Abdallah ne, Bintu tace to shikenan muyi tare!' Taufiƙa tace" Ni dai ki tsaya kawai ki tayani da hira har na gama sai ki ɗiba kikai masa!' Bintu tace Tom shikenan,amma fa ranta cike yake da tsoro kawai dai ta bayarne saboda kar ta jangwalo wa kanta wata rigimar bayan ta ɗazu da tasan ba ƙyaleta su Farida sukayi ba,

Sunayi suna hira har Taufiƙa ta gama komai aka zuzzuba cikin kuloli, daga nan ta koma ɗaki sai da tayi sallar isha'i kana ta fito ta ɗibi kayan abincin ta nufi falonsa,bayan ta jera komai kamar yadda ta saba ta fito tashiga wajen inno suka fara taɓa hira.

Sai da ya gama komai na aldarshi da yasa ba na yau da kullum kana ya nufi dining ya zauna ya fara savin ɗin kansa. lomar farko da yayi kasa haɗiye wa yayi sai da ya nufi sink ya zubda kana ya kuskure bakinsa ya koma ɗakinsa ya shiga yayi brosh,zama yayi cikin kujerarsa ya haɗa hannayen sa biyu ya rufe fuskarsa, yunwa yakeji sosai danshi bai cika san zama da yunwa ba, tun daya saba bawa cikinsa haƙƙinsa, wayar sa ya ɗauka ya dannawa inno kira,bayan sun gaisa yace" inno yarinyar nan tazo!'daga haka ya maida wayar ya ajiye,inno suna tare da Bintu har lokacin,duban Bintun tayi dan tasan ita yake nufi sanin cewar babu wanda yake shiga ɓangaren sa idan ba itaba,tace" tashi kije saraki na kira wataƙil wani abun yake buƙata!' dum,haka ƙirjin Bintu ya buga cike da fargaba ta tashi ta tafi tana fatan Allah yasa ba ganewa yayi ba ita tayi girkin ba.

A hankali tayi sallama tare da ƙara sawa gabansa ta duƙa,kana tace" Barka da dawowa wani mugun kallo ya fara watsa mata kafin yace" wa kika bawa yayi abincin can? yana maiyi mata nuni da kan dining table,kallon gun tayi kana cikin tsoron abinda zai biyo baya tace" Ni nayi!' ɗan wara idonsa yayi akanta gami da cewa ko? gyaɗa kanta ta kumayi a tsammanin ta ya yadda, miƙewa yayi yace" zo nan!'tashi tayi tabi bayansa har zuwa dining ɗin, sai da ya zauna kana yayi mata nuni da itama ta zauna,A ɗarare ta ɗosana ta zauna gaba ɗaya idanunta sun fiffoto waje saboda tsananin tsoro,nuna mata wanda ya faraci yayi yace" oya maza kicinye su duka,zaro idon ta kumayi da sauri ya kawar da nasa,cikin ransa yace" yanzu zata fara firgita mutane da waɗan nan shanyayyun idanun,fuska ta kwaɓe tana shirin sakan mai san gar tattun hawayen ta,yayi saurin ɗora hannun sa kan laɓɓansa yayi mata alamun tayi mai shiru,haka nan ta haɗiye kukanta ta sanya hannu ta gutsiri tuwan tare da kaiwa bakinta,kasa haɗiyewa tayi tafara ƙoƙarin furzo shi,zaro mata manyan idanunsa yayi wanda suke da wani irin maganaɗisu acikinsu, ga wani maiƙo- maiƙo dake cikinsu tamkar manƙuli aka ɗiga musu,tuni ta kuma rikicewa dama ga yanayin da take shiga a duk lokacin da ta kasance tana shaƙar numfashi akusa dashi,sai ya kuma haɗe mata ya dinga bata wani irin yanayi mai wuyar fassarawa har wani sanyi sanyi take ji A can cikin ƙashushuwa da ɓargon ta,ƙasa tayi da kanta tana haɗiye tuwan daƙyar,haka ta dinga cusa tuwan cikinta tana kuma zabgawa Taufiƙa Allah ya isa saboda ita tajawo mata wannan tashin hankalin,bata taɓa zatan bata iya abinci ba ita A tata wautar tayi zatan kowa ya iya abinci mai daɗi shiyasa ta bata batare da tayi tunanin haka ne zata kasance ba, A nata yaritar kawai tunda bai gani ba ai bazai gane ba ita tayi ba.

Sai da ta cinye wanda ya faraci, da ƙyar,kana ta ɗan saci kallonsa yana ta danna wayarshi hankalinsa kwance,cikin san rushewa da kuka tace" na cinye cikin shagwaɓaɓɓiyar muryarta mai fitar da wani sauti mai daɗin sauraro,kallo ya bi ɗan karamin bakin na ta dashi wanda bakowane zai fahimta ba sai ƙwararren munasiri (amma fa bani ba) A hankali yace" sauran fa? fashewa tayi da kukan da yake ta cin ranta,maida kansa yayi yajinginar tare da lumshe idanunsa yayin da zara zaran eye lashes ɗinsa sukayiwa idanun runfa,jin sautin kukan yake har can cikin ƙasan zuciyarsa,muryarta yaji tana cewa,Ni dai kayi haƙuri wallahi ita tace" sai na bata tayi maka saboda ta saba!' buɗe idanun yayi ya ɗorasu kan rigimammiyar fuskarta kana yace ita wace haka? Taufiƙa!' ta bashi amsa kai tsaye abinta, ya tsina fuska yayi danshi har yanzu bai fahimci shirman nata ba,batare da ya nemi ƙarin haske ba,yace" da ita kije ki samomin wani abu da zanci yanzu saura ki kuma bawa wata tayi min jagwalgwalo!' da sauri ta miƙe cikin share hawayen da ya ɓata kyakykyawar fuskarta,tace" me zan dafa maka? komai!' da ga haka ya miƙe ya barta tsaye tana faman tura ƙaramin bakinta.

Washe gari sai ga Taufiƙa ta kuma biyo Bintu kiching Bintu tana ganinta ta haɗa rai tana gunguni, Taufiƙa ta zuba mata ido kana cikin san fahimtar abinda Bintun take faɗi tace" wani abu kike cewa bintu,?Bintu kuwa kai tsaye tace" Gaskiya Anty Taufiƙa bazan kuma baki girkin oga Abdallah ba jiya baki ga abinda yayi min ba,kuma dama kinsan baki iya ba kikace sai na baki kinyi kalan dama so kike kijamin masifar wannan yayan naku!'taƙarasa maganar cike da baƙin ciki kamar yanzu akayi abin tana tuna yadda yasa ta cinye Abincin nan mara daɗin ɗanɗano, Taufiƙa ta haɗe rai tare da cewa ke karfa kiga na sake maki ki rainani wannan abincin ne baiyi daɗi ba to ko yanzu nayi niya sai na karɓa nayi yadda nakeso, dama ai haka nakeso ya sauke fushin kanki! ta faɗa tana ɗage mata gira ɗaya da wani ɗan munafukin murmushi akan fuskarta,shiru Bintu tayi tana haɗiyar miyan takaici,ba ita taji dai dai ba sai da taga Taufiƙa ta bar kiching ɗin batare da tanemi ta bata girkin ba.

Lokacin da ta kai masa yana zaune A falon cikin ƙayatacciyar shigarshi ta alfarma,ɗan jim tayi sai kuma ta wuce a saɗaɗe ta jera haka tayi har ta gama, tana shirin fita taji tattausar muryarsa yace" zo nan!' dawo wa tayi ta tsaya tana murza yatsun hannunta,tashi yayi ya nufi dining table ɗin ya zauna,bazakizo ba ya faɗa cikin da kakkiyar muryarshi ta zaratan maza mara sa son raini,ƙarasowa tayi batare data dubeshi ba tace"gani!' banza yayi mata ya cigaba da taɓa wayarshi kuma bai taɓa abincin ba, gajiya tayi da kanta ta fara savin ɗin sa ,wani haɗe rai ya kuma yi ya fuskanci yarinyar nan bata da kunya wato ta gane abinda yake nufi amma tayi mursisi nufinta sai ya gaya mata kenan,

Sai da ya kusa cinye chips ɗin da ta zuba masa kana yayi mata nuni da ta wuce ta bashi guri,fita tayi tana mita cikin ranta.

Alhaji Farouk ya dubi Anty Nafisa yace"inaso zan shiga wajen inno tunda na dawo daga tafiyar nan banje na dubasu ba! hakanan Anty Nafisa ta dinga jin faɗuwar gaba, shin meyasa take ta ƙoƙarin hana Farouk zuwa ɓangaren inno? tunda ya dawo take ta yi masa dabara wanda tasan bawai dabarar tace tayi mata aiki ba kawai dai shima yana daga cikin waɗan da suke da yawan sabgogi shine dalili sai dai kuma ita kanta bata san dalilin ta nayin haka ba,muryar sace ta katse mata zan can zucin da takeyi, yace" bari naje daga nan zan fita sai na dawo!' kasa magana tayi har ya fita daga ɗakin,jugum tayi ta rasa meke damunta sam ita fa bawai ta daina jin fargaba bane kawai abinda take son cimmawane yasa ta daina yawan damuwa da lamarinta na baya,tashi tayi ta fara zaga ɗakin cike da san samarwa kanta mafitar damuwar dake cin zuciyarta.

Inno tarasa inda zata saka Dady Farouƙu saboda shi mutumne da bai fiye zama ba yana da yawan tafiye-tafiye idan ya tafi kuma yana daɗewa bai waiwayi gida ba, kuma haka baya rasa na saba da babban damuwar da ke cinye zuciyarsa,yaɗan jima suna taɓa hira da inno kafin yayi mata sallama ya wuce harkokinsa.

Farida ta dubi Siddiqa tace"Siddiqa baza mu tsaya mu dogara da shirin Sayyid ba kinsan halinsa ɗan ɗauka da ajewa ne kawai zamu fara ɗaukar fansa ne ba sai mun zauna jiran gawan shanu ba!' Hauwa'u tace" amma duk abinda zamu shirya kar mu sake su amna da Rahima su sani dan zasu iya ɓata mana shiri!'Taufiƙa tace" hakane nima kinga shirin mu yana karɓuwa ta ɓangarena amma shegiyar yariyar bana tunanin zata kuma bani girkin nan amma inta san wata ai bata san wata ba!'hauwa'u tana wani dogon numfashi kana cikin yanayin karaya tace" Ni dai inaga burina bazai taɓa cika ba wallahi tunda nake a duniya ban taɓa tunanin zanyiwa wata halitta son da nakewa yah Abdallah ba,Ina son shi son da baki bazai iya faɗa ba!' sai kuma kuka ya ƙwace mata sosai (har ji nayi kamar na tausaya mata) Taufiƙa rufe idanunta tayi tamkar mai bacci sai dai kuma ita kaɗai tasan yawan wutar dake bab baka cikin zuciyarta da ruhinta, Hauwa'u shirme takeyi sai dai ita baza ta taɓa bari Hauwa'u tasan irin tarin ƙaunar da takewa Oga Abdallah ba,sai dai taci alwashin bin duk wata hanya da tasan zata mallaka mata Abdallah,wannan alƙawarin tane zata ɗagawa Hauwa'u ƙafa na ɗan lokaci kafin tayi maganinta dan tanajin zata iya yin komai a kan soyayyar Abdallah,wannan kenan.

Cikin rawar jiki take karanta sakon Dijen wanda take sanar da ita cewa lallai tanaso ta kaucewa haɗuwa da Sayyid saboda Akwai abinda yake shirya mata kuma ita tasan wane Sayyid zai iya aikata komai akan biyan buƙatar zuciyarsa,Bintu ta ajiye wayar cikin zurfafa tunani akan abinda Sayyid ɗin yake shirin aikata mata,to wai meyasa sai ita? meyasa kowa ya kwaso ƙiyayyarsa da ɓakin halinsa sai kanta?me yasa suke san ganin bayanta? to ko sun gane ita wacece?girgiza kanta tayi tanajin waɗan nan basu ne A gabanta ba aikin dake gabanta ya fi sauran ƙananan ƙwarin nan.

Bayan kwana goma da faruwar wannan lamari,rana tsaka inno ta shiga cikiyar babbar sarkarta wadda kakasance tun ta aurenta, yau kwananta bakwai tana nema batare da tayi cikiya ba saboda tana san ta tabbatar da sahihancin nemanta batason tayi cikiyar kuma tazo ta ganta, shiyasa taƙiyin maganar sam sai yau da ta ga dai da gaske ɗauke sarƙar akayi tayi ɓatan dabo,gaba ɗaya ta kira jikokin nata da wanda suke kwana da wanda zuwa kawai sukeyi,dukkansu bata zare kowa ba ta Fara duban su Taufiƙa tace" bari na fara ta kanku saboda daku nake kwana nake tashi,shin babu wanda yaga sarkata da yari A cikin ku? ware ido sukayi har da su Rahima da tambayar bata zo kansuba,kafin kace wannan kowa ya shiga rantse rantse, Siddiqa tace"inno kicaje ɗakinmu mana, yanzu har ta kai da zaki iya tuhumar mu laifin sata mu jikokin ki da KIKASAN bamu rasa komai ba me kuka rage mu dashi dazamuyi miki sata satarma ta abinda mukasan yana da daraja da muhimmanci a gurinki, gaskiya inno baki mana adalci ba!' Sayyid yace" nina ma rasa abin cewa da wannan gagarumin sharri da tsohuwar nan take san manna mana! Inno tace" bazaku fahimci abinda nake nufi ba amma tabbas an kwana biyu da soma yi min ɗauke ɗauke bana son zargi da yawan tashin zance shiyasa bana kulawa da irin wannan,amma yanzu dole nayi magana tunda abin yayi girman da bai kamata na rufe bakina ba!'Farida tace" to inno tunda haka ne ai bamu ka ɗai ya kamata ki tuhuma ba ai naga da ragowar wa anda baki tattaro ba!Nabil yace" tabbas wannan haka yake dolene suma ragowar ki tuhumesu indai gaskiya za abi!' kafin inno tace" komai Taufiƙa ta nufi hanyar ɗakin Bintu,can saiga ta sun fito tare,Bintu sai da gabanta ya faɗi ganin yadda suka zuba mata ido ga kuma ran inno A matuƙar fusace dagani Lallai laifin da akayi mata babba ne,durƙusawa tayi gaban inno tace" inno gani lafiya kuwa!A hankali inno ta kawar da kanta gefe saboda tanajin kunyar ta dubi idon Bintu tayi mata cikiyar sarƙa,Nabil ne ya gyara zaman shi kana yace" Bintu inno ce ta taramu take mana cikiyar sarkarta da ɗan kunne,tajima tana dubawa amma bata gansuba duk ɓangaren nan!' Bintu ta dafe ƙirjinta cikin tashin hankali tace" wallahi ban gani ba!'Sayyid ya katse ta da cewa inno kinsan dai duk cikin mu babu wanda yake shiga ɗakinki ko? ta gyada kanta, kana ya ɗora da cewa' dan haka ki sauke zargin ki daga kanmu ki maida shi kan wanda yake shiga ɗakinki kullum babu fashi!'Hauwa'u tace" inno babu wani ɓoye-ɓoye kawai mu tashi yanzu mu duba ko ina na cikin gidan nan har ɗakinki sai mun kuma dubawa dan haka mu rarrabu Sayyid Ni da kai da Farida mu shiga ɗakin su Siddiqa Taufiƙa da Siddiqa da Bintu su shiga ɗakin inno kai kuma Nabil da Rahima da amna ku shiga ɗakin Bintu kowa ya tabbata ya duba da kyau ke kuma inno ki zauna anan ki jira mu zamu nemo miki sarƙarki yan zunnan...

ana wata ga wata ki a ina za aga sarƙar inno?

Comment.....

Share..... 💕 *KUDURAR ALLAH* 💕

*NA*

*FATIMA Y. ADAM*

_____________________________________*

*🌈🇰AINUWA 🇼RITER'S✍🏼* *🇦SSOCIATION🤝🏻* ```{United we stand and succeed;Our ambition is to entertain & motivate the mind of readers}``` ***

*_____________________________________*