21
by @sadisakhna
______👑 *JODA* 👑_____
Na
*Sadi-sakhna*
Ƴar mutan Jama'are
THE TRIO OF TALES
(3⃣ minds, 3⃣stories,1⃣Journey)
@sadisakhna on Arewapen
@SAKHNA03 On Wattpad
*** on Whatsapp
LITTAFI NA 1
👑*Warƙa ta (21)*👑
Abin Yabani mamaki ban taba zaton zanga ummu hajar a kaina ba,duk zato na Hammar ne ya dawo daga majalisi sai fara mita akan inason neman ilimi amma nafiye ragwanta,ashe ummu hajar ce,ko mai yakawota nan ɗin oho. Gashi nayi wasu maganganu masu wuyar fassarawa,wanda nasan koda nayi yunƙurin fassarawar bazata fahimta ba,tunda zuciyarta tagama fassara mata a yanda take son ji.
"Ahah ahah Ummu hajar wlh ba yanda kike zato bane,da karatu nake karatu nake nufi akan ya isheni haka sai gobe mu cigaba na gaji yauÉ—in."
"Kedai kika sani koma menene,ke mai hankalice ai ballantana kice ayi miki tuni,saidai ma ki faÉ—awa wani. Kwadayin na son tara iliminki ma zaisa kije har garken kura nemansa. Tashi ki wanke fuskarki mu tafi wani aikin gaggawa ya taso kuma ke ake nema a wajen. Sannan kiyi taka tsantsan da wannan mutumin,domin dukkan mu babu wanda yasanshi kokuma daga inda yake sai su baba guru kawai,su kuma ko ya zaka tambayesu bazasu fadaba, dan haka kiyi a hankali ku rabu lafiya baya binki bashi kema bakya binsa. Ki shirya kijo muna É—aki mai mutum É—aya na tsakiya bangaren mata"
Tana gama faɗin hakan nayi saurin tashi,kowa abinda yake faɗamin kenan nayi taka tsantsan,amma nikuma nagagara yin hakan,gabaɗaya zuciyata idan ina tareda shi ji take tamkar ta samu wajen mafaka,kuma da alama shima yanajin hakan a tattare dani,ko yaya nayi ƙoƙarin zame masa sai ya nemoni,kuma a yanayin ban tausayi nake kallonsa kaman wanda ya wuni yana gudu. Shiyasa ko naso tafiyar nake fasawa,domin ganinsa cikin wani hali shine abu na ƙarshe da banaso,wanda bansan miyasa ba.
Gyara kayan jikina nayi sannan na wanke fuskata kafin nabi bayan ummu hajar É—in, yanda na babbaza kayan karatun a haka na barsu ban tattareba,domin zatona yanzu zanje ai na dawo sai na tattare,nasan bazai dawo da wuri ba sai can wajen yamma. Ko abinci ban karbo masa ba saboda ba'a gama ba na bangaren É—alibai masu gasar.
Cikin nutsuwa nake tafiya don bansan mai zan tarar ba idan naje,dan yanzu gabaÉ—aya jinya tafara daina É—agamin hankali kaman da,saboda yana daga cikin karatun ta idan kana jin razani ko rashin nutsuwa to bazaka haifar da sakamakon da ake so a samu ba.
Tun daga bakin ƙofar na hango wani matashi sanye da kayan na sarauta,zaikai shekara ashirin da huɗu zuwa da biyar. Kallon dayakemin ko ƙifta ido bayayi nasa naji tun kafin na ƙarisa duk yafita akaina. Koda nazo Zagayeshi nayi na wuce batareda nace komai ba. Jin takun mutum nayi a bayana,ina juyawa naga yana biyo bayana idonsa kyam akan kunkumina dayake juyawa har muka shiga ɗakin. Jinayi gabaɗaya na tsargu,domin tunda nake babu wani namiji daya yimin irin wannan kallon sai shi. Ko Hammar ma saidai ya kalli idanuwana kokuma yaɗau hannuna ya ɗora akan ƙirjinsa inda yake masa ciwo,amma bai taba yiwa surar jikina kallon ƙurilla ba.
Har muka shiga ɗakin ina satar kallonsa,har sannan ni ya kafe da ido ko ƙiftawa sosai bayayi. Araina nace wannan wanne irin maye ne haka.
Tsunnawa nayi har ƙasa na gaida babbar matar dana gani akan ɗaya daga cikin kujerun da suke ɗakin.
Sai wata kuma wacce take jujjuya kanta kwance akan gado da ƙaton ciki.
"Sannu yarinya ko kece jodan da muke tajin labari kai?"
ÆŠan murmushi nayi har zanyi magana naji muryar wannan mutumin yasaka baki.
"Ganinta har fi jinta ma,koda kallonta dole ta tara wannnan baiwa"
ÆŠan tsuke fuska nayi,ta gefen ido ina kallon lokacinda matar ta watsa masa harara.
Tashi nayi na matsa inda marar lafiyar take kwance,inaso nace su matsa su bani wajen Fasihnman mai mayen kallon,amma kuma ina shakkar hakan saboda ko daga shigarsu ya tabbatar daga gidan sarauta suka zo.
Hannuna na saka akanta na daga tareda rufe idona. Bayan duhu ya lullube ganina da kuma shuru wanda babu motsi a cikinsa,sai kwatsam naji jijiyoyin ta suna gudu kamar zasu tsinke,gudun jininta a cikin jijiyoyin yaƙaru sosai,hakan yasa zuciyarta bugawa da ƙarfi tana watsa jinin a duk inda tasamu,Fasihmman ma cikin kanta. Saurin ɗauke hanuna nayi ina ja da baya,share gumin goshina nayi kafin na kalli matar da take zaune,dan nima ji nayi kamar jininnata yana ƙoƙarin shiga nawa jikin,saboda ƙarfin gudunsa.
"Yayadai yarinya nagana yanayinki ya sauya,ki faÉ—amana mai kika gani a tattare da ita"
"Ranki ya daÉ—e da alama ta É—au lokaci ranta yana baci zuciyarta bata samun hutu saboda aikin rayuka ta takeyi,to saikuma akayi rashin sa'a takalla ko kuma da saurari abinda ya razana zuciyarta,hakan yasa tashiga buga jini da gudu fiyeda kima. Wannan ne ya haddasa mata numfarfashi da matsanancin ciwon kai,yanzu zanje na haÉ—o magani nadawo,kafin sanna a samu tsumma mai tsafta yana shafa mata ruwan sanyi a goshinta da kuma cikinta sannan da ambata mata addu'oin neman samun lafiya daga Allah. Dukkan wani abu da zai sakata cikin damuwa a tabbatar an matsar dashi daga inda take."
"Shikenan yarinya za'ayi haka Allah yadawo dake ɗaukeda sa'a kuma cikin ƙoshin lafiya"
Bayan na fita daga ɗakin jingina nayi da jikin bango ina tuno abinda naji a jikintan,koma wacece lallai tana cikin matsanancin hali,sannan kuma ga juna biyu a jikinta. Abinda yake damunta ya alaƙanta da zuciya,amma kuma ba irin na hammar bane,ita nata jininta ne yake gudu daƙarfi sabanin shi da zuciyarsa ce tayi rauni sakamakon abubuwa dasuke yi masa barazana kaɗan kaɗan yau da gobe.
Ɗakin ajiyar magunguna na nufa,idan zuciya tana razani tamkar raine dole yana buƙatar abinda zai kwantar masa da hankaline. Wata ƙararrawa na ɗauko wacce ake amfani da ita lokacin yiwa masu fama da tashin hankali ko halin gajiya tausa. Ganyen vanilla da Babunaj na ɗauka sai kuma kasko da man vanillar.
Komawa ɗakin nayi bayan na taho da bayi guda biyu,wanda nasan da biyan tawa buƙatar ne ba lallai su yarda su biyoni ba domin taimakamin,amma dayake yar masu sarautace har ma sun fini sauri.
Shirya duk wani abu danake buƙata nayi har sannan idonta a rufe yake tana jujjuya kai,amma kuma bakaman sanda aka kawota ba.
Turaren na ganyayyakin nafara zubawa a kaskon daddaɗan kamshinsu yafara gauraye wajen a hankali. Masu fifita suka fara,sannan nasaka baiwarta tana yi mata waƙe a hankali na ainihin Ƙabilarsu,wanda akacemin tana yawan saurarensa, nan da nan na maida ɗakin tamkar an so yiwa sairki tausa,saida na tabbatar komai ya saitu kafin na fara shafa mata man a goshinta ina murzawa a hankali Fasihmman duk wani waje danaji jijiyar waje ta tashi kuma ta dunƙule. An ɗauki kaman minti talatin munayi wata nayi mata tausa a sauran gangar jikinta. Inajin wasu na mamakin aikinnawa,yaza'ayi mutum bashida lafiya amma kuma a fara yi masa tausa,sannan ba'a bashi komai yasha ba saidai inda yake kwance akeyiwa hidima. Nima kaina banida tabbacin abinda nakeyi ɗin zayyi,kawai yaƙini ne da kuma neman taimako daga Allah.
Sunkia Madina na zaune a can gefe tana kallonmu,amma wannan mai mayen kallon shi ya fita baya nan.
Cikin ikon Allah dukka jikinta ya saki,bacci yafara ɗaukarta,don su kansu wanda muke aikin dasu har sun fara gyangyanɗi,hayaƙin dayake jagayawa yafara sakasu bacci. A hankali na sallami kowa daga ɗakin sannan na ƙara itacen turaren a ɗakin,da kuma garin hodar saka bacci. Bayan kowa ya fita Babbar matar ce ta ƙirani ɗakin da aka bata domin ta sauƙa.
Shiga nayi tareda samun can ƙasa a gefe na durƙusa ina sunkuyar da kaina.
Ina jin idanuwanta a kaina amma ban É—ago na kalleta ba,duk da cewar sunzo neman taimako wajena amma bazan manta matsayina a garesu ba na baiwa.
"Haƙiƙa salon maganinki ya burgeni,kin cancanci yabaki da akayi min har hakan yasa na ɗauko ƙafafuna nazo gareki,da farko banyi tunanin abubuwan dakikeyi zasuyi ba,ni nakaina nayi mamakin wanda bashi da lafiya mai zai haɗashi da tausa kuma,amma sai gashi cikin ikon Allah jikinta ya sake hankalinta ya kwanta kuma tasamu bacci. Saidai duk da haka ina so naji daga bakinki a wanne mataki take sannan shin ta warke ne idan ta tashi daga baccin kokuma akwai abinda za'a sake?"
"Ahah ranki ya daɗe yanzu bacci jikinta yake buƙata,ta hakanne zuciyarta zata saurara daga watsa jini da takeyi da ƙarfi,idan hakan yacigaba rayuwarta zata shiga cikin hatsari Fasihmman da yakasance ba ita kadai bace. Dan haka zaifi kyau abarta tayi ta bacci harsai jikinta ya huta sosai, kafinnan akwai magunguna da zan haɗa,wanda idan ta tashi zata dunga amfani dashi,sannan a tabbatar an kula wajen kiyaye abinda zai sakata cikin bacin,hakan nada matuƙar haɗari shima"
"Shikenan yarinya Insha'allahu za'a kiyaye,ni nan zan tsaya akan lamarin wajen ganin an kiyaye waɗannan sharuɗɗa harda ta haihu lafiya,mungode sosai yarinya Allah yaƙara miki basira"
"Ameen ranki ya daÉ—e"
Daga haka nayi saurin barin ɗakin,duk da tana kirki daga kallonta amma masu mulkin ne kwata kwata basuda tabbas,yanzu zaka gansu fari ana jimawa zasu rikiɗe zuwa baƙi.
Wajen haɗa magungunan dana ambata zanyi na nufa,rasa mai ma zan haɗa mata nayi,saboda tunda na samu kaina cikin duniyar ilimin lafiya nake haɗuwa da abubuwan da ban taba haɗuwa dashi a baya ba,ko wani wanda yafini ilimi,na ɗauki hakan a matsayin nima nawa ƙalubalen na bangaren neman ilimi.
Tun ɗaxu nake kai kawo a lugun na rasa da wanne zan fara,basirata ta ƙare a sakata bacci danayi,to yanzu idan ta farka mai zanyi mata,mutanennan sun yarda dani yasa suka ƙi neman kowa saini,duk masu maganin dake bangarennan sunyi shuru tareda zuba kunne suka ta inda zan kuskure suyi dariya da tofa albarkacin bakinsu,domin tun ɗazu nakejin ƙusƙus akan hakan.
Iska naji ta bayan kunnena kamar Alamar wani ne ya huramin,kokuma akwai mutum a bayana,da sauri na zabura na waiwaiya. Wannan mutumin nagani na ɗazu,yana min kallon ƙurilla idonsa kaman zai faɗo,in banyi ƙarya bama kaman gani nayi yana lashe baki. Sunkuyar dakai nayi ina ja da baya a hankali. Shima ganin hakan takowa yafarayi yana matsowa a hankali zuwa inda nake . Ban ankara ba saida naji gadon bayana ya mannu da bangon wajen tukunna. Tsoro ne da fargaba sukayiwa zuciyata dirar mikiya a lokaci guda. Yazamana ƙirjina yana sama yana ƙasa a duk lokacin da yaƙara taku zuwa isowa inda nake manne da bango. A haka ban samu damar matsawa bayan razanin danayi har yamatso da jikina,har ƙirjinsa yana gogar tudun nawa ƙirjin,tsikar jikina ne naji ya zuba hakan yasani runtse,babu abinda nake buri a lokacin sai ƙauracewa wannan baƙon lamarin danaji,to amma nasan yin hakan a matsayina na baiwa ga shi mai mulki abune mai matuƙar hatsari amon muryasa naji ya doki dodon kunne na banyi zato ba.
"Kyakyawa ina zaki gudu kijene,bayan nasan kin kula da kallon danake muki na cewar na ƙyasa da wannan ɗanyar surartaki,yanzu bazan yimiki komai ba iya kawai ɗan rage zafi zanyi saboda kin matata tana kwance bana samun komai daga gareta......ina fatan zaki bini cikin masarauta na kawataki da kayan more rayuwa sannan na shayar dake daɗi,wannan bada maganin kwata kwata bai dace da kyakyawar budurwa irinki ba."
Ƙarisa maganar yayi yana kaiwa hannu zai ɗora a ƙirjina,ganin hakan bansan lokacin dana kai hannuna cikin zafin nama ina rike hannunnasa ba. Da mamaki ya ɗago ya kalleni domin bayyi tunanin zanyi hakan ba. Nima ganin ransa yafara baci da hanashi yin abinda yayi niyya yasa na fara jijjiga kai ina marairaice fuska.
"Dan Allah kayi haƙuri ranka yadaɗe,ni banyi kama da irin wanda kake tunani ba,yanzu haka tsaka nake dayin tunanin mafita na matarka wacce batada lafiya,to na roƙeka dan Allah kabarni karka kademin hankali da wani abun daban."
"Matata waye yace ki maida hankalinki gabaɗaya akan matata, kishinta na haukane da yayi yawa yakaita ga halinda take ciki,sannan da kuma ƙaramar zuciya,dan haka karki wahalar da kanki akanta,dan ko kin sha wahala ta tashi tana sake kallon wani abun zata sake komawa,wataƙila ajalinta ne a kusa a haka,kinga idan kika bani haɗin kai ma tunda ina sonki saina maidaki sarauniyar idan nazama sarki,bakisan nine magajin wannan babbar masarautar ba"
Kallonsa nakeyi baki sake yanata zuba tamkar tababbe,anya kuwa kansa É—aya,matarsa da tsohon ciki na wannan halin amma yake waÉ—annan maganganun na ko in kula,kuma a hakan ni ya maidani gara kamar sauran bayin dayake samunsu da wannan kalamannasa sai na yarda dashi?..
Ko kuwa muka farayi dashi a dole sai ya tabani ganin maganganun nasa basuyi tasiri ba, ganin bazaici nasara ba yanda yakeso yasa yaja da baya a fusace tareda kifeni da mari,riƙe wajen nayi ina shashsheƙar kuka,kunnuwana kuma suna cigaba dajin kalmomin ƙasƙancin dayake jifana dasu.
Sake ɗaga hannu yayi zai sake marina,tareda yin iƙirarin sai ya saka dogaransa sun horani,muryasa naji,abinda ban taba kawowa a kaina ba a lokacin.
"Kada ka sake marinta,idan kuma ka ƙara sai kayi nadamar hakan ko kai waye"
Shida baisan waye yayi maganar ba,da mamaki ya sauƙe hannunsa tareda waigawa yaga wanne shafaffe da mai ne a kaff faɗin ƙasar nan yakeda ƙwarin gwiwar cemasa zayyi nadama. Duk da cewar yaga kayan jikin ɗan sarkin amma hakan baisa ya janye maganar dayayi ba,saima takowa dayakeyi zuwa inda muke cikin izza,takama da kuma nuna zallar bacin rai a kan fuskarsa,idan nagani daidai ma harda wani abun daman a kwayar idonnasa wanda na gagara fassarashi.
Version:1.0 StartHTML:0000000156 EndHTML:0000220352 StartFragment:0000000469 EndFragment:0000220344
Tunda yayi maganar idona yake kansa har ya iso inda muke ɗin,mamaki yabani matuƙa ganin bai girgiza ba da ganin dawa yake magana,a lokacin wata a ayar tambayar tawa tasake dasuwa akansa nacewar shi ba bawa bane kamar yanda yake iƙirari,domin bayyi kama dasu ba kwata kwata.
"Kasan ni waye da har kake ƙiramin nadama idan banyi abinda kake so ba?"
"Kai waye banda banzan namiji mai cin mutuncin mata,har kanaso a san kai waye daya wuce wanda ka nunawa kowa?"
Cije baki Yerima Kabeer yayi,domin cin fuskar da Hammar yayi masa kuma yana sanye da kayan da ba ɗan kowa ba,ba ƙaramin cin zuciyarsa yayi ba. Haka shima a bangaren hammar ɗin bacin raine ƙarara a fuskarsa,wanda shi na rasa na menene,ince dai bana cin zarafin dayaga anayimin bane,ko ya manta matsayinmu ne daga ni harshi dazayyi wannan katsalandan ɗin,koshi jarumin namijine amma ai matsayi yafi jarumta. Ganin hakane yasa naja hannunsa da sauri muka bar waje kafin dakarun da suka zo dasu su kulada me akeyi su nufo wajen,wanda nasan bazatayimana kyau ba sam.
Jansa nakeyi baice komai ba har saida muka bar sansanin wajen muka nufi hanyar masauƙinsa. Ganin muna tafe bance komai ba yasa ya fincike hannunsa yanamin kallo kaman zai haɗiye sama don baƙin ciki, mamaki abin yabani amma na haɗiye kana na fara magana cikin ƙasa da murya.
"Kasan kuwa abinda kayi,kasan matsayinsa kuwa,kasan waye ubansa a nahiyar nan zaka bashi umarni,kuma kace idan bayyi ba zayyi nadama. Nasan abinda yayimin bai kyauta ba,amma kar hakan yasa ka dunga manta banbancin matsayinmu da nasu, Fasihmman ma ni gwara kai baƙone mai tafiya,sannan kace ubangida yanaji dakai,tunda gashi har magani akeyi maka tamkar mai ƴan ci,amma nifa ko a yau namutu babu wanda zai rasa komai,kokuma ya cutu akan hakan duk da inason kimata da darajata,amma banasaka a raina cewar zanyi iya kare hakan watarana idan wanda ya mallakeni ya nemi karbar hakan,mai ƴanci ce take da yaƙinin kaiwa martabarta ga mijinta amma ba baiwar da gobe ma za'a iya sayar da ita ba Hammar. Yanzu wannan abun dakayi zaisa yaga tamkar soyayya muke ya tunzurashi ya saye ni ko ya karbeni a hannun wannan makarantar sannan yayi abinda yakeso,kuma yanada ikon yin hakan babu wanda ya isa ya hanashi, to kaga Yanzu bansan wacce irin chakwakiya ka ballo mana ba indai ba Allah ne yayi ikonsa ba. Domin irin waɗannan mutanen idan suka saka idonsu akan abinda zuciyarsu ke muradi to dole sai sun samu"
Duk maganar danakeyi kafeni yayi da ido kawai,batareda ya furta ko kalma É—aya,ganin kaman yana fita hayyacinsa yasa na matsa kusada shi ina girgizashi cikeda damuwa.
"Hammar Hammar dan Allah ahah,idan maganar ce bakaso nayi akan lamarin na daina,amma dan Allah karkajawowa kanka matsala a dalilin hakan"
Sai a lokacin ya numfasa,har sannan wannan abun dayake tafasa a cikin idonsa bai mutu ba.
"Shi kenan wato dan saboda ke baiwa ce,kokuma matsayinmu ba ɗaya dasu ba kina tsoro kada hukuntaki sai hakan yasa duk abinda suka buƙata ki basu,koda kuwa hakan shine kaɗai ke abinda kika mallaka yake naki? Kenan kema kinason hakan tunda kika tsaya batareda kin gudu ba yanayi miki yanda yaga dama. Kikace wai yanada ƙarfin dazai mallakeki koh,kuma yayi abinda yaga dama. To shikenan ga wajennan yasamu hakan yayi yanda yakeso,kema kuma yabaki abinda kikeson."
Sake baki nayi ina kallonsa har ya wuce fuu kaman zaki yabar wajen,binsa nayi da ido har ya shige ɗakin ya bugo ƙofar katakon kafin na ƙifta,gabaɗaya gani nake tamkar a mafarki,dama haka yake bantaba kallonsa koda wasa yayi irin wannan fushin ba.
"Ransa yabaci matuƙa tunda kikaga yagaza cewa komai,domin ko yaushe idan ransa yabaci haka yakeyi ya kulle kansa a ɗaki,kokuma yayi ta karatu da bincike yaƙi bawa ƙwaƙwalwarsa daman yin tunani akai. Tun da hantsi da muka dawo ya tarar bakyanan kuma takardu duk a warwatse hankalinsa ya tashi,domin bai san meyasa kika tafi ba har kika bar wajen haka,abinda baki saba yi ba. Hakan yasa yaƙi zama ya nutsu,ko abincin baici ba yana ta nemanki a duk inda yasan sai sameki,zuwansa wajenne ko nace da mukaje ya tarar dake wancan mutumin yasaka kansa a wuyan ki ke kuma kina tsaye,ransa ya baci matuƙa,da farko bazai yi magana ba domin yayi zaton da son ranki,amma ganin ya zabga miki mari yasa ys ƙarisa wajen da sauri har yafaɗi abinda yafaɗa."
Jikina ne yaƙara yin sanyi, tunanin danake ciki na taimakon marar lafiyan can yasa na manta da zai nemeni,domin tare muke cin abin,duk da ba kwano ɗaya ba amma yana gefe yana ci nima ina cin nawa,idan mungama anyi sallah mu tafi Lambu. Koda safe yakalli banzo da wuri ba sai yazo yaji ko lafiya.
Hanyar ƙofar daya bugo ɗin na nufa,abubuwa da dama dasuka faru tsakaninmu a ɗan zaman da mukayi suna dawomin a raina. Tura ƙofar nayi a hankali naji shuru,hakan yasa na saka ƙarfina na tura,wanda hakan yasa ƙofar ta wangale da ƙarfi, yana zaune a gaban ƙaramin teburin karatu,kaman yanda Fasih ya faɗamin. Nakai daƙiƙa uku a tsaye ina kallonsa amma ko kaɗan bai ɗago ya kalleni ba,kamar baisan da wata halitta a wajen ba. Ganin da gaske bazai kulani ba yasa na fara takawa a hankali cikin sanyo jiki zuwa inda yake. Bayan na isa numfasawa nayi kafin na tsugunna a gabansa saitin fuskarmu yana tsayi guda,duk da haka bai ɗaga ido ya kalleni ba,sai karatu dayake yi idonsa akan littafin,nasan ba komai yake karantawa ba,koma yana karatun bai zama lallai yagane mai yake ciki ba.
"Hammar! Hammar dan Allah ka kalleni kayimin magana,fushinka yana saka zuciya ta yin nauyi,wlh ba abinda kake tunani bane,ko kaÉ—an taya zan amince da abinda yakemin,sanin kanka ne ba haka nake ba,kawai akwai fifikon matsayi a lamarin wanda babu yanda na iya a ciki"
Har sannan bayyi magana ba,har na cire rai dazai kulani sai kuma naga ya É—ago idanuwansa ya zubemin,godiya ga Allah nayi ganin tafasar da sukeyi É—azu babu sun lafa.
(Hammar)
Ɗaga ido nayi na kalli ƙananun labbanta wanda suke furta kowanne harafi na sunana daidai yanda ya dace,idan ba a cikin shauƙi nake ba da sainace ban taba sauraren wanda ya furta suna na daidai ba irinta,a lokacin data shigo ɗakin zuciyata tafasa takeyi tamkar zata tsaga cikin ƙirjina ta fito,amma sautin muryarta daya ambaci sunana yana dukan dodon kunnena na nemi duk wani yanayi danake ciki narasa. Tabbas abinda yafaru ba laifinta bane,amma bacin rai da abinda nakeji yahana na kalli hakan. Tunda na shigo kallon littafi kawai nake,amma zuciyata ƙunshe take da tunanin neman mafita saboda kar wannan lamarin yasake faruwa,gani nake idan ya faru bazan iya jurewa ba. Bakomai ne yake rururi a cikin kunnena ba sai furucinta na karshe,wanda take cewa ita baiwa ce,zai iya siyanta sannan yayi yanda yaga dama da ita,saboda shi mai mulkine kuma mai iko. Idan hakan tafaru kenan dukkan wasu mafarkai datake ƙokarin cimma sun rushe kenan, har yanzu ban yarda abinda nakeji a gameda ita so bane,gani nake tamkar tausayinta nakeji, sannan kasancewar ban saba kallon baiwa mai ƙoƙarin cimma manufofi irinta ba da kuma ɗauke da ɗumbin baiwa sai hakan yafara burgeni nakejin tana bani sha'awa saboda yanda take tafiyar da lammuranta. Idan kuwa hakane bazan taba barin wancan sokon ya durƙushe wannan jaririyar fulawar ba wacce take ƙoƙarin wajen ganin tazama ɗa wanda za'a ci kuma a amfana.......
"Tunanin mai kakeyi ne Hammar lafiyanka tun ɗazu ka ƙuramin ido baka ko ƙiftawa sosai,kodai ciwonne kai ka faɗamin baka jin daɗi ne?"
Jijjiga mata kai nayi tareda sake mata guntun murmushi,gaba ɗaya fuskartata dariya take bani,kuma yana min daɗin sosai idan naga damuwa ƙarara a fuskarta na nuna kulawa akaina,sai ta dunga yin tamkar uwa taga ɗanta a halin rashin lafiya. Gabaɗaya ƙyaƙyƙyawar zuciyarta bata dace data marar ƴan ci ba,wacce za'a dunga cutarwa a kodayaushe,ta dacene da zama sarauniya kuma jagora ga ɗumbin al'umma,to amma taya hakan zai yiwu,kaman kiyashi ɗayane yace zai ɗaga damin kara,koda nafara saka sha'awar yiwuwar hakan nasan bazai taba yiwuwa ba,saidai in wani tsananin ikon Allahn. Hannunta na naji akan ƙirjina da kuma wannan sanyin dayake kaimin ziyara a duk lokacin dana saka hannunta a ƙirjina shi nasake ji wannan karon. Bansan lokacin dana lumshe ido ba inajin nutsuwa a cikin zuciyata.
"Hammar wai lafiyanka kuwa,idan bakada lafiya dan Allah ka sanar dani kaji,wai tukunna ma ko maganinka ya ƙare kai,idan yaƙare ka faɗamin,zuciyarka har yanzu da rauni a cikinta"
Buɗe idona nayi tareda zare hannunta akan ƙirjina,tunawa da nayi ita ɗin ba baiwata bace dan haka bata ƙarƙashin ikon mallakata,idan ita a matsayin mai Jinya take tabani ni bai kamata nabari hakan yana faruwa ba tunda na san bana cikin halin ciwo a yanzun.
"Ni lafiyata ƙalau babu abinda yasameni,sannan ki daina wannan bada haƙurin haka ya wuce,amma karki sake bari hakan tasake faruwa,kiyi koƙarin wajen bin duk wata hanya da zaki ga baku haɗu ba,harsu gama abinda zasuyi su tafi"
"ÆŠaga kai tayi tana share É—an guntun hawayen daya taru a idonta, lokaci É—aya kuma hankalin ya tafi kan littafin dayake gabana,uhmm wai wannan ina zata jene da neman sani,idan taga littafi kamar takalli gasasshiyar kaza.
Can kuma kaman an tsikare ta ta É—ago ido takalleni,wannan kallon tayimin wanda nasaba ganinsa idan zata nemi wani abu a wajena ko kuma tanason nayi abinda banyi niyya ba.
"Hammar, Yah hammarrrr!!"
Juya ido nayi cikeda nuna tafaÉ—i kawai mai take so,murmushi tayi wanda yasaka gefen kumatunta lotsawa,kuma hakan yasa na kasa É—auke idona daga kai.
"Uhm nace ba,dan Allah wani littafi nake nema,kuma yana sashen babban ɗakin karatu,shine nake neman taimakonka dan Allah,yaƙunshi abinda yashafi ilimin jijiyoyin jikin ɗan adam,to ina ganin baxan rasa samun abinda nake nema ba,kaga kaima zai maka amfani idan na samu"
"Kedai faɗi kanki tsaye kice matar wancan mutumin daya gama ci miki mutunci zaki taimaka,ai naji labarin inda kika je nake ta nemanki. Wani lokaci saina kasa gane anya da akwai zuciya ma a ƙirjinki,duk inda ba'a ganin darajarki kinfi shiga wajen da alama"
Wani murmushi tayi wanda duk mai yinsa to yagaza samun kalmar dazayyi maka amfani da ita wajen faÉ—in bazaka gane halinda yake ciki ba.
"Akwai zuciya a ƙirjina Hammar,zuciyar da take jin zafin kasancewarta a ruwan rijiya maimakon na kogi,idan tana son cika muradinta kuwa na shiga ruwan kogi to ya zame mata tilas karta damu da duk wani yanka da ƙarfen guga yakeyi mata,ko yaushe idan taga an zuro dole take kanta ta jure duk wani yanka,da haka har tayi Sa'ar samun mai ɗagata ya fiddata"
Hmmm joda badai magana ba,maimakon ta faÉ—amin dalilinta kai tsaye shine ta tsaya bani wani labarin guga da rijiya da kogi,wato dan dole na sarara mata,nasan idan nace ban gane ba tsaf gaba zata kawomin labarin kwaÉ—o da maciji ma.
"Shikenan to naji zabiya mai iya magana,da daddare zanje wajen Shugaban makarantar zamuyi magana dashi,inyaso saiki bimu idan mukaje zan rokeshi alfarmar zaki shiga É—akin karatu,saiki duba abinda zaki duba kafin mu taho"
Wani farinciki ne ya bayyana a fuskarta,lokaci ɗaya kuwa tafara jijjiga kai tana dariya tareda jeromin godiya da neman ƙarin lafiya,na saba hakan takeyi a duk lokacin danayi mata wani abun farinciki. Nasaba kallon mutane suna yimin godiya da nuna farinciki idan nayi musu abu,amma ban taba ganin wanda yayi godiyar domin Allah ba irinta. A haka ta cigaba dayin wasu abubuwan ina shagala da kallonta har lokaci yaja bansani ba.
Tun kafin ayi sallahr isha na tsinkayo muryarta suna magana da Fasih,nasan bazai wuce tazo da wurine kar mu tafi babu ita, ban fita wajen ba ina nan zaune akan Buzu ina wuridi saidai ɗayan kunnena yana waje inda nake jiyo muryarta. Ni kaɗai ina murmushi kamar tababbe,Joda akwai surutu,bakinta ko kaɗan baya gajiya idan ta zauna wajen yiwa mutum bayani abubuwan dayake jagaye dashi. Sannan bayaninnata akwai kama zuciya, saikaji tamkar wata ƙugiya akan harshenta ta kama ranka ka shagalta da jin bayaninnata. Nasan nima ba komai ne yakama raina gareta ba illah hakan. Tunda nake ban taba fita daga nahiyarmu da niyyar wani abu ba bayan yaƙi. Lokacin da labarin tafiyar ya riskeni ji nayi akam an jefamin wani ƙaton dutse akan fuskata, Saboda ɗauka da nake me zan gani wani waje wanda zai ja hankali na bayan wanda nake zagaye dashi nake kallo. Ni mutum ne da bai yarda da kowaba sai tsirarun mutane,ban taba sanin bayi wasu cikakkun mutane bane masu hankali ta har za'a samu wanda zai ɗau hankalina a cikinsu. Haƙiƙa yanzu na yarda ɗan adam yana sauyawa idan ya sanja waje. Domin gashi nagani a kan kaina,na tabbata idan aka nunawa Joda yanda nake a zahirin asalina bazata taba cewa mutum ɗaya bane.